موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفساراتكم لمواد و لدكاترة كلية العلوم

هنوف البحرين كنت ابي اسألج..

انا أبي انزل مقرر ماث 331 عند فيصل الشويخ لاكن للاسف فيه مو اد ماخذيتهم

ولاكن كاتبين انه المتطلب السابق ماث 122 وكمبيوتر 102

انا خذيت 122 بس الكمبيوتر ماخذيته انزين اشدخله في في الماث ؟؟؟

وبعدين ابي اعرف الماث 331 شنو محتواه؟؟ سهل او صعب ...

وتسلمين مقدما ^^

هلا وغلا..
اي المتطلب السابق لـ331 ..122 و102..
هو قبل اعتقد كان في محتوى المقرر يكتبون كود وهيك شغلات..
بس الحين لأ..يعني المقرر ماله علاقة اساسية بـ102 ..
يمكن المقرر فيه iteration فيشبه اللوب ..
بس يعني حتى اذا الواحد ماخذا 102 ..يقدر يمشي في 331 بسهولة..
بس القسم الله يهديهم يحبون يعطلون الواحد ع الفاضي..
في 332 ..دكتورة منى عطتنا اسايمنت نكتب كود يعني..
المهم ..المقرر عبارة عن طرق لايجاد جذور تقريبية للمعادلات اللي مانقدر نطلع الجذر تبعها...
المقرر سهل وخفيف..بس فيه كلكو ليشن ..فالواحد يحاول كثر مايقدر مايغلط في الارقام عشان ماتروح عليه درجات..
موفقة ان شاءالله...
 
ههههههههههه ليش مالنا قسم المغلوب على امرهم يعنيي

مشكوره اختي الله يعطيج الف عافيه
 
حكم القوي ع الضعيف:RpS_tongue:
العفو...ربي يعافيج ...
موفقة بإذن الرحمن...
 
اهااااااااااا

يعطيج ألف عافيه ...

وان شاء الله ينزل لي المقرر ^^

تحياتي لج..
 
ربي يعافيج...
بس شسمه يعني ..اذا ماخذيتي 102..ماعتقد ينزل لج المقرر...

موفقة...
 
بس وهقوني شكله بجدوليي لان الكورس الجاي لازم انزل الفزكس واهو 4ساعات
وفيه عندي الكيم 4 ساعات
والماث4ساعات
انصدمت ما ادري
 
بس وهقوني شكله بجدوليي لان الكورس الجاي لازم انزل الفزكس واهو 4ساعات
وفيه عندي الكيم 4 ساعات
والماث4ساعات
انصدمت ما ادري
انزين ليش لازم تنزلين الفيز؟؟؟
الكيم سهل يرفع المعدل..
122..ممتع ومو صعب..بس لازم ماتهملينه ..وان شاءالله يرفع المعدل بعد...
موفقة...
 
لان عندي اثنين ولازم اخذ ذا علشان اقدر اخذ الثاني فهمتيني؟
 
تبين تسجلين ماينر فيز ؟؟؟

انتي 2010 ..يعني توج في بداية المشوار...
مو شرط تاخذين الفيز الحين وتخلصينهم ...
ممكن تاخذينه صيفي ..او اي فصل ثاني ...
مو شرط تضغطين ع روحج في هالفصل ...
آنه مثلاً خذيت 101 في الصيفي لين كنت سنة اولى ...
للحين ماخذيت 102...سجلته للترم الياي ..الله يسهل ان شاءالله...
موفقة...
 
STAT273

السلام عليكم
اشريكم في دكتور محمد الأشقر حق STAT273
 
السلام عليكم
اشريكم في دكتور محمد الأشقر حق STAT273
خوش دكتور ما عليه زود بس المادة هي اللي تحتاج تركيز مع انها سهلة
درست عنده الكورس و كان اعلى متوسط في الدرجات في سكشنا
 
شكراااااااا على الردود

يعطيكم العافية
 
السلام عليكم ورحمة الله بركاته ..
شنو رأيكم بالدكتورة سميرة سعيدي ...
تشرح زين ؟؟؟ تعطي كل طالب حقه ؟؟؟
انا محتارة لان في طلبة يقولون عنها ان لغتها مب مفهومة ؟؟؟
من درسته هالدكتورة ؟؟ في أحد عنده معلومات عنها ؟؟؟
تنصحوني أخذ عندها كالكولاس 1- MATH101 -
وشكرااا لكم مقدما ..
 
السلام عليكم ورحمة الله بركاته ..
شنو رأيكم بالدكتورة سميرة سعيدي ...
تشرح زين ؟؟؟ تعطي كل طالب حقه ؟؟؟
انا محتارة لان في طلبة يقولون عنها ان لغتها مب مفهومة ؟؟؟
من درسته هالدكتورة ؟؟ في أحد عنده معلومات عنها ؟؟؟
تنصحوني أخذ عندها كالكولاس 1- MATH101 -
وشكرااا لكم مقدما ..

هذي بعض آراء الطلبة في الدكتورة سميرة السعيدي ..

https://www.uob-bh.com/forum/showthread.php?t=8951&p=91514&viewfull=1#post91514

كل التوفيق
 
مشكورة أختي ...
ما قصرتي ...
 
دكاترة maths102

بانزل مادة ال maths102 فأبي اعرف بس تنصحوني بأي دكتور
 
افضل واحد محمد عبدالله
فيصل الشويخ بعد وايد زين
 
مين افضل دكتور لمادة الmaths 102
 
عودة
أعلى أسفل