أوافق/لا أوافق.

[_ALI_]

أني أقول:
أول شي: في واجد شباب ما يحاول يجمع شي أصلا ويصرف فلوسه على توافه، قهاوي وشيش وجقاير وممكن يصرف واجد على سيارة يعدل فيها ومادري وش يسوي ليها، ولين جا إلى موضوع الزواج قال ماقدر ويطلبون واجد ومن هذا القبيل من الكلام..
يعني هو أساسا ما يتعامل وي الموضوع بشكل جدي أصلا، يبا يتزوج ببلاش، ولو زوجوه ببلاش بيذل بت الناس مذلة ان اخذتش ببلاش

ثاني شي: أني ضد المبالغة والإسراف في تكاليف الزواج والضغط على الرجال ماديا، وكلنا نعرف إن البحارنة أغلبهم على قد حالهم، لذلك مراعاة الرجال واجب على اللي راح تكون زوجته قريبا..
وفي المقابل أني ضد التنازل عن كل شي، وأني شخصيا بعيدا عن المثاليات لو كنت ما سويت ليي حفلة كانت بتظل في خاطري طول عمري!
ولكني حاولت قدر الإمكان إني أقتصد في المصاريف وأوفر أكبر قدر ممكن من الفلوس لأني حاطة في بالي إن لو أسرفت وصرفت فوق طاقته هالشي راح ينعكس على مستقبل زواجنا بعدين
لذلك أقول لا تفكر تقدم على زواج الا إذا جمعت مبلغ زين، لأن زوجتك وشريكة حياتك تستاهل تسوي ليها شي يخليها تفرح -بدون مبالغة في الصرف مثل ما قلت- فإذا كنت عندك ليش تبخل؟ واذا ما عندك هل أنت متصور الحياة الزوجية بس هالشي؟؟

ثالث شي: لازم تحط في بالك انك اذا أخذت وحدة أجنبية لازم بين فترة وفترة توديها لأهلها، واذا أنت منتف ما تقدر تجمع مبلغ حق تتزوج ابه، شلون بتقدر تدبر مبلغ لسفرات طول حياتك؟؟
وفي شي لازم تنتبه ليه، البنية ما قاعدة تشوف أهلها فترة طويلة لازم بتشتري ليهم أشياء ما بتروح إيدها خالية فزيادة على مبلغ السفر حط في بالك الهدايا
وإذا كنت ما بتوديها لأهلها، فلا تظن إنها بتصبر واجد
أني أهلي كل أسبوع أشوفهم وأموت من شوقي ولو يمر اسبوع ماقدر أروح ما أحس بارتياح
فما بالك وحدة يمكن ما تشوفهم الا في السنة مرة؟!!
عادي جدا تصبر تصبر وبعدين تهرب منك وتخليك تولي، وأني سمعت عن ناس واجد جدي

رابع شي: اختلاف العادات والتقاليد ممكن يأثر على حياتكم بشكل كبير، مثلا في واحد اذكر زوجته ما كانت راضية تلبس دفة سودة متحجبة بس لازم حجاب ملون تبي
ومو شرط أنت تقدر تفرض عليها عاداتك وأطباعك، أما ترضخ لأطباعها وتستلم، أو تظلون في صراع

خامس شي: الزواج مو عملية شراء، أنت مو شايف سيارة وقررت تاخذ غيرها لأنها أرخص
اختيار الزوجة شي مهم، هي مو مجرد جارية هي شريكة حياتك وأم أولادك اللي راح تربيهم وياخذون منها جزء كبير من شخصيتها وأفكارها
لا تاخذ الموضوع على أساس مادي!
لو كنت محاول تجمع لك مبلغ ومدور بنية زينة ومحترمة أكيد راح تتساعد وياك وأهلها مثل الشي
لما تكون أنت نفسك إنسان ملتزم ومحترم بتحصل ناس محترمة تعاملك على أساس إنك رجال جاي تتزوج
ولما تكون إنسان مادي وتفكيرك في الفلوس بتحصل ناس نفسك بالضبط
لأن الله لا يزاوج الا ما يشابه
وترى في ناس صدق يمصخونها، حتى لو حاولوا أهل البنية يتساعدون وياه يقعد هو وأمه يتقاصصون ويساومون تقول رايحين سوق المقاصيص

آخر شي أقول كل واحد ياخذ على نيته، أنت الا عليك تشتغل وتحاول تسوي الشي الا يخليك توفر حياة كريمة للبنية، والسالفة مو سالفة مهر وتكاليف وغيره
لأن في صبيان يجي لا عنده مهر، ولا شغل، ولا مكان يسكن زوجته فيه، ولا هو دارس، ولا عنده أخلاق ولا شخصية عدلة
ويجيك يبي تسهيلات وتخفيضات وخصوم !
اللي يجي جدي ويبي يتزوج ما يعتبر انسان جاد، ولا يصلح لتزويج، وحتى لو عطوه البنية ببلاش بدون أي تكاليف بيكون زواجه فاشل لأنه أصلا إنسان فاشل

