مساعدتكم لو سمحتون

[IT-MO]

صباح الخير

مع بداية الفصل اتمنى للجميع التوفيق
بحاول ألخص مشكلتي على الأقل ارتاح شوي واتمنى تساعدوني


انا طالب محول تخصصي من دفعة 2012
ما كنت مرتاح في تخصصي الأول وحبيت أغيره


مرتاح في تخصصي الجديد بس حاليا .. احس وضعي متعب حده .. وحالتي النفسيه سيئة .. مو متشجع للدراسة
درجاتي بين D,C,F وعندي إنذار أول وهذي مرة ثانية احصل إنذار أول


الكل يفكر درجاتي عالية بسبب كثرة اهتمامي الجاد ودراستي
لحد الحين ما أخذت مادة ومو فاهمها حتى لو سقطت فيها
لكن الواقع يخالف هالشي


انزين شلون حاط على نفسك وهذي درجاتك؟! هذا الشي للحين مو قادر افسره


ما ادري شلون اشرح هالشي بس عندي مواد قاعد اعيدها للمرة الرابعة والله يشهد ان درجاتي تؤهلني على الأقل للنجاح بس كل فصل اتفاجئ ان قاعد اسقط فيها .. رفعت تظلمات وراكضت ورى الدكاترة لكن بدون فايدة ومنها مواد تفتح مواد تخصص من لفل أعلى ونفس الحالة
اللي يحطمني أكثر ان الدفعات قاعدة تتبدل والوجوه تختلف وانا مكاني.. صحيح ان مو سباق بس هذا الشي يأثر عليي اكثر واكثر


في النهاية اتمنى تعطوني لو نصيحة .. كلمة .. او حتى عتاب .. على الاقل احس ان في احد شجعني ولو بكلمة

لاني من النادر ان اشكي همومي لاحد ​

 

[منامي]

عن نصيحة اخوي .. سوو لكم قروبات دراسية , يعني خل عندك صديق اهوا يكملك وانت اتكمله , الشي الي انت مو فاهمه اهوا يشرحه لك والشي الي اهوا مو فاهمه انت تشرحه له

 

[Dr.Hakim]

كنت مثلك بيوم من الايام يا صديقي
ماعليك لكن .. في مثلنا وااااجد طللبة في هالجامعة

اهم شي انك تصمد وتتحدى نفسك اولاً و الجامعة ثانياً
واعلم ان الحل الوحيد هو التخطيط و مضاعفة الجهود .. لاتخلي حد لقدراتك ابداً ... اسعى الى انك تصير رقم 1 بكل شي

 

[_ALI_]

@IT-MO
أتوقّع بأن مشكلتك إمّا في اللغة -أو- في طريقة دراستك للمواد -أو- عامل نفسي (مثلا (في الإمتحان) ثقتك بنفسك ضعيفة ، ظروف خارجية)

حاول تشوف أسباب تدنّي مستواك و حاول تعالجها.
مثلا :
- لغتك ضعيفة ؟ حاول أنّك تترجم و تفهم (و هذا راح يكلّفك مزيد من الجهد و التعب ، لكن بالمقابل راح تتطور لغتك مع الوقت و بتقدر تواصل)
- لغتك جيّدة لكن درجاتك نازلة ؟ فأكيد أنّك مو قاعد تدرس صح "يعني مثلا : تكتفي على شرح المحاظرات فقط و هذا الشيء خطأ. ((لازم)) ترجع البيت و تحاول تطبّق إلا درسته بأمثلة خارجية (من الكتاب أو امتحانات سابقة أو أي مصادر ثانية) و خصوصًا لمواد الفهم مثل CS103\104 ، كيم ، فيز ، و إلخ...

و هذه كم نقطة أخيرة حطهم في بالك و اعرف شلون تطبّقهم :
- لا تعتمد على أحد بشكل كامل لأن مو كل شخص فاهم أو يقدر يفهّمك
- لا تحط في بالك بأن الإمتحان بكون سهل أو الدكتور بيتساعد ويّاك أو بكون الحظ ويّاك

و أخيرًا ...
- إن كان بينك و بين أهلك (أبوك/أمك) أي شيء (مثل : خلاف ، أو مشاكل ، أو المستوى المادي ضعيف ، أو أي شيء من هذا القبيل) فحاول تحل هذا الشيء ويّاهم > يمكن تقول (ويش دخّل ؟) بس أنا أتكلّم عن تجربة -> أعرف ناس كانت ظروفهم غير مستقرة و كان حالهم شبيه بحالك (معدلهم نازل) ، فلمّا شافوا نفسهم قريب بفصلونهم درينا عن هذه الأسباب..

