مجرد محاولات عابثه أو دخيله في عالم الفوتو شوب

[غريبة الدار]

سلام عليكم
شخباركم
الموضوح واضح من عنوانه
بكون حق محولاتي واذا عندي شي بعرضه عليكم ​

هي حاليا
ارئكم انتقادتكم

بس شوي شوي علي توي اتعلم وما اعرف الكثير

 

[رَحِيــلْ ،]

بداية جيّدة وموفقة.. تُبْدِي عن شخص قابل للتطوّر والتميُّز والإبداع شيئًا فشيئًا.

 

[إيقاع]

واصلي التعلم وبتتميزين ..
شي لطيف، وبانتظار القادم الأفضل.

 

[المهندس عبدالله]

بما أنه هذي أول محاولاتش..
عقب فترة بتصيرين أحسن من @Noise-X

** أحس اللون الأسود حول الإعلان غير مناسب

 

[المهندس محمود]

كبداية، يبدو التصميم جيداً، ومع الاستمرارية ستزداد الخبرة، وتغدو التصاميم أروع.

أتطلع لرؤية جديدك.

 

[غريبة الدار]

بما أنه هذي أول محاولاتش..
عقب فترة بتصيرين أحسن من @Noise-X

** أحس اللون الأسود حول الإعلان غير مناسب

لون ثاني مثلا

تم التعديل مادري اذا تقصد جدي لو لا

 

[المهندس عبدالله]

لون ثاني مثلا

تم التعديل مادري اذا تقصد جدي لو لا

اللون الأسود لون قاتم المفترض إذا حبيتين تبروزين الإعلان (ما أدري ويش يسمونه أعتقد frame) تخلين شي حلو نفس أزهار أو تشكيلات حلوة
المهم إذا تبين نصيحة شوفي أعمال جاهزة (إعلانات وبنرات وجدي) وحاولي تستلهمين منها أفكار حق تنمين الطاقات الإبداعية اله داخلش

 

[مارد المصباح]

الله الله على ابداعات الشعب البزنزي ​

 

[Noise-X]

كنصيحة .. في عدة دورات ودروس موجودة في المواقع للتصميم تقدم المستوى بشكل اكبر من التجربة، ومثل ما قالوا الاعضاء الإطلاع على التصاميم مفيد.

بما أنه هذي أول محاولاتش..
عقب فترة بتصيرين أحسن من @Noise-X

انزين انا مو مصمم عشان ينضرب بي المثل

 

[غريبة الدار]

حليو لكن لون الصورة الي ع اليسار مشابه للون الخلفيه الي وراها حاولي تخلين فرق عشان تبرز الصورة


كنت بكتب الرد من زمان بس توني ذاكرة

كلامش صحيح مره ثانيه بأخذ هالشغله بعين الأعتبار
مانتبهت لهالشغله إلا يوم قلتين

شكرا لمرورك وابداء رأيك

 

[Al-Mosawi]

جيّد لأول محاولة
ملاحظة:
الكب كيك إلي على جهة اليسار بتطلع أفضل لو ماكانو ثنتينهم نفس المستوى ( وحدة تكون أنزل من الثانية وتكون أكبر )حق يعطي عمق
وبعد وحدة مقضومة وحدة لا

 

[best university]

يعطيك العااااااافية عالمجهووود

 

[غريبة الدار]

9 سبتمبر 2016

كنت أحوس وقلت بجرب أسوي تصميم بالفوتشوب بديت فيه وأشتغل يمكن صار لي نص ساعه لو أكثر حسيت فيه شي صار خطاء يبي ليه تعديل تراجع
جيت بسوي تراجع ما نفع خلاص ما ينفع بطلع منه جيت اضغط اكس بس مو راضي يبند شير كنت بحطه هني بس تراجعت التصميم ما كملت منه وغير هذا قي أخطاء ومحتاج تعديلات
بس الحين فررت أحطه

أحس يفشل يمكن بعد أحذف ه المشاركه

 

[Alice yusuf]

9 سبتمبر 2016
مشاهدة المرفق 15582

كنت أحوس وقلت بجرب أسوي تصميم بالفوتشوب بديت فيه وأشتغل يمكن صار لي نص ساعه لو أكثر حسيت فيه شي صار خطاء يبي ليه تعديل تراجع
جيت بسوي تراجع ما نفع خلاص ما ينفع بطلع منه جيت اضغط اكس بس مو راضي يبند شير كنت بحطه هني بس تراجعت التصميم ما كملت منه وغير هذا قي أخطاء ومحتاج تعديلات
بس الحين فررت أحطه