أما بالنسبة لكون تكاليف الزواج من أجنبية أقل، لأنها على الأغلب تكون من عائلة فقيرة وأهلها شافوا تزويجها فرصة لتخفيف أعباء عنهم، وإن الشي فرصة ليها إن ممكن تعيش حياة أفضل
-لأن ما في وحدة عايشة بخير وعز بتهد أهلها وبلدها عشان تتزوج واحد أصلا منتف وخايف من مصاريف الزواج-
ولو قبلت هذي الأجنبية هالزواج، فلازم يكون في بال اللي متزوجنها إنه مسؤول عنها قدام ربه ومحاسب أكثر من اذا متزوج وحدة أهلها وياها، ع الأقل ديك لو صار شي عندها أهلها بس دي ما عندها من بعد الله غيره وجاية في بلد غربة
ولازم يوديها لأهلها بين فترة وفترة وما يحرمها منهم

وفي النهاية كل شي نصيب؛ ومحد ياخذ الا نصيبه والمكتوب ليه

كلامج صحيح و لكن عن مسألة تكاليف زيارة الاجنبية لاهلها ما راح توصل الى سعر تكاليف ليلة وحدة كلفت المتقدم كل فلوسه ، فعلى الاغلب مبلغ الزيارة ممكن يتوفر في حال خصص جزء من معاشه الشهري لزيارة اهلها كل شهرين او ٣ اشهر مثلا و طبعا الجيل الحالي يجمع الناس ببعض عكس قبل اي انها تقدر تتواصل مع اهلها صوت و صورة كل ما بين فترة (بس اكيد يختلف الشعور عن الزيارة وجه بوجه)

عن مسالة الزواج من البحرينية

- البعض يعتقد بان الزوج الكريم ، المثقف ، الغني ، المعروف عن اهله في كل مكان راح يدلل البنت و يخليها اسعد انسانة في الكون و لكن ربما الواقع يثبت عكس هذه الاعتقادات و يكون قاسي وجاف و ما يهتم بها لكونه رجل اعمال و عنده اشغال كثيرة و كبيرة تجبره احيانا على السفر عنها ايام او اسابيع و ممكن تكون حياتها مليئة بالحسرة و الالم و تعد فلوس زوجها

- بالمقابل ربما الشخص الا يطلب البنت بمهر معقول و يبتعد عن الكماليات و السرف المبالغ فيه يعيش حياة سعيدة و يحافظ على البنت و ما يقصر عليها باي حاجة بحسب استطاعته و قدرته المادية و يكون موجود معاها في كل وقت و يشاركها حزنها و فرحها
صحيح ان الموضوع مو مسئلة شراء سلعة معينة علشان يساومون فيه ، لكن كل شخص له طاقته المادية و ما يعتبر بخيل لما يبحث او يطلب من اهل البنت المراعاة او عدم المبالغة في الطلبات

 

[أمواج]

عن مسالة الزواج من البحرينية

- البعض يعتقد بان الزوج الكريم ، المثقف ، الغني ، المعروف عن اهله في كل مكان راح يدلل البنت و يخليها اسعد انسانة في الكون و لكن ربما الواقع يثبت عكس هذه الاعتقادات و يكون قاسي وجاف و ما يهتم بها لكونه رجل اعمال و عنده اشغال كثيرة و كبيرة تجبره احيانا على السفر عنها ايام او اسابيع و ممكن تكون حياتها مليئة بالحسرة و الالم و تعد فلوس زوجها

- بالمقابل ربما الشخص الا يطلب البنت بمهر معقول و يبتعد عن الكماليات و السرف المبالغ فيه يعيش حياة سعيدة و يحافظ على البنت و ما يقصر عليها باي حاجة بحسب استطاعته و قدرته المادية و يكون موجود معاها في كل وقت و يشاركها حزنها و فرحها
صحيح ان الموضوع مو مسئلة شراء سلعة معينة علشان يساومون فيه ، لكن كل شخص له طاقته المادية و ما يعتبر بخيل لما يبحث او يطلب من اهل البنت المراعاة او عدم المبالغة في الطلبات

حط نفسك مكان ولي الامر .. شنو تفضل لبنتك
اذا هي مثقفة و متعلمة تبي ليها شخص مثلها عشان التكافؤ الفكري
وفي نفس الوقت تبي ليها شخص مضمون مستقبلها و مستقبل اولادها وياه من ناحية استقلاليته ووظيفته

ترى التقارب للحالة المادية بين الطرفين ليه دوره بعد في الحياة سواء كان بنسبة كبيرة او صغيره
فاذا طرف يحس ما يقدر يتعايش مع مستوى الثاني الي اعلى منه أو اقل منه ماديا لا يظلم الطرف الثاني وياه

ومثل ما ان الرجال يشرط امبيها بهالطول و هالعرض و هالشكل وهاللون بهالوظيفة و بهالمستوى وعندها ليسن وتلبس كذا وووو .. من حق البنية تحط شروطها
ليش لين جينا للرجال نقول فكري بالدين و الاخلاق والرجال شايل عيبه .. بس الى الرجال لا هذا حقه يختار وياخذ وحدة تعجبه يعيش وياها وما ينقصها و لا شرط من الشروط

