استفسار

[Light candel]

السلام عليكم ..
تخصصي إدارة أعمال و ابي أكمل ماجستير .. و بغيت أستفسر عن ..
شنو معنى الماجستير بالضبط و شنو الفرق بين دراسته و دراسة البكالريوس و شنو احتاج بالضبط عشان اقدر ادرسه ؟

اذا كان معدلي غير مرتفع في البكالريوس هل أقدر اكمل ماجستير في نفس تخصصي في جامعة غير جامعة البحرين أو هل أقدر ادرس ماجستير مختلف عن تخصصي في البكالريوس و اذا كان تخصصي إدارة أعمال شنو تخصصات الماجستير المسموح لي انه ادرسها حسب تخصصي؟

هل اذا كنت اميل للآداب هل أقدر ادرس ماجستير في الآداب و شنو تخصصات الآداب ألا اقدر ادرسها؟ مثل لغة عربية؟

 

[Artist]

وعليكم السلام ورحمة الله وبركاته

بكل تأكيد بالإمكان الدراسة في جامعات ثانية ماجستير منها جامعة الخليج العربي، ومنها معهد BIBF

انا زرتهم قبل فترة ورغم إن تخصصي بكالوريوس ف الرياضيات إلا أن كان بإمكاني التقديم لدراسة تخصصات أخرى منها إدارة الأعمال.

من ناحية المعدل يعتمد على حسب الجامعة، بعضهم يطلب معدل ما يقل عن 3 وبعضهم لا مو شرط.. وبعضهم يشترط خبرة عملية .. ع حسب

بالإمكان ف إعتقادي دراسة تخصص لغة عربية أنا قدمت على دراسة ماجستير في المشاكل التربوية للطلبة مثل التوحد والتشتت وغيرها، وخبروني إن أقدر أدرس التخصص

الماجستير بشكل عام إن الطالب يتخصص بشكل أكثر ف تخصص معين، بحيث يصير فيه أكثر إختصاص وإحترافية في أي مجال كان

من وجهة نظري إذا في ميول وحب لتوجه مغاير للبكالوريوس فهذا شيء جداً عادي ويحصل مع الكثير من الطلاب .. الإنطلاق من الحب والرغبة والإندفاعية مهم

حاولوا أن تسوون بحث على الجامعات والتخصصات وشروطها .. وإن شاء الله تحققون ما تتمنون

مع كل التوفيق

 

[Mystro]

السلام عليكم ..
تخصصي إدارة أعمال و ابي أكمل ماجستير .. و بغيت أستفسر عن ..
شنو معنى الماجستير بالضبط و شنو الفرق بين دراسته و دراسة البكالريوس و شنو احتاج بالضبط عشان اقدر ادرسه ؟

اذا كان معدلي غير مرتفع في البكالريوس هل أقدر اكمل ماجستير في نفس تخصصي في جامعة غير جامعة البحرين أو هل أقدر ادرس ماجستير مختلف عن تخصصي في البكالريوس و اذا كان تخصصي إدارة أعمال شنو تخصصات الماجستير المسموح لي انه ادرسها حسب تخصصي؟

هل اذا كنت اميل للآداب هل أقدر ادرس ماجستير في الآداب و شنو تخصصات الآداب ألا اقدر ادرسها؟ مثل لغة عربية؟

دراسة الماستر ، وانت تكون صاحب تخصص مثل البزنز ونروح إلى الآداب الموضوع يبغي إليه إلمام جدًا كبير بأدبيات التخصص
من وجهة نظري مضيعة للوقت حتى لو يصير ، لأن الماستر مبني على معلومات تخصصية في البكالريوس ، ما اعتقد يصير ولو يصير ما افضل الواحد يتباعد واجد عن مجال تخصصه إلا في مجال يتعلق نوعًا ما بمجاله
مثلًا أنا رياضيات لما اجي اتعلم أمور ماستر في البزنز مثل تخصص Finance عادي ، شوية معلومات ممكن آخذها وانطلق
بس بروح من الرياضيات وبتعلم آداب لغة انجليزية أو عربية وأنا ما افهم عدل او ما عندي اساسيات احد اللغتين بيكون الموضوع صعب
اللغة العربية بابها واسع وكذلك الانجليزية ، والواقعية شيء مهم
هذا وجهة نظري
أما ما يتعلق بالرغبة في الأمور التربوية هذا المجال مُتجدد ومفتوح والدراسة فيه ما ليها علاقة بالبكالريوس اطلاقًا ، لأن كل فترة هناك بحوث تربوية وتجارب تصير في كل بلدان العالم منها البحرين ، عشنا تجارب مثل التجربة الاسترالية والسنغافورية وما ادري شنو قادم أيضًا في قادم الأيام ..
وجهة نظر ليس إلا