الدراسة والاطلاع قبل وبعد التخرج !

[c o d e]

ريحة بروجكتات ومشاريع اهني ..

يصير خاطري ببروجكت اشتغل عليه

تنويه :
هذا الرد كتب في موضوع الحالة النفسية في القسم العام
وﻷنه صار فيه مناقشات تم تنقله الى هذا القسم .
كل التوفيق للجميع
C o d e

 

[وردة البحر]

نفس شعور كود
خاطري اكرف واسوي شي مفيد

 

[قمَر]

التخرج ما يعني توقف الدراسة والكرف على قولتكم
أستغرب إن أكثر المتخرجين يقولون خاطرنا نكرف ومادري وي
أعتقد إن عندكم حرية أكثر أنكم تقرأون الشي اللي تبونه وتدرسون اللي تبونه
فليش ما تحاولون تدرسون وتسوون بحوث منكم ومن نفسكم ولنفسكم

 

[وردة البحر]

التخرج ما يعني توقف الدراسة والكرف على قولتكم
أستغرب إن أكثر المتخرجين يقولون خاطرنا نكرف ومادري وي
أعتقد إن عندكم حرية أكثر أنكم تقرأون الشي اللي تبونه وتدرسون اللي تبونه
فليش ما تحاولون تدرسون وتسوون بحوث منكم ومن نفسكم ولنفسكم

اتفق وياج في هالنقطة
بس الكرف والقراءة في الجامعة يختلف عن عقب التخرج، هذا رايي الشخصي طبعا مادري اذا المتخرجين كلهم يحسوون بهالشي او لا
في الجامعة تحسين ان الدراسة تحدي وفيها متعة بس تحصلين الدرجة اللي تبينها عقب تعب الكرف ، بس القراءة عقب التخرج فقط لزيادة المعلومات ، وهالشي اكيد ايجابي مو سلبي بس بدون متعة يعني ما تحسين ان سويتين انجاز

انا قرأت كتب وروايات بس ما حسيت بالوناسة مالت الدراسة

 

[الفـيـلـسـوف]

اتفق وياج في هالنقطة
بس الكرف والقراءة في الجامعة يختلف عن عقب التخرج، هذا رايي الشخصي طبعا مادري اذا المتخرجين كلهم يحسوون بهالشي او لا
في الجامعة تحسين ان الدراسة تحدي وفيها متعة بس تحصلين الدرجة اللي تبينها عقب تعب الكرف ، بس القراءة عقب التخرج فقط لزيادة المعلومات ، وهالشي اكيد ايجابي مو سلبي بس بدون متعة يعني ما تحسين ان سويتين انجاز

أنا أختلف إياش ، و أتفق على كلام قمر من ألف إلى ياء
المفروض أحنا ندرس العلم لأجل ذاته مو لأجل الشهادة و الدرجات
دراسة العلم لأجل أن أتعلم فيه لذة خاصة تفوق من أي لذة دنيوية - و أيضًا فيه متعة -
التحدي أنك تدرس علم جديد دراسة ذاتية بروحك وتفهمه و تتعمق فيه بدون ما يجي لك مدرس يلقي عليك الدرس
هنيئًا من حصل على هذه اللذة

 

[وردة البحر]

أنا أختلف إياش ، و أتفق على كلام قمر من ألف إلى ياء
المفروض أحنا ندرس العلم لأجل ذاته مو لأجل الشهادة و الدرجات
دراسة العلم لأجل أن أتعلم فيه لذة خاصة تفوق من أي لذة دنيوية - و أيضًا فيه متعة -
التحدي أنك تدرس علم جديد دراسة ذاتية بروحك وتفهمه و تتعمق فيه بدون ما يجي لك مدرس يلقي عليك الدرس
هنيئًا من حصل على هذه اللذة

اعرف هالشي وادري ان لازم ندرس الشي عشان نتعلم منه اشياء جديدة بس اللي اقصده ان في الجامعة في شي محفز ، شي يخليك تقعد كل يوم وانت حاط هدف في بالك ان تسويه >> مشكلتي ما اعرف اوصل الفكرة

اللي اقصده ان الحياة بدون هدف ابدا مو حلوة، حتى لو قرأت في اليوم اكثر من ١٠ كتب وعرفت معلومات جديدة وتعلمت بتحس بالملل