ثانيا ترى الناس تتكلم عن غلاء المهور مجرد ترديد حجي ما اشوفه شي واقع .. هذا هو المتعارف من زمن امهاتنا الى الحين بحدود 1500
وفوق هذا البنية اما تصرفه في اشياء تحتاجها اوردي لتجهيزها للزواج ولو ما اخذتها الحين بترد تشتريها عقب من النفقة
او اترجعه لزوجها للاثاث و الى احتياجاته
او تاخذ سيارة او شي يهمها
او تسافر وياه ابها
يعني باختصار تقريبا ترجع للرجال بشكل مباشر او مو مباشر

بالنسبة لتكاليف العرس سابقا إسأل الوالدة جم ليلة يسوون الاعراس من العقد للزواج بكل عاداتهم وتقاليدهم
عقد حنة جلوة عرس خطوبة مبارك وما اعرف شنو و غير ولايم او قدوع 3 ايام عقب العرس .. محد اشتكى
الحين ما فيه كل هذا .. لكن طبيعي تحسون بالغلاء لان الاشياء غلت
قبل في الماتم ما اعرف بلاش لو فيه رسوم رمزية .. الحين الصالة بروحها شوف جم تكلف
قبل الحنا العروس يمكن ما تجي 10 او 20 دينار .. الحين وصلت 60 دينار و فوق
قبل يكفي الناس بارسلات خفيفة بالعرس .. الحين طلعت سالفة البوفيهات .. و حتى لو بارسلات بعد المخابز مو اسعارها نفس قبل
قبل العرس يجيبون ملاية او حتى بدون ملاية الاهل يكونون بهالمكان .. الحين ديجي و لو بجي ملاية بعد ما اعرف كم ياخذون
قبل الذهب شوف بجم ووصل جم
ووو الامثلة واجد
طبيعي ما تقدر ترجع الزمن الى اول .. و البلد كلها غلاء بغلاء ما جت بس عالمصاريف للزواج
يعني الغلاء الحاصل بالزواج امر منطقي منعكس من الغلاء الحاصل بالعالم .. وللاسف كل شي زاد الا دخل الفرد ما اتغير

عموما اني ما ابرر ولا انفي فيه اسراف و فيه كماليات طلعت عالساحة ما ليها لزمة الناس تتمسك فيها ويخلونها ضمن عادات الزواج
وفيه اشياء ليها بدائلها الارخص بعد .. مثلا صالات واجد في البحرين معقولة اسعارها .. ما وقفت الحياة الزوجيه على الصالة الفلانية

بس الرجال بعد لا يحط اللوم كله عالبنية .. بروحه يشوف الاسعار و يقدر شنو الي يقدر عليه و يكون صريح من البداية مو عيب
حتى من المقابلة ممكن يقول للبنية انا قدرتي كذا وكذا ما صار توافق الله يوفق الطرفين
ما يحتاج انه يكلف على روحه ويضغط على روحه و بعدين يتشكى ويقول البحرينيات كلهم غلاء

 

[المهندس عبدالله]

أنا أشوف إن الإنسان الطبيعي ما يرتاح إلا إلى بنت بلده، بغض النظر عن كل الأمور الأخرى
بنسبة للمصروفات، أنا أله أشوفه إنه تنصرف المصاريف وتصير الهدرة على الإسراف بس محد يقول ما نقدر

بنسبة للزواج من خارج البلد أنا أشوف إنه مو عيب وشي طبيعي جدًا (و عائلتنا في أكثر من زواج من خارج البلد )، بس مو عشان تقليل المصاريف، وبصراحة أشوف إنهم يصرفون برحابة صدر
الموضوع هو موضوع توافق... أحيانًا الإنسان ما يحصل التوافق مع أهل بلده نتيجة الخلافات الفكرية أو ثقافية ويحصل إنه يحصل هذا التوافق خارج البلد وإذا كان مقتدر وبيهتم بالبنية ليش لا؟
** وحتى العكس ترى البنية عادي تتزوج من خارج البلد لنفس الأسباب
لكن في النهاية الإنسان اله يعتقد بإن الزواج من أجنبية راحة بال فهو غلطان مثل هذا الزواج لازم يكون على أساس أمتن من الأمور المادية

 

[روؤحي فاطمية]

View this content on Instagram

View this content on Instagram

ويش رايكم في الموضوع؟ وأركز على محورين في حديثه:
1. تكاليف الزواج 5 - 7 آلاف، ويش رايكم في الموضوع؟ ليش الأجنبية تكاليفها أقل؟ ما بتصرف على سفراتها لأهلها وغيره؟
** خصوصًا إن احنا في البحرين نعيش حياة بسيطة بالمقارنة بدول بره، حتى لو كانت عملتنا أحسن، تضل حياتنا أبسط منهم حسب رأي..
2. كيف يتوافق الإنسان مع شخص خارج المألوف.. أيقد ثقتك بان الأجنبية بتكون متساعد معك أكثر من إبنة بلدك؟

** طبعًا رأي أحتفظ به للنهاية كالعادة

أولا سلام الله عليكم شو أخباركم ؟؟!

ثانيا أضم صوتي و تعليقي الى الاخوة والاخوات .. مثل الاخت ( قمر ) .

ثالثا ما شاء الله هالفلان وصل حتى للمنتدى بل بل ..

