[موضوع شامل ] لكل استفساراتكم حول اختيار التخصص الجامعي ..

[موتو]

no comment

بس ساعات الغاربة تعلم الاشخاص شي مايتعلمونه في الوطن"
وحيانا الواحد يتوقع ااشياء والواقع شيئ ثاني >>>
اهم شيء التوكل على الله

 

[UOB-BH]

دايما أشجع وأبدي اعجابي بالطلبة اللي يفكرون بالمستقبل ويحاولون يستشيرون أكبر قدر ممكن ومن كل المصادر للتوصل لقرار مناسب ..

موضوع الغربة شي مهم .. في "نوع" من الأشخاص مايقدر يتأقلم بعيد عن أهله ووطنه وهالشي يكون السبب في اخفاقهم على مستوى الدراسة، ونوع آخر رغم صعوبة الوضع لكنه ياخذ الموضوع بنظرة تحدي ويتأقلم مع الوسط مؤقتا ..

النقطة الثانية تختص بالميول .. شتّان بين الهندسة والطب، يعني لازم يكون عندج ميول لأحد التخصصين ورغبة في دراسته أكثر من التخصص الآخر .. انتي بالمدرسة تحبين اكثر الريض والفيز وإلا الاحياء؟ فكري في هذا الجانب ايضا ..

النقطة الثالثة تخص الطموح، مستقبل الهندسة مختلف تماما على الطب، وبيئة العمل مختلفة .. شوفي ميولج وحلمج المستقبلي ..

طبعا كل القرارات تعود لج أو للأشخاص القريبين منج اللي يعرفون شخصيتج .. اللي علينا هني كمنتدى تعليمي نبيّن لج الجوانب اللي تاخذينها بعين الاعتبار ..

وان شاء الله نشوفج مهندسة او طبيبة تخدم مجتمعها =) كل التوفيق

 

[نور الدنيآ]

مشكورين ياقلبي

اممم بس بسالج conspiracy شنو اللي فيه اربعة ريض ؟؟؟؟؟؟؟؟؟

 

[روح الامل]

امممم اني اول سنة
بس بحثت عنه وااجد وسمعت عنه واااجد
اللي اتذكره
التخصص الكل يقوول صعب وفي جامعة البحرين حتى الاسلاميات صعب
يعني وين ما رحتين صعب
بس مقدار الصعبوبة يختلف من حيث طبيعة المواد والشغل فيه والضغط وقدرات الفرد

تخصصنا فيه موااد دسمة واغلبهم حفظ و في شغل وفي ضغط و خصوصا يتواجد الاب في كل مادة الا ما ندر فأغلب الفصوول جدولش بكون من الصبح الى العصر وهذا بحد ذاته ضغط

حاابه التخصص ومستعده للدراسه بشكل جدي دخلي غير جذي لا تدخلينه
ولا تفكرين انه التخصص مثل تقن في المدرسه لالا غييييير
بيعطونش عن البرمجة و أنظمة الشركات و التجارة الالكترونية والمواقع وووو...


وبالنسبة لفرص العمل
بتلاقين الكل يتكلم بشكل متنااقض
نااس بتقول لش مافي فرص والشركات اصلا ما تعرف يعني شنو نظم المعلومات !!
وناس بتقول الشهاادة يعتبرونها في مستوى الدبلوم وهذا الشي لا يدخل العقل و انها سيئه لانها ما تتخصص في مجال معيين يعني الشخص غير محترف في الادراة و لا الكمبيوتر وعلى العكس ناس تعتبرها ميزة !!
وناس بتقول لش لازم تآخذين شهادات غيرها عشان تقدرين تشتغلين ..
وناس بتقول لش فرص عمل وااااجد ويعطونش امثلة من واقع الحياة اشخااص وااجد اتخرجوا منه ويتشغلوون في الوزارات والشركات الكبيرة حتى
والتربية تبي بعد

واختااري احد الاقوال اللي اقتنعتين فيه خخخخ

بيبقى الشي ارزااااق

بالنسبة ليي ما دخلته عشاان الشغل
دخلته لانه حاابتنه وحابه ابدع فييه

وتبقى النااس قدراات وشوفي ميولش وقدراتش ويين



روح الامل

 

[conspiracy]

مشكورين ياقلبي

اممم بس بسالج conspiracy شنو اللي فيه اربعة ريض ؟؟؟؟؟؟؟؟؟

الله ايسلمج هذي علوم الحاسوب ITCS

 

