موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

للسؤال عن المواد في كلية تقنية المعلومات

سلام عليكم
عندي كم استفسار انشاءالله اجد الاجوبة عدكم

بغيت اعرف طبيعة المادة csc103 يعني شلون طريقة التدريس و الامتحان و اذا في بروجكت وشنو عن الاب

ويش رايكم في الدكتور يوسف البستكي شلون شرحه ( تمام - متساعد - اللغة عربي / انج )
ولي ضعيف الانج بيعاني عدل في هذا المقرر ؟؟

و اذا عدكم اي معلومة يمكن تفيدني لا تبخلون علي فيها
انا بحاجة كل معلومة
ومشكورين مقدماً
​
عليكم السلام
المادة سهلة جدا عبارة عن اساسيات البرمجة بلغة السي بلاس بلاس ، طريقة التدريس لكجرات بالاضافة الى الابات و يختلف هذا الشي من دكتور لاخر في دكاترة يشرحون سلايدات و في بعضهم شرح ، المادة ما فيها بروجكت ، فيها تستتين كتابي بالاضافة الى الفاينل نفس الشي ، بالاضافة الى الاب تست عندك 2 لاب تست أو 3 ما اذكر بالضبط ، بالاضافة الى الاسايمنتات و الاسايمنتات احياناَ تكون لاب اسايمنت و احياناَ هوم اسايمنت و الهوم اسايمنت تختلف مدته من دكتور لثاني معظم الدكاترة يعطون اسبوع بس في دكاترة يعطون الى نفس اليوم الساعة 10 و بعضهم يعطون 3 او 5 ايام مثل ما قلت لك يختلف من دكتور الى ثاني و اخيرا لكوزات ، في النهاية المادة سهلة يمكن تشوف متطلبتها واجد كمادة بيسك :nosweat: بس المادة كلش سهلة و سهل تجيب فيها A و كنصيحة من خلال الإطلاع على جدول المادة خذها عند نهلة المرزوقي و اذا تبي تستفيد اكثر احضر عند فيصل القائد أو علي الصفار لسنر سابقا كان رمز المقرر itcs103 بس ابتداءاَ من دفعتكم بكون رمزها itcs111 , و بالتوفيق انشاء الله :smile2:
 
^^^
مشكور

انا حصلت المادة عند يوسف البستكي
لان اول كورس الجامعة هي التي تخلي الجدول

بس شلون عن اللغة
 
^^^
مشكور

انا حصلت المادة عند يوسف البستكي
لان اول كورس الجامعة هي التي تخلي الجدول

بس شلون عن اللغة

المقرر باللغة الانجليزية بس اللغة مو عائق كلش

الشرح حسب الدكتور وبالغالب مكس عربي وانج أو فقط انج خصوصا اذا فيه اجانب طلبة بالسكشن ما يعرفون عربي
 
شكرا

ويش رايكم في الدكتور يعني اذا احد جرب معاه مقرر ويش انطباعه عنه
 
في فرق بين itcs103 و csc103
لو هم مثل المقرر بس التسمية تختلف
 
محد رد على استفساري عن الدكتور يوسف البستكي شلون شرحه و اللغة
 
ITCS346
ITCS242
ITCS390
ITCS473

أي المواد تحتاج كتاب؟
وشنو أفضل طريقة لدراسة هذي المواد؟
 
السلام عليكم

طلبة الأي أس

اشرايكم بالمقررات التالية :) :

ITIS 313 مع الدكتور حسين
ITIS 351 مع الدكتورة أمل
ITCE 352 مع الدكتور ابراهيم عبد الرحمن >> متخوفة من هالمقرر :tears: .

اشرايكم بالمواد و الدكاترة , هل في كويزات أو اسايمنتات أو بروجكتات ؟
وشكرا لكم :AN0:
 
السلام عليكم

طلبة الأي أس

اشرايكم بالمقررات التالية :) :

ITIS 313 مع الدكتور حسين
ITIS 351 مع الدكتورة أمل
ITCE 352 مع الدكتور ابراهيم عبد الرحمن >> متخوفة من هالمقرر :tears: .