اقول هالشي عن تجربة ، انا تخرجت شهر ٦ وقعدت ٣ شهور في البيت وقرأت كتب وتعلمت اشياء جديدة عن تخصصي الجميل بس بعد كنت اتملل ، ف قررت ادرس ماستر عشان استغل الوقت واسوي شي مفيد ملموس ( يعني مثل ما يقولون نضرب عصفورين بحجر واحد ، نستفيد من المعلومات الجديدة وناخذ الشهادة العليا )
على كل حال ، الاختلاف بالراي لا يفسد للود قضية

 

[الفـيـلـسـوف]

اعرف هالشي وادري ان لازم ندرس الشي عشان نتعلم منه اشياء جديدة بس اللي اقصده ان في الجامعة في شي محفز ، شي يخليك تقعد كل يوم وانت حاط هدف في بالك ان تسويه >> مشكلتي ما اعرف اوصل الفكرة

اللي اقصده ان الحياة بدون هدف ابدا مو حلوة، حتى لو قرأت في اليوم اكثر من ١٠ كتب وعرفت معلومات جديدة وتعلمت بتحس بالملل

اقول هالشي عن تجربة ، انا تخرجت شهر ٦ وقعدت ٣ شهور في البيت وقرأت كتب وتعلمت اشياء جديدة عن تخصصي الجميل بس بعد كنت اتملل ، ف قررت ادرس ماستر عشان استغل الوقت واسوي شي مفيد ملموس ( يعني مثل ما يقولون نضرب عصفورين بحجر واحد ، نستفيد من المعلومات الجديدة وناخذ الشهادة العليا )
على كل حال ، الاختلاف بالراي لا يفسد للود قضية

غيري نوعية الكتب اللي تقرأينها ، جربي تقرأين كتب دينية ، مهم جدًا أنش تعرفين دينش و عقيدتش بشكلِ صحيح

 

[مارد المصباح]

غيري نوعية الكتب اللي تقرأينها ، جربي تقرأين كتب دينية ، مهم جدًا أنش تعرفين دينش و عقيدتش بشكلِ صحيح

الفكرة خوك مو في كتب تخص تخصص البيولوجي او كتب دينية !
القصد انك لما تقعد يوميا الصبح عشان تروح تداوم حتى تلحق على المحاضرة ...
لما تقعد قبل الامتحانات وتدرس وانت تطالع الساعة عشان تخلص المحتوى قبل الامتحان ..
لما تقدم امتحان في هالمعلومات الا عرفتها وتعلمتها ..
لما تقعد تحاتي وانت تنتظر نتيجتك في هالمادة ...


هذه الامور تفتقرها في القراءة الاعتيادية لان ما في شيء يجبرني اقعد من الصبح عشان اقراها .. ولا شيء يجبرني اخلص هلقد صفحة اليوم .. ولا بجي احد يمتحني فيها .. ولا بستلم شهادة تبين للناس اني اتقن هذا النوع من العلم

يعني الفكرة بالمختصر اشبه بالتحدي في الدراسة .. شيء يخليك تحس بالمنافسة وتسعى للتقدم والتطور والتفوق .. بس في الاطلاع العام ما تحس بهالشيء


ان شاء الله اكون قدرت اوصل لك الفكرة الا تقصدها @وردة البحر

 

[وردة البحر]

الفكرة خوك مو في كتب تخص تخصص البيولوجي او كتب دينية !
القصد انك لما تقعد يوميا الصبح عشان تروح تداوم حتى تلحق على المحاضرة ...
لما تقعد قبل الامتحانات وتدرس وانت تطالع الساعة عشان تخلص المحتوى قبل الامتحان ..
لما تقدم امتحان في هالمعلومات الا عرفتها وتعلمتها ..
لما تقعد تحاتي وانت تنتظر نتيجتك في هالمادة ...


