موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

للسؤال عن المواد في كلية تقنية المعلومات

بالنسبة لـ Social Science :
قسومي يقول .. انصحكم بـ SOCIO181 .. مادة سهلة والدكتورة زينة "سوسن كريمي" .. ناس واجد يجيبون A و A-


بالنسبة لـ فيز101:
المادة سهلة ..
ونفس الثانوي .. معادلات الحركة في خط مستقيم والعزوم والمقذوفات والشد والطاقة ..
ان شاء الله يصير حظش ويا ليلى حق اللاب .. خوش آدمية صراحة .. متساعدة وااااجد ..
وتقول ان هالسؤال بيجي نفسه في اللاب تست وهذا ما عليكم منه لا تدرسونه
:smile2:



والهستوري عندي هالفصل ..
طبيعته حفظ واجد مثل ما يقولون الطلاب ..

​


هل مادة SOCIO181 حفظ واااجد فيها او الجباتير قصيرة
 
السلام عليكم،
أنا طالب جديد في جامعة البحرين (2012) و حبيت أستفسر عن شيئين أساسيين.

1. أنا عندي بعثة هندسة، واليوم ثبتيت قبولي و عطوني جدول حق الكورس، هل أقدر أغير و أعدل في الجدول ؟ وإذا أقدر شلون ؟

2. عندي خمس مواد بس حبيت أستفسر عن الدكاترة الزينين اللي تنصحوني آخد عندهم.
CHEMY101 - Dr.Saeed AlAlawi
PHYCS101 - Ms.Basma Taqi AlNajjar
ENGL101 - Dr.Martin Graham Parker
CSC103 - Mrs.Aysha Bin Dyna
MATHS101 - Dr.Mohammed Aiyub

أرجو ممن يستطيع مساعدتي و نصحي أن لا يبخل علي.
مع خالص المودة.
 
أي تقدر تعدل و تغير في الجدول , بشرط أن تكون هناك مقاعد متوافرة ..
بالنسبة لتعديل الجدول بيكون
في يومي الجمعة و السبت الموافق 14/9/2012م و 15/9/2012م حسب المقاعد المتوفرة , ان شاء الله ..
 
CSC 103 :أنا خذته مع الدكتور علي الصفار,الدكتور ممتاز وشرحه مفهوم و بعد يحل أسئلة التوتوريال ,و كوزاته سهلة ..
MATHS 101 : أنا خذته مع الدكتور عبدالعزيز لحجي , الدكتور ممتاز و شرحه مفهوم , و نوتاته حلوة و مرتبة , واايد يحل تمارين , و كوزاته سهلة ,
و الشيء الزين فيه قبل الميدتيرم يعطي ورقة مراجعة فيها أغلب الأسئلة اللي بتجي في الميدتيرم ..

بالنسبة لبقية المقررات ما خذتها و مو من ضمن تخصصي , ان شاء الله بقية الأعضاء يردون عليك ..
 
شكرا جزيلا على الآراء المفيدة،
بس بقى عندي مقرر ENGL101 لأن كثير من الطلاب ينصحون بالابتعاد عن مارتن، شنو البديل الأفضل بالنسبة ليكم ؟
 
استلمت جدولي ,
حسيته ثقيل !
خمس محاضرات ف UTH :RpS_scared:
ومحاضرة وحده MW


قولو ليي عن هالدكاترة , شرايكم فيهم
ITCS103 \ Dr. Yagoub Asheer
ITIS101\ Dr. Emadaldin Abdlrahman Abunaib
Maths 101 \
Dr. Mohammed Aiyub


:whistling:
​
 
استلمت جدولي ,
حسيته ثقيل !
خمس محاضرات ف UTH
ومحاضرة وحده MW


قولو ليي عن هالدكاترة , شرايكم فيهم

ITIS101\ Dr. Emadaldin Abdlrahman Abunaib

دكتور عماد الدين درسني هالصيفي ..دكتور رااائع بمعنى الكلمة ما شفت ولا عيب فيها

متساعد ومتعاون بشكل مو طبيعي وطيب واااجد وكريم في الدرجات و كويزات سهلة بس ترو وفولز وميتبل جويز يقول علشان يساعد الطالب واتجي مباشرة ويقول اليكم انتون الا اتحددون تبون الكويز في اي جبتر واي يوم,, حتى تست 1 قال لينا انتون حددوا متى تبونه اي يوم بس هو حدد الكمية يقول هالشيء اختصاص الطالب ,,

بإختصار متساهل في جميع النواااحي
:RpS_love:

الباقي مااعرفهم ..

