جـــوفـــوآ برجكــم بالبحــرآنـــي .(^_^).

[بن مبارك]

شوفوا برجكم بالبحرانيي و فرفشوو​

20 يناير الى 18 فبراير​

برج الخوصه:​

هدا برج الخوصه اكو مبين من اسمه يعني اللي مولود في هالبرج ضعيف مضعرط ما ياكل .. او ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .. اللي يميز هدا البرج انه ناري أو كله يبي يتهاوش ولين يتهاوش كله مرگعينه ..​

19 فبراير الى 20 مارس
برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..​

21 مارس الى 19 أبريل
برج الدوشگ:​

من اسمه امبين عليه اطبانة نوووم .. يحب الحياه ويحب يدور في سيارته (الدتسون) ويا چفة الخمة المصبنة يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..​

20 أبريل الى 20 مايو
برج الفانيلة المچتفة:​

هدا واحد شايت الدنيه جوتي .. اكل او نوم او كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..​

21 مايو الى 21 يونيو
برج العوسج:​

مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. احب اچوف كل الناس معرسين نفله .. فيه عيب واحد .. القص .. احش واجد..​

22يونيو الى 22 يوليو
برج الباميه:
احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ( أو كل يوم سياره جديده ويا الدريول عبدعلي .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي ..​

23 يوليو الى 22 أغسطس
برج الدفه:​

صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. اموت في شي اسمه السيف ياطالع ياداش يا داش يا طالع .. واجد اروح سوق الأحد اللي في عالي وسوق الخميس اللي في دوار4 .. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم( ..( .. << thats main ((noway)) ​

23 أغسطس الى 22 سبتمبر
برج ميرندا ليمون (السترس) مشروب البحارنة:​

​

هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل​

23 سبتمبر الى 22 أكتوبر
برج السچين:​

واحد دكي وغبي في نفس الوقت ( شفيها ركبها ما اعرف) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل (اتقول عاطينه قنطراز) .. الشي المميز فيه .. شعره كشه ونعاله زنوبة وكبوس حريقة عليه حرفه تعرفه من بعيد ..​

23 أكتوبر الى 21 نوفمبر
برج السعفه:
واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات اروح من صباحة الله خير يشتري خبز دبل ويقعد يزحر ويا چاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..​

22 نوفمبر الى 21 ديسمبر​

برج الموتر:​

شخص غريب الاطوار .. لو تقعد وياه ما يعطيك لا حق ولا باطل .. يحب يلعب كورة في الرسته .. اتشوفه مبدل ويروح الحوطه يقعد اليه شوي .. يحب كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..>>عداااااال​

22 ديسمبر الى 19 يناير
برج النخج و الباگلة:
هذا من أصعب الناس اللي يمكن يواجهك في حياتك{صعب المنال} .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه واشرد بسرعه عنه لا يعديك .. لانه سمعت لك خبر انه هالايام الابراج تعدي .. وخصوصاً برج النخج والباگلة..​

يلآ قولوا وبش برجكم خلونآآ نفرفشش هع​

​

ملطووووش​

 

[قلب بحرينيه]

19 فبراير الى 20 مارس
برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..



ههههههههههههههههه خوشي

كـــــــــل شـــــــــي صح الأ هالقوه ههههههههههه

أبــــــــــــــــــــــدن ماميش قوه ولا هم يحزنون


ويعطيك ألف عافيــــــــه أمتعتنا​

 

[SAMARAH]

​

21 مايو الى 21 يونيو
برج العوسج:​

مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. احب اچوف كل الناس معرسين نفله .. فيه عيب واحد .. القص .. احش واجد..​

اولا يعني شنو عوسج :mellow:
ثانيا ليش بس "رجال رزين" .. والحريم وينهم في السالفة :sly:​

 

[UOB-BH]

<< البامية :mellow:!

 

[حُلُم]

21 مارس الى 19 أبريل
برج الدوشگ:​

من اسمه امبين عليه اطبانة نوووم .. يحب الحياه ويحب يدور في سيارته (الدتسون) ويا چفة الخمة المصبنة يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..​

من ناحية إني طبانة نوم فهو صح ،
بس سالفة الدتسون :thumbdown:
​

 

[الغالية]

ما لقيتوا الا الموتر ههههههههههه

يسلمووو

 

[محرقاوية ولا أحلى]

22يونيو الى 22 يوليو
برج الباميه:
احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ( أو كل يوم سياره جديده ويا الدريول عبدعلي .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي


هههههههههههه
بامية عاد

 

[بن مبارك]

اولا يعني شنو عوسج :mellow:


