موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

ساعدووووني تكفوووووون ..سؤال عن فيزيا 102

تاريخ التسجيل
12 يناير 2009
المشاركات
7
المجموعة
أنثى
الكلية
كلية الهندسة
السلام عليكم ..

اخباركم ؟؟


بغيت اسألكم من ماخذ فيزيا 102 ؟؟

تنصحوني اخذه فالكورس ولا صيفي لانه سمعت انه صعب ؟؟

وصج بيكنسلون الصيفي ولا اشاعه ؟؟

بليييز ساعدوني :(

ومشكورين
 
الكورس مو بصعب مثل ما أنت متخيل ولو واجهتك أي صعوبة راجع معهد المورد بشارع مشتان بالرفاع عندهم مدرس ممتاز للمقرر وخبرة في الأمتحانات وعندهم أساتذة في جميع المقررات الجامعية ويساعدون في عمل البحوث ومشروعات التخرج والرسائل وعندهم خاص ومجموعات رقمهم 36925111- 17491470
 
المقرر مو صعب مثل ما توصفه الناس
فيه نسبة صعوبة ما انكر...يمكن على حسب الدكتور بعد
مجرد ان يحتاج متابعة وحل مسائل واجد
افضله صيفي لأن وااجد ياخذ من وقتش على حساب المواد الثانية اذا اخذتينه في كورس عادي
مع اني اخذته في كورس عادي وكان الوضع اوكي ما أثر عليي بس بصراحة واجد كان ياخذ من وقتي

بالتوفيق:smile:
 
لا هنتي اختي ولا هانج الرحمن إن شآالله :)

بيض الله ويهج ماتقصرين ..

انا قلت باخذه هالكورس وباجوف روحي اذاا قدرت اكمل فيه باكمل واذا جفته واذا جفته وايد يأثر على باقي المواد باسويله دروب حق الصيف إن شآءالله :)


ومشكوووره
 
الله يوفقش ان شاء الله في مسيرتك الجامعيه


تحياتي
 
المقرر جدا سهل.. بس طبعا يحتاج له وقت مثل ما قالوا الباقي..

طبعاأنا اقول انه سهل لأن الدكتور اللي درست عنده كان شرحه ممتاز وكنت أدخل الإمتحان وتقريبا عارفة الأفكار كلها..

طبعا انا أخذت الفيز مع د.عقيل وانسحبت منه لأنه عقدني من المقرر وخلاني أحس انه أصعب مقرر أشوفه.. بس لما درسته مرة ثانية مع دكتور محمد الحلو استمتعت جدا بالمقرر وحسيته من أحلى مقررات الفيز مع اني أخذته في كورس عادي ومعاه مجموعة مواد دسمة..
 
مقرر فيز 102 ، مقرر أحلى بكثير من فيز 101 ، لأنه غير مكرر ، ويحتاج طبعا متابعة شوي
 
انه بعد نزلته حق هالكورس مع محمد الحلو....

عندي سؤال:: اشلون طريقة د. محمد الحلو؟؟
هل شرحه وافي.. ويحل مسائل كافيه؟
 
محمد الحلو شرحه جدا وافي وكافي.. ويحل مسائل عددها معقول وفي نفس الوقت تحتوي على كل الأفكار.. وبالنسبة حق كوزاته تكون مثل التستات بالضبط.. وإذا عندك كوزات سابقة له يكون أحسن لأنه ييب أفكار متقاربة.. كائما إذا عندكم كوز راجع أسئلة الإمتحانات.. وركز على الإختياري.. دائما كوزاته تحتوي على اختياري وعلى مسألة مثل التست بالضبط..
 
عودة
أعلى أسفل