المستحبات والعادات والتقاليد للزواج..

[قمَر]

السلام عليكم ورحمة الله وبركاته
شخباركم؟؟

ما بطول عليكم بالمقدمات
كل ما في الموضوع إن عندي شوية تساؤلات
وأتمنى تساعدوني باللي تعرفونه

أول شغلة..
أني أعرف إن في أعمال مستحب القيام بها من قبل الزوجين في ليلة الزواج
ولكني ما أعرفها كلها..
لذلك سؤالي هو:
وش هي هذي الأعمال بالضبط؟

ثاني شغلة..
وش هي الشغلات اللي عادة الناس يسوونها في الجلوة؟؟
يعني مثلًا معروف إن يجيبون 7 مشامر بألوان مختلفة
وأشوف بعد يحطون في إيد العروس شمعتين
فيا أهل الخبرة ساعدوني بالذي تعرفون
محتاجة أفكار متنوعة وحليوة

وشكرًا مقدمًا

 

[حلم أنثى]

عندي تساولات مثلج
تماااامااا
واتظر اجابات

 

[حلم أنثى]

اختي وجدت لش القليل
تفضلي
من مكتب السيد السيستاني


السؤال: هل هناك صلاة او ذكر عند الزواج ؟
الجواب: يستحب عند ارادة التزويج صلاة ركعتين والدعاء بالمأثور وهو: (اللهم اني اريد ان اتزوج فقدّر لي من النساء اعفهن فرجاً، واحفظهن لي في نفسها وفي مالي، واوسعهن رزقاً، واعظمهن بركة) ويستحب الاشهاد على العقد والاعلان به والخطبة امامه، واكملها ما اشتمل على التحميد والصلاة على النبي صلى الله عليه وآله وسلم والائمة المعصومين عليهم السلام والشهادتين والوصية بالتقوى والدعاء للزوجين، ويجزي: الحمد لله والصلاة على محمد وآله.
ويكره ايقاع العقد والقمر في برج العقرب، وايقاعه في محاق الشهر. ​

 

[حلم أنثى]

السؤال: هل هناك من مستحبات في الزفاف ؟
الجواب: يستحب ان يكون الزفاف ليلاً والوليمة قبله أو بعده، وصلاة ركعتين عند الدخول، وان يكونا على طهر، والدعاء بالمأثور بعد ان يضع يده على ناصيتها وهو: «اللهم على كتابك تزوجتها، وفي أمانتك أخذتها، وبكلماتك استحللت فرجها فإن قضيت لي في رحمها شيئاً فاجعله مسلماً سوياً ولا تجعله شرك الشيطان» وأمرُها بمثله، ويسأل الله تعالى الولد الذكر.​

 

[قمَر]

اختي وجدت لش القليل
تفضلي
من مكتب السيد السيستاني


السؤال: هل هناك صلاة او ذكر عند الزواج ؟
الجواب: يستحب عند ارادة التزويج صلاة ركعتين والدعاء بالمأثور وهو: (اللهم اني اريد ان اتزوج فقدّر لي من النساء اعفهن فرجاً، واحفظهن لي في نفسها وفي مالي، واوسعهن رزقاً، واعظمهن بركة) ويستحب الاشهاد على العقد والاعلان به والخطبة امامه، واكملها ما اشتمل على التحميد والصلاة على النبي صلى الله عليه وآله وسلم والائمة المعصومين عليهم السلام والشهادتين والوصية بالتقوى والدعاء للزوجين، ويجزي: الحمد لله والصلاة على محمد وآله.
ويكره ايقاع العقد والقمر في برج العقرب، وايقاعه في محاق الشهر. ​

مشكورة خيو بس أني أسأل عن مال زواج مو عقد

السؤال: هل هناك من مستحبات في الزفاف ؟
الجواب: يستحب ان يكون الزفاف ليلاً والوليمة قبله أو بعده، وصلاة ركعتين عند الدخول، وان يكونا على طهر، والدعاء بالمأثور بعد ان يضع يده على ناصيتها وهو: «اللهم على كتابك تزوجتها، وفي أمانتك أخذتها، وبكلماتك استحللت فرجها فإن قضيت لي في رحمها شيئاً فاجعله مسلماً سوياً ولا تجعله شرك الشيطان» وأمرُها بمثله، ويسأل الله تعالى الولد الذكر.​

أعتقد هذا حق زواج، شكرًا

 

[حلم أنثى]

مشكورة خيو بس أني أسأل عن مال زواج مو عقد



أعتقد هذا حق زواج، شكرًا

العفوخيوتي
حصلتهم وحطيت لش
اعتذرررر

 

[NoOony.A]

اول مرة اسمع ب الي تقولين عنه
عاداتنه و تقاليدينه غير مانسوي هالاشيا الا بعد العقد

للاسف ماقدرت افيدش لو ب القليل

موفقة ان شالله

 

[علي البلادي]

اول مرة اسمع ب الي تقولين عنه
عاداتنه و تقاليدينه غير مانسوي هالاشيا الا بعد العقد

للاسف ماقدرت افيدش لو ب القليل

موفقة ان شالله

و هذي الاشياء كلها بعد العقد طبعا مستحيل قبله

 

[NoOony.A]

و هذي الاشياء كلها بعد العقد طبعا مستحيل قبله

اي وش قلت اني

 

[7aneen]

اول مرة اسمع ب الي تقولين عنه
عاداتنه و تقاليدينه غير مانسوي هالاشيا الا بعد العقد

للاسف ماقدرت افيدش لو ب القليل

موفقة ان شالله

شكلكم كلكم التبس عليكم الموضوع ..
البنت مخطوبة ( معقود عليهم )
و الحين بتتزوج
يعني العادات جدي .. اول خطوبة بعدين زواج ..
و بما ان هي لبست فستان ابيض في الخطوبة
يعني حفلة الزواج تكون عباره عن جلوة عائلية ..
العادات الحين ماشيه جدي تقريباً

 

[7aneen]

اوردي شسمه في الجلوة الا سمعت عنه و شفته ..
7 مشامر مو شرط كلهم خضران
طبعاً الي بتجليش اذا كانت ملاية فهي تعرف العادات كلها
آخر مره رحت جلوة .. ما دخلو الزوج الماتم
يقولون ان ما يصير ..

