حدثونا عن تخصصاتكم الجامعية ^_^

[تبارك]

السلام عليكم
أي التخصصات اللي تكون فيها مقاعد شاغرة عادةً ؟؟

 

[Mystro]

تخصص الكيمياء من أفضل تخصصات العلوم حاليا

 

[احلآم انثى]

بالتوفيق للجميع ..

موضووع جميل

 

[rayoom]

انا هندسة مدنية
احب تخصصي وااايد بغض النظر عن الدكاتره ...
دكاتره حلوين وفي دكاتره يشددون وايد يحسسونا ان احنا ماخذين الهندسة بالثنويه
صج متعبه ويبي لها دارسه وفيها لابات واشغالنا تتوسع لبره الجامعه بس بشكل عام ممتعه
صج بعض الاوقات نتفشل لان الهندسة يبي لها شغل مخ يعني وافكار بس الحياه تمشي وراح نكبر ونذكر هالايام الحلوة...
صج تعبت وتخرجت من دبلوم بالهندسة بس لاني تعلقت فيها وعندي طموووح واصلت بي اس والحمدلله....
والله يقدرني واصير مهندسة واخدم هالبلد ان شاء لله...
ومشكوره حبيبتي على هالموضوع الرائع ...
وبالتوفيق للجميع يارب

 

[yagmur]

تخـصصي ادارة اعمال

تخصص شامــل وعام لادارة الاعمال
اول شيء سنتين مواد مشتركة وبعديـن مواد تخــصصية

انه توني كورس .. فما ادري بالضبط المواد التخصصية شنو طبيعتهإأ...
بس بشكل عام تخصص حلو ويعجبني والمواد اللي بالــمتعلقة بالتخصص فيهإأ ؤوإأإيييد شغلآت مـــــن امور الحياة ... وشغلآت متكررة
و نفس الؤوقت التخصص يخليك تكــــتسسب معلومات جديدة و حلؤوة ... ههه.. بس !!


واخر شيء التخــصص يعتمد على الحفــظ ... ؤوإأآيييد ؤوإأآييد فيه حففظ ...

 

[INFINITE]

السلامُ عَلَيْكُم,,!

أنا تَخَصُّصي أَدَبْ إِنْجِليزي وَ على الأَغْلب بَختار تَرْجَمة كَتَخَصُّص فَرْعي.
التَخَصُّص تمام بشَكِل عام؛ ويبي له شوي تَرْكيز و مُخَيِّلة واسعة!
موَفَّقين جَميعاً.

 

[Jouan7]

تخصصي تربية بدنيةة ..
تخصص مميز يحتاج تركيز كباقي التخصصات ..
يحتاج شغل واجد .. و حفظ واجد .. و تركيز واجد
بس واجد احبه ..

 

[yagmur]

منيجمنت ..
تخــص جميل
ولكن في الحـــفظ شوي متعب .. و فيه برزنتيشنإأت ؤوؤإأييد

 

[zain albahrain]

عندي سؤال
الحين اذا انا تخرجت وخذيت بكالوريوس ف تخصص معين
اقدر ادرس تخصص ثاني ف الجامعه؟

 

[alialmulla]

معمارية
تخصص عجيب بس "مترامي الأطراف" و يحتاج وقت ​

 

[sara yoousif]

خصصي دراسات اسلامية
الصراحة ما ادري شلون اهو صعب او سهل لان هالكورس كله مواد مشتركة
بس انشاءالله يكون سهل

 

[إنكسار قلب]

آن شاء الله يكون سهل
آني بعد درآسآت اسلآمية
وبالتوفيق للجميع

 

[T00ma]