رابعا : لا اخفي عليكم بالقول أن بعائلتي يوجد شخص منههم متزوج فلبينيه ( متدينه ) كونهه لا يستطيع دفع مهر البحرينيه كون الفلبينيه عاد مهرها 50 دينار والبحرينيه لا تقبل كونه من أسرة بسيطة وأهوه وظيفته بسيطة جدا ً .. ولله الحمد أنجب طفله كالقمر ولكن الأن لو بسال فلوسة وين يوديها .. ( اشترى له سياره أنيو ) !!! ..
بالمناسببة أيضا :
عمي وابنة عمه تم العقد عليهم بمقابل قران فقط طبعا بناتنا ما يقبلون بقران وادا احد قبل انما فئة قليله جدا أو (يحبون بعض ..)
وهذا ما حدث لعمي طلبنا بمساعدتهه بأمور الزواج والمصاريف ولكن رفض ذلك ..

وبغض النظر عن تلك الأمور ما علينا منهم ..
رأيي الشخصي
لابد من الشخص الذي ينوي الزواج بأن يكون له مبلغ معين ورمزي وليس يقوم بتقدم لاكثر من أمراءه وهو لا يملك فقط الا 1000 دينار فبذلك تظلم المراءه .. لانه هال 1000 بتكن لمهرها . طيب وتجهيزها ؟! من وين بتييبه يا حبيبي ؟؟! وايضا من جهه البنت تقدر تخلية بماتم أو صالة بسيطة اما بناتنا الا يتفلسفون يبي لهم دواس بالبطن ...
بالمناسبة ( تم البحث لاخي عن مراءة وباثناء المقابله طلبت ان يعطيها بالشهر 300 دينار كمصروف و 5 عبايات بالشهر و 5 شنطات ) صح نحن عائلة لست فقيرة وانما وضعنا المالي ممتاز بس شهالطلبات !

ثانيا الاشخاص اللي يتشرطون نبيها أعيون ملونه واهوه أجلح واملح ؟ عفوا يا نور العين ما يطيح صراحه ( عذرا على الكلمات البديئه )

ثالثا اللي يبيها تشتغل وطويلة وجامعيه واهوه وظيفته حالتها لله وثانوية ما عنده !! ( شو هالطلب خيي !!! ) أعتقد حتة لو وافقت ماكو تناسب بطرح الأفكاار !!

بالاخير يلجا اولادنا الى الزواج من الخارج عبالهم ارخص لهم واهوه العكس ويتركون البحرينيه ع قولتهم مصاريفها وايد .. مثل ما احنا مصاريفنا وايد انتو بعد حاطين شروط وحالتكم لله ..

صرااحهه ودي اهدر بهالموضوع بس حسيت طولت عليكم ..

 

[_ALI_]

ثانيا الاشخاص اللي يتشرطون نبيها أعيون ملونه واهوه أجلح واملح ؟ عفوا يا نور العين ما يطيح صراحه ( عذرا على الكلمات البديئه

لفتت انتباهي هذه العبارة كون أحد اصدقاء الجامعة يتم رفضه بحجة شكله (حسب كلامه) .. المهر موجود ، و السكن موجود ، و وظيفته جيدة ، و ايضا احس شكله عادي بس ما يدري ليش يتم رفضه بمجرد مقابلته مع انه شروطه قليلة و متوافرة في اي بنت ؟
مؤخرا بدا يميل الى البحث عن بنت من الخارج - و السبب حسب مصطلحنا العامي "ما بقى فيه وجه يقابل بنات الاوادم" و خصوصا ان البعض بدأوا يظنون به السوء لبنات الناس - و طبعا ربما هو يمزح عن هالنقطة بس ممكن تصير حقيقة لو اضطر الامر

ثالثا اللي يبيها تشتغل وطويلة وجامعيه واهوه وظيفته حالتها لله وثانوية ما عنده !! ( شو هالطلب خيي !!! ) أعتقد حتة لو وافقت ماكو تناسب بطرح الأفكاار !!

بالعكس ، مو كل شخص حمل شهادة جامعية يعني ما تناسبه الا بنت عندها شهادة (و العكس صحيح) .. التوافق يصير في تقبل الطرفين لبعضهم و شلون يتفاعلون مع الحياة و مشاكلها و تحدياتها

بالاخير يلجا اولادنا الى الزواج من الخارج عبالهم ارخص لهم واهوه العكس ويتركون البحرينيه ع قولتهم مصاريفها وايد .. مثل ما احنا مصاريفنا وايد انتو بعد حاطين شروط وحالتكم لله ..