فإنت شوف وضعك و إذا حسيت بأنك مو قادر على محتوى المواد فلا تيأس و عندك فرصة تحوّل تطبيقي و تضمن شهادة دبلوم على الأقل .. كل التوفيق

 

[Prince.11]

أتوقع هالشيء في طلبة وايد يعانون منه ..

مثل ما قالوا الاخوان .. تحتاج الى بعض المكملات الي انته غافل عنها ..

على سبيل المثال ..

ربما انت في مراجعتك الى المادة تحس روحك متمكنْ منها لانك تراجعها من زاوية واحدة بس ..
بينما لو اجتمعت مع أصدقاء او سمعت سؤال اهني و سؤال هناك تشوف انك ضايع في المادة ..

مثلًا .. الواحد يراجع مادة معينه و يحس روحه متمكن منها بشكل كبير ..
يروح الامتحان قبل الامتحان يسمع اثنين يتكلمون بأشياء يحسها غريبة عليه ..
و هذ تصير وايد اعتقد و لطلاب وايد في الجامعة ..

انزين شنو السبب ؟ السبب ان الطالب قاعد يراجع المادة من زاوية ضيقه جدًا ..
بحث يرى نفسه متمكن و هو في الواقع لم يصل الى نصف مضمون المادة ..

و لهذا نرى بعض الطلبة و خصوصًا طلبة الجامعات و اعتقد هذا شيء واضح ..
نشوفهم في الأماكن العامه يراجعون " كوفي شوب - المجمعات الهادئية " ..
حتى في الجامعة في المكتبات نشوفهم بشكل كبير ..

يعني ما فيها شيء لو الطالب يطلب من أي طالب آخر يحسه متمكن من المادة ان يشرح له شغله معينه ..
اعتقد هذا شيء وايد وايد مهم ..

بالنسبة الى النقطة الثانية الي ابي اوضحها ..
هي موضوع اللغة .. اذا كان تخصصك يحتاج الى اللغة ..
في طلاب وايد و هذا نشوفة في اخوانّا في كلية البزنز يعانون شوي من اللغة ..
و تكون اهي العائق الوحيد بينهم وبين الدراسة " بعض النظر عن صعوبة المواد او سهولتها " ..

لكن من وجهة نظري هذا الشيء حاليًا لم يعد عائق كبير لانة الترجمة و المتابعة أول بأول أصبحت حل و لو كان مؤقت ..

لكن النقطة الأولى الي ذكرتها اعتقد هي النقطة الأساسية و الجوهرية بالنسبة لي ..

 

[Alkene]

بخصوص الدرجات و الأنذار...
في البداية اخذ لك ورقة و اكتب كل المقررات اللي اخذته الى اليوم مع الدرجة (من الأقل... الى الأعلى) حاول اتعيد مقررات ال F بعدين ال D و- C...
لا تجهد روحك ب 6 مواد أو أكثر, سجل 5 و اذا جفت انه واحد منهم ما تقدر عليه سوه دروب...
حالياً هدفك الأول (برأيي) هو انك تتخلص من الأنذار!

حاول تحصل أحد بيتخرج أو تخرج حديثاً و اتشاور معاه بخصوص المواد.
كلم مرشدك او احد من دكاترة قسمكم و اتشاور معاه بخصوص المواد.

حاول اتعرف شلون لازم تدرس حق كل مقرر
يعني يمكن بعض المقررات بتستفيد لما تدرس في مجموعة
لكن في مقررات يمكن يكون أفضل انك تدرسهم بروحك!

 

[مارد المصباح]

صباح الخير

مع بداية الفصل اتمنى للجميع التوفيق
بحاول ألخص مشكلتي على الأقل ارتاح شوي واتمنى تساعدوني


انا طالب محول تخصصي من دفعة 2012
ما كنت مرتاح في تخصصي الأول وحبيت أغيره


مرتاح في تخصصي الجديد بس حاليا .. احس وضعي متعب حده .. وحالتي النفسيه سيئة .. مو متشجع للدراسة
درجاتي بين D,C,F وعندي إنذار أول وهذي مرة ثانية احصل إنذار أول


الكل يفكر درجاتي عالية بسبب كثرة اهتمامي الجاد ودراستي
لحد الحين ما أخذت مادة ومو فاهمها حتى لو سقطت فيها
لكن الواقع يخالف هالشي


انزين شلون حاط على نفسك وهذي درجاتك؟! هذا الشي للحين مو قادر افسره


ما ادري شلون اشرح هالشي بس عندي مواد قاعد اعيدها للمرة الرابعة والله يشهد ان درجاتي تؤهلني على الأقل للنجاح بس كل فصل اتفاجئ ان قاعد اسقط فيها .. رفعت تظلمات وراكضت ورى الدكاترة لكن بدون فايدة ومنها مواد تفتح مواد تخصص من لفل أعلى ونفس الحالة
اللي يحطمني أكثر ان الدفعات قاعدة تتبدل والوجوه تختلف وانا مكاني.. صحيح ان مو سباق بس هذا الشي يأثر عليي اكثر واكثر


