تقدر تساعدني؟!

AVE 21

Well-Known Member
تاريخ التسجيل
14 ديسمبر 2021
المشاركات
55
العمر
23
المجموعة
أنثى
الدفعة الدراسية
2020
الكلية
كلية الآداب
التخصص
ENGLISH LITRETURE
آدري أن كل شي مكتوب و بيد رب العالمين و كل الي يختاره لنا هو خيرة .. بس هالفترة خصوصاً من انسحبت هالكورس و أنااحس بملل من تخصصي لاني ادرس بدون شغف و بس عشان اكمل و ما اقعد بشهادة ثانوية و بس لان ابي اكمل .. حاسه بضياع الي اول ما تخرجت من الثانوي و مادري شنو اتخصص مع ان مو بيدي اصلا لان كنت افكر في العلوم الصحية خصوصا التمريض و لكن حطوني شواغر في آداب اللغة الانجليزية و الصراحة حطيته قبل التمريض في اللسته لان ما كان عندي ثقة اني بنقبل فيه اصلا و الاهل ابدا ما كانوا مشجعيني عليه فتحبطت و ما كنت اسمع لنفسي و داخلي او شنو ابي بالضبط .
و اللحين عقب سنتين تقريبا و معدل 1 و حالة اني لازم ارفع عشان احول و احتمال ما انقبل يعني المهم تغير تفكيري و ابي احول للعلوم الصحية لان احس طريجي فيه ايسر من الي انا عليه و الخيرة فيما يختاره الله اكيد .. الحين المطلوب من الي قاعد يقرأ رسالتي اذا تقدر تساعدني بمعلوماتك او خبرتك في هالمجال لا تبخل لاني احتاجه و الي بحثت فيه مب كافي لان ابي اتعرف على ناس دشوا في هالمجالات علوم صحية و خصوصا التمريض و هل فعلا المعدل ما يهم ؟! و اذا سمحتم ارسلوا لي المواد الي تتطلب في التمريض و تفاصيل اكثر .
اتمنى احصل ردود كافية و شكرا ..
 
حق طلبات التحويل المعدل مو مهم، ناس معدلهم نازل وايد واقبلوا طلب تحويلهم وناس معدلاتهم أقل من 2 وقدموا تحويل وانقبل طلبهم
ولو كان صج المعدل مهم حق التحويل جان حطوه من الشروط بس ما حطوه
 
بالنسبة للتخصص في مواقع زينة أعرفها تقدر اتساعدج حق اتعرفين التخصصات اللي تناسبج
موقع فرصة و careerexplorer
 
بالنسبة للتخصص في مواقع زينة أعرفها تقدر اتساعدج حق اتعرفين التخصصات اللي تناسبج
موقع فرصة و care
يزاج الله خير مشكورة وايد
 
عودة
أعلى أسفل