هذه الامور تفتقرها في القراءة الاعتيادية لان ما في شيء يجبرني اقعد من الصبح عشان اقراها .. ولا شيء يجبرني اخلص هلقد صفحة اليوم .. ولا بجي احد يمتحني فيها .. ولا بستلم شهادة تبين للناس اني اتقن هذا النوع من العلم

يعني الفكرة بالمختصر اشبه بالتحدي في الدراسة .. شيء يخليك تحس بالمنافسة وتسعى للتقدم والتطور والتفوق .. بس في الاطلاع العام ما تحس بهالشيء


ان شاء الله اكون قدرت اوصل لك الفكرة الا تقصدها @وردة البحر

سوبر لايك
هذا اللي قصدته @الفـيـلـسـوف

 

[قمَر]

اتفق وياج في هالنقطة
بس الكرف والقراءة في الجامعة يختلف عن عقب التخرج، هذا رايي الشخصي طبعا مادري اذا المتخرجين كلهم يحسوون بهالشي او لا
في الجامعة تحسين ان الدراسة تحدي وفيها متعة بس تحصلين الدرجة اللي تبينها عقب تعب الكرف ، بس القراءة عقب التخرج فقط لزيادة المعلومات ، وهالشي اكيد ايجابي مو سلبي بس بدون متعة يعني ما تحسين ان سويتين انجاز

انا قرأت كتب وروايات بس ما حسيت بالوناسة مالت الدراسة

بغض النظر عن التعليقات اللي علقوها الجماعة
@مارد المصباح @الفـيـلـسـوف

أني اللي أشوفه إن الجامعة تعطينا نقطة من العلم
مادري عن طبيعة تخصصش شلون بالضبط
بس مثلًا:
- أحنا ندرس نحو
- ندرس الصرف
- ندرس البلاغة
- ندرس عروض
- ندرس الشعر
- ندرس النقد
والكثير الكثير من الأشياء
ولكن في كل هذي المقررات
أحنا ما ندرس كل شي يتعلق بها
إنما هم يعطونا مفتاح الدخول لهذا القسم من اللغة
يعني ندرس جزء منها
لذلك أني أحس لما أتخرج ما بكون متشبعة من هذي العلوم
وبكون عندي فضول وشغف لاستكشاف المزيد فيها
ونفس الشي بالنسبة للتحدي..
أني أتحدى نفسي
التحدي مو مجرد درجة أحصل عليها
التحدي إني أحتفظ بالمعلومة، وأستفيد منها، وأستغلها في حياتي، وأوظفها

طبعًا هذي مجرد وجهة نظر
وأتمنى إن فكرتي وضحت بشكل أفضل..
وعلى قولتهم: الاختلاف في الرأي لا يفسد للود قضية
وبالتوفيق للجميع : )

 

[مارد المصباح]

الدراسة الحقيقة جذي مخ مو شهادة و امتحانات و a هذي كلها اشيا ظاهرية مؤقتة لكن الي يبقى ف الأخير هو العقل و شنو الشخص استفاد من دراسته
و فعلا الدراسة الذاتية تنجب عقل مجربة هالشي ، لو اسجل حتي عند احسن الدكاترة مجرد كراحة نفسية و طمأنينية و الا ب الاساس ما احضر ولا اركز وياهم ادرس كلشي بروحي و افهم
الطالب بحد ذاته و خصوصا اذا وصل لمرحلة ثثانوية او جامعية ما احسه يحتاج لدكتور واو و شرح و هرار ، اني هذي وجهة نظري الشخصية و طريقة تفكيري و حياتي و الي اشوفه، حتي ع سبيل المثال، الماث، حتي لو الدكاترة يشرحون و لازم دكتور واو، ف الاخير احس المادة عليك مهما كانت انت بنفسك و انت تدرس بتحلل و بتستنج و بتفهم و بتعرف هذا اشلون و هذا اشلون منك و من نفسك ، يعني ما احس الانسان عقله غبي مايفهم الا اذا جي احد بلبل ع راسه، ممكن بعض النقاط اشيا بسيطة تحتاج لتوضيح

ذكرتني بخوي اذا يكلمني دايما يقولي لو يرجع الزمن ما اهتميت لشهادة و الدرجات و المعدل، و درست كلشي ذاتي و فهمت و صار عندي عقل و تطلعت و قريت و تثقفت و فهمت كلشي

لكن وين العبرة? ف الي فعلا يستفيد من تجارب غيره و يفهم

ما اعتقد @وردة البحر تقصد ان الدراسة هي مجرد اجتياز المواد بدون ما يتوسع افقها وتفكيرها !
*******

شمعنى عند احسن دكتور تحسين بالراحة والطمانينة ومع باقي الدكاترة تفتقرين لهذا الشيء ؟
معناتها في سبب معين في اعماق عقلش يدفعش للاحساس بالراحة مع الدكتور الممتاز ! ويبدي شعور القلق مثلا مع الدكتور السيء

