ممكن استفسارات

[Jaster]

السلام عليكم
وشخباركم جميعا
بس حبيت استفسر عن بعض الامور
انا اول سنة بعثة
1-الصيفي يكون على حساب الطالب لو على البعثة
2-الحين انتهى هالفصل لكن علشان تنزل البعثة الفصل الجاي في اجراءات معينة لو بتنزل بروحها
3-عند تسجيل المواد للفصل الجاي شلون بتم الطريقة باعتبار اني بعثة

 

[sadiq6210]

وعليكم السلام ورحمة الله وبركاته
مرحبا فيك اخوي

1-الصيفي يكون على حساب الطالب لو على البعثة؟
على حساب الوزارة (لطلبة البعثات فقط)

2-الحين انتهى هالفصل لكن علشان تنزل البعثة الفصل الجاي في اجراءات معينة لو بتنزل بروحها؟
اذا كان معدلك فوق الـ 2 ما يحتاج تروح الوزارة ولا تسوي أي اجراءات ..

3-عند تسجيل المواد للفصل الجاي شلون بتم الطريقة باعتبار اني بعثة؟
تسجل جدولك مثل بقية الطلبة بس لما تروح للمحاسب بدل ما تدفع CASH خبره انك بعثة .. راح يختم جدولك وتكون المصاريف مدفوعة على حساب الوزارة ..


بالتوفيق

 

[Jaster]

ثانكس برووووووووووو
ما تقصر خوووووك

 

[متمردة]

1-الصيفي يكون على حساب الطالب لو على البعثة؟
على حساب الوزارة (لطلبة البعثات فقط)

كأن في عدد ساعات معينة لازم يجتازها الطالب
قبل لا يكون الصيفي على حساب الوزارة ؟؟


​

 

[طموح لا زال ينبض]

وعليكم السلام ورحمة الله وبركاته
1-الصيفي يكون على حساب الطالب لو على البعثة؟
على حساب الوزارة (لطلبة البعثات فقط)


بالتوفيق

والله!!!

انا بعثه

و اللي عرفته لين سألت انه الصيفي على حساب الطالب الشخصي!!

اصلا شلون يعني؟؟

نروح نخبر الوزارة قبل لا انزل صيفي مثلا؟؟

 

[Jaster]

اخووي اذا ما يحتاج انروح الوزارة
ليش مكتوب بالشروط يجب المراجعه اذا ما يحتاج نروح

وبالنسبة للصيفي هل صح فيه عدد ساعات معينة علشان تاخذ صيفي على حساب البعثة

 

[Jaster]

انتظر ردك اخوووي ضروري

 

[ebrahim777]

سؤاله صريح
حتى انا شفت ان ضمن الشروط لازم مراجعتهم
فلازم نروح؟

 

[sadiq6210]

كأن في عدد ساعات معينة لازم يجتازها الطالب
قبل لا يكون الصيفي على حساب الوزارة ؟؟

​

اممممم ما عندي علم بهذا الموضوع خيو ..
أخذت صيفي سنة ثانية وكانت على البعثة .. بس مادري اذا فيه مثل هالشرط

والله!!!
انا بعثه
و اللي عرفته لين سألت انه الصيفي على حساب الطالب الشخصي!!
اصلا شلون يعني؟؟
نروح نخبر الوزارة قبل لا انزل صيفي مثلا؟؟

ما يحتاج أختي .. لما تطبعين الجدول وتروحين للمحاسب .. خبريه انج بعثة وخلاص
ولكن لا أعلم هل يوجد عدد أدنى من الساعات ام لا

اخووي اذا ما يحتاج انروح الوزارة
ليش مكتوب بالشروط يجب المراجعه اذا ما يحتاج نروح
وبالنسبة للصيفي هل صح فيه عدد ساعات معينة علشان تاخذ صيفي على حساب البعثة

سؤاله صريح
حتى انا شفت ان ضمن الشروط لازم مراجعتهم
فلازم نروح؟

هذا قبل الله يسلمك لازم تروح الوزارة
بس من سنة 2004 تطورنا ولله الحمد

في حالات معينة يطلبون منك تراجع الوزارة اذا نزل معدلك عن الـ 2 او اذا كنت متأخر بعدد الساعات، بس هم راح يطلبون منك هالشي، يعني لما تجي تختم الجدول وتقولهم انك بعثة بيقولك راجع الوزارة أول.