سالفة الزواج من الخارج مو متعلقة فقط بالمستوى المادي .. فيه اسباب كثيرة و احدها بمثل الا ذكرته في بداية ردي .. و في الاخير الزواج قسمة و نصيب و مو كل زواج يكون ناجح حتى لو توفرت جميع الشروط في البداية

 

[قمَر]

كلامج صحيح و لكن عن مسألة تكاليف زيارة الاجنبية لاهلها ما راح توصل الى سعر تكاليف ليلة وحدة كلفت المتقدم كل فلوسه ، فعلى الاغلب مبلغ الزيارة ممكن يتوفر في حال خصص جزء من معاشه الشهري لزيارة اهلها كل شهرين او ٣ اشهر مثلا و طبعا الجيل الحالي يجمع الناس ببعض عكس قبل اي انها تقدر تتواصل مع اهلها صوت و صورة كل ما بين فترة (بس اكيد يختلف الشعور عن الزيارة وجه بوجه)

عن مسالة الزواج من البحرينية

- البعض يعتقد بان الزوج الكريم ، المثقف ، الغني ، المعروف عن اهله في كل مكان راح يدلل البنت و يخليها اسعد انسانة في الكون و لكن ربما الواقع يثبت عكس هذه الاعتقادات و يكون قاسي وجاف و ما يهتم بها لكونه رجل اعمال و عنده اشغال كثيرة و كبيرة تجبره احيانا على السفر عنها ايام او اسابيع و ممكن تكون حياتها مليئة بالحسرة و الالم و تعد فلوس زوجها

- بالمقابل ربما الشخص الا يطلب البنت بمهر معقول و يبتعد عن الكماليات و السرف المبالغ فيه يعيش حياة سعيدة و يحافظ على البنت و ما يقصر عليها باي حاجة بحسب استطاعته و قدرته المادية و يكون موجود معاها في كل وقت و يشاركها حزنها و فرحها
صحيح ان الموضوع مو مسئلة شراء سلعة معينة علشان يساومون فيه ، لكن كل شخص له طاقته المادية و ما يعتبر بخيل لما يبحث او يطلب من اهل البنت المراعاة او عدم المبالغة في الطلبات

كان المفروض أرد أمس بس انشغلت وما رديت
الشي الا كنت أمبي أوصل ليه باختصار:
أنت بتصرف في كل الحالات، فالمفترض إنك ما تفكر في الموضوع بمادية

اني مو ضد ولا مع الزواج من أجنبية
مثل ما ذكرت في اخر ردي ان الموضوع نصيب وكل واحد ما ياخذ الا نصيبه
إيه أفضل بنت البلد لأني أشوفها أفضل من وجهة نظري الشخصية، ولكن اذا شخص تزوج أجنبية لأي سبب من الأسباب فهو حر قراره وكيفه
ولكن مثل ما قالت أمواج
مو معنى هالشي إنك تذم البحرانية وتقول إن هي السبب وووو
بدون ما تحط في بالك إن كل شي صار غالي وطبيعي بتزيد المبالغ الا تحتاجها العروس عشان تتجهز مهما حاولت تقتصد وتقلل من الصرف

أني من وجهة نظري الشخصية أقول
ما عندي أي مقاييس ثابتة لازم تكون موجودة في الشخص عشان أعتبره الشخص المناسب
فمثلا ما أعتقد بوجوب إنه يكون جامعي لأني جامعية
زوجي مستواه ثانوية عامة للأمانة
ولكنه اشتغل من عمره 19 وجمع الفلس على الفلس
وما جا ليي وهو ما عنده ولا شي
ولا هو الغني الا ما يدري وش يسوي بالفلوس
حرم نفسه من أشياء عشان يقدر يوفر
مادري جم سنة اشتغل بلا اجازات سنوية ولا اسبوعية كلها ياخذها أوفر تايم
وما قال ليي أبدا ما عندي بالعكس يقول الا خاطرش فيه اخذيه
وطبعا لا كنت أعرفه ولا كان يعرفني زواجنا تقليدي بحت
ورغم كل هذا كنت أحاول قدر الإمكان ان اقلل من مصاريفي
لأني حاطة في بالي ان قدامنا مصاريف وما يصير اخلص كل شي

على العكس من هذا الشخص تماما تقدم ليي شخص قبل وما صار بينا نصيب
ما يشتغل ما عنده وظيفة ثابتة
ولا عنده مكان يسكني فيه
ولا عنده ولا شي من تكاليف الزواج
لدرجة حتى المهر كانوا مستغلينه ويبون نسوي ليهم تخفيضات
رغم ان طلبنا مهر 1200 اعتقد، 700 المهر و500 الطايح
ورغم اني كنت نفس الشي احاول اتساعد بقدر الإمكان بس ما كان يبين بعيونهم كل ما اطلب شي اعترضوا وقالوا واجد
واحمد ربي ان تفركش الموضوع قبل لا يتم

اني ما كنت حابة اتكلم عن تجاربي الشخصية!
بس عشان أثبت لك ان في شباب ما عندهم استعداد يسوون أي شي
يبون يتزوجون ببلاش بكل ما للكلمة من معنى
وهم ما عندهم شي لا للزواج وتكاليفه ولا لما بعد الزواج
وأني أقول اذا وحدة وافقت على شخص بهالطريقة ما عنده ولا شي فهي قاعدة ترمي نفسها في النار
احنا ما نطلب مليونير!
نبي شخص يعيشنا حياة كريمة بس
نبي شخص يحاول إنه ما يخلي شي في خاطرنا بقدر الإمكان
ع الأقل يحسسنا إنه قاعد يحاول يسوي شي
ولو ما قدر حزتها نقدر نتسامح وياه
ومو شرط يكون الا يسويه شي مادي
لأن في شي يعوض عن شي ثاني
بس للأسف واجد شباب مفلسين من جميع النواحي ويبون ياخذون بدون ما يبذلون أي شي