في النهاية اتمنى تعطوني لو نصيحة .. كلمة .. او حتى عتاب .. على الاقل احس ان في احد شجعني ولو بكلمة

لاني من النادر ان اشكي همومي لاحد

مساء الخير اخويي

لا تعتقد خوك انك الوحيد الا تمر بهذه الظروف ،اعرف عدة اشخاص مروا -والحمد لله تحسنت اوضاعهم- وبعضهم ما زال يقاوم ويتحدى الظروف
قبل كل شيء حط هالشيء كهدف اساسي ولا تقبل مجرد فكرة انك تتراجع او ما تنجح

طبعا حسب كلامك يتبين ان في خلل 100% في جزء انت قد تكون غافل عنه او ما قاعد تعطيه حقه

للامانة اتفق ويا اخويي @_ALI_ وقال اغلب الا كنت بقوله بس راح اضيف جم شغلة ،كل مقرر له طريقة لدراسته ،فبعضهم يحتاج لشرح دكتور بيرفكت ،وبعضهم يحتاج دراسة من كتاب ،وبعضهم تقدر تعتمد على تي بي او امتحانات سابقة ..الخ
فافضل شيء انك تلتقي باشخاص جايبين درجات عالية في هذه المواد وتستشيرهم عن افضل
طريقة لدراسة هذه المواد >اسال مجرب ولا تسال طبيب

الشغلة الثانية ما ادري اذا كنت توازن جدولك بشكل مثالي او لا ؟ "حفظ*فهم ،سهل*متوسط*صعب ،بروجكت*بدون بروجكت ..الخ"​

 

[IT-MO]

عن نصيحة اخوي .. سوو لكم قروبات دراسية , يعني خل عندك صديق اهوا يكملك وانت اتكمله , الشي الي انت مو فاهمه اهوا يشرحه لك والشي الي اهوا مو فاهمه انت تشرحه له

شكرا جزيلا .. راح اجرب اكثف هالنوع من الدراسات

كنت مثلك بيوم من الايام يا صديقي
ماعليك لكن .. في مثلنا وااااجد طللبة في هالجامعة

اهم شي انك تصمد وتتحدى نفسك اولاً و الجامعة ثانياً
واعلم ان الحل الوحيد هو التخطيط و مضاعفة الجهود .. لاتخلي حد لقدراتك ابداً ... اسعى الى انك تصير رقم 1 بكل شي

ان شاء الله صديقي .. الله يوفقنا وياكم .. شكررا لك ​

 

[IT-MO]

@IT-MO
أتوقّع بأن مشكلتك إمّا في اللغة -أو- في طريقة دراستك للمواد -أو- عامل نفسي (مثلا (في الإمتحان) ثقتك بنفسك ضعيفة ، ظروف خارجية)

حاول تشوف أسباب تدنّي مستواك و حاول تعالجها.
مثلا :
- لغتك ضعيفة ؟ حاول أنّك تترجم و تفهم (و هذا راح يكلّفك مزيد من الجهد و التعب ، لكن بالمقابل راح تتطور لغتك مع الوقت و بتقدر تواصل)
- لغتك جيّدة لكن درجاتك نازلة ؟ فأكيد أنّك مو قاعد تدرس صح "يعني مثلا : تكتفي على شرح المحاظرات فقط و هذا الشيء خطأ. ((لازم)) ترجع البيت و تحاول تطبّق إلا درسته بأمثلة خارجية (من الكتاب أو امتحانات سابقة أو أي مصادر ثانية) و خصوصًا لمواد الفهم مثل CS103\104 ، كيم ، فيز ، و إلخ...

و هذه كم نقطة أخيرة حطهم في بالك و اعرف شلون تطبّقهم :
- لا تعتمد على أحد بشكل كامل لأن مو كل شخص فاهم أو يقدر يفهّمك
- لا تحط في بالك بأن الإمتحان بكون سهل أو الدكتور بيتساعد ويّاك أو بكون الحظ ويّاك

و أخيرًا ...
- إن كان بينك و بين أهلك (أبوك/أمك) أي شيء (مثل : خلاف ، أو مشاكل ، أو المستوى المادي ضعيف ، أو أي شيء من هذا القبيل) فحاول تحل هذا الشيء ويّاهم > يمكن تقول (ويش دخّل ؟) بس أنا أتكلّم عن تجربة -> أعرف ناس كانت ظروفهم غير مستقرة و كان حالهم شبيه بحالك (معدلهم نازل) ، فلمّا شافوا نفسهم قريب بفصلونهم درينا عن هذه الأسباب..