كل التوفيق
 
انا بعد استلمت الجدول
ENGL154 : Dr.Luma
شرايكم فيها ؟

وبغيت استفسر بعد شنو نحتاج لهالمواد
ITCS103
ITIS101
ARAB110
Maths101
ENGL154
 
انا بعد استلمت الجدول
ENGL154 : Dr.Luma
شرايكم فيها ؟

وبغيت استفسر بعد شنو نحتاج لهالمواد
ITCS103
ITIS101
ARAB110
Maths101
ENGL154

ENGL154 : Dr.Luma
شرايكم فيها ؟

يمدحونها ويقولون زينة بس اني شخصياً ما درست عندها

ITCS103 : نوتات الدكتور
ITIS101 :سلايدات الا يشرح منها الدكتور في السكشن
ARAB110 :ماخذيته بس اعتقد كتاب بالاضافة للنوتات
Maths101 :درست من نوتات دكتور بالاضافة الا الاسئلة الا اتكون نهاية كل جبتر من الكتاب

كل التوفيق
 
شرايكم في اشتياق خان Math101 و فاطمة يوسف حسن ITIS101
 
شرايكم في اشتياق خان Math101 و فاطمة يوسف حسن ITIS101
اشتياق خان بالنسبة للشرح نص ونص، يوصل المعلومة لكن الشرح والكتابة وايد سريع
لما كنت معاه بالسكشن، نص اللي بالسكشن ما يلحقون يكتبون شي وعلى نهاية الكورس ما كان عندهم نوتات كاملة يراجعون منها، أول ما يخلص شرح يمسح على طول وينتقل.
https://www.uob-bh.com/links/showlink.php?l=218&catid=9
 
انا بعد استلمت الجدول
ENGL154 : Dr.Luma
شرايكم فيها ؟

الدكتورة لمى درستني هذا المقرر و كانت الكوردنيتر
ما تحب الفوضى و السوالف باللكجر .. تعطي المقرر بشكل مبسط
أهم شي تنفذين كل شي بمثل الطريقة الي تشرحها خصوصا بالرايتنق


وبغيت استفسر بعد شنو نحتاج لهالمواد
ITCS103 مقرر برمجة سي بلاس بلاس .. أساسيات .. فهم .. تحتاجين دكتور اوكي و براكتس على طول
ITIS101 المقرر حفظ مثل ما سمعت .. ما اخذته بس اتوقعه سهل بما انه الاول
ARAB110 المقرر سهل و خفيف بالنسبة لي .. بس البعض احسه ثقيل .. يعتمد عالطالب و الدكتور
Maths101 كلكولاس 1 .. تفاضل و تكامل .. أهم شي دكتورش اكون اوكي و اتحلين تمارين
ENGL154 المقرر واااجد سهل .. أسهل من المدرسة بعد .. اهم شي تابعيه و الفوكابيولاري تحفظينهم اول بأول

الجدول تقريبا متوازن .. نفس جدولي .. بس الفرق ما كان عندي آي اس .. كنت 4 مواد
اذا اتفكرين تحدفين مادة .. اقترح الماث تحذفينه أو العربي .. لأن أعتقد ما يفتحون مواد "ارجعي للخطة"

بالتوفيق
 
عادي اجننكم ؟
بس لان حدي متوهقة , كل من يقوليي هالدكتور زين وهذا مو زين , راسي افتر :RpS_crying:

بالنسبة حق CS103 , اي احسن دكتور من دلين ؟!
Dr. Yagoub Asheer
Mrs. Nahla Al-Marzooqi
Dr. Lamya Al-Jasmi

و ل IS101 من الافضل بعد ؟
غزوة ولا عماد الدين ولا فاطمة يوسف حسن ؟

و العرب عاطيني مريم البنعلي , و ضروري ابدلها :tears:
من احسن
Dr. Mahdia Shraf
Mr.Ghazi Asheer
Dr. Rafiqa Rajab
Dr. Ameena Ali Abdulla

والريض عطوني عند د. محمد ايوب ,بس محد مدحه ليي , جفت في الشواغر دكتور عبد العزيز لحجي يقولون انه اوكي
وش رايكم ؟