أحس يفشل يمكن بعد أحذف ه المشاركه

كلشي في بداية يكون صعب بعدين يسهل ويسهل لين يصير نفس شرب الماي .... أستمري وأن شاء الله توصلين للي تبين

 

[غريبة الدار]

من فتره كم يوم جاي على بالي أشتغل على تصميم
وفعلا بديت فيه بس كوني مبتدأه وللحين ما وصلت ل الأحترفيه ومجرد أعرف بعض الأساسايات والأدوات وما قاعده أستخدمه على طول ف واجد طولت


دخلت اليوتيوب وشفت أحد دروس الكتابه على الصور في الفوتوشوب وحاولت أطبق
بس وصلت ل النقطه أنه سويت هذا الشي لهالجمله بس ما عرفت شلون أكرره وأطبقه للجملة الثانية

ف إذا أحد من المصمين والخبراء في الفوتوشوب يقدر يساعدني
شوفوا الفرق في انقضاء وأمد
الهمزة طالعه من خارج المستطيل وحولهم نفس الظل
والسطر الثاني لنا حرف ل و نون طالعين ل برى وحولت أسوي ليهم نفس الحركة في السطر الأولى وطبقت الخطوات اللي سويتها ل الجملة الأولى بس ما وصلت ل نفس النتيجة اللي أمبيها

 

[غريبة الدار]

الموضوع قديم

من شوي كنت قاعده أحاول أسوي إعلان ل وظيفة تبع البروجكت يعني جزاء من المطلوب علينا نسوي إعلان ب الأستعانه بواحد من المواقع
مو برنامح فوتوشوب


طبعا سويت عدة نماذج ومحاولات
عشان أوصل ل أفضل نتيجه

حسينا الكلام واجد ومسبب فوضى ف زميلتي قالت لي أغير

هني بعد ما حسيت في راحه للعين واجد صور وألوان وناقص شعار الشركة

والثالثه بعد أحس في شي محتاج تعديل أو غلط ...............

 

[غريبة الدار]

التصميم مو باستخدام برنامج فوتشوب و ما حبيت أفتح موضع جديد قلت كل شي يكون في موضوع واحد
للعلم فقط رغم أنه من هوياتي التصوير بس مو اعلاني ولا حسابي الخاص مجرد صممته لوحده طلبت مني

رايكم / انتقادتكم / تعليقاتكم / ملاحظاتكم أرحب بها

 

[أمواج]

الموضوع قديم

من شوي كنت قاعده أحاول أسوي إعلان ل وظيفة تبع البروجكت يعني جزاء من المطلوب علينا نسوي إعلان ب الأستعانه بواحد من المواقع
مو برنامح فوتوشوب


طبعا سويت عدة نماذج ومحاولات
عشان أوصل ل أفضل نتيجه
مشاهدة المرفق 23398
حسينا الكلام واجد ومسبب فوضى ف زميلتي قالت لي أغير
مشاهدة المرفق 23397
هني بعد ما حسيت في راحه للعين واجد صور وألوان وناقص شعار الشركة

مشاهدة المرفق 23396
والثالثه بعد أحس في شي محتاج تعديل أو غلط ...............

بالنسبة ليي اشوف ان التصميم الثاني يشد للقراءة اكثر من الثالث
ربما كان يحتاج تعديل حجم المستطيل الثالث وازالة الصورة الي بالاسفل لان تزيد الالوان و لان كفاية السماعة فوق توضح غاية البوست .. و اضافة شعار الشركة بشكل اصغر بالجانب اليمين .. كذلك الصور ممكن تصغيرها او توحيد حجمها و توحيد المسافات بينها فاتكون منظمة اكثر او استبدالها ب icons لونها موحد

ممكن بعد بما ان اعلان توظيف مو اعلان تسويقي ان اتخلين لون موحد لخلفية الكلام و يتدرج عشان ما اتكون الوان واجد ما تتداخل مع الخلفية
وكفكرة ممكن تستخدمين الوان من الشعار بالتصميم عشان يزيد من تعريف التصميم و نسبه الى الشركه

فيه شي ممكن يفيدش بدمج الالوان بالتصاميم و اختيارها
فيه موقع كنا نعتمد عليه بس نسيت اسمه
هذا الموقع مشابه له بالفكرة

Color Palettes for Designers and Artists - Color Hunt

Discover the newest hand-picked color palettes of Color Hunt. Get color inspiration for your design and art projects.

colorhunt.co

اذا اتذكرته بحطه