سلام عليييييكم

تخصصاتكم حليوه وكل تخصص فيه متعه

بالنسبه لتخصصي .. Management..MGT
تخصص معروف في كلية ادارة الاعمال يعتمد على الحفظ وأغلب مقرراته لازم فهم
طبعا كانت رغبتي الاولى والحمدلله ..
اني لما اخترت هذي الرغبه كنت حابتنها واايد للاني احب الامور الادااريه بشكل عام وبعد اعرف ان مخي مايستوعب حسابات
اني سنه ثانيه وراح ادخل على التخصص هالكورس وكلي امل وتفاؤل ببذل اقصى جهد
والجميل فيه ان يتكلم بشكل عاام يعني شااامل فيه كل شي عكس التخصصات الاخرى محدده .. مثل الاكاونت والبنكنق
والتخصص الشبيه للمنيجمنت هو تخصص الماركتنق للانه مقرراتنا نفس الشي بس الاختلاف ان احنه ناخذ من عندهم مقرر واحد فقط لكن هم ياخذون من عندنا اكثر من 5 مقررات على حد علمي ..
طبعا مع الممارسه راح تكون اللغه قويه .. للاني اني مو بلبل انجليزي لكن ماشي حالي فييه ..ومثل ماقلت مع الممارسه راح تقوى اللغه ان شاء الله
والحمدلله رب العالمين كل شخص مستمر في تخصصه وحابنه اكييد راح يعطي اقصى ماعنده والنتيجه راح تبين في نهايه باذن الله تعالى

اتمنى لكم التوفييق في تخصصاتكم الجميله
بس حطو في بالكم .. كلما حبيتون التخصص يعني حبيتووونه عددددددل راح تستمتعون فيه وتحصلون على نتايج مرضييه
موفقيين

 

[اسماء@]

ابي احد يتكلم عن علم الاجتماع ويشرح لي لاني حابه التخصص بس خايفه شوي

 

[zahra h]

ابي احد يتكلم عن علم الاجتماع ويشرح لي لاني حابه التخصص بس خايفه شوي

اني ماخذه هالكورس اللكتف علم اجتماع 181
هذا بكون شي بسيط او مقدم للعلم الاجتماع فكلش مبسط عن هالتخصص فيعني ما اقدر افيدش عن التخصص
بس بالنسبه للمقرر اهو ممتع وما احس فيه صعوبه
فيه الفهم وفيه الحفظ

بس هو التخصص يتكلم عن الانسان جامع لكل العلوم علوم نفسيه علوم بيولوجيه كل العلوم يختصرها في هالتخصص يتكلم عن الانسان في كل مكان وفي كل زمان
من زمان للحين
نشاته ويتكلم عن النظريات ونظرات البشر لبعض

بشكل عام التخصص حليو بس بالنسبه لي تخصصي احلى ههههههه
بس كاللكتف حليو

موفقين جميع

 

[Business zaza]

\


انا تخصصي banking and finance
هاي اول كورس لي .. للاسف م جفنا اعضاء يتكلمون عن هاي التخصص ..!
طبعا كل طلاب البزنز اول كوسين يدرسون نفس المواد ..
بتكلم عم تجربتي هالكوورس
اول م دشيت التخصص اللكل يقول لي ليش عاد ماخذه اصعب شي في البزنز وصعب وصعب
بس طبعا انه هاي كانت رغبتي ومستحيل اغيرها ..
احنه الي نخلي الشي يصير صعب او سهل .. مافي شي اسمه صعب الي درجه ان الانسان م يقدر
اوول كورس في جامعه البحرين كان اورينتيشن
كنت عند دكتور حفيظ ..
دكتور ممتع حببني في الجامعه معنه كنت قبل داشه الجامعه والنفسيه بسبب الي سمعته عن جامعه البحرين
والظلم الي يلاقون الطلبة من الدكاتره او ادارة الجامعه :tears:
بس هالدكتور غير نظرتي في الجامعه .. وطبعا تعرفون ايام الاوريتنيشن لعب
الكورس الثاني الا اهوا هذا اتخصصت بس اخذ مواد مشتركه بين كل كلية البزنز
ايام التسجيل الكل يقول لي لاتنزلين 5 مواد حذفي الانج دايما ينزل معدل
سوال / اذا انا م نزلت 5 مواد وانا اول كوورس عند حماس واندفاع للجامعه متى انزل واذا كل كورس م ينزل هالماده وهالماده ؟؟
متى بتخرج؟؟ والمواد اذا م خذيتهم الحين باخذهم الكورس الي عقب يعني م فرق
من ناحيه مواد هالكورس عندي منيجمنت و اكاونت و ايكون و انج و ماث
انا الدكتور او الدكتورة وايد باثرون فيني و بطريقه شلون اعطي الماده حقها
المنيجمنت عند دكتورة ساره البستكي شقول ؟؟ .. دكتور طيبه معاملتها مافي منها بس م تقدر تششرح وهاي الشي انا الي م اتقبله في الدكتور
لا تعطيني درجات في ذمتك بس اشرح عدل و عاملني بحترام
ماث دكتور زينب صفر .. لو عندي مليون ماث في الخطه م اخذه الا معاها .. دكتورة صج .. من ناحيه شرح اخلاق درجات تساعد الطلب م فهمت اشرح مره ومرتين وعشر لي تفهم وتوصل المعلومه بسسرعه حتى لو تشرد عن المحاظرة شوي بترجع بتلاقي ان كلامها في بالك ظامنه A معاها .. ماث 103 جدا سهل كل اشيه ماخذينها في ثانوي
ايكون 140 .. دكتوري فواد دايما راقد .. الماده فيها السهل والصعب بس الي تخصصه تجاري كان بيكون ماخذ قصد نفس الشي بس هاي بالانج .. فيها الفهم و جزء حفظ
الاكاونت 112 .. نفس الشي اكاونت تخصص تجاري في المدرسه كورس التخرج .. فيه بعض الاشيه زياده بس تاخذه عند دكتور صلاح اضمن A
الانج 145 .. مثل انج الاوريتيشن بس دكتورنا حدث ولا حرج .. بس سهل و اظن في شي اسمه الانج ينزل المعدل

