STAT الدراسة الجماعية وكل ما يتعلق بمقرر : ||STAT 273||

[نبض الأمل]

If a student selected at random and found to be a male, what is the probability

he is studying Computer Science.


هني نحلها بالكوندشن ؟؟

p(c\m)


C= study computer

M= male

 

[M!ss Programmer]

ممكن نسخة من اوراق جبر 7 لدكتورة سوسن , اوراقي ناقصين !!

 

[xrom]

ممكن احد يشرح لي جبتر 7 و اجازيه كثر ما يبي؟

..

او عالاقل يدلني ع دكتور

 

[salman22]

أنا جبتر 3
جبتر الجهالووو مو عارف حقه

 

[التماس دعا]

جبتر7 عن شنو؟

يمكن انا اعرف له؟!

لأن هالمقرر نفس مقرر البزنز كيو ام كوبي بست

 

[xrom]

جبتر 7 عن الهايبوثسيز تستنج

وفيه 3 قوانين

الاول اذا كانت السامبل اكبر من او يساوي 30 والسيجما + وشغله ثانيه مادري شسمها معروف

والقانون الثاني ..................
.

المهم عرفتوه .. الحين شلون نعوض في القوانين؟

 

[حيدرية]

سلام عليكم
في احد يشحرح ال distribution function ؟؟
نفس السؤال الي جانا بالتست

 

[أمواج]

جبتر 7 عن الهايبوثسيز تستنج

وفيه 3 قوانين

الاول اذا كانت السامبل اكبر من او يساوي 30 والسيجما + وشغله ثانيه مادري شسمها معروف

والقانون الثاني ..................
.

المهم عرفتوه .. الحين شلون نعوض في القوانين؟

هالجبتر فيه 3 اجزاء

اول شي عن الايرور

3 قوانين .. كل قانون بتستخدمه في حالة .. القوانين متشابهة
الفرق بس ان بتستخدم الزد مرة و مرة التي .. بتستخدم رمز الاس مرة و مرة اكس بار
مجرد تعويض عادي
أهم خطوة في البداية تعرف شنو القانون الي تستخدمه من خلال السؤال
فمثلاً لما يعطونك السيقما .. مباشرة بتعرف ان بتستخدم قانون الزد للألفا على 2 و بتعوض مباشرة مكان السيقما

الجزء الثاني في الجبتر عن انتيرفال استميشن
اهني بنفس الطريقة بتطلع الايرور
بعدين بتعوض في قانون الانتيرفل عشان اطلع الفترة

الجزء الثالث الي فيه الاج
عندنا اول شي نعرف هل بوبيوليشن أو سامبل + موجودة السيقما او لا
ثاني شي لازم نعرف الاج0 و الاج1
عشان نختار القانون المناسب الي نطلع ابه الزد كالكوليشن (كلهم نفس الشي و الفرق مجرد الرموز)
و تختار القانون الي اطلع ابه زد أو تي من الجداول عشان بعدين اتقارن و اتشوف الريجيكت
و تعرف من خلال الشروط الموجودة لكل حالة

أحس ان شرحي سريع و عشوائي و مو بالتفصيل و مو واضح

بس عشان تفهم ارجع لنوتات الدكتورة ريمان بنفس الجزء
بتحصلهم اكيد في المنتدى
و لما تقرا الجداول و تركز فيهم بتقدر تعرف بالضبط شلون تعرف

التعويض بكون كل شي مباااشر .. مجرد تاخذ من السؤال و اتعوض في القوانين
و اطلع الزد أو التي من الجدول .. أو اطلعهم كالكوليشن

و مسامحة عالتقصير

 

[أمواج]

سلام عليكم
في احد يشحرح ال distribution function ؟؟
نفس السؤال الي جانا بالتست

جبتر 4

اول الجبتر يسألونا هل هذي دستربيوشن فنكشن أو لا
فيه شرطين .. ان البروبالتي مجموعهم 1
و ان كل بروبابلتي أقل من او يساوي 0

