- تاريخ التسجيل
- 2 سبتمبر 2014
- المشاركات
- 89
- العمر
- 29
- المجموعة
- أنثى
- الدفعة الدراسية
- 2012
- الكلية
- كلية ادارة الاعمال
- التخصص
- management
أصدقائي الخريجين والخريجات
اللي للحين يدورون وظايف ومو محصلين وضايقة فيهم الدنيا ويحاتون
حبيت أشارككم قصتي .. لعلها تعطيكم الأمل والثقة إن كل شي راح يصير بالوقت المناسب وكل شي فيه خير من الله
أنا تخرجت من تخصص إدارة أعمال .. وبنفس الوقت كنت أشتغل بارت تايم بوحدة من الشركات لمدة سنتين
لم استلمت إفادة التخرج ( نهاية شهر ٦ : ٢٠١٨) ماتم مكان ماقدمت فيه
ولكن للأسف بدون لا يوصلني أي رد حتى لو حق مقابلة مبدئية
مريت بمرحلة يأست فيها وكنت أبي أقدم في أي مكان حتى لو بشهادتي الثانوية عشان يصير عندي راتب كامل << بس ماسويتها صراحة عورني قلبي شلون بعد كل هالتعب ما أقدم بشهادتي الجامعية
بعدها حملت تطبيق Indeed وصرت يومياً أفتحه وأشوف إعلانات الوظايف وأقدم
قدمت على مئااااات الوظايف بس بعد بدون لا توصلني ولا مكالمة
لم شفت الوضع جذي قلت ماقدر أتم بارت تايم أكثر من هالمده بالذات إن عندي إلتزامات من السياره وغيرها .. يعني راتب البارت تايم صار مايكفيني
فقررت إني أحول فل تايم وأبقى في نفس الشركة فحاولت أسعى بالموضوع لكن الشركة صارت تماطل وتميت وراهم شهرين بدون لا يحولوني فل تايم
بعدها استلمت مكالمتين في نفس اليوم حق مقابلتين عمل ، ورحتهم اثنينهم وماحسيت إني بنقبل فيهم وفعلاً ما انقبلت
بعدها رجعت تضايقت مرة ثانية ، كنت أفكر شنو الحكمة من إني أقدم مقابلتين بس جذي بدون لا أنقبل ولا يتغير شي في وضعي << المقابلات كانت يوم الثلاثاء
يوم السبت استلمت مكالمة من وحدة من الشركات الكبيرة حق بوسشن في الـ HR وكانت المقابلة يوم الأحد
اهني حسيت إن المقابلتين اللي صاروا من قبل كأنهم صاروا تهيأه لي حق هذي المقابلة الثالثة
وصراحة كانت هالمقابلة وااايد أحسن من اللي قبلها وسبحان الله حسيت إني راح أنقبل
يوم الأربعاء وصلتني مكالمة من الشركة إني انقبلت ولازم أحضر عشان أوقع الـ Offer Letter
اليوم الخميس رحت وقعت وقالوا لي إن فيه ناس وايد قدموا عالوظيفة بس سبب إختيارهم لي هو إن عندي خبرة عمل وراح تفيدهم
حزتها واااااااايد استانست وحسيت إن السنتين اللي اشتغلتهم وأنا أدرس ماراحوا هدر
بالنهاية يا أصدقاء حابة أقول إن سووا اللي عليكم بالأول واللي كاتبة الله بيصير
أي إعلان وظيفة تحسونه يناسبكم قدموا عليه وتوكلوا على الله
قبل ما أتخرج الكل كان يقول مافيه وظايف وإن بقعد سنين بالبيت لكن الحمدلله صار لي ٣ شهور من استلمت إفادة التخرج وحصلت منصب كبير ولله الحمد
بالنهاية أتمنى التوفيق للجميع والله يرزق كل واحد فيكم فوق اللي يتمنى
•
•
النهاية
اللي للحين يدورون وظايف ومو محصلين وضايقة فيهم الدنيا ويحاتون
حبيت أشارككم قصتي .. لعلها تعطيكم الأمل والثقة إن كل شي راح يصير بالوقت المناسب وكل شي فيه خير من الله
أنا تخرجت من تخصص إدارة أعمال .. وبنفس الوقت كنت أشتغل بارت تايم بوحدة من الشركات لمدة سنتين
لم استلمت إفادة التخرج ( نهاية شهر ٦ : ٢٠١٨) ماتم مكان ماقدمت فيه
ولكن للأسف بدون لا يوصلني أي رد حتى لو حق مقابلة مبدئية
مريت بمرحلة يأست فيها وكنت أبي أقدم في أي مكان حتى لو بشهادتي الثانوية عشان يصير عندي راتب كامل << بس ماسويتها صراحة عورني قلبي شلون بعد كل هالتعب ما أقدم بشهادتي الجامعية
بعدها حملت تطبيق Indeed وصرت يومياً أفتحه وأشوف إعلانات الوظايف وأقدم
قدمت على مئااااات الوظايف بس بعد بدون لا توصلني ولا مكالمة
لم شفت الوضع جذي قلت ماقدر أتم بارت تايم أكثر من هالمده بالذات إن عندي إلتزامات من السياره وغيرها .. يعني راتب البارت تايم صار مايكفيني
فقررت إني أحول فل تايم وأبقى في نفس الشركة فحاولت أسعى بالموضوع لكن الشركة صارت تماطل وتميت وراهم شهرين بدون لا يحولوني فل تايم
بعدها استلمت مكالمتين في نفس اليوم حق مقابلتين عمل ، ورحتهم اثنينهم وماحسيت إني بنقبل فيهم وفعلاً ما انقبلت
بعدها رجعت تضايقت مرة ثانية ، كنت أفكر شنو الحكمة من إني أقدم مقابلتين بس جذي بدون لا أنقبل ولا يتغير شي في وضعي << المقابلات كانت يوم الثلاثاء
يوم السبت استلمت مكالمة من وحدة من الشركات الكبيرة حق بوسشن في الـ HR وكانت المقابلة يوم الأحد
اهني حسيت إن المقابلتين اللي صاروا من قبل كأنهم صاروا تهيأه لي حق هذي المقابلة الثالثة
وصراحة كانت هالمقابلة وااايد أحسن من اللي قبلها وسبحان الله حسيت إني راح أنقبل
يوم الأربعاء وصلتني مكالمة من الشركة إني انقبلت ولازم أحضر عشان أوقع الـ Offer Letter
اليوم الخميس رحت وقعت وقالوا لي إن فيه ناس وايد قدموا عالوظيفة بس سبب إختيارهم لي هو إن عندي خبرة عمل وراح تفيدهم
حزتها واااااااايد استانست وحسيت إن السنتين اللي اشتغلتهم وأنا أدرس ماراحوا هدر
بالنهاية يا أصدقاء حابة أقول إن سووا اللي عليكم بالأول واللي كاتبة الله بيصير
أي إعلان وظيفة تحسونه يناسبكم قدموا عليه وتوكلوا على الله
قبل ما أتخرج الكل كان يقول مافيه وظايف وإن بقعد سنين بالبيت لكن الحمدلله صار لي ٣ شهور من استلمت إفادة التخرج وحصلت منصب كبير ولله الحمد
بالنهاية أتمنى التوفيق للجميع والله يرزق كل واحد فيكم فوق اللي يتمنى
•
•
النهاية