- تاريخ التسجيل
- 17 يناير 2010
- المشاركات
- 14,630
- المجموعة
- أنثى
- الدفعة الدراسية
- 2010
- الكلية
- كلية تقنية المعلومات
- التخصص
- Computer science
welcome 2016 students
ألف مبروك القبول وعقبال نشوفكم في لوحة الشرف و من ثم في الخريجين يا رب
سواء عطوكم رغبتكم الأولى أو لا .. خلكم متفاءلين والحياة الدراسية ما بتوقف عند التخصص
فيه فرص للتأقلم وفرص للتغيير و كل شي عن صلاح باذن الله
لا تسمعون لكلام المحبطين والي يخوفونكم وفي نفس الوقت لا تكونون مستهترين
الدراسة الجامعية تحتاج طالب يفهمها ويتقن اختيار طريقة معايشتها
كل مادة وليها اسلوبها ونمطها وطريقة دراسة .. وبعد كل طالب ليه أسلوبه في التعامل مع المادة
المهم تشتغل صح
أسلوب الدراسة بالمدارس خلوه على جنب وتابعوا دروسكم وحبوا دروسكم أول بأول
ما عليكم من راي الآخرين هذا الدكتور مخيف وهذا سيء الشرح ولستة الذم الطويلة
ترى ياما شفنا دكاترة واكتشفنا ان ذمهم كان شيء فوق المبالغ فيه وراينا اختلف عن راي غيرنا فيهم
انت بايدك تجتهد وتحصد بقدر اجتهادك .. اذا كان فيه دكتور ظالم .. الله مو ظالم وحقك بيوصلك دنيا أو آخرة
وكلها بلاءات نصمد ونثبت ولا علينا من أحد .. فالمهم ما نظلم نفسنا بالإحباط والتراجع ولا نظلم أحد
قد تواجهون صعوبات وتحسون بضغوطات وبتعب بس بتوصلون وبتحسون بطعم الإنجاز
السنين تمر بسرعة بدون ما تحسون ليها .. فجأة بتشوفون نفسكم في دفعة المتوقع تخرجهم
ولا تستعجلون بالمواد .. اختاروا حسب طبيعة المواد وقدراتكم .. لا تزحمون الجدول
مو مهم فلان وعلان اتخرج قبلي .. المهم أنا أتخرج بدون عراقل بسبب اني زحمت نفسي بالجدول
ألحين .. ابدأوا اطلعوا أكثر لى تخصصكم واتعمقوا فيه أكثر
وهذا الموضوع لجميع استفساراتكم عن الجامعة والتخصص والمراحل الجاية من تثبيت القبول والتسجيل
واحنا حاضرين بكل ما نقدر عليه
موفقين يا رب
.gif "AN (12) :AN12:")
