موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفساراتكم لمواد و لدكاترة كلية العلوم

شرايكم في دكتورة ثريا المنصوري ؟؟؟
من حيث الشرح و التعامل ....
لمقرر bio 102
درستني بلانت فسيولوجي ، ما انصح فيها ابدا شرحها مقبول نوعا ما بس اسلوبها مأساااه ، تخلي عند الواحد احباط اتذكر بداية الكورس كانت تقولنا كلكم بتجيبون F الا كم وحده بتجيب D :Mellow: ، امتحانتها صعبة شوي ، بس ما ادري بالنسبة لمقرر bio 102 ، لأن مادة مشتركة واكثر من دكتور يدرسه.
افضل دكاترة د.عصام ، د. علي و د. فرحة بس ما تداوم هالكورس.
 
شنو افضل الدكاتره اللي يدرسون math121?
 
قسم البيولوجي متعاونين في تغيير اللاب؟
يعني لو أسجل في سكشن معين وأخبر مال اللاب إني بحضر وي لاب سكشن آخر يوافقون - عادة - أو لا؟
ولو رحت التسجيل وطلبت من الأساس ينزلون ليي اللاب في سكشن غير اللي مسجلة فيه.. عادي لو؟
أشوف واجد ناس يسوون هالحركة في مقررات الفزكس.. بس وش وضع البيولوجي؟
 
قسم البيولوجي متعاونين في تغيير اللاب؟
يعني لو أسجل في سكشن معين وأخبر مال اللاب إني بحضر وي لاب سكشن آخر يوافقون - عادة - أو لا؟
ولو رحت التسجيل وطلبت من الأساس ينزلون ليي اللاب في سكشن غير اللي مسجلة فيه.. عادي لو؟
أشوف واجد ناس يسوون هالحركة في مقررات الفزكس.. بس وش وضع البيولوجي؟

حق اي مقرر؟ BIOLS 102؟

آخذه الحين, الدكاترة كلش متعاونين و متساعدين و يراعون الطلبة في سالفة اللابات. صار اكثر من مرة احظر مع سكاشن غير سكشني لكن لازم تخبرين الدكتور اللي في الأصل مسجله معاه و الدكتور اللي بتحظرين معاه, من قبل.
 
حق اي مقرر؟ BIOLS 102؟

آخذه الحين, الدكاترة كلش متعاونين و متساعدين و يراعون الطلبة في سالفة اللابات. صار اكثر من مرة احظر مع سكاشن غير سكشني لكن لازم تخبرين الدكتور اللي في الأصل مسجله معاه و الدكتور اللي بتحظرين معاه, من قبل.
اي هذا المقرر.. أبي أنقل اللاب طول الفصل.
لأن المحاضرات اللي تناسبني سكشنين واحد منهم اللاب يتعارض وي لاب مادة تخصص والثاني اللاب في يوم ما عندي محاضرات فيه.
 
اي هذا المقرر.. أبي أنقل اللاب طول الفصل.
لأن المحاضرات اللي تناسبني سكشنين واحد منهم اللاب يتعارض وي لاب مادة تخصص والثاني اللاب في يوم ما عندي محاضرات فيه.

من الدكتور\ة؟

عادتاً الدكاترة يدروسون سكاشن غير بعد (حق الاب) اللي ما يدرسونهم ثيوري فيمكن نفسه الدكتور اللي بدرس اللابين.
 
من الدكتور\ة؟

عادتاً الدكاترة يدروسون سكاشن غير بعد (حق الاب) اللي ما يدرسونهم ثيوري فيمكن نفسه الدكتور اللي بدرس اللابين.
ما فهمت.. تسأل عن الدكتور اللي في الجدول " للثيوري " لو دكتور اللاب؟ دكتور اللاب ما أقدر أعرفه من الحين :nosweat:.
لو هذي المادة قصدك دكتور الثيوري هو نفسه اللي يدرس اللاب؟
 
