القسم الاسلامي؟!

[عزي ايماني]

بسم الله الرحمن الرحيم
الى الاخوة الاداريون الاعزاء..

لم لا يتم اضافة قسم اسلامي للمنتدى ؟

 

[عزي ايماني]

؟؟؟

 

[UOB-BH]

المعذرة عزيزي على التأخير .. توي انتبهت للموضوع
بالبداية شكرا على اهتمامك وأقدّر حرصك، خليته من ضمن الاقتراحات اللي بفتح فيها استفتاء عام للأعضاء بعد تجديد الموقع وان شاء الله تتم اضافته بعد موافقة الأغلبية

 

[عزي ايماني]

تسلم يخوك وماقصرت ^_^ يعطيك الله العافية

 

[عزي ايماني]

سوري اخوي بس بغيت اقول شي
بس بغيت اعرف ههه يعني احس ان الكل موافق
واصلا هالشي مايحتاي له اخذ موافقه حد او تصويت ههه القسم اسلامي !! ماقلت قسم ترفيه او شي جذي يعني من الاسام اللي صراحه مملة
اما القسم الاسلامي فيه مرضاة لرب العالمين .. اشلا بعد اخذ الاصوات ؟.
خخخ انا اقول اعقدها وضيف القسم والله الموفق
تحياتي الخالصة
اخوكم .. عزي ايماني

 

[UOB-BH]

سوري اخوي بس بغيت اقول شي
بس بغيت اعرف ههه يعني احس ان الكل موافق
واصلا هالشي مايحتاي له اخذ موافقه حد او تصويت ههه القسم اسلامي !! ماقلت قسم ترفيه او شي جذي يعني من الاسام اللي صراحه مملة
اما القسم الاسلامي فيه مرضاة لرب العالمين .. اشلا بعد اخذ الاصوات ؟.
خخخ انا اقول اعقدها وضيف القسم والله الموفق
تحياتي الخالصة
اخوكم .. عزي ايماني

^_^
___________

الموضوع ماهو مجرد إضافة قسم ياخوي، ولكن ماذا سيحدث بعد ذلك؟ مسؤولية هالقسم كبيرة تفوق مسؤولية قسم الترفية او أي قسم آخر، لما نختار إضاقة قسم إسلامي للمنتدى لازم نحرص على طرح المواضيع اللي فيها مرضاة الله مثلما ذكرت، ونرسم طريق محدد للقسم بحيث مايتم استغلاله لطرح المواضيع الاسلامية الغير هادفة، ماني ناقص سيئات زود

قبل إضافة مثل هالقسم لازم نخلي ضوابط ونحدد مشرف لإدارته، على عكس بقية الاقسام، القسم الإسلامي ما يحتمل افتتاحه بدون رقابة اشرافية نظرا لما "قد" يحدث من اختلاف يعكس صورة سيئة عن طلبتا كما هو الحال مع الكثير من المنتديات اللي نشوف فيها مشادات بين الأعضاء في هذا القسم فالكل متمسك بمعتقداته مما قد يخلق فجوة بين أعضاء الموقع. اذا تم افتتاح القسم فلازم يكون قسم اسلامي ((عام))، ولجعله كذلك لازم تكون هناك ضوابط ورقابة للقسم لتفادي خروجه عن مساره.

بس بغيت اعرف ههه يعني احس ان الكل موافق
اما القسم الاسلامي فيه مرضاة لرب العالمين .. اشلا بعد اخذ الاصوات ؟.

المشكلة أنا موموافق
لكن بما أن الموقع يسير وفق إدارة جماعية فيتم فتح استفتاء وأخذ رأي الأغلبية حتى في حالة عدم موافقة الادارة.


تقبل كل الاحترام

 

[Ms.noor]

عذرا للمداخله ولكن حبيت ابدي رأيي كـ عضوة بالمنتدى ..