[AL-ANi8A]

السلام عليكم جميعا

نظرا لكثرة المواضيع المتعلقة حول [ اختيار التخصص الجامعي ]

افتتح هذا الموضوع ،، ليشمل جميع الاستفسارات ،، عن كل التخصصات ،،

لعدم تشتت المواضيع في هذا القسم ،،

لذلك اي موضوع يفتح بهذا الخصوص سيـــــــتم دمجه مع هذا الموضوع الشامل

ودمتم سالمين
​

 

[c o d e]

وعليكم السلام
اللهم صل على محمد وآل محمد


حياكم شباب التوجيهي مايردكم الا كيبوردكم
إذا عندكم أي استفسار أو سؤال لا تترددون
ترى حتى اذا سلمتوا ورقة اختيار التخصص , وتبون تغيرونه يمديكم وقت ما تطلع شهادة هالكورس ( لما تودونها الجامعة مع شهادة حسن سيرة وسلوك )

وان شاء الله اللي عنده أي فكرة ما بيقصر معاكم

 

[نبض القصيد]

مرحبا ..

بصراحة ,, يمكن آنه بورطة !! ,~

عطونا اوراق التسجيل وكنت محتارة بين تخصصين

ادراة اعمال
و نظم معلومات

قريت بالمنتديات و كل شي ,,!

واخترت ادارة اعمال عن قناعة ,’~

لكن بعد فترة ,, اللي اسمعهم دايما يقولون

ان ادارة اعمال ماله مستقبل ,!! وظيفي ,,

وبصرااحة جضروني

حبيت استفسر هل صج ماهل مستقبل وظيفي ناجح ومضمون؟؟!

و لو كان مثل ما يقولون ,, وش هو اكثر تخصص في البزنز شغله مضمون؟ وناجح

وشكراً ,,

 

[c o d e]

أهلا نبض القصيد ,

بصراحة أني ماعندي فكرة عن تخصصات البزنز , بس يتراوى لي أن البزنز والآيتي والأنكلش دراستهم ما تضيع
يعني بتفيدج بشكل أو بآخر

اذا انتي حابة التخصص اخذيه وما عليج من كلام الناس
البعض كل تخصصات الدنيا عنده صعبة !

خلش واثقة من نفسش ودخلي الشي اللي تحبينه بقوة

تخصص نظم المعلومات , فكرتي عنه بسيطة , تخصص يدمج لج بين البزنز والآيتي
كأنما تطبيق عملي في عالم البزنز والأعمال حق اللي تدرسونه بالبرامج والآيتي

 

[نبض القصيد]

مشكوورة اختي ,, على النصيحة

والله ماخذته عن قناعة بس الخوف مو انه صعب او سهل

خصوصا اني خريجة علمي ,
يعني متعودين على الكرف خخخ

لكن ,, خوفي ان صج يكوون ما له مستقبل ,,!!
يعني تخيليني ادرس 4 سنوات لشي آخر شي ما استفيد منه

مأساه ,,

فحبيت اعرف اكثر عن هالتخصصين خصوصا مستقبلهم الوظيفي ! شلون يكون
وخصوصا ادارة اعمال ,,

 

[*MeeMoo*]

مرحبـــآ شبــآب ,,

أنـــآ عندي استفــسـآر عن تخصصيــــن ,,
هم الإدآره المصـرفيــة و المــآلية & المحاسبة ,,
يعنــي حد يعطينـــي معلـومآت عن هالتخصصيــن و شلـون نظآم الدرآسـه ,,


و يعطيـــكم العـــآفية ,,

 

[Gazelle]

ان شاء الله تخلص هذي السنة بسرعة
و اشوف شنو الي بكون فيه بالمستقبل
>>و اكتب تخصصي هوني
لتباركوا لي

 

[علوان]

help me محتار في اختيار أحد تخصصات الهندسة

انا طالب علمي توجيهي قسم كيمياء واحياء
و محتار في اختيار تخصصي من قسم الهندسة
بين الهندسة الميكانيكية و هندسة الأجهزة الدقيقة والتحكم
للعلم انا ممتاز في معظم المواد و بالخصوص الفيزياء لكن مب قوي وايد في الرياضيات
معدلي 88 - 89 ....
و هل التخصصات هاي صعبة وايد وايد يعني ما اقدر اواصل فيها ...؟؟
رجاء ساعدوني و انا ممنون لكم :tears:...​

