تطوير برمجي شاركنا رأيك وملاحظاتك حول النسخة الجديدة للموقع 5

[UOB-BH]

تم الانتهاء من تطوير الموقع بنسخته الجديدة وهو التطوير الرئيسي الخامس للموقع منذ افتتاحه في 2006
في النسخة الجديدة تم التركيز على التطوير البرمجي حيث أصبح الموقع أكثر تلائما مع الأجهزة الذكية بما يتيح تجربة تصفح أفضل لجميع أعضاء وزوار UOB-BH

التصميم القديم:

التصميم الجديد:

التصميم الجديد يتوفر بنسخة Dark mode حيث سيتفاعل مع وضع نظام التشغيل، فمثلا لو قمت بتغير هاتفك الى Dark mode ستلاحظ ان ألوان الموقع قد تغيرت والعكس صحيح، كذلك يمكنك اختيار لونك المفضل من خلال القائمة أعلى الموقع:

Dark mode:

ملاحظة:
مازال الموقع بنسخته الجديدة تحت التجربة والتقييم، فهناك بعض المميزات لم يتم تفعيلها حتى الآن لنتمكن من اعادة فتح الموقع في أسرع وقت، من المتوقع أن يتم اجراء بعض التعديلات خلال الفترة القادمة، لذلك أرجو منكم المساهمة في ابداء ملاحظاتكم والاماكن التي تحتاج برأيكم إلى تطوير لنتمكن معكم من الوصول إلى نسخة أفضل.

 

[o n e]

التصميم الجديد جميل وجذاب ,
إن شاء الله إذا صار في ملاحظات بنشاركها اهني.


بوركتم وبوركت مساعيكم.

كنت بسوي ريكشن . ( Like )
- ما رأيكم في اضافة المزيد منها ؟

 

[Ali Asfoor]

تصميم أفضل من رائع ، الله يعطيكم العافية ، وجزاكم الله خير.

 

[UOB-BH]

التصميم الجديد جميل وجذاب ,
إن شاء الله إذا صار في ملاحظات بنشاركها اهني.


بوركتم وبوركت مساعيكم.

كنت بسوي ريكشن . ( Like )
- ما رأيكم في اضافة المزيد منها ؟

سيتم اضافة ريكشن أكثر ان شاء الله

 

[c o d e]

جميل تناسق الألوان والدرجات ،
و الحواف في الbuttons مريحة للعين ، مستديرة وشي هادي .
الشعار بعد ، مع أن أول ماشفته حسبت القبعة ورقة شجر >.<
يعني بشكل عام يتلائم مع الاجهزة الذكية .
بس في شي ، الخط نوعه bold صاير اوكي وواضح ويناسب للعناوين، بس للقراءة خاصة لشي طويل احسه متعب ، يعني اشوف الزوايا فيه مزعجة للعين ، مادري مع الوقت يصير اوكي ونتعود عليه او لا .

ونقطة ثانية عن تسجيل الدخول او التسجيل ، صاير مكررة في اكثر من مكان ، لو بس يصير زر او صورة تغني عن التكرار .
بحيث يصير في مساحة اكبر ومو زحمة ، واذا شي يتعوض بأيقونة او ٣ نقاط .

 

[UOB-BH]

شكرا على المشاركة والملاحظات

الشعار بعد ، مع أن أول ماشفته حسبت القبعة ورقة شجر >.<

راح أعدل فيه شوي في الأيام القادمة ^_^ تحديدا في القبعة

بس في شي ، الخط نوعه bold صاير اوكي وواضح ويناسب للعناوين، بس للقراءة خاصة لشي طويل احسه متعب ، يعني اشوف الزوايا فيه مزعجة للعين ، مادري مع الوقت يصير اوكي ونتعود عليه او لا .

فعلا كان عندي نفس الملاحظة، الخط كان عاجبني في التصميم بس حسيته مو مريح في المشاركات، قلت بنتظر آرائكم
تم تغيير خط المشاركات فقط عشان يكون مريح للقراءة

ونقطة ثانية عن تسجيل الدخول او التسجيل ، صاير مكررة في اكثر من مكان ، لو بس يصير زر او صورة تغني عن التكرار .