فإنت شوف وضعك و إذا حسيت بأنك مو قادر على محتوى المواد فلا تيأس و عندك فرصة تحوّل تطبيقي و تضمن شهادة دبلوم على الأقل .. كل التوفيق

الحمدلله رب العالمين ما عندي مشكلة باللغة او ظروف أسرية صعبة (الله يبعدنا وياكم عنها) .. يمكن تكون في جوانب خاطئة في دراستي فعلا احتاج اعيد النظر اكثر .. ردك شافي وكافي شكررا لك

أتوقع هالشيء في طلبة وايد يعانون منه ..

مثل ما قالوا الاخوان .. تحتاج الى بعض المكملات الي انته غافل عنها ..

على سبيل المثال ..

ربما انت في مراجعتك الى المادة تحس روحك متمكنْ منها لانك تراجعها من زاوية واحدة بس ..
بينما لو اجتمعت مع أصدقاء او سمعت سؤال اهني و سؤال هناك تشوف انك ضايع في المادة ..

مثلًا .. الواحد يراجع مادة معينه و يحس روحه متمكن منها بشكل كبير ..
يروح الامتحان قبل الامتحان يسمع اثنين يتكلمون بأشياء يحسها غريبة عليه ..
و هذ تصير وايد اعتقد و لطلاب وايد في الجامعة ..

انزين شنو السبب ؟ السبب ان الطالب قاعد يراجع المادة من زاوية ضيقه جدًا ..
بحث يرى نفسه متمكن و هو في الواقع لم يصل الى نصف مضمون المادة ..

و لهذا نرى بعض الطلبة و خصوصًا طلبة الجامعات و اعتقد هذا شيء واضح ..
نشوفهم في الأماكن العامه يراجعون " كوفي شوب - المجمعات الهادئية " ..
حتى في الجامعة في المكتبات نشوفهم بشكل كبير ..

يعني ما فيها شيء لو الطالب يطلب من أي طالب آخر يحسه متمكن من المادة ان يشرح له شغله معينه ..
اعتقد هذا شيء وايد وايد مهم ..

بالنسبة الى النقطة الثانية الي ابي اوضحها ..
هي موضوع اللغة .. اذا كان تخصصك يحتاج الى اللغة ..
في طلاب وايد و هذا نشوفة في اخوانّا في كلية البزنز يعانون شوي من اللغة ..
و تكون اهي العائق الوحيد بينهم وبين الدراسة " بعض النظر عن صعوبة المواد او سهولتها " ..

لكن من وجهة نظري هذا الشيء حاليًا لم يعد عائق كبير لانة الترجمة و المتابعة أول بأول أصبحت حل و لو كان مؤقت ..

لكن النقطة الأولى الي ذكرتها اعتقد هي النقطة الأساسية و الجوهرية بالنسبة لي ..

صحيح كلامك .. يمكن زوايا دراستي ضيقة وما اغطي كل شي واعتقد اني متمكن من المادة .. بس بداية من هالفصل ان شاء الله ما بخلي شي يعتب عليي .. شكررا لك ​

 

[IT-MO]

بخصوص الدرجات و الأنذار...
في البداية اخذ لك ورقة و اكتب كل المقررات اللي اخذته الى اليوم مع الدرجة (من الأقل... الى الأعلى) حاول اتعيد مقررات ال F بعدين ال D و- C...
لا تجهد روحك ب 6 مواد أو أكثر, سجل 5 و اذا جفت انه واحد منهم ما تقدر عليه سوه دروب...
حالياً هدفك الأول (برأيي) هو انك تتخلص من الأنذار!

حاول تحصل أحد بيتخرج أو تخرج حديثاً و اتشاور معاه بخصوص المواد.
كلم مرشدك او احد من دكاترة قسمكم و اتشاور معاه بخصوص المواد.

حاول اتعرف شلون لازم تدرس حق كل مقرر
يعني يمكن بعض المقررات بتستفيد لما تدرس في مجموعة
لكن في مقررات يمكن يكون أفضل انك تدرسهم بروحك!