اشرايكم بالمواد و الدكاترة , هل في كويزات أو اسايمنتات أو بروجكتات ؟
وشكرا لكم :AN0:

oOo(
و عليكم السلام )oOo

oOo(
مقرر 351 عطتنا الدكتورة كويزين و الثالث تعويضي اختياري )oOo

oOo(
و بدل الاسايمنت تقسمكم إلى قروبات تشرحون جزء من المقرر + بحث صغير نهاية المقرر )oOo

oOo(
الدكتورة طيبة و درجاتها حليوة لكن ضروري تتابعين وياها و تسجلين نوتات )oOo

oOo(
مقرر 313 اخذته من زمان و اتوقع تغير نظامه و الـ CE ما اخذته )oOo​
 
  • Like
التفاعلات: Happy
ITCS346
ITCS242
ITCS390
ITCS473

أي المواد تحتاج كتاب؟
وشنو أفضل طريقة لدراسة هذي المواد؟
CS242 المصادر الموجودة بالنت كافية له.. يمكن تحتاجين الكتاب عشان الجزء النظري بس بالبداية، لأن ضروري ينفهم على أساس البرمجة تكون سهلة والدكتور راح يتم اسبوعين على ما اعتقد يشرح الجزء النظري قبل ما يبدأ معاكم بالبرمجة.
CS390 ما حسيته يحتاج كتاب.. كل شي موجود في السلايدات & النت
CS473 نفس الشي المصادر الموجودة بالنت كافية.
 
الطريقة المثلى لدراسة:

المقرر Itis313
و
المقرر Itcs452

شاكرة لكم ..
 
السلام عليكم

طلبة الأي أس

اشرايكم بالمقررات التالية :) :

ITIS 313 مع الدكتور حسين
ITIS 351 مع الدكتورة أمل
ITCE 352 مع الدكتور ابراهيم عبد الرحمن >> متخوفة من هالمقرر :tears: .

اشرايكم بالمواد و الدكاترة , هل في كويزات أو اسايمنتات أو بروجكتات ؟
وشكرا لكم :AN0:


و عليكم السلام و رحمة الله

الكورس اللي راح خذيت CE مع دكتور ابراهيم عبدالرحمن

المقرر دراسته نفس الفيز و الماث

لازم دراسة اول باول لان اغلب الجباتر يعتمدون على بعض

المقرر حفظ * فهم لكن اغلبه فهم

دكتور ابراهيم حدده طيب و متعاون ويه الطلاب
يبي الطلاب يشاركون وياه في السكشن و يساعدهم في كل الاستفسارات والاسئلة اللي عندهم في السكشن او في المكتب
ساعدنه وااايد الكورس اللي راح في الدرجات و سوه كيرف اب مرتين يمكن لان الدرجات كانوا تحت
الكويزات متوسطين لا سهلين و لا صعبين
المقرر بشكل عام متوسط الصعوبة لكن لازم تركيز بشكل كامل على كل نقطة في السؤال
اغلب الطلاب انصموا في الاسئلة لان في وحدات units لازم نحولهم قبل حل السؤال ( مثلا cm - m - km ) و بعضهم ماينتبهون او يخربطون فيهم و تطير درجة السؤال ( ملتبل جويس )

بالنسبة لي حسيت التستات سهلين بس يبيلهم تفكير شوي
الفاينل كان حده سهل و كل الطلاب قالوا عنه سهل
>>> دكتور ابراهيم حط التستات و الفاينل

اهم شي الحضور في السكشن و كتابة نوتات معاه لان الدكتور يركز على الطلاب اللي دايما يحضرون ويكتبون نوتات و يساعدهم اكثر

عادي تحصلين A عنده لان كنت كله اداوم وانتبه معاه و اكتب نوتات و في النهاية استفدت وايد من الحضور و صار سهل المقرر و حط لي A >>>بداية الكورس كنت ابي C لان كنت خايف من المقرر :nosweat:

اللاب سهل مايبيله شي
4 لابات بس

اذا درسكم اللاب استاذ يوسف دشوا على قسم المكتبة الجامعية و اخذوا اللابات اللي رفعتهم
استاذ يوسف مال اللاب حده طيب و متعاون ويه الطلاب و درجاته كلها فوق

لكن اذا اللاب عند استاذه رولا لا تسوون كوبي لان ماترضى و بتنقصكم درجات
جوفوا طريقة الحل و نقلوه باسلوبكم


مافي اسايمنتات ولا بروجكتات


و بس :nosweat:


بالتوفيق
​
:smile2:​
 
@ m.g.s [MENTION=9379]sabeel[/MENTION] مشكورين :RpS_thumbsup طمنتوني :smile2: , الله يطمنكم و يعطيكم الله في بالكم :FF: ان شاء الله الكورس الياي يكون كورس خير علينا كلنا :AN0:
 
itis102
acc112
mgt131
hist122

احد يعطيني نبذه عنهم ، شنو طبيعة المواد وجي :nosweat:
 