الهدف كان توضيح موضوع الصلاحيات والتسجيل قدر الامكان للجيل الجديد اللي مو متعود على المنتديات، ممكن في الكمبيوتر يطلع متكرر ولكن في التيلفون الازرار اللي فوق ما بيطلع جنبهم اسم، واللي في القائمة الجانبية بتكون نهاية الموقع فلذلك خليت توضيح في الهيدر .. ممكن بعد فترة أعدل فيه ^_^

 

[UOB-BH]

الشعار بعد ، مع أن أول ماشفته حسبت القبعة ورقة شجر >.<

تم تطوير الشعار قليلا

من:

إلى:

 

[c o d e]

واجد أحسن الخط
والقبعة ممتازة ، يبي لها نفس لمعة القبلية ودرجة اللون بعد وتصير أحلى .


في رمز تسجيل الدخول ، الحين كنت بدخل وصورة السهم اللي فوق مافهمتها انها للدخول ، حسيتها تناسب تسجيل خروج .
وفي الوضع الداكن ، نزلت عند الاسامي تحت ، لون الكتابة كلش مايبين ، بس اسامينا صايرة ابيض وبسرعة تنقرأ ، يعني لو تتغير درجة اللون او لون يعطي تباين ، برتقالي رصاصي ، شي جذي من ألوان الموقع .

اي وقبل ما انسى ، ألحين مثل ماقلت مو الكل يعرفون للمنتديات وفكرتها ، ففكرت لو يندمج في الموقع من مميزات تويتر مثلا كشكل . اول ماتدخل في ٢ تاب ، وحدة للي ضايفينهم والثانية مثل الاكسبلورر ، مادري يعني هل يصير اوكي نخلي فوق ٢ تاب وحدة للأقسام الجامعية واللي جنبها حق الأقسام العامة ؟
الفكرة ان يكون طول الصفحة أقل مع الحفاظ على كل الأقسام ، شي مخفي وشي ظاهر

 

[UOB-BH]

كنت بسوي ريكشن . ( Like )
- ما رأيكم في اضافة المزيد منها ؟

تم اضافة ريكشن اضافيين

 

[UOB-BH]

والقبعة ممتازة ، يبي لها نفس لمعة القبلية ودرجة اللون بعد وتصير أحلى .

اي بسترجعها في أقرب فرصة .. المفروض ما احذفها بس كنت استخدم ال Adobe illustrator الاونلاين ومايصير فيه اسوي Export باللمعة
درجة الألوان ما تغيرت في الجديد

في رمز تسجيل الدخول ، الحين كنت بدخل وصورة السهم اللي فوق مافهمتها انها للدخول ، حسيتها تناسب تسجيل خروج .

هو الفرق اتجاه السهم ^_^
هذا sign-in

Sign In Classic Light Icon | Font Awesome

Sign In icon in the Version 5 Light style. Turn down the tone for a light touch. Available now in Font Awesome Pro.

fontawesome.com

وهذا sign-out

Sign Out Classic Light Icon | Font Awesome

Sign Out icon in the Version 5 Light style. Turn down the tone for a light touch. Available now in Font Awesome Pro.

fontawesome.com

ممكن أخلي هذا مثلا .. شرايج؟

User Unlock Classic Light Icon | Font Awesome

User Unlock icon in the Version 5 Light style. Turn down the tone for a light touch. Available now in Font Awesome Pro.

fontawesome.com

وفي الوضع الداكن ، نزلت عند الاسامي تحت ، لون الكتابة كلش مايبين ، بس اسامينا صايرة ابيض وبسرعة تنقرأ ، يعني لو تتغير درجة اللون او لون يعطي تباين ، برتقالي رصاصي ، شي جذي من ألوان الموقع .

اي فيه بعض الألوان مو مناسبة في الوضع العادي والداكن، حاليا في بعض الاشياء اللي لونها يتغير بين الوضع العادي والداكن وفيه بعض الاشياء تم اختيارها الوانها بحيث يناسب الاثنين .. راح أعدل هذي الامور البسيطة وممكن ألوان المجموعات تتغير شوي بعد

اي وقبل ما انسى ، ألحين مثل ماقلت مو الكل يعرفون للمنتديات وفكرتها ، ففكرت لو يندمج في الموقع من مميزات تويتر مثلا كشكل . اول ماتدخل في ٢ تاب ، وحدة للي ضايفينهم والثانية مثل الاكسبلورر ، مادري يعني هل يصير اوكي نخلي فوق ٢ تاب وحدة للأقسام الجامعية واللي جنبها حق الأقسام العامة ؟
الفكرة ان يكون طول الصفحة أقل مع الحفاظ على كل الأقسام ، شي مخفي وشي ظاهر

المشكلة بعض الطلبة ممكن ما ينتبهون ان فيه تاب عشان يطلعون عندهم باقي الأقسام
بس بدرس الفكرة أكثر

 

