PHYCS الدراسة الجماعية وكل ما يتعلق بمقرر : ||PHYCS 102||

[طريق]

من ناحية الريبورتات اهيا فعلا اصعب لان فيها تشديد على المقدمة والخاتمة بس كان عندي استفسار ممكن احد يشرح لنا شنو اهوا Flux بصراحة دكتوري حبيب مايقصر ولا يشرح شي بس من الكتاب يحل ويا روحه

 

[math lover]

flux ليه قانون اتطبقينه اذا طلبوا flux net فتستخدمين هذا القانون flux net=qin/E.a
اما اذا طلبو flux على احد الأسطح فتستخدمين هذا القانون flux=|E|.|A|cos0
وان شاء الله اذا خلصت تستاتي وكوزاتي بشرح ليش بالتفصيل اكثر مع الامثلة بس حاليا كلش ما عندي وقت

 

[math lover]

سلاام
وينكم شعب فيز 102 !!!
شخبار الدراسة ؟
محد عنده سؤال!!

 

[نبض الأمل]

عندي سؤال ليش مناقشة 101 مسكره فيه موضوع غيره يعني لان عندي استفسارات

 

[math lover]

بكرة بكون تست 2 ان شاء الله هالمره يكون اسهل من تست 1 لان تست 1 كانت الدرجات محبطة جدا
المهم رغم ان الموضوع ما في احد بس بحط السؤال الي عندي يمكن بالصدفة احد يشوفه ويحاول احله

 

[math lover]

هذا السؤال بعد يطلع ليي اذا open E/2 بس اذا كان close يطلع ليي E/3 لكن الجواب لازم يكون 2E/3
يعني الشق الاول من السؤال طلعته صح بس الثاني لا

 

[طريق]

بكرة بكون تست 2 ان شاء الله هالمره يكون اسهل من تست 1 لان تست 1 كانت الدرجات محبطة جدا
المهم رغم ان الموضوع ما في احد بس بحط السؤال الي عندي يمكن بالصدفة احد يشوفه ويحاول احله

بالنسبة لهذا السؤال يطلع االجواب (A)


بس انا عندي استفسار جبتر 30 داخل معانا في التست او لا اذا احد عنده فكرة

 

[i! Princess !i]

^^^^

لا مو داخل .. معانا بس جبتر 27 و28 و 29

موفقين =)

 

[i! Princess !i]

بكرة بكون تست 2 ان شاء الله هالمره يكون اسهل من تست 1 لان تست 1 كانت الدرجات محبطة جدا
المهم رغم ان الموضوع ما في احد بس بحط السؤال الي عندي يمكن بالصدفة احد يشوفه ويحاول احله

ان شاء الله يكون اسهل ..
تدرين اني كل مرة ادخل الموضوع و اتمنى اشوف احد يحط شرح او اسئلة نستفيد منها .. بس ما ادري ليش الموضوع كلش ما في تفاعل ..
ان شاء الله بعد ما اكمل دراسة اشوف اسئلة خارجية و نحلها مع بعض >> لأن الظاهر ان ما في غيرج يدخل هالموضوع
و بالنسبة للسؤال طلع عندي الجواب (A)
و الله يوفقنا جميييييع ان شاء الله =)

 

[طريق]

هذا السؤال بعد يطلع ليي اذا open E/2 بس اذا كان close يطلع ليي E/3 لكن الجواب لازم يكون 2E/3
يعني الشق الاول من السؤال طلعته صح بس الثاني لا

بالنسبة للثاني ترى يطلع 2R/3 عدل بس انا عرفت غلطج وين انتي بعد ماطلعتي الكرنت الكلي لازم تضربين بس في المقاومة اللي اهيا R اللي عندها Vab مادري اذا فهمتي قصدي بس انتي ضربتي الكرنت في R/2 عشان جي طلع هالجواب

 

[i! Princess !i]

هذا السؤال بعد يطلع ليي اذا open E/2 بس اذا كان close يطلع ليي E/3 لكن الجواب لازم يكون 2E/3
يعني الشق الاول من السؤال طلعته صح بس الثاني لا

طلع عندي الجواب صح
اذا open = E/2 ..بس شلون 3 اجابات في الاختيارات نفس الشي ؟؟ بالغلط يعني ؟؟
و اذا close = 2E/3
لأن اول شي تاخذين Req لل R اللي صايرين فوق و هم Parallel
بتكون Req = R/2
و بعدين تاخذين Req إلى (R , Req ) و هم Series
بتكون Req = 3R/2
ولما تعوضين بالقانون يعطيج
E=3/2 V
V= 2E/3 ...

ان شاء الله فهمتي على شرحي =)

 

[mamado]

باي ساعه ووين بيكون التيست بكره؟؟؟

 

[طريق]

بيكون من الساعة 4 لي الساعة 4:50

 

[ولد الوحش]

شهالدلاعه الي فيهم .. المفروض يسووونه الساعه 11 مو 4

الناس وراها اشغال

للعلم .. بيكون الامتحان في سكاشن مبنى العلوم قسم الفيزياء >> على قوله الدكتور

 

[i! Princess !i]

باي ساعه ووين بيكون التيست بكره؟؟؟

 

[mamado]

مشكووووورين كلكم

 

[i! Princess !i]

عندي سؤال ...

في آخر درس اللي عن Torque
حتى اطلع اتجاه T احتاج اطلع اتجاه M و B
شلون اطلع اتجاه M ??????

 

[i! Princess !i]

سلام ...

شخباركم ؟؟

شسويتوا في الامتحان ؟؟

بالنسبة لي الامتحان كان ....... مأسااااااااااة

بصراحة كان صععععب

ما ادري ليش حسيت نفسي ما افهم المطلوب من الاسئلة !!!!!!

حتى لو عوضت بالقوانين ... ما تطلع لي اي نتيجة من الموجودين

عالرغم اني كنت دراسة زيييين :S

بس الوقت كان كلش قصييييير بالنسبة لنوع الأسئلة ...
.
.
مع اني توقعت بسوي أفضل من تست1 لأن المحتوى اسهل :$

 

[math lover]

^^
صح الوقت كان قصير لكن احسه واجد اسهل من تست 1 حتى الدوائر الكهربية كانت بسيطة ما فيها تعقيد
وان شاء الله نحصل افضل هالمره

بالتوفيق جميعا

 

[math lover]

اي نسيت اقول ليكم
شكرا لكل من رد على اسئلتي