السبب البسيط جدا وراء ازدحام الطريق المؤدي للجامعة (مدينة عيسى)

[Lil-H]

السلام عليكم ورحمة الله

حبيت اشرح شي بسيط جدا من تخصصي (الهندسة المدنية) / تحديدا مجال حركة السير لتوضيح فكرة بسيطة
بالنسبة للازدحام في الصباح اللي من ناحية شارع الاستقلال ودخلة وزارة التربية اللي بعد ذلك تؤدي للجامعة​

الناس قاعدة تتذمر على السبب الغلط معظم الناس تذكر ان "شلون شارع نفس هاي مؤدي لجامعة يكون حارة واحدة"

​

المشكلة مو في عدد الحارات

​

(بتبسيطات كثيرة وتجاهل كل محيطات الجامعة وهندسة الطريق نفسه والتقاطعات)
خلنا نقول الحين نفس الوضع حارة واحدة .. وحارس الامن مثلا يقعد كمتوسط 10 ثواني على ما يسأل كل واحد يطلع بطاقته ومادري شنو
يعني معدل/قدرة استوعاب مدخل الجامعة 10 ثوان لكل سيارة .. وفي مثلا 150 سيارة تبي تدخل الجامعة الصبح​

​

يعني ببساطة بيحتاج

​

25 دقيقة عشان ال150 سيارة تدخل الجامعة

الحين خلنا نقول الطريق امام الجامعة صار 6 حارات​

​

ونفس عدد السيارات ما زاد شي 150 سيارة.. ونفس السكيورتي 10 ثوان كل سيارة

شنو الفرق؟ بياخذ 150 * 10 = 1500 ثانية (25 دقيقة) عشان تدخل السيارات للجامعة .. مافي فرق بزيادة عدد الحارات
عدد حارات الطريق المؤدي للجامعة ليس السبب .. بل قدرة استيعاب نقطة الدخول للجامعة (الية الدخول عن طريق حارس امن) السبب (مو بالضبط بمفردها السبب ولكن تحسين هذه الالية بيخفف الازدحام)

طبعا الوضع هلون لدواعي امنية حتى انا وانا اكتب الموضوع وانتقد عدم كفاءة طريقة الدخول مو قادر افكر في بديل

المهم .. خلنا نروح للاستاندرد البحريني

Bahrain transport planning standard
\GDUP/RPDD Design of parking modules guidelines

فيهم شيئين يجدر الانتباه لهم

واحد access capacity\ قدرة استيعاب نقطة الدخول
وهاي النقطة اللي ذكرتها​

جامعة البحرين manually controlled بمعدل 250 سيارة لكل ساعة
طبعا ممكن تشوفون ان في طرق اسرع نفس مثلا card reader
400 سيارة لكل ساعة يعني تحسن حوالي 60% في سرعة دخول السيارات

وfree flow بمعدل 600 سيارة في الساعة يعني تحسن 140%

طبعا المشكلة في دخول السيارات وليس البشر
يعني لو سمحنا للسيارات تدخل للبارك بدون التأكد من البطاقة الجامعية وحصر التأكد على البوابة الثانية هلون بتحول الموضوع من manually controlled الى free flow وتحسن الوضع

بس طبعا التخلص من نقطة امنية من اصل نقطتين فقط ما اشوفه شي عملي او ممكن حصوله

الشي الثاني الستاندرد يحدد مسافات معينة minimums للطرق في محيط اي منشأة والمسافة الفاصلة بين التقاطعات وهكذا لضمان ان الطريق يتحمل اي queue ممكن يحصل (من ضمن اسباب اخرى متعلقة بالسلامة وانسيابية الحركة) .. المسافات نوعا ما تختلف بس غالبا في حدود ال200 متر

الطريق امام الجامعة حوالي 550 متر من الدوار الى الدوار
​

فالمشكلة مو في طول الطريق او عدم تمكنه من تحمل الqueue او وجود queue من الاساس .. المشلكة في
the slow rate of clearing the queue

هذا في الtraffic\transportation engineering يسمى bottleneck "عنق الزجاجة"