[c o d e]

ممكن أخلي هذا مثلا .. شرايج؟

User Unlock Classic Light Icon | Font Awesome

User Unlock icon in the Version 5 Light style. Turn down the tone for a light touch. Available now in Font Awesome Pro.

fontawesome.com

ممتاز ،
القبليين يمكن كمستخدم عادي مو مختص لو بتأملهم جم دقيقة بستوعب المعنى ، بس هذي في ثانية تنفهم .
وكنتيجة اذا خليته ، بيصير فوق ٣ ازرار بدل ٤
لان اوردي لما يبي يسجل دخول بيطلع ليه داخل ، ليس لديك حساب يمكنك التسجيل . فاما يظلون ٣ او ممكن اقتراح ان تنحط مالت الوضع الداكن والعادي جنبهم، الا اذا by default يتغير على حسب الجهاز للمستخدم .

 

[UOB-BH]

القبليين يمكن كمستخدم عادي مو مختص لو بتأملهم جم دقيقة بستوعب المعنى ، بس هذي في ثانية تنفهم .

تم التعديل

لان اوردي لما يبي يسجل دخول بيطلع ليه داخل ، ليس لديك حساب يمكنك التسجيل . فاما يظلون ٣ او ممكن اقتراح ان تنحط مالت الوضع الداكن والعادي جنبهم، الا اذا by default يتغير على حسب الجهاز للمستخدم .

كان ببالي نفس الاقتراح وجربته لكن المشكلة في التيلفون بعد تسجيل الدخول يصير ماله مكان الزر تبع الوضع الداكن .. لازم نستبدله بواحد من الموجودين حاليا .. تحديدا عندنا خيارين (البحث أو ماالجديد؟)
في رأيي اثنينهم ممكن يكونون أهم من الوضع الداكن

+

حاليا فيه 3 خيارات للثيم نقدر نغيرهم من القائمة اللي نهاية الموقع:
System = راح يتغير الثيم تلقائيا حسب جهاز اليوزر وهو الوضع الافتراضي

 

[تمهل]

السلام عليكم

يعطيك العافية النسخة الجديدة ممتازة
لكن وجود الاعلانات مزعج نوعا ما @UOB-BH

 

[UOB-BH]

السلام عليكم

يعطيك العافية النسخة الجديدة ممتازة
لكن وجود الاعلانات مزعج نوعا ما @UOB-BH

الفترة الماضية كنت اجرب بعض الخيارات للاعلانات
تم تعطيل معظم الاعلانات .. خصوصا في قسم المنتدى الاعضاء أميزهم بمعاملة خاصة وأحرص ان تكون تجربة التصفح أفضل ما يمكن

 

[c o d e]

يعطيك العافية صادق ،
بنهاية الموضوع كان موجود تحت اسم القسم اللي موجودين فيه ، ألحين مو موجود . كان اسهل ان نرجع للقسم بدل ما نرد نركب فوق ونضغط اسم القسم .

واقتراح ، بالصفحة الرئيسية تحت كلش موجود مربع للحائط ، هو فكرته مادري شنو بالضبط ، تبدو مثل الستوري ولكن ما تنحذف ، فكرت لو يصير نحطه فوق ببداية الصفحة الرئيسية وفي دوائر مثل ستوري الانستجرام ، مادري برمجيتها تصير او لا

 

[UOB-BH]

بنهاية الموضوع كان موجود تحت اسم القسم اللي موجودين فيه ، ألحين مو موجود . كان اسهل ان نرجع للقسم بدل ما نرد نركب فوق ونضغط اسم القسم .

امممم حاليا رجعتها بس لأن حسيت ان في الصفحات القصيرة تبين مكررة مرتين مثل هالصورة، وفي نفس الوقت اذا ابغي ارجع للصفحة الرئيسية اقدر اضغط على الشعار اللي دائما بيكون موجود، واذا برجع للقسم اقدر اسوي سلايد من يسار الشاشة اذا في الموبايل او اضغط باك اذا في الكمبيوتر ..

واقتراح ، بالصفحة الرئيسية تحت كلش موجود مربع للحائط ، هو فكرته مادري شنو بالضبط ، تبدو مثل الستوري ولكن ما تنحذف ، فكرت لو يصير نحطه فوق ببداية الصفحة الرئيسية وفي دوائر مثل ستوري الانستجرام ، مادري برمجيتها تصير او لا

مشاركات الحائط هي الـ Profile posts
عجبتني فكرة لستوري بس ممكن تطبيقها ما يكون سهل .. بخليها ببالي