وعذرا على الإطالة وسلامتكم

 

[UOB-BH]

أنا أشوف إن الإنسان الطبيعي ما يرتاح إلا إلى بنت بلده، بغض النظر عن كل الأمور الأخرى

أتفق معاك
_______

بالنسبة للتكاليف، بالعكس ما أحس ان البنت البحرينية متطلبة، نسبيا ومن بين دول المنطقة هي الأكثر قناعة والأقل تطلبا في تكاليف الزواج
ممكن يختلف المعيار بين بنت وأخرى لكن في المجتمع البحريني من السهل أن يجد الرجل "البنت القنوعة" بما يخص ماديات الزواج وبالتالي لا أجدد مبررا* للتوجه إلى الزواج بالأجنبية وتفضيلها على بنت البلد بحجة السبب المادي فقط.

* رأي شخصي

 

[UOB-BH]

حرم نفسه من أشياء عشان يقدر يوفر
مادري جم سنة اشتغل بلا اجازات سنوية ولا اسبوعية كلها ياخذها أوفر تايم
وما قال ليي أبدا ما عندي بالعكس يقول الا خاطرش فيه اخذيه
وطبعا لا كنت أعرفه ولا كان يعرفني زواجنا تقليدي بحت
.....
نبي شخص يحاول إنه ما يخلي شي في خاطرنا بقدر الإمكان
ع الأقل يحسسنا إنه قاعد يحاول يسوي شي
ولو ما قدر حزتها نقدر نتسامح وياه
ومو شرط يكون الا يسويه شي مادي
لأن في شي يعوض عن شي ثاني

أتفق معاج في هالنقطة، في رأيي ما نقدر نقيس السعادة ولا حتى المستوى المادي اللي بتعيشه الزوجة من المستوى المادي للزوج
الموضوع يتعلق بمدى استعداد الزوج للعطاء، مثلا اذا واحد راتبه 400 دينار ومستعد لتخصيص 400 دينار لعائلته أفضل من اللي راتبه 2000 دينار ويستخسر يخصص أكثر من 500 دينار للعائلة
الشخص الأول رغم انه أعطى 400 دينار فقط لكنها كل يملك وهذا المفروض يعني الكثير للزوجة
بعد اذا وحدة صار من نصيبها شخص راتبه 2000 دينار ومستعد يعطي 2000 دينار فهذا بيرفكت

طبعا الجانب المادي مو هو العامل الأول ولا الأساسي ، لكن بما انكم تتكلمون عن تكاليف الزواج فقط

أنا أشوف إن الإنسان الطبيعي ما يرتاح إلا إلى بنت بلده، بغض النظر عن كل الأمور الأخرى
بنسبة للمصروفات، أنا أله أشوفه إنه تنصرف المصاريف وتصير الهدرة على الإسراف بس محد يقول ما نقدر

بنسبة للزواج من خارج البلد أنا أشوف إنه مو عيب وشي طبيعي جدًا (و عائلتنا في أكثر من زواج من خارج البلد )، بس مو عشان تقليل المصاريف، وبصراحة أشوف إنهم يصرفون برحابة صدر
الموضوع هو موضوع توافق... أحيانًا الإنسان ما يحصل التوافق مع أهل بلده نتيجة الخلافات الفكرية أو ثقافية ويحصل إنه يحصل هذا التوافق خارج البلد وإذا كان مقتدر وبيهتم بالبنية ليش لا؟
** وحتى العكس ترى البنية عادي تتزوج من خارج البلد لنفس الأسباب
لكن في النهاية الإنسان اله يعتقد بإن الزواج من أجنبية راحة بال فهو غلطان مثل هذا الزواج لازم يكون على أساس أمتن من الأمور المادية

هالمشاركة تختصر رايي في الموضوع بشكل عام
المهندس عبدالله قاعد يقول دُرر في هالموضوع عيني عليك باردة

 

[غريبة الدار]

(المرآه الصالحة والتي تستحق مسمى الأم والزوجة لا تضحي بزوجها وأبنائها في سبيل وظيفه ودراسه )
شنو المقصود بالتضحيه هني بالضبط ؟
يعني يجي زوج ويخيرها يا الشغل يا أنا والأبناء ؟
هذا شي بيعتمد على الشغل نفسه ويش هو (طب تمريض لو هندسه لو تعليم لو وظيفه إدارية لو شغلات بسيطه وعاديه ؟
هل مختلط أم لا ؟ وإذا مختلط هل قاعده تصير خلافات في الأسرة بسبب هالشي لو لا
العمل قاعد يتسبب في غياب المرآه لفترات وساعات طويلة عن البيت لو لا الأم في غيابها (ساعات العمل ) وين تخلي الأطفال أو من يقعد وياهم
هل ضغط العمل قاعد يصير سبب في تقصيرها تجاه واجبتها كأم و زوجة

بالنسبه لي أشوف أنه
يعتمد على الرجال من هو ؟
وهل هو شخص قد المسؤليه وينشد فيه الظهر ؟
شلون بتكون الحياه أو نمط الحياه وياه بدون دراسه و وظيفه ؟