لا اصلاً كل الجلوات الي رحتهم ما يدخل الزوج الماتم في الجلوة
و يكون عندش شمعتين ..
الحين الناس تطورت يفضل ما تاخذين الشموع العاديه
اشتري الي على بتاري .. تحصلينهم في الانوار يقولون ..
لان اذا العاديين بتتبهدلين كلما حطو مشمر زياده ..
اول شي بتختنقين .. ثاني شي .. الله لا يقوله وحده تدز ايدش بالغلط و تحرقش بالشمع او تحرق ثيابش
و خُبري بعد ان يجيبون ماي فيه زعفران و يغسلون ابه رجولش و بعدين لازم تلبسين جوراب ..
و طبعاً و هم يغسلون يقرأون آيات و سور و ادعية

بالنسبه للمستحبات ما عندي علم ..
الله يتمم لش على خير ورده *قلب*

 

[NoOony.A]

شكلكم كلكم التبس عليكم الموضوع ..
البنت مخطوبة ( معقود عليهم )
و الحين بتتزوج
يعني العادات جدي .. اول خطوبة بعدين زواج ..
و بما ان هي لبست فستان ابيض في الخطوبة
يعني حفلة الزواج تكون عباره عن جلوة عائلية ..
العادات الحين ماشيه جدي تقريباً

لا ما التبس

اني فاهمة وش تقصد

بس هالموضوع ما عندنه الا بعد العقد بس

و ف الزواج عادي اذا ماتبي تسوي ليها شي تسافر بدون شي او بس تحتفل ف بيت ابوها بشكل عادي كانه حفلة عادية مثل باقي الحفلات هذا قصدي يعني مافي جلوة مرة ثانية او من هالامور او غيره من الطقوس

يمكن ماوصلنه التطور هذا للحين xd
بيئة عن بيئة تختلف

 

[نجمة تشرين]

الجلوة و ذي سوالف نسوان سبع مشامر كل حين يبدلون واحد و يحطون صحن حلاوة بحضنش عشان بعدين ينفرونه هذي عادات

اما الزواج يستحب ان الزوج يصلي ركعتين
+ يطلع 7 قطع من العملة تغسلون يدكم ابها مع ماي ورد و يوم ثاني الصبح يتصدق بالفلوس و الماي يصبه عند مدخل البيت
ها الا اعرفه

و ممكن تختصرين الجلوة بان يتيربونش
يعني سناح احضر يرفرفونه على العروس و المعرس


و الله و صار خاطري اعيد عرسي حليوة هالاشياء

 

[أمواج]

ما عندي فكرة حديثة عن هالموضوع

قبل يوم احنا الصغار الجلوة كانت شي حليو فيها طقوس وأشياء مبنية على اعتقادات وأعراف قد أكون بعضها مو صحيح
لكن الشي حليو عموما

أتذكر تقعد العروس على كرسي وفي ايدها فنجالين فيهم شموع مشغلة
وتغطي وجها بشي أبيض وعليها مشامر وواترينبو وحوالينها الناس في حلقة يغنون عليها

كان بعد يغسلون رجول العروس

ويحطون بيزات في طاسة فيها ماي العروس والمعرس يغسلون ايدهم ابه

أتذكر قبل لا تدخل العروس بيتهم يخلونها تكسر بيضة برجولها على باب البيت

طبعا حجرة المعاريس أحد من قبل يروح يبخرها ويعدلها ليهم

بعد يسوون ليهم قلايد من مشموم واتطورت صارت ورد أبيض ياسمين ورازقي

حاليا الشي الي شفته بقى بس ان العروس عليها مشامر وواترينبو ويغنون عليها وحوالينها الناس

يلا علمونا بعد ويش الأشياء للمستقبل

 

[غصن شوك]

من الاشياء الي اعرفها
ان اذا دخلت الزوجة عش الزوجية لازم الرجال يغسل رجولها ويكت الماي في اطراف البيت يطرد الفقر
وان مستحب يصلون ركعتين في ليلة الدخلة


ومن المستحب اثناء الجلوة قراءة حديث الكساء

 

[قمَر]

اول مرة اسمع ب الي تقولين عنه
عاداتنه و تقاليدينه غير مانسوي هالاشيا الا بعد العقد

للاسف ماقدرت افيدش لو ب القليل

موفقة ان شالله

ما فهمت قصدش بالضبط؟
قصدش إن الجلوة بعد العقد مباشرة؟؟؟
إذا هذا قصدش فأني اللي أول مرة أسمع باللي تقولينه
وإذا قصدش شي ثاني مسامحة بس ما فهمت..

عمومًا أحنا نسوي جدي:
- عقد
- حفلة خطوبة ونلبس أبيض
"الفاصل فترة الخطوبة"
- جلوة
وإذا ما بنسوي سيدة زواج بصير جدي:
- عقد
- جلوة
- حفلة زواج
فمادري أنتون جيفة تسوون بالضبط

شكرًا للي ردّوا ^^