ثانيا ليش بس "رجال رزين" .. والحريم وينهم في السالفة :sly:​

أولاً: العوسج هذا نبات ذو أشواك ينبت عادة في الأماكن الجافة

تفضلي ولا تزعلين الحين صارت عن الحريم
7
7
7
21 مايو الى 21 يونيو
برج العوسج:​

مواليد هدا البرج ناس اوادم طيبين حلوين .. ما فيه قرقر واجد .. يعني مرأة راكدة ورزينه .. تقدر الحياه الزوجيه وتكره العزوبيه والعزابين .. تحب اتچوف كل الناس معرسين نفلها .. فيها عيب واحد .. القص .. اتحش واجد..​

 

[بن مبارك]

مشكورين على التفاعل مع الموضوع

22يونيو الى 22 يوليو
برج الباميه:
احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ( أو كل يوم سياره جديده ويا الدريول عبدعلي .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي


هههههههههههه
بامية عاد

أي ليش لا البامية زينه له

ودمتم لمن لا ينساكم

كنت هنا
-بن مبارك-​

 

[No NeeD]

نوفمبر الى 21 ديسمبر


برج الموتر:


شخص غريب الاطوار .. لو تقعد وياه ما يعطيك لا حق ولا باطل .. يحب يلعب كورة في الرسته .. اتشوفه مبدل ويروح الحوطه يقعد اليه شوي .. يحب كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..>>عداااااال


الاسم والله عجيب

مووتر خخخ

 

[Mystro]

قمة في الهرار ...

هو سالفة الأبراج كلها هرار وكلام فاضي ، والحين بالبحراني بعد وناس تشلخ وتألف من عندها :thumbdown:

​

 

[بن مبارك]

أخي Mystro هذا مجرد فرفشة فقط لا غير نحن لا نقول بأن سالفة الأبراج حقيقة بل كلها مثل ما اتفضلت وقلت هرار وكلام فاضي

تقبل مروري
بن مبارك

 

[The Princess]

انا ما اومن بهالكلام
بدع هذي وضلاله عن الطريق القويم :thumbdown:
على كلن
اصلا كل الي قايلينه شلخ
الله يسامح الي مسويه
​

 

[عبث]

19 فبراير الى 20 مارس
برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..​

​

​

حسيته اللي كاتبنه في انفصام ​

 

[عبير البنفسج]

23 أغسطس الى 22 سبتمبر
برج ميرندا ليمون (السترس) مشروب البحارنة:



هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل



ثلاثة ارباع الكلام ما ينطبق عليي

:thumbdown: مو ناقصني الا ادور عن عصافير ، بروحي اخاف منهم

 

[Mystro]

أخي Mystro هذا مجرد فرفشة فقط لا غير نحن لا نقول بأن سالفة الأبراج حقيقة بل كلها مثل ما اتفضلت وقلت هرار وكلام فاضي

تقبل مروري
بن مبارك

أكيد ، بس كان قصدي ما أحب أحد يكتب من عنده

صح الأبراج شيء خرافي وما ليه أي أساس من الصحة ، بس شيء مدروس وليه أساس رغم ما ليه أي شي يدل عنه ولا حتى إثبات





​

 

[UOB-BH]

الموضوع تغير جو ياجماعة كاتب الموضوع لم يتطرق إلى أن معاني الأبراج حقيقية ولم يتحدث عن هالنقطة بالأصل، مجرد موضوع فكاهي مثلما واضح من اسلوب الطرح ولا يهدف لأي بُعد آخر كماهو الحال مع الكثير من المواضيع التي تطرح هنا ..

نتفهم الموضوع ببساطته بارك الله فيكم ومانتعمق في تحليل معانيه بلا جدوى ،،

 

[Mystro]

الموضوع تغير جو ياجماعة كاتب الموضوع لم يتطرق إلى أن معاني الأبراج حقيقية ولم يتحدث عن هالنقطة بالأصل، مجرد موضوع فكاهي مثلما واضح من اسلوب الطرح ولا يهدف لأي بُعد آخر كماهو الحال مع الكثير من المواضيع التي تطرح هنا ..

نتفهم الموضوع ببساطته بارك الله فيكم ومانتعمق في تحليل معانيه بلا جدوى ،،

أكيد

​

 

[noora]

22 ديسمبر الى 19 يناير
برج النخج و الباگلة:
هذا من أصعب الناس اللي يمكن يواجهك في حياتك{صعب المنال} .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه واشرد بسرعه عنه لا يعديك .. لانه سمعت لك خبر انه هالايام الابراج تعدي .. وخصوصاً برج النخج والباگلة..
:mellow:

:surrender:

لاتعليييق كلش كلش

 

[Queen]

برج الخوصه:


هدا برج الخوصه اكو مبين من اسمه يعني اللي مولود في هالبرج ضعيف مضعرط ما ياكل .. او ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .:mellow:. اللي يميز هدا البرج انه ناري أو كله يبي يتهاوش ولين يتهاوش كله مرگعينه ..'


ههههههههههههههههههههههههه
شنو يعني الخوصه وش يطلع هذا


ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .. صح صح

هههههههههههههههههههههههه

يسلمو يالغلا على الموضوع