ITCS111

[aseer_you]

احتاج مساعده في هذا المقررر اللي يقدر يساعدني يرد عليي ضروري (ITCS111)

 

[Blue Castle]

احتاج مساعده في هذا المقررر اللي يقدر يساعدني يرد عليي ضروري (ITCS111)

اختي حطي السؤال او الشيء الي مو فاهمتنه و إن شاء الله نقدر نساعدش

 

[aseer_you]

اني فاهمة شلون احل بس اذا اجي اطبق ما ادري شنو يصير وما احل

 

[aseer_you]

 

[Blue Castle]

اني فاهمة شلون احل بس اذا اجي اطبق ما ادري شنو يصير وما احل

ما فهمت اختي انتي مو فاهمة لفلوجارت او مو فاهمة ، كتابة الكود ؟

 

[aseer_you]

لا اوكي فاهمة بس لما نحذف الاشياء اللي ما نبيها تكون على اي اساس ؟

 

[Blue Castle]

لا اوكي فاهمة بس لما نحذف الاشياء اللي ما نبيها تكون على اي اساس ؟

البرنامج ما يخزن كمية البرتقال و الليمون الي قاعدة تدخلينها مجرد تدخلين عدد كل واحد البرنامج يسوي كلكوليشن عدد البرتقال مضروب في سعره + عدد الليمون مضروب في سعره و يعطيش المبلغ المطلوب مجرد يطلع المبلغ المطلوب اذا ضغطتين انتر او اكس من شاشة البرنامج بيطلع من البرنامج و ما بيتخزن شي

 

[Blue Castle]

@aseer_you
عشان توضح الفكرة اكثر كتبت كود البرنامج و فيه بعض التعليقات بخصوص شلون انكتب و ليش سوينا كل خطوة :

#include<iostream>
using namespace std ;
int main(){
   
    // Create intial price of oranges and lemones
   
    // Intial price of orange
    //( it's float beacuse the price contain decimal point )
   
    float OrangePrice = 0.3 ;
   
    // Intial price of lemone
    //( it's float beacuse the price contain decimal point )
   
    float LemonePrice = 0.15 ;
   
    // Variable That Use To enter number of orange & lemones
    // ( It Will be integer because we just inter number without decimal points )
   
    int NumberOfOranges ;
   
    int NumberOfLemones ;
   
   
    cout << " Enter Number Of Oranges : " ;
    cin >> NumberOfOranges ;
   
    cout << " Enter Number Of leomoes  : " ;
    cin >> NumberOfLemones ;
   
    // Create Variable To Store Total Of Money
    // ( It will be float beacuse We have floats number in calculation ( Price of orange & lemone )

    float TotalOfMoney = OrangePrice * NumberOfOranges + LemonePrice * NumberOfLemones ;
   
    // Show Total Of Money In the screen
   
    cout << " The total of money is : " << TotalOfMoney << endl ;
   
}

و هذا بعد تشغيل البرنامج ، لاحظي في النهاية سواء ضغطت انتر او ضربت اكس في واجهة البرنامج بينصك بدون ما يخزن شي لان اساساً احنا مو قاعدين نخزنها مجرد قاعدين نبغي نشوف النتيجة الي هي المبلغ النهائي ، لتخزين النتائج او حذفها نحتاج نستخدم مكتبات ثانية غير ال iostream ، للتخزين بنحتاج مكتبة اسمها fstream بتتعلمون شلون تستخدمونها في الجباتر الجايm و للحذف في اكثر من طريقة بس حالياً حسب علمي ما يعلمونك هذا الشيء

https://drive.google.com/file/d/0By6IydPqj2WAWnZIczJhRDczamM/view?usp=sharing

 

[aseer_you]

ما فهمت عقدت عليي الموضوع ؟

 

[aseer_you]

احنا الحين تونا ما عطونا الكود تونا في البدايه

 

[aseer_you]

احنا ده اللي نحله في ورقة في الكومبيوتر للحين ما اخدنا
شكله صعب المقرر ؟؟

 

[Blue Castle]

احنا الحين تونا ما عطونا الكود تونا في البدايه

اها مسامحة فكرت بديتون في الكودات ، انتين قلتين " فاهمة بس لما نحذف الاشياء اللي ما نبيها تكون على اي اساس " ففكرت ان بديتون كودات ، اذا ممكن توضحين قصدش اكثر

 

[Blue Castle]

احنا ده اللي نحله في ورقة في الكومبيوتر للحين ما اخدنا
شكله صعب المقرر ؟؟

لا المقرر مو صعب سهل بس انا فكرت ان دخلتون في الكودات فكتبت الكود بس لان ما اخذتون الاساسيات فنوعاً ما تشوفينه صعب مجرد تبتدون بكون كل شي سهل ان شاء الله .