وحنى المرآه من هي وهل عندها قدره توازن بين الأثنين لو لا ؟
هل الزواج قاعد يغطي احتياجات المره والأسره لو لا ؟
ممكن أنه في يوم من الأيام يظلمها أو يتخلى عنها لو لا ؟

الوضع قاعد يصير صعب وقاعدين نحتاج ل عمل المرآه (أو حتى يكون ليها مصدر دخل خاص من مشروع مثلا) عشان تكون قويه عشان ما تحتاج أحد وعشان لا يجي شخص يستغلها ويستغل ضعقها وحاجتها خصوصا لين صارات أم وعندها أطفال

وطبعا بدون تفصيل أكيد عارفين الوضع السياسي شلون صاير في البلد
يمكن هذا الكلام ينفع ل قبل 20 سنه أو أكثر على أيام أبآنا وأجددنا
مره أبوي قال لي: (كانت الأشغال مفلته ومو نفس الحين )

الحين صار عدنا أجانب أكثر من قبل وصاير في تفضيل ل الأجنبي أكثر من البحريني وووووو

وحلو أنه المرآه تتعلم شي جديد وتستفيد منه وتطور من روحها وشخصيتها عن لا تكون مشغوله في توافه الأمور اللي ما تفيده لا دنيا ولا آخره
وللأسف مع زياده الأسعار والغلاء معاش الرجال بروحه يا دوب يغطي ويكفي
بهالطريقه المره تساعد الرجال جان تمشي الحياه


وأحس بعد عندي كلام واجد واجد بس أعتقد هي كفايه لا أطلع عن سياق الموضوع

 

[أمواج]

مشاهدة المرفق 23448

(المرآه الصالحة والتي تستحق مسمى الأم والزوجة لا تضحي بزوجها وأبنائها في سبيل وظيفه ودراسه )
شنو المقصود بالتضحيه هني بالضبط ؟
يعني يجي زوج ويخيرها يا الشغل يا أنا والأبناء ؟
هذا شي بيعتمد على الشغل نفسه ويش هو (طب تمريض لو هندسه لو تعليم لو وظيفه إدارية لو شغلات بسيطه وعاديه ؟
هل مختلط أم لا ؟ وإذا مختلط هل قاعده تصير خلافات في الأسرة بسبب هالشي لو لا
العمل قاعد يتسبب في غياب المرآه لفترات وساعات طويلة عن البيت لو لا الأم في غيابها (ساعات العمل ) وين تخلي الأطفال أو من يقعد وياهم
هل ضغط العمل قاعد يصير سبب في تقصيرها تجاه واجبتها كأم و زوجة

بالنسبه لي أشوف أنه
يعتمد على الرجال من هو ؟
وهل هو شخص قد المسؤليه وينشد فيه الظهر ؟
شلون بتكون الحياه أو نمط الحياه وياه بدون دراسه و وظيفه ؟

وحنى المرآه من هي وهل عندها قدره توازن بين الأثنين لو لا ؟
هل الزواج قاعد يغطي احتياجات المره والأسره لو لا ؟
ممكن أنه في يوم من الأيام يظلمها أو يتخلى عنها لو لا ؟

الوضع قاعد يصير صعب وقاعدين نحتاج ل عمل المرآه (أو حتى يكون ليها مصدر دخل خاص من مشروع مثلا) عشان تكون قويه عشان ما تحتاج أحد وعشان لا يجي شخص يستغلها ويستغل ضعقها وحاجتها خصوصا لين صارات أم وعندها أطفال

وطبعا بدون تفصيل أكيد عارفين الوضع السياسي شلون صاير في البلد
يمكن هذا الكلام ينفع ل قبل 20 سنه أو أكثر على أيام أبآنا وأجددنا
مره أبوي قال لي: (كانت الأشغال مفلته ومو نفس الحين )

الحين صار عدنا أجانب أكثر من قبل وصاير في تفضيل ل الأجنبي أكثر من البحريني وووووو

وحلو أنه المرآه تتعلم شي جديد وتستفيد منه وتطور من روحها وشخصيتها عن لا تكون مشغوله في توافه الأمور اللي ما تفيده لا دنيا ولا آخره
وللأسف مع زياده الأسعار والغلاء معاش الرجال بروحه يا دوب يغطي ويكفي
بهالطريقه المره تساعد الرجال جان تمشي الحياه


وأحس بعد عندي كلام واجد واجد بس أعتقد هي كفايه لا أطلع عن سياق الموضوع

مثل ما ان الرجل عنده كيانه و عنده طموحه و يحب يطور نفسه ويتقدم في المجتمع .. المرأة كذلك عندها مثل الحق .. حتى مو شرط تشتغل عشان الفلوس

ما أنكر اني أأيد ان أولوية المرأة المتزوجة اتكون بيتها .. وأجمل شيء لما تجد نفسها و ذاتها في كيان أسرتها وتطور اسرتها من تطورها .. بس هذا ما يمنع ان يكون عندها جانب آخر يخصها في وظيفة

فأشوف ان غلط يفرض الرجل عليها خياراتها بانها تشتغل او ما تشتغل .. هي الي اتقرر و اتحدد هالأمر .. الا اذا كان بعارض شغل معين او مكان معين للشغل بأسباب مقبولة فهذا امر مقبول