اي نعم في البداية اتخلص من الانذار فعندي حاليا أربع مواد بس كإعادة ..
المرشد عندي لا يصلح للمشاورة حتى ..
وعن المواد كلها لو بعيد اللي فاتني ما بتخرج ممكن ابدأ بداية جديدة واعيد كم مادة بس علشان يرتفع المعدل ..
ان شاء الله بسعى بنصيحتك وشكررا لك

مساء الخير اخويي

لا تعتقد خوك انك الوحيد الا تمر بهذه الظروف ،اعرف عدة اشخاص مروا -والحمد لله تحسنت اوضاعهم- وبعضهم ما زال يقاوم ويتحدى الظروف
قبل كل شيء حط هالشيء كهدف اساسي ولا تقبل مجرد فكرة انك تتراجع او ما تنجح

طبعا حسب كلامك يتبين ان في خلل 100% في جزء انت قد تكون غافل عنه او ما قاعد تعطيه حقه

للامانة اتفق ويا اخويي @_ALI_ وقال اغلب الا كنت بقوله بس راح اضيف جم شغلة ،كل مقرر له طريقة لدراسته ،فبعضهم يحتاج لشرح دكتور بيرفكت ،وبعضهم يحتاج دراسة من كتاب ،وبعضهم تقدر تعتمد على تي بي او امتحانات سابقة ..الخ
فافضل شيء انك تلتقي باشخاص جايبين درجات عالية في هذه المواد وتستشيرهم عن افضل
طريقة لدراسة هذه المواد >اسال مجرب ولا تسال طبيب

الشغلة الثانية ما ادري اذا كنت توازن جدولك بشكل مثالي او لا ؟ "حفظ*فهم ،سهل*متوسط*صعب ،بروجكت*بدون بروجكت ..الخ"

مساء الورد
ان شاء الله بحط هالتارغت في بالي .. والحمدلله على كل حال راح اتحدى واقاوم
وسالفة الجدول لا والله ما اوازن بهالطريقة .. انزل اي شي مناسب او قريب من الخطة
شككررا وكل التوفيق لك
​

 

[أمواج]

لكل مادة أسلوب للدراسة
أصعب نقطة بداية كل فصل والي يتحدد عليها مصيرك طول الكورس هي أسلوب الدراسة
فلازم من البداية تختار طريقة معينة تمشي عليها لكل مادة .. سواء تلخيص ذاتي أو حل تمارين أو استخدام الكتاب أو أو ..
اذا شفت ان النتايج أوكي من البداية تقدر تعرف ان ماشي صح وقدرت توصل للاسلوب المناسب للمادة
اذا نتائجك متدنية من البداية تقدر تعرف فيه خلل .. فلازم تكتشف وين وتصلحه
من البداية أقصد من الكويزات أو من حل امتحانات سابقة أثناء الدراسة


في أحد المواد أتذكر كنت واثقة اني دارسة وعارفة المواضيع وحافظة المطلوب للحفظ
بس نتيجتي مو أوكي .. رحت للدكتور قلت ليه اني درست وحليت تمارين وسويت كذا وكذا بس بعد ما سويت زين وين الخلل ؟
فقعد يناقشني وكذا .. وعرفت ان طريقتي بالدراسة كانت صح لكن مو مرتبة .. فالمعلومات مو مرتبة في عقلي لكل جبتر فيصعب التذكر عندي حزة الامتحان

 

[أبو الجسمي]

من وجهة نظري لكل مادة دفتر خاص بها
و مو شرط دفتر الملاحظات أو المحاظرات لأن هذا الدفتر حق التسجيلات السريعة وغالبية الطلبة يعتبره مو أساسي لأن يحسه شامل لكل المواد فيصير واجد واجد عام و البعض يعرف شلون يتكيف وياه والبعض لا..

أنصح بدفاتر لكل مادة حق تعرف شلون ترتب أمورك وتلخص الأفكار وتحل مسائل قد ما تقدر وتقرأ قد ما تقدر بشرط يكون عندك الأفكار مرتبة حق يسهل عليك تعيده..

في وضعك اذا أي انسان يحس مستواه أعلى وقاعد يتخبط بالمرحلة هَدي .. فالأفضل يعدل من وضعه ويفتح صفحة جديدة وبرنامج جديد وصح حتى لو المعدل التراكمي في أوج السوء ..

لأن ما بيتطور الشخص الا اذا غير من نفسه وبرامجه تجاه فعل الشيء..