طبعا في النهاية شيء طبيعي ان المادة بتكون على الطالب لان هو الا راح يُمتحن فيها مو الدكتور
ولكن المقصود ان الدكتور الا يعرف يشرح يقدر يخليني استوعب كل الافكار باقل جهد وفي اقل فترة زمنية ممكنة مع ترسيخ هالمعلومة في ذهني

بينما الدراسة الذاتية او مع الدكتور السيء ،راح تتطلب مني وقت طويل حتى استوعب الفكرة العامة للدرس وافكار المقرر نفسه ...
راح احتاج وقت على ما اعرف شنو الاختلاف بين الحالتين ومتى نطبق هالاختلاف >>لما مثلا في حالة X استخدم قانون A وفي حالة Y استخدم قانون Z

في احتمال اني فهمت الفكرة بشكل مغلوط ! ربطت عنصرين متغيريين بين حالة X و Y واعتقدت انهم سبب التغير في القانون

طبعا فضلا عن امكانية الدكتور على اجابتي عن مجموعة تساؤلات تخليني اقتنع بفكرة المقرر واساسياته وربط الدرس بالحياة العملية ونصايح لاكثر الاغلاط شيوعا بين الطلاب ووو ..الخ

*******
في الزمن الحالي الشهادة بمثابة سلاح ! واذا هالسلاح المعترف فيه ما كان متوفر عندك قد تخسر فرص عمل بسببه ،وقد تحصل راتب اقل من اللي تستحقه ..
فالشهادة ما اعتقد انها شيء بسيط او ما منه فايدة !!
​

 

[qassoomy]

حي الله مس كود
ضمينا مع المشتاقين

 

[إيقاع]

بغض النظر عن محتوى الردود.. وحدة من المواد - خاصة وإن عليي كويز فيها باجر - جت في بالي، بمجرد قراءة العنوان؛ لذلك ردي بكون مرتبط بالعنوان وليس الردود.

أحيانا الدراسة الجامعية تكون ولا شي.. فعلا ولا شي. هذي المادة أكبر مثال؛ في الاسم وفي المحتوى المخطط له، طالب الفيزياء يحتاج لهذه المادة. لكن واقعا؟ لا مصدر دراسة عدل ليها - الكتاب المقرر لا يودي ولا يجيب -، لا دكتور يقدم شي للطالب، ما في أي إيجابية في تضييع وقت الطالب فيها وفي محاضراتها - قياسا بالوضع الحالي، أي قد يتغير الأمر في الفصول القادمة -.

انزين خلنا نطوفها وبس خلاص؟
ما يصييير.. توني أقول طالب التخصص يحتاجها.

إذن ثمة اتجاهين.. طالب بيدرسها جامعيا وبعديها، وطالب بيدرسها وبيطلع فيها ذاتيا وبقوي نفسه بنفسه وبسد النقص.


عن نفسي؟ مادري والله ما قاعد أسلك ولا واحد من الاتجاهين المذكورين وقاعدة أرتكب خطأ عموما.. بس منطقيا؟ المنطق يقول الاتجاه الثاني هو الصحيح.

 

[c o d e]

بسم الله !
اني متى جيت كتبت موضوع اهني

 

[مارد المصباح]

بسم الله !
اني متى جيت كتبت موضوع اهني

انتين مجرد كتبتين رد في موضوع تفضل وبح بحالتك النفسية وبناء عليه صارت ردود نقاشية .. فقلت الافضل نجمع الردود وننقلهم الى قسم النقاشات

شكلش انتين في صوب والنقاشات في صوب ​

 

[Jouan7]

التخرج ما يعني توقف الدراسة والكرف على قولتكم
أستغرب إن أكثر المتخرجين يقولون خاطرنا نكرف ومادري وي
أعتقد إن عندكم حرية أكثر أنكم تقرأون الشي اللي تبونه وتدرسون اللي تبونه
فليش ما تحاولون تدرسون وتسوون بحوث منكم ومن نفسكم ولنفسكم

+1000
خيابه عفر ,,
الا يبون يلزمون نفسهم بدكتور و درجات
يمكن نفس بعض الناس حزة الضغط الشغل الحلو يطلع

 

[yagmur]

هههههه ما شاء الله عليكم ، احب المجتهدين
انه جدا بعيده عن الاجتهاد
ماحب ادرس ... احب اقرا و ادرس اللي ابيه بس مو اللي ادرسه ف محتوى الجامعه .