ما فهمت.. تسأل عن الدكتور اللي في الجدول " للثيوري " لو دكتور اللاب؟ دكتور اللاب ما أقدر أعرفه من الحين :nosweat:.
لو هذي المادة قصدك دكتور الثيوري هو نفسه اللي يدرس اللاب؟

مثال:
سكشن 1 + 2 وقت المحاضرة و الاب نفس الشي فللمحاضرة الدكتور واحد, وقت اللاب سكشن 1 يدرسهم دكتور المحاضرة و سكشن 2 يدرسهم دكتور ثاني "مختلف".
الدكتور "المختلف" عادتاً يدرس مجموعة ثانية بعد و الدكتور الثيوري يدرس مجموعات مختلفة بعد لللاب.
 
مثال:
سكشن 1 + 2 وقت المحاضرة و الاب نفس الشي فللمحاضرة الدكتور واحد, وقت اللاب سكشن 1 يدرسهم دكتور المحاضرة و سكشن 2 يدرسهم دكتور ثاني "مختلف".
الدكتور "المختلف" عادتاً يدرس مجموعة ثانية بعد و الدكتور الثيوري يدرس مجموعات مختلفة بعد لللاب.

حاليا منزلتنه وي د. عبدالأمير الليث، بس بغير السكشن إلى سكاشن د. عصام أو د. عبدالله عبد الرسول.. عشان عندي مادة مهم أنزلها وقت سكاشن د.عبد الأمير، لكن اللاب اللي يناسبني هو لاب سكاشنه.
 
Bilos102

صعبه سهله ؟ شلون يدرسونها؟ بما أنها بالانج


ويش رايكم في الدكتورة ليلى ؟

نسبة كبيرة من محتوى بيو102 "يمكن 75%" >اخذناه قبل في المدرسة
فلو بتاخذيه بتلاحظين هالشي ويا شوية توسعات..
ففهم المحتوى ما يعتبر من درجة الصعوبة..

- يمكن الجديد انه بالانج.. اذا ما عندش مشكلة بالانج و تمشين فيه > فانش بتمشين في المادة..
يعني المادة يبغى اليها فهم "للمحتوى" ...و حفظ لاسماء و المصطلحات ..

طريقة الدراسة بعد تختلف من شخص لثاني...اني كنت اركز بالبداية على فهم المحتوى علشان يسهل عليي الحفظ..لكن لما بتحفظين جمل ما تدرين ويش تعني فبتصعب عليش...
و شي مهم..انه تراجعين المحتوى من قبل لا تراكمين لحزة التست بجم يوم> اذا الدكتور من النوع اللي يعطي كويز بعد كل جبتر > فهذا بيفيدش (y)
انه لو راجعتين للتست ما بيكون صعب

د.طارق كان يتبع هالنظام..ما عندي فكرة عن الباقي
و د.ليلى حسب اللي اسمعه انه يقولون عنها " جيدة":nosweat:
 
Bilos102

صعبه سهله ؟ شلون يدرسونها؟ بما أنها بالانج


ويش رايكم في الدكتورة ليلى ؟

المقرر فالأصل مو صعب, لكن بالنسبة لي المشكلة كانت في محتوى المقرر من ناحية المقدار و المتطلبات خلال الكورس.
في الثيوري أظن كان حوالي 11 جبتر و الاب كانوا 12 لاب -> المقرر دسم
و الاب ساعات كنه نكمل على الساعة 4!
للثيوري 3 تستات و الاب تستين + ربورتين (بس 2 لكن التصحيح يكون واجد شديد و دقيق)+ كوز + اسايمنت + لاب اسسمنت...
الدكتورة ليلى طيبة و من ناحية المعاملة مو شديدة (ترحم الطلبة).
 
مقرر كلكولس3 - للعلوم - إذا صار طلبة السكشن أقل من 10 تعتقدون يسكرونه لو عادي؟ في حال كان في سكشنين.