ومثل مو جايفين المواد البزنز سهله صح بالانج بس لو بتلاحظ ان دراسه البزنز بالانج وايد اسهل من العربي
معني لغتي جدا ضعيفه بس هاي الشي مقتنعه منه ..

كل واحد ياخذ رغبته وبيعطي فيه بس لس كانت مب رغبتك م تقدر تكلم خطوة وحده
ان شاء الله احد من تخصص البنكك من الاعضاء يفيدنا ويتعمق في التخصص
و بالتوفيق
وشكرن اختي على الموضوع

 

[Al-Mosawi]

جميل جداً
موفّقين جميعاً .. طبعاً مافي شي سهل في الجامعة بس ماكو شي مستحيل

أتعب على روحك وبتوصّل ..
أهم شي الرغبة والإرادة
وأحلا شي عقب أنّك بتكون تعدّيت الصعاب وتخرّجت ..

أني تخصصي إعلام / أسهل من غيره وجميل جداً

موفقين ~

 

[بنفسجيه.~]

سلااام .. مريت على الموضوع وما حبيت اطلع الا و اني متكلمه عن تخصصي ...
تخصصي كيمياء .. دائما لما يسمعون هالكلمه يعطونش نظرة و يقولون هادا صعب و معقد .. على انه اني مو عاشقة للكيمياء و راغبة فيه .. اساسا سالفة دخولي اليه جت صدفه .. " انه كنت معتمدة اني بروح اسجل في كلية العلوم الصحيه و بنقبل فيها وكنت مسجله احتياط كيمياء جامعه البحرين .. فما انقبل في الصحيه و صار نصيبي الكيمياء " ..

بس الحمد الله .. الله ميسر لينا .. هو صحيح التخصص فيه صعوبة بس اني احاول قد ما اقدر اتغلب عليها.. دائما اقول في بالي لما اني ابغي شي اكيد بوصل اليه... الواحد لما يقعد و يقول صعب و صعب ما راح يسوي شي ...و على فكرة اسمع انه الكيمياء من الاسهل و الافضل و الاقل في الخطة الدراسيه مقارنه بباقي تخصصات العلوم ...وطبيعية الكيمياء فيها لابات و اني احب الحركه و التجارب احس احسن من انه كله قاعدين في السكشن و بس سجلي نوتات على انها اذا مهلنا فيها نتعب بس يلا متحملين ...
حاليا اني سنه ثانيه وشوي شوي نتعمق ... الدكاترة دائما فيه الزين و الشين .. بعضهم يشجعون ويساعدونش و يحببونش في التخصص منهم: ( محمد سليم اختر معروف لدى الكل انه من افضل دكاترة الكيم على انه لحين ما درسني ..و استاذة فتحيه تبع لاب طييبوبه و دائما تساعد) هاديلا اللي اعرفهم انهم.. و باقي الدكاترة ما جربتهم او لا افضل الحديث عن بعضهم