واصلا هالشي مايحتاي له اخذ موافقه حد او تصويت ههه القسم اسلامي !! ماقلت قسم ترفيه او شي جذي يعني من الاسام اللي صراحه مملة
اما القسم الاسلامي فيه مرضاة لرب العالمين .. اشلا بعد اخذ الاصوات ؟.

بالعكس .. هالقسم اكثر قسم يتطلب آرآء جميع طلاب الـ UOB .. بتسألني ليش ؟؟
لان في كذا مذهب وعقيدات ومعتقدات وغيرها .. وممكن ينزل موضوع .. الاول يأيد والثاني يعارض وبكذا تصير اشكاليه في الموضوع شوي

طيب .. بتقول .. ممكن يحتوي على مواضيع اسلامية عامة بغض النظر عن المذهب ..
هالشي بعد يبيله متابعة كبيرة .. مثلا ً لو نزل حديث .. لازم يكون اكيد انه صحيح عشان مايكون في افتراءات للاحاديث النبوية والقسم بشكل عام يبيله متابعه اول بأول

ومن ناحية إيجابية لآزم الآخذ بأصوات الاعضاء ..

يعني اذا يقدرون يعطون في القسم او لا .. وادري انه قسم اسلامي لمرضاة رب العالمين وللثقافة الاسلامية بس بعد يحتاج الاخذ بالاصوات .. لان في اقسام صح تكون المفروض مهمة وموجودة بس ماعليها اقبال ولا لها مشرفين ويصير التعب كله ع الادارة وبالنهاية مايلقه الإقبال المطلوب اللي يشجعه ان يستمر بالعطاء = )

والسموحة ع الاطالة اخووي =$

تقبل مروري وتعليقاتي ^^

 

[أبا الفضل]

بسم الله الرحمن الرحيم
السلام عليكم

اسمحو لي

صحيح المنتدي يفتقر (للمنتدى الاسلامي)
وكنت اتسائل عن عدم وجود هذا المنتدى بس ما جت على بالي هالنقطة

مثلا اذا بنحط موضوع فيه احاديث اكيد بنحط من القائل .. واظن اغلب المواضيع الاسلامية ما تخلى من جذي .. أو اذا بنحط فتوى او استفتاءات اكيد مو من عندنا بناخذها من العلماء والمراجع.الي البعض يمكن راح يعترض عليها ..

اني موافقة


الرأي الأول والأخير لك أخوي uob-bh

من بعد التصويت اذا الله كتب وفتح هالمنتدى اذا صار مخالفات ومشادة في الكلام( ينغلق المنتدى على الفووور )
ولازم يكون في قوانين خاصة غير عن باقي المنتديات ..ومواضيع ما نتطرق لها ابد

واني اول وحده برشح نفسي للاشراف ​

 

[عزي ايماني]

انا ابي اكون مشرف القسم الاسلامي
بعدين اخواني برد على اللي قلتوه بس اسمحوا لي لازم امشي الحين
في جم نقطة لازم اوضحها لكم ^_^
يلا السلام عليكم

 

[غرام الورد]

في احد المنتديات كنت مشرفة قسم الشريعة والحياة


في البداية اهتميت فيه وايد تالي انشغلت بمشاغل الدنيا



ويوم دخلت بعد فترة لقيت مواضيع عجيبة وغريبة





فعطول انسحبت لان بصراحة المسالة مسالة ذمة




ذي القسم بذات يبيله متابعة اول باول




اخوي عزي ايماني ما شاء الله اشوفه مهتم بامور الدين من خلال مواضيعه



سبحان الله يمكن عنده المقدرة على ذلك



بس الموضوع يحتاج اراء الاعضاء



وكلام الاخ صادق صحيح لانه ذمة


ونصيحتي لصادق اذا انت مو مقتنع لا تجازف خخخ لان مسالة الدين



واحيانا تصير مشاكل بين المذاهب وبتصير فجوة بين الاعضاء




هذا مجرد رايي



وبالتوفيق للاخ عزي ايماني