حالياً بس تاخذون رسم flowchart ؟

 

[aseer_you]

اي تونا اهني

 

[aseer_you]

بس اني لغتي الانج مو قويه من جدي خايفه

 

[aseer_you]

قصدي في البدايه لما نطلع الاسماء و عقب نحذف الاشياء اللي ما نحتاجها و عقب نطلع الفعل ويصير Process

 

[Blue Castle]

قصدي في البدايه لما نطلع الاسماء و عقب نحذف الاشياء اللي ما نحتاجها و عقب نطلع الفعل ويصير Process

ما في شي ينحذف في ل flowchar ، ل flowchar عبارة عن رسم يوضح طريقة عمل برنامج معين من البداية الى النهاية ، انتقالنا من خطو لثانية ما يعني ان الخطوة الي انتهينا منها انحذفت ، هذا مثال بسيط ل flowchar من النت :

طبعاً علموكم في البداية كل شكل شنو وظيفته ، الشكل البيضاوي حق بداية البرنامج و نهاية البرنامج ، الشكل المتوازي بكون حق ادخال معلومات او اظهار معلومات على الشاشة ، و شكل المستطيل بكون حق استخدام معادلة او عملية حاسبية هاذي ما تظهر في الشاشة تكون مخزنة في البرنامج نفسه

في البداية شوفي ابتدينا بالشكل البيضاوي و كتبنا فيه ( Start ) فهذا بداية البرنامج و لازم يكون في بداية كل فلوجارت

بعدين جا شكل متوزاي مكتوب فيه ( Read F ) كلمة read نستخدما عشان نشير ان البرنامج قاعد يطلب من مستخدم البرنامج انه يدخل عدد ما من اختيار ، بالنسبة لل F فهي مجرد متغير ممكن نكتبه اي حرف ثاني او اي شي سواء كلمة او كلمة مع ارقام ، بس المهم ما يكون رقم بروحه اي شي ثاني يصير

المستطيل الي بعدهم فيه العملية الحسابية و بنستخدم كلمة calculate عشان نشير ان هاذي عملية حسابية ، و فيها متغير ثاني عبارة عن الحرف C البرنامج بياخذ العدد الي دخلناه عن طريق ال F في الخطوة الي طافة و بيحسب قيمة حرف ال C

الخطوة قبل الاخيرة كتبنا كلمة display و بعدها حرف ال C ( كأنا نقول للبرنامج طلع لينا قيمة ال C بعد ما حسبناها )

اخر خطوة بنرسم شكل بيضاوي و بنكتب فيه end عشان نقول ان هاذي نهاية البرنامج

 

[Blue Castle]

بس اني لغتي الانج مو قويه من جدي خايفه

بالنسبة للغة فحتى انا في البداية كانت لغتي الانجلينزية مو قوية فلا تحاتين هذا الشي واجد ، ان شاء الله مع تكرار الكلمات بتتعودين على اللغة ، و بعد اول ثلاث مقررات CS بتبدون تاخذون مقررات فيها اشياء نظرية بعضها تحتاج حفظ و فهم فبتحتاجين تترجمين بعض الكلمات الي ما تعرفين معناها مع الايام بتتجمع عندش مصطلحات و بتتقوى اللغة عندش شوي شوي ، و حتى برا الجامعة تقدرين تطورين لغتش بالقراءة و بترجمة الكلمات ، في المستقبل بتحتاجين لغة لان بكون في مقررات فيها برزنتيشن و مقررات تحتاج تكتبين فيها ريبوراتات فحاولي تطورين لغتش من الحين بالتوفيق ان شاء الله

 

[aseer_you]

ان شاء الله تتطور ولا بنرسب واني احاول حاليا اترجم كل شي يعني وشكرا ما قصرت يعطيك العافيه

 

[Blue Castle]

ان شاء الله تتطور ولا بنرسب واني احاول حاليا اترجم كل شي يعني وشكرا ما قصرت يعطيك العافيه

عفواً