اتمنى اني افدتكم و لو بالقليل و اي احد عنده استفسار عنه التخصص حاضرين ..
موفيقن جميعا في حياتكم الجامعيه ،،

 

[Different]

\


انا تخصصي banking and finance
هاي اول كورس لي .. للاسف م جفنا اعضاء يتكلمون عن هاي التخصص ..!
طبعا كل طلاب البزنز اول كوسين يدرسون نفس المواد ..
بتكلم عم تجربتي هالكوورس
اول م دشيت التخصص اللكل يقول لي ليش عاد ماخذه اصعب شي في البزنز وصعب وصعب
بس طبعا انه هاي كانت رغبتي ومستحيل اغيرها ..
احنه الي نخلي الشي يصير صعب او سهل .. مافي شي اسمه صعب الي درجه ان الانسان م يقدر
اوول كورس في جامعه البحرين كان اورينتيشن
كنت عند دكتور حفيظ ..
دكتور ممتع حببني في الجامعه معنه كنت قبل داشه الجامعه والنفسيه بسبب الي سمعته عن جامعه البحرين
والظلم الي يلاقون الطلبة من الدكاتره او ادارة الجامعه :tears:
بس هالدكتور غير نظرتي في الجامعه .. وطبعا تعرفون ايام الاوريتنيشن لعب
الكورس الثاني الا اهوا هذا اتخصصت بس اخذ مواد مشتركه بين كل كلية البزنز
ايام التسجيل الكل يقول لي لاتنزلين 5 مواد حذفي الانج دايما ينزل معدل
سوال / اذا انا م نزلت 5 مواد وانا اول كوورس عند حماس واندفاع للجامعه متى انزل واذا كل كورس م ينزل هالماده وهالماده ؟؟
متى بتخرج؟؟ والمواد اذا م خذيتهم الحين باخذهم الكورس الي عقب يعني م فرق
من ناحيه مواد هالكورس عندي منيجمنت و اكاونت و ايكون و انج و ماث
انا الدكتور او الدكتورة وايد باثرون فيني و بطريقه شلون اعطي الماده حقها
المنيجمنت عند دكتورة ساره البستكي شقول ؟؟ .. دكتور طيبه معاملتها مافي منها بس م تقدر تششرح وهاي الشي انا الي م اتقبله في الدكتور
لا تعطيني درجات في ذمتك بس اشرح عدل و عاملني بحترام
ماث دكتور زينب صفر .. لو عندي مليون ماث في الخطه م اخذه الا معاها .. دكتورة صج .. من ناحيه شرح اخلاق درجات تساعد الطلب م فهمت اشرح مره ومرتين وعشر لي تفهم وتوصل المعلومه بسسرعه حتى لو تشرد عن المحاظرة شوي بترجع بتلاقي ان كلامها في بالك ظامنه A معاها .. ماث 103 جدا سهل كل اشيه ماخذينها في ثانوي
ايكون 140 .. دكتوري فواد دايما راقد .. الماده فيها السهل والصعب بس الي تخصصه تجاري كان بيكون ماخذ قصد نفس الشي بس هاي بالانج .. فيها الفهم و جزء حفظ
الاكاونت 112 .. نفس الشي اكاونت تخصص تجاري في المدرسه كورس التخرج .. فيه بعض الاشيه زياده بس تاخذه عند دكتور صلاح اضمن A
الانج 145 .. مثل انج الاوريتيشن بس دكتورنا حدث ولا حرج .. بس سهل و اظن في شي اسمه الانج ينزل المعدل

ومثل مو جايفين المواد البزنز سهله صح بالانج بس لو بتلاحظ ان دراسه البزنز بالانج وايد اسهل من العربي
معني لغتي جدا ضعيفه بس هاي الشي مقتنعه منه ..

كل واحد ياخذ رغبته وبيعطي فيه بس لس كانت مب رغبتك م تقدر تكلم خطوة وحده
ان شاء الله احد من تخصص البنكك من الاعضاء يفيدنا ويتعمق في التخصص
و بالتوفيق
وشكرن اختي على الموضوع

شكلش وياي في سكشن من السكاشن
المنجمنت عند ساره والماث زينب صفر والاكاونت صلاح

 

[وَهم]

هندسة اجهزة دقيقة وتحكم رغبتي الاولى

وحدي متحمسه ليه

هل من مزيد ؟