آع ـترآفآت يوميهـ ..

[قمَر]

أني أعتبر مواليد 92 (أكبر وحدة من مواليد التسعينات في بيت ابويي العود) إلى مواليد 99 (أصغر وحدة مواليد التسعينات في بيت العود) كلهم نفس العمر ترى .
وأستغرب إن الناس تشوف بينهم فرق.
أستغرب إن مواليد 2000 صاروا يشوفون مواليد 98 (عجايز) شي محير أحس.. أو أدش تيك توك مواليد 2001 قاعدين يقطون على مواليد 96، 97.. نعم خير شالسالفة؟ ما في فرق، ما يمدي يعني يقطون.

الحين بغض النظر عن كوني قاعدة أستخدم دا () وهو حسب تصنيف مواليد الألفين إنه مال الثلاثينيين الشيوبة .. بس لا ترى مو قاعدة أختلف وياش.. الرد على بتول لأن صياغتها توحي بإنها تقدمت (كثيرا) في العمر، فقلت لساتنا صغيرين كوني وياها من نفس الدفعة .

الثلاثين عمر أهل الجنة .

وأحبكم قمر وبتول .. هذا بعد يصنفونه مال شيوبة مادري مواليد 2000 وش يستخدمون كبديل .

أني اللي يتكلمون عن موضوع ان من غير جيل وهالسوالف أحس ما عندهم سالفة من الأساس

يعني بما إني مواليد ٩١
اذا يجون ليي مواليد نهاية الثمانينات ويقعدون يقولون ان هم من جيل غير اتطنز عليهم
يعني اذا شخص أكبر مني طبيعي يمكن يعيش شغلات ما عشتها
بس العبرة في الخاتمة
وش أضاف لك الشي الا أنت عشته وأني ما عشته؟
الموضوع يعتمد على التربية الا ربوك عليها أهلك
بنات حماتي أكبر وحدة مواليد ٢٠٠٥
ويعرفون رسوم ومسلسلات أني شخصيا ما أعرفهم لأن أمهم معودتنهم يطالعون بس القديم مانعة عنهم الأشياء الا طلعت مؤخرًا
وهالشي طبيعي أضاف لشخصياتهم شي مختلف عن بنات جيلهم

لذلك أرجع وأقول احنا نخاطب عقلك مو رقم عمرك
محد يهمه متى عشت وشنو عشت بقدر ما يهمه أنت شنو الحين وشلون تتعامل وي الحياة

 

[قمَر]

أعترف إني غايبة اليوم

 

[مسافر]

ليت مافي النفس يقال ,,

 

[قمَر]

اعترف اني مو قادرة ارجع صوتي

 

[غريبة الدار]

مضايقه ومنقهره أنه قاعده تنكسر قواعدي وقوانيني في التربيه كأم

 

[علي البلادي]

أكثر شيء ممكن يكون متعب لأي إنسان هو الشعور بأنه ليس معذورا على الإطلاق..

 

[قمَر]

أعترف..
ما أدري متى بيرجع صوتي
ولكن أتمنى يكون الويكند كفاية

 

[safanoor2]

رفست بطيخ ودعمت في الجدار

 

[مسافر]

مضايقه ومنقهره أنه قاعده تنكسر قواعدي وقوانيني في التربيه كأم

عادي جداً
خل يصير شوي كسر للقوانين سواء من البيت او من خارج البيت .. من اطار العائلة او من خارج اطار العائلة

واذا تبون تمنعون الطفل عن اي شيء ناقشوه فيه باسلوب يستوعبه


*******************************************************************************************
اعترف -- عاجبني الوضع جدا - هدووووء مريح جدا

 

[قمَر]

اعترف اني خايفة

 

[بَتُول]

أعترف أني ضايعة و بعيدة و حياتي هالفترة ماشية بوضعية autopilot ..

ننتظر شهر ديسمبر على كل خير

 

[Dr.Hakim]

هل آن الأوان لطلب الدعم من طبيب نفسي؟

الحمدلله وأخيراً, تمت الموافقة على إجازتي بعد ما تم رفضها/تأجيلها كذا مرة
والحمدلله بعد مرة لأني تمالكت نفسي وما ارتكبت أي جريمة في الدوام لحد الآن
إجازة ثلاث أسابيع إجازة .. سأقضي معظمها بالتسكع وحيداً في دور بعيدة جداً, بدون أي شي يخص الأرقام و Google sheets او إجتماعات طويلة ومملة .. شعور جميل
أتمنى أرجع أقوى وبصحة نفسية أفضل
وما اضطر لزيارة مستشفى الطب النفسي

 

[علي البلادي]

تخيل بعد الجامعة يرجعونك إلى الروضة ويطلبون منك تعيد المشوار الطويل الي قطعته من جديد؟ بالضبط أنا قاعد أسوي شيء مماثل حاليا، قاعد أخوض في مجال جديد شغفي فيه كبير، وما راح أوصل لنتيجة فيه قبل ١٢ سنة من الآن أو أكثر، وهذا المشوار لا ينتهي إلا بإنتهاء العمر، ومني إلى ذلك الوقت مطلوب منك تنقطع جزئيا عن الحياة أكثر من الجامعة وأكثر من أي شيء آخر في الحياة، المشوار صعب وخطير جدا، لأن مسألة النجاح من عدمها ما راح تتضح إلا في بداية الأربعينات من العمر وربما منتصفها، يا نجاح يا إخفاق، نسأل الله التوفيق