والله الموفق

 

[Orange96]

يمكن طريقة دراستك غلط

حاول ان تجوف الخلل وين اذا دراستك جذي غيرها

وحاول قدر الامكان نفسيتك ما تاثر بالامتحانات

وركزز فالكوزات والبرزنتيشن وهالاشياء عشان تساعدك بعد وادش الامتحان متفاءل

الحمدلله ان فيك جانب ايجابي ومع بداية هالكورس شد على روحك وييب فيهم زين

عشان يرتفع المعدل وترتاح

 

[craZy Team 77]

يمكن طريقة دراستك غلط

حاول ان تجوف الخلل وين اذا دراستك جذي غيرها

وحاول قدر الامكان نفسيتك ما تاثر بالامتحانات

وركزز فالكوزات والبرزنتيشن وهالاشياء عشان تساعدك بعد وادش الامتحان متفاءل

الحمدلله ان فيك جانب ايجابي ومع بداية هالكورس شد على روحك وييب فيهم زين

عشان يرتفع المعدل وترتاح

اغلب الظن هذا هو السبب نفس ماقالت الاخت و بقية الزملاء ..
طريقة دراستك غلط وهذا شي اكيد ،
ذكرتني بمادة الكيو ام عندنا في ادارة الاعمال 350 درسها ، و حفظها و عباله هو فاهم المادة ، يدش الامتحان يقول ان هو سوا زين وبجيب فل مارك وووو ، ينصدم في الاخير هو جايب 17/40
لازم تحس من طريقة دراستك ، مستحيل تكون فاهم المادة 100% ودرجاتك تكون نازلة .. انت يمكن فاهم عن شنو المادة فاهم المادة هدفها شنو ... بس يمكن طريقة فهمك لشلون تحل هي الغلط ...
جامعة البحرين ماتعتمد على الدراسة فقط تعتمد على امور كثيرة من الدكتور حتى القلم الي تكتب فيه
حاول تدرس جماعي مع اصدقائك ، عشان تعرف الاغلاط الي تقع فيها ..
لاتيأس ولاتستسلم .. وان شاء الله بتجوف روحك متخرج بعد جم سنة ..

بالتوفيق

 

[Narcissist]

موضوعك نجوف واجد طلبة يعانون منه
تدري وش المشكلة الي انت قاعد تعاني منها؟ بغض النظر عن الي ذكروه الردود السابقة من طريقة دراسة او حالة نفسية و الخ
المشكلة انك واقف مكانك و تقول انا صح و كل شي اسويه صح وانا ادبح روحي من الدراسة و تقعد تلوم الدكاترة و الظروف و الحظ و هالاشياء من هالقبيل الي ما تقدر تتحكم فيها و تتجاهل الاشياء الي بايدك و الي تقدر تتحكم فيها

الي تفكيره جدي عمره ما بينجح في دراسة او عمل او غيره و حتى لو نجح ما بيكون راضي بشكل كلي عن ادائه
مشكلتك على حسب الي فهمته من خلال الموضوع انك واقف في نفس النقطة الي بديت فيها و كل ما تعيد مادة تدرسها بنفس الطريقة و نفس الاسلوب
المفروض انت من ترسب في مادة و تجيب درجة متدنية قبل لا تلوم احد لوم نفسك و قول انا وش سويت غلط يوم درست المادة؟ و وش اقدر اسوي عشان هالمرة اعديها و اجيب درجة مرتفعة؟
الي يتم يعيد نفس المادة بنفس طريقة الدراسة و نفس الريسورسز مالت الدراسة و يجيب نفس النتيجة هني الشخص قاعد يضيع وقته
لأن اذا انت استخدمت نفس الطريقة و ما نجحت من اول مرة وش الي يخليك تفكر انك بتنجح المرة الثانية؟

اني برايي بما ان الحين بداية الفصل و تقدر تبدي بداية جديدة و للحين ما دشيتون في العميق
لازم تجلس جلسة مصارحة ويا نفسك و تقعد فكر و تحاول تكتشف وش الخلل الي قاعد تتبعه في الدراسة
بعطيك امثلة على بعض الاشياء الي لازم تفكر فيها (و طبعا انت لازم تتوسع عن هالنقاط و تفكر باشياء ثانية لأن احنا ما نعرفك و لا نعرف ظروفك و حياتك قد ما انت تعرف نفسك)


1- هل انت تسال قبل لا يبيدي الكورس الطلبة السابقيين الي مستوواهم ممتاز او حتى هني في المنتدى شلون درسوا المادة و شنو احتاجوا لما درسوها و ليش حصلوا درجات مرتفعة ؟
اذا كنت ما تسوي هالشي من قبل استغل الفرصة بما ان الحين بداية الفصل و اسال و استفسر من الحين و عندك المنتدى او الطلبة الي اخدوا المادة و كملوا
هالشي بيوفر عليك واجد جهد و تعب (مثلا لو فيه نوتس اشمل من الكتاب ليش ترجع للكتاب و تعور راسك؟)

2- هل اختيارك للدكاترة صح او غلط؟ ترا كون الدكتور يشرح زين هالشي يشيل عنك نص هم المادة و يخليك مرتاح قبل الدراسة فلا تستهين بهالنقطة
الدكتور الي كريم في الدرجات تكون مرتاح وياه نفسيا غير عن الدكتور الي يحاسبك ع النقطة و الحرف
و في حالة المادة ماليها دكتور زين مو نهاية الدنيا تقدر تروح معاهد او تخلي احد يشرح لك او حتى تعتمد على روحك و تحط مجهود اكبر انك تحاول تفهم نفسك بنفسك
او عتقد دفعتك قديمة فهالشي يعطيك الاولوية في التسجيل استغل هالنقطة