 

[iostream]

أهلين .. مافي تخصص صعب ومافي تخصص سهل !!
نصيحتي لك اذا تبي تواصل شوف ميولك واتجه له ..انت راح تختار طريق حياتك
فانت من يحددها وليس مقدار الصعوبه والسهوله .. ثق في قدراتك ولاتستهين بنفسك.
وبالنسبه للتخصصين الي ذكرتهم انا سمعت من دكتور انه "هندسة الأجهزة الدقيقة والتحكم " ماله مستقبل في البحرين لاكن اذا كان ميولك هذا التخصص ليش لا اتكل على الله واختره
والارزاق بيد الرزاق ومن توكل على الله ما خاب ،،

 

[lirvalex]

انا بعد مثلك محتار


ابي احول للهندسة الكيميائية بس وااااااايد ناس قالوا لي صعب وخصوصاً لك انت بما ني اشوي مافهم خخخخخخخخخخخخخخخ

بس انت وكيفك يعني اللي تبيه دشه لاتسمع كلام ااااااحد سو اللي تبيه ماعليك من الناس والهندسة فيها كلشي اشويه كيم وفيز وريض

 

[Ro7ylak]

امممممم
اسالكم الحين نضم معلومات اداريه مافيه ولا مادة فيز وفيه مادة وحدة ريض ...؟؟ ياليت تفيدوووني ,,,؟
واذا مافيه اجل وش المواد الي فيه وندرسها ياليت تساااعدوني طلبتكم والله ,,,,,؟
يعني شنو طبيعه الدارسه الي فيه والموااااد وشنو طبيعتها ,,,؟

 

[Ro7ylak]

ونضم معلومات ادرايه يصير اخذ كله محاضرته نسائي يعني ,,,؟ يعني مابعد ال 12 ولا في مقرارات اجباريه الصبح ,,
وشنو يعني ال BIS هو نفسه نضم ؟؟؟

 

[SAMARAH]

نظم معلومات ما فيه لا فيز ولا كيم وعندنا مادة وحدة ماث بس
وبالنسبة للمواد الي ندرسها هذي الخطه ​

https://www.uob-bh.com/forum/downloads.php?do=file&id=505​

وفيها كل المواد الي ندرسها .. منها المواد المشتركه .. عربي اسلاميات هستوري
وفي عندنا مواد من تخصص CS (علوم الحاسوب) .. وبيكونون اربع وعندنا ماده من تخصص CE الي هو هندسة حاسوب وفيه مواد من كلية البزنس وطبعًا كل هالمواد مو مواد تخصصنا
أما مواد تخصصنا الي هو BIS نظم معلومات .. فيه حفظ فيه لابات .. ما اعرف طبيعة المواد بالضبط لأني ما خذيتها للحين وان شاء الله الكورس الجاي آخذها
وبالنسبة لوقت المحاضرات .. حزة التسجيل يكون موجود الوقت .. وفي الصبح وفي الظهر .. بس انتين تعدلين الجدول على الي يناسبش وتخلين ما يصير في تعارض في الاوقات ​

وآخر شي BIS هو نفسه نظم معلومات

ان شاء الله اكون افدتش ​

 

[Ro7ylak]

مشكوووووورة اختي والله ماقصرتي الله يووووفقج ان شاااااااااء االله ,,,

يعني اقدر ارتبهم واخذ بعد ال 12 كلهم لاني الصبح اشتغل يعني مافي مجال اطلع ابد ابد ...؟
واسالج برايج يبي لها وايد دراسه يعني ضغط ولا شدة حيل وخلاص يعني الي يشتغل ويدرس يقدر يمشي طبعا انا اسالج برايج الشخصي ,,,؟؟ او اي احد عنده راي

مشكووووووووورة

 

[SAMARAH]

كلهم بعد 12 ؟
احس انه ضغط كبير .. بس كل شي يعتمد على ترتيب الوقت .. يعني هل تقدرين ترتبين كل المحاضرات بعد 12 او لاا
وخصوصَا انه المواد وياها لابات
وبالنسبة للشغل والدراسة .. طبعًا راح تبذلين جهد اكبر ومضاعف لأن كل شي يحتاج دراسة ومتابعة وما يتطلب إهمال
عن نفسي بختار شي من الثنين .. يا شغل او دراسة .. بس في ناس يقدرون يوفقون بين الشيئين​

وبالتوفيق ان شاء الله ​