وساعات كثير من المشاريع الجديدة عند النظر في تأثيرها على حركة المرور (traffic impact assessment) وايجاد نواتج سلبية يكون ابسط الحلول فقط تغيير طريقة الوصول للمشروع ليس اكثر دون الحاجة لتغييرات في الطرق

والسلام عليكم ورحمة الله
​

 

[UOB-BH]

تحليل منطقي .. أتفق معاك

 

[Dr_uob]

شلون وضع الباركات في الجامعه

 

[Lil-H]

شلون وضع الباركات في الجامعه

هو technically جامعة البحرين ما فيها باركات

ولكن انا مو متأكد من تاريخ انشاء وتطوير جامعة البحرين في المدينة لذلك اعتقد انها كانت قبل عصر العمل بالاستندرات الموجودة حاليا

السبب اني اقول ما فيها باركات انه الحين الستاندرد
GUIDELINES FOR THE DESIGN OF OFF-STREET CAR PARKING FACILITIES
ما يسمح بمساحة ترابية هلون وخلاص .. يجب تخطيط واختبار بارك بارك بمفرده
وفي السنوات الاخيرة تغير الستنادرد اكثر من مرة بعد ويمنع امور كثيرة ممكن تسبب مشكال للطلاب حاليا (اللي يشوف الستاندرد من النت ما بتحصلون هاي التغيرات لان معظمها رسائل وزارية بتوصيات وتعديلات وليست جزء من الستاندرد حتى الان)

هو عموما عدد الباركات المطلوبة يحسب على عدد الطلاب .. تخوني الذاكرة الرقم بالضبط لان الستاندرد مو امامي حاليا بس حوالي بارك لكل 4 طلاب من العدد الاقصى للطلاب اللي ممكن تواجده
ويتم اختبار الباركات مو بس يكفي تلبية العدد .. طبعا النسبة مو واحد لواحد لان مو كل الطلاب يتواجدون في نفس اللحظة مواعيد المحاضرات تختلف .. وهي نسبة جيدة جدا في تصنيفات من المشاريع النسبة واحد لخمسين

طبعا مو شي اقتصادي تغيير الوضع .. لانه يعتبرونها جامعة مؤقته وفي خطة فعلية لنقلها للصخير ..

 

[المهندس عبدالله]

هو technically جامعة البحرين ما فيها باركات

ولكن انا مو متأكد من تاريخ انشاء وتطوير جامعة البحرين في المدينة لذلك اعتقد انها كانت قبل عصر العمل بالاستندرات الموجودة حاليا

السبب اني اقول ما فيها باركات انه الحين الستاندرد
GUIDELINES FOR THE DESIGN OF OFF-STREET CAR PARKING FACILITIES
ما يسمح بمساحة ترابية هلون وخلاص .. يجب تخطيط واختبار بارك بارك بمفرده
وفي السنوات الاخيرة تغير الستنادرد اكثر من مرة بعد ويمنع امور كثيرة ممكن تسبب مشكال للطلاب حاليا (اللي يشوف الستاندرد من النت ما بتحصلون هاي التغيرات لان معظمها رسائل وزارية بتوصيات وتعديلات وليست جزء من الستاندرد حتى الان)

هو عموما عدد الباركات المطلوبة يحسب على عدد الطلاب .. تخوني الذاكرة الرقم بالضبط لان الستاندرد مو امامي حاليا بس حوالي بارك لكل 4 طلاب من العدد الاقصى للطلاب اللي ممكن تواجده
ويتم اختبار الباركات مو بس يكفي تلبية العدد .. طبعا النسبة مو واحد لواحد لان مو كل الطلاب يتواجدون في نفس اللحظة مواعيد المحاضرات تختلف .. وهي نسبة جيدة جدا في تصنيفات من المشاريع النسبة واحد لخمسين

طبعا مو شي اقتصادي تغيير الوضع .. لانه يعتبرونها جامعة مؤقته وفي خطة فعلية لنقلها للصخير ..