بعدين يعطونا جدول الاف كابتال أو سمول لتر

قد يطلبون جزء K من الجدول نطلعه
مجرد ناخذ القيم و نجمعهم و نساويهم بـ 1 و انطلع بالمعادلة قيمة كي

يعطونا بعد نطلع قيمة بروبابلتي الى قيمة معينة .. طبعا يعطونا اكبر من / اصغر من / يساوي
مجرد نشوف الفترة .. مثلا اقل من 2 .. نجمع القيم للاف اوف اكس الي اقل من اكس =2
لين أقل من او يساوي .. بتدخل 2 وياهم
لين بين رقمين نشوف الرقم داخل او لا .. و مثل الطريقة نجمعهم
لين شفنا ارقام واجد بنجمع .. ناخذ التكميلية و نطرحها من واحد
مثلاً أكبر من أو يساوي 2 .. عندنا 3 و 4 و 5 و 6 .. بدل لا نجمعهم كلهم .. مجرد نطلح 1 من بروبابلتي الى اقل من أو يساوي 1
( الطريقة هذي للسمول اف )

يطلبون نطلع المين و الفيريانس و الستاندرد ديفييشن
قوانين و تعويض مباشر

يطلبون انطلع اف كابتال أو سمول لتر

لين يبون اف كابتال .. بتنزل اول قيمة مثل ما هي بعدين تجمعها مع الي عقبها و تنزل القيمة و هكذا
الين يبون سمول اف .. مثل الطريقة بس بتطرح

اهني عندي سؤال .. فيه اختلاف لما انطلع البروبابلتي من جدول السمول اف أو جدول الكابتال
او في الاثنين مجرد نجمع ؟

و مسامحة من جديد عالتقصير ..

 

[salman22]

كم جبتووووووون؟؟

 

[salman22]

B-

 

[ولد القمر]

A ​

 

[salman22]

والله أنا توقعت D
خخخخخخخخخخخخخخخخخخخخخخ

 

[ولد الشواطر]

السلام عليكم،،
تجنبا للمواضيع العشوائية ...ولأني لمدة فصلين وهاذا الثالث مجابل نفس المقرر وما كان في موضوع في المنتدى طول هالفصلين
هنا مساحة لكل ما يتعلق عن مقرر STAT 273 للفصل الثاني

مواضيع قديمة

https://www.uob-bh.com/forum/showthread.php?t=23622


https://www.uob-bh.com/forum/showthread.php?t=14260

https://www.uob-bh.com/forum/showthread.php?t=19424


أول تعليق على المقرر سهل لكن يحتاج متابعة أول بأول
لا تعتمد على النوتات لكن أسأل الدكتور بنفسك

فصل دراسي موفق للجميع يا رب
​

 

[ولد الشواطر]

السلام عليكم
افا شباب معقوله محد عنده أستفسار أو سؤال ؟؟!؟؟!؟!؟

طيب ما دام التست الأسبوع الجاي أنا راح أفتح باب النقاش
أول شي كم جبتو في التست الأول أنا جبت 44 من 50

ثاني شي من عارف شنو اللي راح يدخل في التست الثاني ؟؟؟؟

ثالثا من حاس أن في شي في التست الثاني مو مفهوم ^___^

 

[ولد الشواطر]

صبحكم الله بالخير
عن نفسي أنا بكمل شرح حتى لو أشرح حق الدفعات القادمة عااااادي
أهم شي أكون قدمت شي يستاهل أن يشوفونه ناس همتهم عالية في تحصيل الدرجات
A وبس
بسم الله نبدأ Chapter 6
التعاريف
1 : Population
يعني كل الأحتمالات المتوقعة
2 : Sample
يعني جزء من البوبولوشن
صورة توضيحية

مفهوم ؟؟؟
​

---

---

3 : Random Sample
أختيار جزء عشوائي من القطعة كلها
4: Random Sample Drawn From Finite Population
أختيار جزء عشوائي من القطعة كلها ,بشرط أن القطعة تكون محدودة
يعني لها حد لازم توقف عنده
5 : Random Sample Drawn From Infinite Population
أختيار جزء عشوائي من القطعة كلها ,بشرط أن القطعة تكون ما لها حد معين
مفهووووووووم ؟؟؟؟؟...؟؟!؟!؟!؟