وطبعا المفروض اتكون المرأة واعية اذا كان الشغل بعارض استقرار اسرتها و بقلل من دورها في اسرتها وبخليها مقصرة او لا

 

[o n e]

Let me disagree a little with my understanding of the surface of this words (just in case
trying to be present by some effort opposing the desires will make you present.
the more intensity of opposing the desires is, the more the joy of being present there is​

 

[o n e]

روي عن الإمام الصادق ( عليه السلام ) : ( إيَّاكُم والنَّظْرَة ، فإنَّهَا تَزْرَعُ في القُلُوبِ الشَّهْوَةَ ، وكَفَى بِهَا لِصَاحِبِهَا فِتْنَة ، طُوبَى لِمَنْ جَعَلَ بَصَرَهُ في قَلْبِهِ ولَمْ يَجْعَلُ قَلبَهُ في نَظَرِ عَيْنِهِ ) .

قد ينظر شخص ما لمنظر ما ويبصر منه ماتشتهيه نفسه, بينما شخص آخر قد ينظر لمنظر ما ويبصر بقلبه مايفيده ويعمي عينيه بقلبه عما لا يريد.

 

[أمواج]

روي عن الإمام الصادق ( عليه السلام ) : ( إيَّاكُم والنَّظْرَة ، فإنَّهَا تَزْرَعُ في القُلُوبِ الشَّهْوَةَ ، وكَفَى بِهَا لِصَاحِبِهَا فِتْنَة ، طُوبَى لِمَنْ جَعَلَ بَصَرَهُ في قَلْبِهِ ولَمْ يَجْعَلُ قَلبَهُ في نَظَرِ عَيْنِهِ ) .

قد ينظر شخص ما لمنظر ما ويبصر منه ماتشتهيه نفسه, بينما شخص آخر قد ينظر لمنظر ما ويبصر بقلبه مايفيده ويعمي عينيه بقلبه عما لا يريد.

ربما المعنى باختصار .. أن يبدأ الانسان برؤية الاشياء بقلبه

ولو لاحظنا نشوف فرق المصطلحين "البصر" و"النظر"
عملية النظر تبدأ من العين (حاسة مادية) ثم العقل ثم القلب
عملية الابصار تبدأ من القلب (حاسة معنوية) ثم العقل ثم العين
كلاهما رؤية لكن النتيجة لهما مختلفة

طبعا اذا كان الانسان أعمى القلب ستقتصر رؤيته في النطاق الاول

 

[قمَر]

ما رأيك؟

 

[o n e]

مشاهدة المرفق 25035

ما رأيك؟

" سيعاملونك بالقدر الذي ترى به نفسك " . .

بعض الأحيان يرى الشخص في نفسه أنه عظيم مغرور, بوعي أو بدون وعي . .
قد يحسبها أنها في نفسه " عزة " بينما هي كبر ملبس . .

لكن عند المتعامل معه, لعله الأغلب لديهم أن هذا الشخص " مستهجن " . .
فلهذا السبب إن كانت العبارة صحيحة فهي مع نوع من المسامحة . .

 

[قمَر]

" سيعاملونك بالقدر الذي ترى به نفسك " . .

بعض الأحيان يرى الشخص في نفسه أنه عظيم مغرور, بوعي أو بدون وعي . .
قد يحسبها أنها في نفسه " عزة " بينما هي كبر ملبس . .

لكن عند المتعامل معه, لعله الأغلب لديهم أن هذا الشخص " مستهجن " . .
فلهذا السبب إن كانت العبارة صحيحة فهي مع نوع من المسامحة . .

ما فهمت قصدك بقولك "فهي مع نوع من المسامحة"

اللي فهمته من كلامك إنك ما تتفق مع العبارة
باعتبار ان اللي يشوف نفسه عظيم غرورًا مو شرط الناس تشوفه عظيم نفس ما يشوف روحه
بس العبارة الأخيرة سببت ليي تشوش في الفهم

 

[o n e]

ما فهمت قصدك بقولك "فهي مع نوع من المسامحة"

اللي فهمته من كلامك إنك ما تتفق مع العبارة
باعتبار ان اللي يشوف نفسه عظيم غرورًا مو شرط الناس تشوفه عظيم نفس ما يشوف روحه
بس العبارة الأخيرة سببت ليي تشوش في الفهم

فهمش صحيح،

قصدي أبها ان العبارة مو صحيحة بشكل عام، بس ممكن نتسامح معاها ان وجدت استثناءات (انمشيها يعني لهالاستثناء) إن وجد علشان مايزعل الكاتب

 

[o n e]

ما رأيكم بهذا الادعاء وهذه العبارة . .

" the creativity is the most important skill in the 21s century "

 

[c o d e]

ما رأيكم بهذا الادعاء وهذه العبارة . .

" the creativity is the most important skill in the 21s century "

ربما ، على ان يكون مصحوبا بالذكاء والوعي .
فلا احد يستغل ابداعك

 

[o n e]

مريت على هالموضوع من تراث
الاستاذة رحيل
جي في بالي إحياءه



الادعاء: جميع مشاعر التعلق أو أغلبها سلبية.

آرائكم