خبرة في الترافيك شكلك ماخد تريننق هناك أو تشتغل هناك

 

[علي البلادي]

سؤال بما انه من صميم إختصاصكم: الحين الزحمة في هايويه مدينة حمد والحوادث أغلبها سببها لفة عالي لانه الي يطلعون من عالي يسببون ربكة ويتوقف السيدة فجأة والسيارات جاية مسرعة بإعتبار الطريق سريع فتصير حوادث خطيرة وإزحامات خانقة على شارع يفترض انه يكون ماشي وما يتعطل، السؤال شنو الحل الأمثل لهذي المشكلة حسب رأيكم؟

 

[علي البلادي]

سؤال بما انه من صميم إختصاصكم: الحين الزحمة في هايويه مدينة حمد والحوادث أغلبها سببها لفة عالي لانه الي يطلعون من عالي يسببون ربكة ويتوقف السيدة فجأة والسيارات جاية مسرعة بإعتبار الطريق سريع فتصير حوادث خطيرة وإزحامات خانقة على شارع يفترض انه يكون ماشي وما يتعطل، السؤال شنو الحل الأمثل لهذي المشكلة حسب رأيكم؟

لا انسى بعد حتى الي يبون يروحون على المنامة والمحرق يتلاقون وي الي طالعين من عالي فيصير الوضع صعب هذلين يبون يطلعون يمين ودلين يبون يطالعون يسار وباقي شوي ويتراقعون وهذا أحد اسباب الزحمة والتوقف المفاجئ عند هذي المنطقة..

 

[Lil-H]

بصراحة أنا ما عندي علم كبير بشوارع مدينة حمد بس من اللي توصفه هاي مشكلة تسمى weaving .. المشكلة انك عشان تفصل دخلة او طلعة طريق لازم تفصل جزء كبير منهم بس عشان نقطة واحدة ما تتلاقى فيهم السيارات وهاي شي غير عملي .. بس اذا وصل لحد معين غالبا يوصى بفصلهم .. غير ان في البحرين في كثير من الطرق والتقاطعات مؤقته وسيتم تغيرها

بمالناسبة من نظرتي انا للموضوع (بغض النظر عن هندسة الطريق نفسه) معظم مشاكل دمج الطرق على بعض بسبب البطء الشديد اللي الناس تمشي فيه ... المسارات المخصصة للدمج تسمى مسارات تسارع .. يعني لازم تزيد فيها سرعتك لتحصيل سرعة الشارع الرئيسي اللي تبي تدخل عليه .. يعني نظريا لو الشارع الرئيسي يمشي بسرعة ٨٠ مثلا وانت في مسار الدمج زيدت سرعتك ل٨٠ .. هل بتواجه صعوبة في الدخول على الشارع؟ لا .. لانك اصبحت نفسك نفس اي سيارة في الشارع الرئيسي تمشي بنفس السرعة وممكن تدمج بسلاسة .. اما الناس في مسار الدمج اما من الخوف او عدم التمكن شنو تسوي؟ تطق بريك .. فهلون توقف السيارات من وراها وتواجه صعوبة في الدمج ولما تدمج تبطئ الشارع الرئيسي لانها لم تكتسب سرعة كافية فلازم السيارة اللي دشت جدامها تقلل سرعتها واللي وراها يقلل وهكذا وهكذا ..

طبعا الناس تخاف لان السيارات "مسرعة" بالنسبة لها على الشارع الرئيسي .. هاي صحيح لانك طقيت بريك ووقفت السيد وقعدت تطالع لين ما حصلت فرصة لو كان تسارع لتحصيل سرعة الطريق كانت السيارات بتكون "بنفس سرعته" ويكون اسهل بكثير عليه الدمج

طبعا ما اقول ما في مجال وتروح تدوس .. اقول في مسارات التسارع ما يكون اول ردة فعل عند الناس تضغط بريك .. لازم تقيم الموقف هل ممكن ادمج مرة واحدة؟ ولا خلاص صارت عادة عند الناس تضغط بريك هنا

 

[Hassan A.Jabbar]

شكرا على التوضيح