3- هل تعتمد على الدكاترة و شرحهم بشكل كلي (بس النوتس الي يكتبونكم اياهم في الكلاس) و ما ترجع لريسورسرز اضافية و مهمة؟ (مثلا لما المادة تتطلب انك تدرسها من الكتاب او نوتس معينين غلط انك تدرسها من سلايدز بس او بس من الي يكتبكم اياه الدكتور)

4- هل تعتمد ع الحفظ بشكل كلي و ما تفهم الشي الي تحفظه (بحيث لو جاك امتحان فيه فكرة تتدوده و ما تعرف تحل لأنك حافظ بس)؟

5- في المواد الي تعتمد ع الحسابات هل تحل مسألة او ثنتين و عقب تحقر الباقي؟< حط في بالك ان طبيعة بعض المواد تحتاج بشكل اساسي للتمارين المسائل و ما يكفي انك تحل سؤال سؤالين بس و تدش الامتحان يبي لك تجوف واجد افكار عشان تتمكن من المادة

6- هل وقت دراستك كافي او تكمل بسرعة وتدرس بشكل سطحي و تقول كملت خلاص؟

7- لغتك قوية او لا؟ < هالشي اذا كان مأثر على مستواك بشكل قوي مثلا لما تقرا سؤال في الامتحان و ما تستوعب وش المطلوب هني ضروري تبدي تشتغل على لغتك و تقويها

8- و فيه نقطة انذكرت في احد الردود واجد عجبتني الي هي ان لما يكون عندك امتحان لا تجي و تدرس ع اساس انه سهل او الدكتور بيساعدك او بيسوي كيرف اب او بيعطيك بونس
ما عليك من هرار الطلبة و هالدكتور يراعي و يساعد و اسئلته سهلة
لما تدرس ادرس على اساس ان اي شي ممكن يجيك في الامتحان
لأن هالنوعية من التفكير اان الدكتور بيجيبه سهل و من هالقبيل غلط و مو كل مرة تصيب وياك و مو كل دكتور بيتساعد وياك

::

و مثل ما قلتلك انت لازم تحدد ان وش الغلط الي قاعد تتبعه و تحاول انك تعدله و تصلحه و اعتبر هالفصل تجربة حاول تصحح اخطائك السابقة فيها
في حالة استمريت انك تجيب درجات متدنية اعتقد انك لازم تسال نفسك اذا كان التخصص نفسه يناسبك و تقدر عليه او لا
كلش مو عيب انك تكون تحب تخصص بس ما تقدر عليه و تحول تخصص ثاني يريحك نفسيا
الغلط انك تتم و تعيد في المواد و تقضي عمر في الجامعة و انت تعيد نفس الاخطاء
واجد اعرف ناس اتبعوا نفس الشي
تموا في الجامعة يعيدون و يعاندون ان ما يبون يغيرون تخصصهم
وعقب ييأسون و يطلعون من الجامعة سواء ينطردون او غيره او يوصلون لعمر خلاص ما يقدرون يقضون حياتهم كلها في الجامعة
و الفرصة راحت عليهم و ولا حصلوا شهادة لا من تخصصهم و لا حتى من جامعات ثانية يعني في النهاية طلعووا بدون اي فايدة

لا تتحسس من ردي و مسامحة لو كان اسلوبي مو حليو
ما احب اكتب ردود اقص فيها على صاحب الموضوع و اطبطب عليه ع اساس اراعي فيها مشاعره
الشي مصيري و له علاقة بمستقبلك و لازم تاخده بشكل جدي و لازم على هالاساس الردود تجيك بشكل جدي بعد

اني لما كتبت لك اتكلم وياك من خبرة خلال الفترة الي تميت فيها في الجامعة و جفت الطلبة مروا بظروف مشابهة لظروفك
و اني نفسي عانيت من بعض المشاكل و قدرت اتغلب عليها ويا الوقت

و بالتوفيق لك ان شاءالله

 

[مارد المصباح]

اي نعم في البداية اتخلص من الانذار فعندي حاليا أربع مواد بس كإعادة ..
المرشد عندي لا يصلح للمشاورة حتى ..
وعن المواد كلها لو بعيد اللي فاتني ما بتخرج ممكن ابدأ بداية جديدة واعيد كم مادة بس علشان يرتفع المعدل ..
ان شاء الله بسعى بنصيحتك وشكررا لك




