حلية مطاعم العلوم والايتي

[المهندس عبدالله]

مع اني ما احب ادخل في نقاشات بس حبيت اوضح هالنقطة

+1

** الهدف من المناقشة هو إبراز كل حيثيات الموضوع، يني لو ما صار أخذ وعطاء في الموضوع جان انصك ومحد استفاد شي

 

[زيّنب]

ليش نطالع السالفة من منظور حلال وحرام ونتجاهل سبب التحريم ؟

 

[المهندس عبدالله]

ليش نطالع السالفة من منظور حلال وحرام ونتجاهل سبب التحريم ؟

إحنا نعرف عن بعض الأشياء إنها حرام ونشوف ناس طايحين عليها!

** المفترض إن حتى المكروه تجتنبه، بس من هل أيام يلتزم!

 

[UOB-DESIGNER]

مطعم أبو علي...سألتهم شخصياً عن الدجاج قالوا
يستخدمون المزرعة

وعشان يطمئن قلوبكم أكثر إسألوا اصحاب المطعم نفسهم

 

[Mystro]

أبو علي أغراضه تبع ساديا
الدجاج واللحم
هل تآكلون ساديا ؟

 

[المهندس عبدالله]

مطعم أبو علي...سألتهم شخصياً عن الدجاج قالوا
يستخدمون المزرعة

وعشان يطمئن قلوبكم أكثر إسألوا اصحاب المطعم نفسهم

لو تسأل يهودي بقول لك النزارع...
طبعًا بقول لك المزارع نا يبي يخسر هو....
** أنا صراحة ما أكل لحم إلا في مطاعم اله مطمنين منهم (الوالد اشتغل في مطاعم في صغره وأصدقائه بعدهم يشتغلون هناك)، فأنا ما عندي سبب حق أشك فيهم وما يحق لي.. ولكن بعد ساعات نتنغص ما ندري الدنية خداعة يمكن صاحب أبوي غيرته الأيام يمكن ويمكن...

** وهو المشكلة مو في حلال وحرام بنسبة لينا أكثر من تجنب الضرر - احنا نعتقد بأن ليه تأثير يعني -

 

[أمواج]

أساسًا اللحوم مثلا برجر/ نقت/ شيش طاووق / كباب .... وغيره تكون معلبة مثلجات مو هم يسوونها
وشركة المزرعة مثلًا ما تنتج هالمثلجات .. فاذا بتتأكد .. تسأل عن كل وجبة شنو شركتها
+ ما فيه ثقة بالسؤال .. شخصيًا سألت أبو علي _من زمان_ وكان عاملين واقفين .. وسبحان الله كل واحد قال لي شركة غير

 

[Prince.11]

يبين على الموضوع ان مطروح من أشهر ..
و لكن حبيت أن ادخل في النقاش و لو من بعيد ..

بالنسبة الى حليّة المطاعم الي في الجامعة ..
فما اعتقد كلها حلال و كلها تنظم تحت المظلة الإسلامية ..

احس ان الإفتاء بالحرام و الحلال صعب جدًا ..
يعني عادي أروح مطعم و يقول لي حلال، انزين شنو يضمن لي ..؟

أبسط مثال، البعض يقول أبو علي حلال و يستخدم المزرعة ..
و البعض الاخر يقول حرام و يستخدم ساديا ..

ف مسألة الحلال و الحرام صعب التحقق فيها حتى لو من أصحاب المطعم ..
كثير من المطاعم ما يبي يخسر سمعته فيقول حلال و استخدم هالمنتجات ..

فمن يريد التجنب عن هذا الموضوع عليه الابتعاد عن اللحوم بأنواعها ..
كثير من الطلبة اعرفهم يتجنبون أكل اللحوم من جميع مطاعم الجامعة جميعها ..

قد يكون هناك بعض المطاعم الحلال ..
و لكن بعيدًا عن الشبه و الكلام و البعض يقول حلال و الاخر حرام يبتعد عن كل ذلك ..

سؤال أصحاب المطعم خصوصًا الهنود الي يشتغلون ..
ما راح يوصلنا الى الحقيقة الي احنا ننتظرها ..