​

---

---

ندخل في القوانين ؟؟؟
وصلى الله على نبينا محمد و على اله وصحبه وسلم​

 

[ولد الشواطر]

بسم الله نبدأ
القانون الأول Finite Population
ما راح نختار عينة وحده لا
راح نختار أكثر من وحده عشان نتأكد من الموضوع

---

STOP
​

---

أي موضوع !!!!
ولش نسوي السالفة كلها ذي أصلن شالفايدة
( تحيه للدكتورة ريمان ) ضربت لنا مثل عرفنا شنو هي السالفة
أحين إذا رحت المستشفى وشكوا أن فيك سكلر شنو يسون يا شطار
يسحبون دم :tears:
بس هل يسحبون غرشة وحده ؟!
لا ينشفونك
5 أو 6 غراش من عدة أماكن من جسمك لأنهم شاكين
وإذا وحده من العينات قالت أن فيك سكلر خلاص تأكدو
ف(نحن شاكين أن في خطأ في المسائل اللي راح نحلها لازم نكتشفه)
وإذا عينة من الRandom Sample قالت أن في مشكلة فنحن تأكدنا


مفهووووووووووووم ؟؟؟؟؟.!

---

---

نرجع حق القانون Finite Population
راح نختار عينات بعدد معين X1 , X2 , ..........., Xn
وحجم القطعة أصلان N
تره في فرق بين N وبين n
N[SUB]C[/SUB][SUB]n[/SUB]
هو القانون اللي يعطينا عدد الخيارات المسموحة
ونستخدمه إذا كان السؤال
بدون ريبتيشن لكن ربليسمنت
____
وإذا في ربيتشن لكن ما في ربليسمنت
N[SUP]n[/SUP]
والبرابلوتي وهي أحتمال حصول أحد العيانات
حق الأول

و الثاني
1/N[SUP]n[/SUP]

يعني إذا طلع عددهم 20
يكون أحتمال حصول أحدهم 1/20

مفههوفموفموفمومممم ؟؟؟؟

---

---

وصلى الله على محمد وعلى اله وصحبه وسلم



نوااااصل ؟؟؟؟؟؟؟؟؟؟؟؟؟؟؟؟؟؟
​

 

[ولد الشواطر]

السلام عليكم ورحمة الله وبركاته

ما في ولا رد ولا أستفسارِ
معليش بعد بواصل
​

 

[بنفسجيه.~]

السلام عليكم ورحمة الله وبركاته

ما في ولا رد ولا أستفسارِ
معليش بعد بواصل
​

عليكم السلام،،
اولا يعطيك العافية و ما تقصر على الشرح
على موضوع التفاعل ..هاذي صارت معروفة..و مع الاسف قليل من مواضيع نقاش المقررات اللي يصير فيها تفاعل على طول الكورس

لكن لا يمنع انك تكمل...و حتى لو ما احد رد او استفسر ..اكيد فيه اللي يقرأ على السايلنت و يستفيد من الشرح..و حتى لو مو هالكورس..الكورسات الجاية

 

[ولد الشواطر]

عليكم السلام،،
اولا يعطيك العافية و ما تقصر على الشرح
على موضوع التفاعل ..هاذي صارت معروفة..و مع الاسف قليل من مواضيع نقاش المقررات اللي يصير فيها تفاعل على طول الكورس

لكن لا يمنع انك تكمل...و حتى لو ما احد رد او استفسر ..اكيد فيه اللي يقرأ على السايلنت و يستفيد من الشرح..و حتى لو مو هالكورس..الكورسات الجاية

أشكرج أختي
أنا قلت بسويها عناد غصب يجيبون A ما في بديل
لا يؤمن أحدكم حتى يحب لأخيه ما يحبه لنفسه
وعلى التشجيع هذا اللي جاني من عندج راح أشرح جبتر 5+4
اللي راح يكونون للتست 2