+ في التسجيل الثالث عادة يبين إذا تسكر السكشن؟
لأن مرة شفت ورقة مكتوب فيها تسكر سكشن كان مادة من مواد الماث وماذكر كأن وزعوا الطلبة أو شي جدي.. فهل ممكن بعد بداية الفصل يتسكر؟
 
Bilos102

صعبه سهله ؟ شلون يدرسونها؟ بما أنها بالانج


ويش رايكم في الدكتورة ليلى ؟

نفس ما قالو المقرر مو صعب ، تقريباً نفس مقررات الاحياء اللي درسناها في المدرسة بس بالانجليزي .
في البداية يمكن تحسينه صعب لأن المصطلحات جديدة بس بعدين بتتعودين لأن الكلمات بتتكرر وبتحفظينها، ولازم تدرسين اول بأول عشان ما يتراكم المحتوى وتتوهقين وقت التست :)

د.ليلى طيبة وهادية بشكل مو طبيعي وتعجبني شخصيتها ، يعني كانت تعاملنا مثل خواتها وتستاتها زينة كلها من النوتات ما في شي خارجي =]
 
السلام عليكم ، شرايكم ب Biols371 كماده اختيارية
 
السلام عليكم ، شرايكم ب Biols371 كماده اختيارية
عليكم السلام

نيوتريشن مادة جميلة وممتعة لأن فيها معلومات جديدة عن التغذية بشكل عام ، د.طارق يدرس هالمادة هو الدكتور طيب بس شديد بالتصحيح لدرجة كان يحاسبنا على السبيلنغ في التستات مثلاً اذا عكستين حرفين في كلمة يعطيج نص الدرجة ومرات يحط صفر :nosweat:>> في اسئلة اكمل الفراغ
وفي الريبورتات بعد شديد نوعاً ما ، تستاته مقبولة مو سهلة ولا صعبة وكان يعطينا سؤال بونس في كل التستات بس محد يعرف يحله الا من رحم ربي :nosweat: عبارتن يكون سؤال من المريخ وتعجيزي :detective2:

في مواد اختيارية اسهل ممكن تاخذينها ، مثلاً بروكاريوت او فايكولوجي او ابلايد مايكروبيولوجي :shiny:
 
تره قاعدين يبدلون دكاترة مقرر BIOLS 102 كل جم من ساعة :bleh:

هاي المرة الثالثة اللي مبدلينه في هل اليومين :whistling:
 
في المكتبة اهني نوتات د. فرحة جعفر ل biols102 لكن مخربش فيهم، وماعرف أدرس من شي مخربش فيه :RpS_lol:.
في أمل أحد عنده هالنوتات نظيفة ويقدر يرفعهم لينا؟
أو.. يصير أطلبهم من الدكتورة نفسها؟ علما بأن المقرر مو نازل عندها هالفصل كما يبدو.
 
في المكتبة اهني نوتات د. فرحة جعفر ل biols102 لكن مخربش فيهم، وماعرف أدرس من شي مخربش فيه :RpS_lol:.
في أمل أحد عنده هالنوتات نظيفة ويقدر يرفعهم لينا؟
أو.. يصير أطلبهم من الدكتورة نفسها؟ علما بأن المقرر مو نازل عندها هالفصل كما يبدو.

الدكتورة ما تداوم من الفصل اللي طاف, سمعت انهيه مرضية... فما أظن بتحصلينه.

BIOLS 102 أخذت الفصل اللي طاف, بالنسبة لي النوتات السابقة ما كانت مفيدة لأن المحتوى المقرر يتغير بين كل فترة على حسب طبعة الكتاب. من الفصل اللي طاف استخدموا طبعة 2016 و في بعض الاختلافات. أنا طبعت نوتات د. عصام جناحي حق واحد من الجباتر بس ما استفدت منها لأن كانت ناقصة. الدكاترة عادتاً يطرشون السلايدات... حسيت انه أفضل بوربونت كان مال د. طارق العلوان - السلايدات مرتبة و مفهومة. و نقطة ثانية المحتوى يختلف من فصل لفصل يعني احنه في الفصل الأول بسبب ضيق الوقت حذفوا بعض المواضيع و في النهاية حذفوا واحد من الجباتر للفاينل. فحسبوا لما تدرسون من نوتات سابقة!
 
عودة
أعلى أسفل