 

[نجمة تشرين]

وللعلم في ثلاثة اسباب اذا تحققت وحده منهم يجوز لك تاكل من هالمطاعم
1 اذا كان في بلاد المسلمين
2 اذا كان من سوق المسلمين
3 اذا كان صاحب المطعم مسلم
يجوز لك تاكل منه اذا حصلت واحد من هالاسباب اما اذا انت مو متاكد بعد اجوز انك تاكل منه

طبعا كلامي كله مبني على كلام شيوخ

https://www.youtube.com/shared?ci=ksjbNQ2gu7g
وهذا نموذج وتقدر تبحث اكثر وتتاكد من كلامي بعد

تعقيبا

كلامكم فيه من الصحه
بس بكتب شي بشكل عام و بعلق على الجزئية الا بتكلم عنها

دوله مسلمه ..بما ان كلامنا محسوب علينا .. الدولة ممكن يكون غالبيه سكانها من المسلمين بس مو معناته انها تمشي على الاسس الاسلاميه في كلشي
فهذي ما تعتبر اسلامية بشكل مطلق
ناهيك عن كونها اسلامية تاخذ بفتاوى مو مطبقه على الجميع مثل ذبح اتباع الديانات السماويه حلال بالنسبة لفئه معينه و تمشي على هذي الفتوى كحكومه
بس بالنسبة لفئه من الشعب و مذهب اخر ما يحرز تذكية بذبح اهل الديانات هذي نقطه
فاساسا مبحث الدولة الاسلاميه فيه فروع كثييييرة
المهم ما نطول
خطأ كبير نقول حلال و حرام هذا كلام نؤثم عليه
قولوا لم نحرزتذكيه للحم او احرزنا التذكية خلكم شرعا في السيف سايد

ثانيا
قصه صاحب المطعم مسلم هذي تحتها 4 خطوط
ليس كل مسلم اخذ منه
لازم غير مشهور عنه بالسحت و الفجوور و اذا تحققت من هالشي هني تاكل على ذمته
بس مسلم و يبيع خمر
هذا قلعه تقلعه لا تحرز التذكية بناءا على ذمته الاسلاميه

ناهيكم عن شي بوضحه و انتبهت له من واقعي العملي في القضايا

ياما شخص مسلم معتدل عنده مطعم لكن اساسا ادارة المطعم التنفيذيه و حرية التصرف لهندي كافر او مسيحي او غيرة واجد عالشغله و ذه ما يحلل و لا يحرم من اي محل يجيب لحم
فالانسان مدام هالظاهرة منتشرة ان المدير التنفيذي للمطعم بيد شخص اخر لازم يحرز تذكيه اللحوم بناءا على صاحب المطعم الفعلي و ليس المسمى على ورق هو اساسا ماله شغل هالمسلم بالمطعم و لا يدري بشي بس يجمع بيزات اخر الشهر ههه ..المعذرة بس انتبهوا

و عذرا على الاطاله
و اتمنى وصلت الفكرة

 

[bani.hashem]

انا ما اكل من مطاعم فود الايتي الا اذا خلاص هلكت للموت .. و بما ان mw في بريك بين 11 و 1 يكون الشي جدا ممتاز للصلاة و العلف في داركليب المقدسة

حلية المطاعم موصوع طويييل و عريض و يمكنك تجنبه باكل طعمية بدون جبنة لان الجبن بعد مشكوك فيه هههه

 

[المهندس عبدالله]

انا ما اكل من مطاعم فود الايتي الا اذا خلاص هلكت للموت .. و بما ان mw في بريك بين 11 و 1 يكون الشي جدا ممتاز للصلاة و العلف في داركليب المقدسة

حلية المطاعم موصوع طويييل و عريض و يمكنك تجنبه باكل طعمية بدون جبنة لان الجبن بعد مشكوك فيه هههه

مع انه رخيص.. يعني..

 

[bani.hashem]

مع انه رخيص.. يعني..

رخيص و قوي و مضمون البقل بالطريقة الاسلامية

و اللهي الحين الحابل اختلط بالنابل و الناس بحسن نيتها تاكل من المطعم الفلاني و الفلتاني لان ( اشوف الكل ياكل منه ) هذي اكبر مشكلة

 

[أبو الحسن]

اسال اللي يشتغلون هناك ويش نوعية الدجاج واللحم وانتهى الموضوع

اذا ما صدقته خله يراويك نوع الدجاج او اللحم الموجود, وبذلك تكون قد أحرزت ما تصبو إليه

 

[bani.hashem]

للعلم الاسبوع الفائت و بالصدفة عيوني طاحت على كوارتين أبو علي اللي يستخدمها للطبخ و هي من ماركة " الكبير "

 

[المهندس عبدالله]

واجد مطاعم تبيع حرام ويقولك حلال.. لا نضحك على روحنا..

 

[!-X-!]

عندكم المنازل في الحقوق عجيب اكله ولا دجاج المشروم روعة و اكيد حلال و عنده غير اللحوم السلطات و الفطاير.....الخ