استفسار مواصلات الجامعة

[ولدالجودر]

كيف يمكنني الاستفادة من خدمة مواصلات الجامعة ان كنت اقطن بمنطقة الرفاع الشرقي
او بمنطقة هورة سند

 

[غريبة الدار]

بالنسبة لي أول مره لما كنت بستخدم موصلات الجامعة ولا أعرف أي باص بالضبط ولا الأوقات ولا شلون الطريقة ولا وين المحطة اللي يوقف فيها
رحت فوق الفود كورت (شعبة الموصلات والخدمات الطلابية ) ما أدري ويش يسمونهم بالضبط بس واحد من المكاتب هناك وخبرتهم أنه أمبي استخدم موصلات الجامعة عطوني ورقة اسجل فيها معلوماتي (اسمي ورقمي و منطقة السكن ) وأحس حتى عادي تركب وتستخدم الموصلات بدون هالشغلة

لأنه ما ادلي وما أدري وين بالضبط يوقف الباص ركبته أول شي ل رجعة البيت وشفت وين ينزلني عشان يوم ثاني في الروحة أعرف وين أجي أحارس الباص يوقفون الباصات ورى مبنى التسجيل وفي كل صفة موجود بنرات أو لافتة مكتوب فيها الباصات هذي تبع أي مناطق تقدر تسأل اللي يشتغلون هناك في شخص يحمل ورقة أو يوقفون قدام تقول ليهم المنطقة ويقولون ليك رقم الباص

طبعا الروحة ل الجامعة تكون قبل الساعة 8 ومن أقرب محطة لبيتكم بس بالضبط الساعة كم ما أدري اعتقد أنه يعتمد على بعد المنطقة عن الجامعة بس أول يوم عشان تعرف روح عند المحطة 6:30 أو قبل عشان تلحق على الباص وتعرف الوقت بالضبط
والرجعة فيه فترتين
1- الباصات تتحرك الساعة 4:15 أو يتأخرون شوي ل 4:20
2- فترة الليل ما أدري كم بالضبط بس اعتقد انها 7 أو 7 وشي

للعلم بعد الحين باصات النقل العام يدخلون داخل الجامعة

 

[غريبة الدار]

تجنبا لفتح موضوع جديد عندي سؤال

حاليا مخلين فتره 16 -27 سبتمبر 2018 م حق نسجل ل موصلات الجامعة
وذكروا ملاحظة : لن يتم قبول أي مقدم للطلب بعد هذا التاريخ كما أنه لن يسمح لغير المسجلين استخدام الموصلات

أني سجلت عندهم من فترة يحتاج أرد أسجل ؟

 

[المهندس عبدالله]

تجنبا لفتح موضوع جديد عندي سؤال

حاليا مخلين فتره 16 -27 سبتمبر 2018 م حق نسجل ل موصلات الجامعة
وذكروا ملاحظة : لن يتم قبول أي مقدم للطلب بعد هذا التاريخ كما أنه لن يسمح لغير المسجلين استخدام الموصلات

أني سجلت عندهم من فترة يحتاج أرد أسجل ؟

اي وتبدلين الستيكر