مساء الورد
ان شاء الله بحط هالتارغت في بالي .. والحمدلله على كل حال راح اتحدى واقاوم
وسالفة الجدول لا والله ما اوازن بهالطريقة .. انزل اي شي مناسب او قريب من الخطة
شككررا وكل التوفيق لك

معناتها هذه وحدة من الاخطاء الا قعدت تكررها بدون ما تنتبه ليها !
وما صرت تعتمد على تخطيط صحيح ومناسب ،انما بشكل عشوائي

بداية كل تسجيل سجل المواد الا تقدر تنزلها ،وابدا في تقسيم "حفظ/فهم ،سهل/متوسط/صعب ،تاريخ الفاينل "في مجال او كافي لدراستها او لا؟" ،الدكتور المتوفر ممتاز او لا ؟ ،فيها بروجكت او لا؟ ،مواد تخصص/غير تخصص ،مواد تفتح لك مقررات/مواد ما تفتح ،متوفرة في الصيفي او لا "اذا كنت تخطط تدرس صيفي" ،لفل1/2/3/4 ؟ ،...الخ"

حتى ما تنصدم ان مثلا 5 مواد كلهم فهم وما تقدر تلحق في دراستهم وتنصدم بالدرجات
او ان ما في مجال كفاية لدراسة بعض المواد لان طويلة في المراجعة والفاينل على بعض
او مثلا عندك كذا مقرر فيه بروجكت وتالي تتعب وما تقدر توازن ما بين الامتحانات والبروجكتات وباقي الشغلات


فحاول تقسم موادك المتبقية عليك للتخرج بصورة متوازنة ،بشكل مبدئي يعني عشان تكون موازن المواد ،وطبعا بعدين في احتمال كبير يصير تغيير بس بكون اسهل اليك في التوزيع
***

حاول تستغل الصيفي لانه يعطيك فرصة ترفع معدلك اكثر بدون ما ينحسب عليك كفصل من فصول الانذار


نهاية الفصل تقدر تقيم نفسك وتحدد شنو الاغلاط الا سويتها خلال هذا الفصل ؟ وتحاول انك ما تكررها في الفصول الجاية
بس اهم شيء تكون صادق مع نفسك


تقدر تدخل هذا القسم وتلقي نظرة على بعض المواد وان شاء الله راح تفيدك
قسم الإرشاد الطلابي​

 

[الدكتور يعقوب حلول]

صباح الخير

مع بداية الفصل اتمنى للجميع التوفيق
بحاول ألخص مشكلتي على الأقل ارتاح شوي واتمنى تساعدوني


انا طالب محول تخصصي من دفعة 2012
ما كنت مرتاح في تخصصي الأول وحبيت أغيره


مرتاح في تخصصي الجديد بس حاليا .. احس وضعي متعب حده .. وحالتي النفسيه سيئة .. مو متشجع للدراسة
درجاتي بين D,C,F وعندي إنذار أول وهذي مرة ثانية احصل إنذار أول


الكل يفكر درجاتي عالية بسبب كثرة اهتمامي الجاد ودراستي
لحد الحين ما أخذت مادة ومو فاهمها حتى لو سقطت فيها
لكن الواقع يخالف هالشي


انزين شلون حاط على نفسك وهذي درجاتك؟! هذا الشي للحين مو قادر افسره


ما ادري شلون اشرح هالشي بس عندي مواد قاعد اعيدها للمرة الرابعة والله يشهد ان درجاتي تؤهلني على الأقل للنجاح بس كل فصل اتفاجئ ان قاعد اسقط فيها .. رفعت تظلمات وراكضت ورى الدكاترة لكن بدون فايدة ومنها مواد تفتح مواد تخصص من لفل أعلى ونفس الحالة
اللي يحطمني أكثر ان الدفعات قاعدة تتبدل والوجوه تختلف وانا مكاني.. صحيح ان مو سباق بس هذا الشي يأثر عليي اكثر واكثر


في النهاية اتمنى تعطوني لو نصيحة .. كلمة .. او حتى عتاب .. على الاقل احس ان في احد شجعني ولو بكلمة

لاني من النادر ان اشكي همومي لاحد ​

خدمات طلابية
حل الواجبات
حل اختبارات (كويز _ ميد _ فاينل)فل مارك
حل اسايمنت
حل بروجكت
بحوث باللغتين منهجية متكاملة
عروض بوربوينت متميزة
عمل مشاريع التخرج
حل تقارير وتكاليف
تلخيص مقررات
تصاميم هندسية
لطلب المساعده تواصل https://wa.me/qr/7NVIQSONFR4WC1

 

[الدكتور يعقوب حلول]

الرقم وتساب 773825607