أما في الوضع الافتراضي انسى الوزارة ويمكن تتخرج ولا تحتاج تراجعهم ... اختم وادرس، هذا حالك كل فصل

 

[سعودي كووووول]

يعطيكم العافيه بما ان الموضوع استفسار

حبيت استفسر ان طالب دفعة 2008 وخلصت الاورينتيشن والحمدلله

لكن فتره التسجيل مكتوب في الجدول تاريخ 8 -2 بعدين تحت 18 -2

لاني ضعت يوم 8 او يوم 18

يحفظكم ربي

 

[ebrahim777]

تسلم صراحه الله يخليك
كافيت و وفيت

 

[Lost Angle]

كأن في عدد ساعات معينة لازم يجتازها الطالب
قبل لا يكون الصيفي على حساب الوزارة ؟؟

وبالنسبة للصيفي هل صح فيه عدد ساعات معينة علشان تاخذ صيفي على حساب البعثة

مرحباً ..
اخوي سجل صيفي .. واذا انت بعثة يكون على حساب الوزارة ..
وبالنسبة الى عدد الساعات .. ما في عدد ساعات نتقيد فيها حق نسجل للصيفي ..
يصير تسجل متى ما حبيت
تطمن اخوي

وبالنسبة للأسئلة الباقي .. الاخ صادق ما قصر ..

بالتوفيق ..

 

[sadiq6210]

يعطيكم العافيه بما ان الموضوع استفسار

حبيت استفسر ان طالب دفعة 2008 وخلصت الاورينتيشن والحمدلله

لكن فتره التسجيل مكتوب في الجدول تاريخ 8 -2 بعدين تحت 18 -2

لاني ضعت يوم 8 او يوم 18

يحفظكم ربي

بالنسبة لدفعة 2008
من تاريخ 4 فبراير الى 7 فبراير تقدر تسجل (حذف واضافة) من الموقع الالكتروني فقط، يعني ما تقدر تروح الجامعة، فقط على طريق الموقع.

أما الفترة من 17 فبراير الى 18 فبراير فتقدر تروح الجامعة تسجل أو من الموقع، واذا رحت الجامعة اطبع الجدول وادفع عند المحاسب واختم الجدول، بكذا تكون انهيت الاجراءات ومستعد للفصل القادم .

 

[Jaster]

شكرا جميعا على المساعدة والتفاعل
وشكر خاص لاخوي الغالي صادق
ولكن بالنسبة للذهاب للمحاسب وختم الجدول متى راح يكون

 

[Biology boy]

شكرا جميعا على المساعدة والتفاعل
وشكر خاص لاخوي الغالي صادق
ولكن بالنسبة للذهاب للمحاسب وختم الجدول متى راح يكون

اختي بنفس هذه التواريخ ولاكن على حسب الدفعه
عندما تستلمين الجدول يوجد محاسب لختم الجدول بنفس المنطقة

تحياتي

 

[متمردة]

اممممم ما عندي علم بهذا الموضوع خيو ..
أخذت صيفي سنة ثانية وكانت على البعثة .. بس مادري اذا فيه مثل هالشرط

بعض الطلبة في الصيفي اللي فات سجلوا على حسابهم
و لما كنا نسألهم ليش مو على حساب الوزارة؟؟
قالوا لأن ما عدينا الساعات المفروضة ليكون الصيفي على حسابهم
و هم كانوا اول سنة

و الله أعلم

​

 

[طموح لا زال ينبض]

بعض الطلبة في الصيفي اللي فات سجلوا على حسابهم
و لما كنا نسألهم ليش مو على حساب الوزارة؟؟
قالوا لأن ما عدينا الساعات المفروضة ليكون الصيفي على حسابهم
و هم كانوا اول سنة

و الله أعلم

​

والنعم بالله

لكن بالنسبة لعدد الساعات

اهو فيه بند ف الاوراق .. انه مطالبون نجتاز 24 ساعة ف السنة !!

فهل هذا اللي تقصدينه !!

--

شووووكرن اخوي صادق .. زين نبهتوني والله :sly:

 

[متمردة]

لكن بالنسبة لعدد الساعات

اهو فيه بند ف الاوراق .. انه مطالبون نجتاز 24 ساعة ف السنة !!

فهل هذا اللي تقصدينه !!

مادري إذا هو هالبند أو لا
بس ما أعتقد ان هذا هو
لأن شي طبيعي بيجتاز الطالب 24 ساعة قبل الصيفي :sly:
و يمكن غيروا قوانينهم :mellow:
​

 

[سعودي كووووول]

مشكورين وما قصرتوا

يحفظكم ربي

 

[سعودي كووووول]

بس الله لايهينكم عندي سؤال

الرسوووم اللي بندفعها كم

يحفظكم ربي ..