 

[المهندس عبدالله]

هههههه ما شاء الله عليكم ، احب المجتهدين
انه جدا بعيده عن الاجتهاد
ماحب ادرس ... احب اقرا و ادرس اللي ابيه بس مو اللي ادرسه ف محتوى الجامعه .

 

[وردة البحر]

ما اعتقد @وردة البحر تقصد ان الدراسة هي مجرد اجتياز المواد بدون ما يتوسع افقها وتفكيرها !
*******

شمعنى عند احسن دكتور تحسين بالراحة والطمانينة ومع باقي الدكاترة تفتقرين لهذا الشيء ؟
معناتها في سبب معين في اعماق عقلش يدفعش للاحساس بالراحة مع الدكتور الممتاز ! ويبدي شعور القلق مثلا مع الدكتور السيء

طبعا في النهاية شيء طبيعي ان المادة بتكون على الطالب لان هو الا راح يُمتحن فيها مو الدكتور
ولكن المقصود ان الدكتور الا يعرف يشرح يقدر يخليني استوعب كل الافكار باقل جهد وفي اقل فترة زمنية ممكنة مع ترسيخ هالمعلومة في ذهني

بينما الدراسة الذاتية او مع الدكتور السيء ،راح تتطلب مني وقت طويل حتى استوعب الفكرة العامة للدرس وافكار المقرر نفسه ...
راح احتاج وقت على ما اعرف شنو الاختلاف بين الحالتين ومتى نطبق هالاختلاف >>لما مثلا في حالة X استخدم قانون A وفي حالة Y استخدم قانون Z

في احتمال اني فهمت الفكرة بشكل مغلوط ! ربطت عنصرين متغيريين بين حالة X و Y واعتقدت انهم سبب التغير في القانون

طبعا فضلا عن امكانية الدكتور على اجابتي عن مجموعة تساؤلات تخليني اقتنع بفكرة المقرر واساسياته وربط الدرس بالحياة العملية ونصايح لاكثر الاغلاط شيوعا بين الطلاب ووو ..الخ

*******
في الزمن الحالي الشهادة بمثابة سلاح ! واذا هالسلاح المعترف فيه ما كان متوفر عندك قد تخسر فرص عمل بسببه ،وقد تحصل راتب اقل من اللي تستحقه ..
فالشهادة ما اعتقد انها شيء بسيط او ما منه فايدة !!
​

بالضبط .. ما قصدت جذي
بالعكس اصلا انا من الناس اللي احب اتعلم معلومات جديدة وافهم الاشياء اللي كان عندي فيها لبس او اشكال ، في مقرر كنت اكرهه وما استوعبه كلش عن الجينات والوراثة وعقب ما تخرجت قرأت وتوسعت في هالمجال وفهمت اشياء ما كنت فاهمتنها ايام الجامعة

شي طبيعي ان نختار الدكتور الاحسن ، الدكتور الزين يساعدنا بنسبة كبيرة جداً بفهم المقرر واستيعابه وممكن تختصر على روحك وقت كبير اثناء الدراسة لانك اساسا بتكون فاهم الموضوع وما بتضيع وقتك على اشياء كان من الممكن انك تفهمها في المحاضرة مع الدكتور الافضل خاصة اذا كانت المادة علمية اما اذا كانت مادة حفظ نفس الهستوري احس هني ان وجود الدكتور وعدمه واحد اللهم بس عشان نعرف شنو المطلوب والمحذوف.

 

[نجمة تشرين]

التخرج ما يعني توقف الدراسة والكرف على قولتكم
أستغرب إن أكثر المتخرجين يقولون خاطرنا نكرف ومادري وي
أعتقد إن عندكم حرية أكثر أنكم تقرأون الشي اللي تبونه وتدرسون اللي تبونه
فليش ما تحاولون تدرسون وتسوون بحوث منكم ومن نفسكم ولنفسكم

اصلا الشغل هو مشروعات و بحوث
بس الشي الا ما وراه درجات دكتور و قلق نهاية الترم
بغض النظر عن الضمير الاجتماعي و اتقان العمل

احنا نفتقد اجواء الاكشن هذي و انتظار جم جبت من عشره