الآي اس مقرر حفظ لكن الاسئلة بعض الاحيان تحتاج فهم الطالب وربطه للمعلومات ببعضها
لأن يجيبون مقارنات ونعطي امثلة عالاشياء من عندنا وملتبل جويز
كلما كنت أوكي بالانج بيسهل أكثر لأن الترجمة للمصطلحات تحتاج وقت
واذا كنت تجاري المصطلحات البزنزية بتسهل عليك بعد

الهستوري معروف أيضا مقر حفظ بحت
 


بسمَ الله () ,

شرايكمَ بهذه المقرراتَ :

ITCS252
ITCS104
STAT273
ENGL155
MATHS102

* الدكاترة الحمدلله كلهم زينينَ ،

- الموادَ تمام مع بعضها في الجدول ؟
شنو الصعب فيهمَ و ايهو إلا فيه حفظ و يمبي له شغل أكثرَ ؟
و عطوني نبدة بسيطة عن كل مقررَ :RpS_love:

​
 


بسمَ الله () ,

شرايكمَ بهذه المقرراتَ :

ITCS252
ITCS104
STAT273
ENGL155
MATHS102

* الدكاترة الحمدلله كلهم زينينَ ،

- الموادَ تمام مع بعضها في الجدول ؟
شنو الصعب فيهمَ و ايهو إلا فيه حفظ و يمبي له شغل أكثرَ ؟
و عطوني نبدة بسيطة عن كل مقررَ :RpS_love:

​
ITCS252 مقرر سهل جدا يمكن بعض الطلبة يستصعبون فيه شي واحد الي هو درس 1.6 البروف و انواعه بس بشكل عام المقرر واجد سهل
ITCS104 مقرر تكملة ل 103 بداية بتتعلمون بعض الاشياء الجديدة في مكتبة لسترنق ، بعدين شلون تبحثين عن عنصر معين في الاريه او تضيفين عنصر أو تحذفين عنصر ، أو ترتبين عناصر الاريه بطريقة معينة ، بالاضافة الى بعض الاشياء الجديدة مثل لستركر و لكلاسس و الاوفر لودنق و التمبليت بالاضافة الى الريكيرجن بشكل عام المقرر سهل الي يستصعبونه الطلبة فيها لفلوجارت لانه فيه لوب :nosweat: بالإضافة الى اخر جبتر الي هو الريكرجن
STAT273 مادة تتكلم الاحصاءات و ما الى ذلك المادة سهلة بس واجد طلاب يستهينون ابها و الدرجات تصير :no: انصحش تحلين الوورك شيت الي تعطيكم اياه الدكتورة اذا كنتين ماخذة عند ريمان و اذا عند غيرها حلي تمارين من لكتاب
ENGL155 ما عندي فكرة واضحة عنها بالضبط لاني الى الان ما اخذتها باخذها الفصل الجاي حسب ما سمعت من لصبيان اغلب المادة الرايتنغ اسيه و فيها قرمر شوي
MATHS102 تعتبر الوحش بالنسبة لمعظم الطلبة بس المادة سهلة و تحتاج حل تمارين اول باول و اعادة عليها عشان لا تنسين بس بالنسبة لي كانت ماة سهلة بداية تتكلم عن شلون تحسبين الايرايا و الفوليوم بعدين نوع جديد من فنكشنات الساين و غيرها ( ما تفرق واجد عن العاديين ) ، نوع جديد من التكامل اسمه انتغريشن باي بارت ، بالاضافة الى حساب لمت و ما الى ذلك و في النهاية انواع السيريس المقرر سهل بالنسبة لي بس ما انكر ان المقرر دسم و يحتاج حل تمارين بكثرة

في النهاية 3 من المواد الي انتي منزلتنهم كلهم ماث و كلهم يحتاجون تقريبا حل تمراين اول بأول يمكن اخف وحدة ITCS252 اذا انتين تمام في الماث خلي الجدول مثل ماهو عليه بس اذا نص و نص او مو لذيك الدرجة انصحش تحذفين وحدة من الثنتين اما Maths102 او Stat273 و الاخف بين الثنتين هي لستات و عذراَ على الإطالة
 
عودة
أعلى أسفل