بخصوص الدفع الرسوم

[هذه الحكاية]

شلون ادفع الرسوم اونلاين من وين ؟ و شنو هي الطريقه الدفع

 

[رَحِيــلْ ،]

فيه عن طريق الدفع الإلكتروني من موقع الحكومة الإلكترونية، وفيه عن طريق موقع سداد، أو أجهزة سداد بعد.

اسم المستخدم = رقم الطالب الأكاديمي
كلمة المرور= الرقم الشخصي

الدفع عن طريق موقع الحكومة الإلكترونية
https://services.bahrain.bh/wps/portal/uob_fees_en

الدفع عن طريق موقع سداد
https://pay.sadadbahrain.com/User/Login

اللي أعرفه مال الحكومة الإلكترونية..
تدشون الرابط وتختارون خدمة دفع الرسوم.. تدخلون حسابكم وتحطون البيانات اللي بيطلوبنها (إيميل + رقم هاتف) من ثم تنتقلون للدفع
خلال الدفع تختارون نوع البطاقة (الصراف: بنفت، أو بطاقة ائتمان فيزا وغيرها)
من ثمّ يحولكم لبيانات البطاقة مثل رقمها، اسم صاحب البطاقة، والباسوورد..
المهم بعدين تضغطون على زر الدفع وخلاص.. يعطونكم الرصيد تصورونه للاحتياط وأوردي يطرشون رسالة عبر الإيميل وعبر الهاتف.
عقب ترجعون لجدولكم تضغطون أبروف ويصيرون المواد عند خانة الدفع (نعم) أو (Yes). وخلاص يتثبت الجدول ويكون مدفوع بالتأكيد.

مال سداد الموقع ما أعرف عنه.. بس الأجهزة أعتقد تختارون الخدمة ولربما بيطلبون بيانات الطالب وما شابه ومن ثم تدخلون المبلغ وجي.. أتوقع الخطوات يكتبونها. والخطوة الأخيرة نفس الشي لما تثبتون الجدول.

إذا على الابتعاث من كفيل (وزارة التربية مثلًًا أو غيرها) أو عندكم إعفاء.. يكفي الضغط على زر أبروف مباشرة..
ولكن كما يبدو عندهم خلل أو شي خلال هالجم يوم بيعدلونه حق يصير الجدول مدفوع.

 

[yagmur]

ترى يصير الدفع عن طريق سداد سهل جدا

أني أونلاين مرتين يعلق عندي قبل ...
و ساعات دايركت يندفع أونلاين ...

من يعلق , أدفع سداد دايرررركت يندفع لي , أجيك أونلاين يطلع عندي في السستم أن أندفعت المواد الحمدلله . ما أتبهدل