--
الحين عندي سؤال عويص مابعرف اشرحه :tears:
بيفتحون لينه التسجيل للشواغر لمدة يومين ,
يعني لو افترضت اني سجلت ل كم مادة , النتايج تطلع سيده ؟ وبعرف اني خلاص حصلت جانس ف هالسكشن ؟
و اذا مانقدر نعرف وين صرنه , شلون بقرر تالي يمكن مايطلع ليي شي وخلاص اقرر احذف الماده !
و اذا صار اني اقدر اعرف وين صرت , يصير عقب اتنازل مرة ثانية واحذف الماده ؟

اتمنى فهمتون عليي , لاني بالاساس مو فاهمة لروحي :tongue343:

ومسامحة ثقلت عليكم :nosweat:
​
 
عادي اجننكم ؟ عادي :RpS_tongue:
بس لان حدي متوهقة , كل من يقوليي هالدكتور زين وهذا مو زين , راسي افتر صمود قلنا :shiny:

بالنسبة حق CS103 , اي احسن دكتور من دلين ؟!
Dr. Yagoub Asheer البعض يمدحه و البعض لا .. فيه أفضل منه
Mrs. Nahla Al-Marzooqi عادةً يمدحونها .. بس شخصياً درست عندها حسيت ما اقدر افهم عليها لأن سريـعة
Dr. Lamya Al-Jasmi يقولون شرحها اوكي لكن معاملتها مو كلش تمام و درجاتها الي تحصلينه تحطه

فانتي شوفي الي يريحش ^^


و ل IS101 من الافضل بعد ؟
غزوة ولا عماد الدين ولا فاطمة يوسف حسن ؟

للأسف كلش ما عندي فكرة عن دكاترة الآي اس .. بس في قسم هيئة التدريس
فيه يمدحون الدكتور عماد الدين و يقولون انه متساهل و معاملته تمام بس بطيء


و العرب عاطيني مريم البنعلي , و ضروري ابدلها
من احسن
Dr. Mahdia Shraf
Mr.Ghazi Asheer
Dr. Rafiqa Rajab
Dr. Ameena Ali Abdulla

الي اعرفه ان مهدية شرف و رفيقة رجب و امينة أوكي .. بس بالضبط ما ادري من Best

والريض عطوني عند د. محمد ايوب ,بس محد مدحه ليي , جفت في الشواغر دكتور عبد العزيز لحجي يقولون انه اوكي
وش رايكم ؟

https://www.uob-bh.com/links/showlink.php?l=217&catid=9
شوفي اهني

--
الحين عندي سؤال عويص مابعرف اشرحه
بيفتحون لينه التسجيل للشواغر لمدة يومين ,
يعني لو افترضت اني سجلت ل كم مادة , النتايج تطلع سيده ؟ وبعرف اني خلاص حصلت جانس ف هالسكشن ؟
و اذا مانقدر نعرف وين صرنه , شلون بقرر تالي يمكن مايطلع ليي شي وخلاص اقرر احذف الماده !
و اذا صار اني اقدر اعرف وين صرت , يصير عقب اتنازل مرة ثانية واحذف الماده ؟

من تنزلين المادة add و اتشوفينها نزلت خلاص تعتمدين انش بهالمادة بهالسكشن
و تعرفين وين انتين من خلال وصلة الجدول له ... ما بتنزلين عشوائي !!
اذا فهمت سؤالش خطأ وضحيه من جديد ^^"

اتمنى فهمتون عليي , لاني بالاساس مو فاهمة لروحي

ومسامحة ثقلت عليكم
حياش الله .. ماكو ثقل بالعكس .. حاضرين خيوو

بالتوفيق =)
 
السلام عليكم و رحمة الله و بركاته

لو سمحتون بغيت أسماء أفضل الدكاترة للمواد التالية :
ITCS 103
PHYCS 101
ARAB 101
ISLM 101
ENG 154
 
السلام عليكم و رحمة الله و بركاته

لو سمحتون بغيت أسماء أفضل الدكاترة للمواد التالية :
ITCS 103
PHYCS 101
ARAB 101
ISLM 101
ENG 154

و عليكم السلام
ITCS 103:د.علي الصفار او د.فيصل القائد
ARAB110:د.رفيقة رجب او د.جنات علي
ISLM 101: يمدحون دكتور عمر العاني او دكتور ناجي العربي و دكتور احمد العطاوي
باقي المقررات ما اعرف الدكاتره
بس الانج ابتعد عن دكتوره لندا
 
عودة
أعلى أسفل