موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

هل اغلق تخصص الفيزياء الطبية؟

تاريخ التسجيل
19 أغسطس 2010
المشاركات
5
المجموعة
أنثى
الدفعة الدراسية
2010
الكلية
كلية العلوم
بسمه تعالى
تحية الى جميع اعضاء المنتدى..
أود الاستفسار حول تخصص الفيزياء الطبية هل فعلا أغلق التخصص أم أستطيع الألتحاق به في العام القادم علما بأني سأتخرج العام القادم ومعدلي العام 93 من التخصص العلمي فهل كافي ليؤهلني لدخول التخصص ؟
أجو إفادتي بأسرع وقت
تحياتي للجميع​
 
مرحبا فيح اختي

اعتقد اذا ما خاب ظني انهم اغلقوا التسجيل في هذا التخصص

وكان لدفعتين فقط ..
 
أهلين اختي طالبة علمي
:cupidarrow:
التخصص أُغلِق لأن الجامعة قبلت 50 طالب في دفعة 2009
واللي كان مطلوب فقط 15 طالب
فـ التخصص يحمل فائض كبير من الطلبة
ومايستحمل طلبة جدد
عموماً ما انصحش فيه
:bleh:
لأن مايُدرس بالشكل المطلوب في الجامعة
ان شاء الله اذا طوروا منه اكيد بيفتحونه
:smile:
بالتوفيق حبيبتي

ودّ
:blushing:
​
 
عساه عن صلاح

تخوفي تجاه هذا التخصص من البداية قاعدة تصير

المشكلة إلي قاعدين يدرسون هذا التخصص وين راح يلقون وظائف بعدين

كل شيء في يد رب العالمين

هذا التخصص قبل لا يفتح في جامعة البحرين فتح من قبل في الأردن والإمارات

وفشل وتم إغلاق البرنامج خير شر

يمكن في الدول الغربية ليه أهمية كبيرة ، لأن يعيشون التطور في شتى المجالات
بس احنا اهني ما في شيء واضح لحد الحين ، لدرجة كل شيء جديد ينخاف منه

​
 
على فكرة بعد في دكاترة في قسم الفيزياء يقولون إن هذا التخصص فاشل وهرار

طبعا ما أقدر أقول أساميهم لأن يمكن يتضررون

​
 
:mellow:

كأن اصابني اليأس والحزن من الرد =)
 
الي الله كاتبنه بصير :smile:

و الي دخله الحين لازم يحاول يحصل على اعلى الدرجات ... و كل شي بيد رب العالمين :rolleyes2:
 
:mellow:

كأن اصابني اليأس والحزن من الرد =)

لا ما في داعي يصير لش يأس وحزن ، إنتي الحين في سنة أولى أو يمكن ثانية الحين في قسم الفيزياء

إذا عندش تخوف تقدرين تغيرين التخصص من فيزياء طبية إلى تخصص فيزياء ، لأن على الأقل الفيزياء ليه مستقبل من ناحية التدريس وهذا شيء مضمون

واحنا دائما انقول مو شرط هذا الشيء يصير ، لأن الأرزاق في النهاية في يد رب العالمين

​
 

هي وقفت على الفيزيا الطبية؟؟ :detective2:
نص التخصصات يقولون مالها مستقبل و فاشلة .. وبعدين؟؟ :mellow:

هالشي يعتمد على الانسان نفسه و شقد يقدر يطور من نفسه و يبدع في تخصصه :shiny:
الواحد يسوي اللي عليه و الباقي على الله :blush-anim-cl:
​
 
طبعاً التخصص قبل لا يفتحونه اكيد مسويين دراسة قبلها و عارفين اذا اهمه محتاجين هالتخصص او لا ,, ما بيفتحون شي و يحطون خطة و ميزانية حق المختبرات و غيره مني و الطريج !

بس العدد المطلوب قليل عشان جذي اغلقوا القبول ,, عشان بعدين ما يقولون ما في لهم وظائف !

و بالاخير الازراق بيد الله ..

التخصص ممتع وحلو ,بس المشكلة في التدريس , الجامعة للأسف فتحت التخصص و ما وفرت لنا دكاترة متخصصين لحد الآن !

و الفصل اللي راح عانينا وايد في اول مقرر تخصص خذناه !! :thumbdown:

إن شاء الله الكورس الياي الوضع يصير أحسن :bleh:

و بالتوفيق لجميع طلبة الميدكل :shiny:
 
:mellow:

كأن اصابني اليأس والحزن من الرد =)



لا يا الغالية


تعرفين انه الدكتور قال لي حولي تخصصج :nosweat: ماله وظائف بس ما اهتميت


لا تخافين حبيبتي ولا تحبطين عمرج


وبالتوفيق
 

هي وقفت على الفيزيا الطبية؟؟ :detective2:
نص التخصصات يقولون مالها مستقبل و فاشلة .. وبعدين؟؟ :mellow:

هالشي يعتمد على الانسان نفسه و شقد يقدر يطور من نفسه و يبدع في تخصصه :shiny:
الواحد يسوي اللي عليه و الباقي على الله :blush-anim-cl:
​



صح :ongue: احبج متمردة
 
على فكرة بعد في دكاترة في قسم الفيزياء يقولون إن هذا التخصص فاشل وهرار

طبعا ما أقدر أقول أساميهم لأن يمكن يتضررون

​

في دكاترة في القسم مو موافقين مع فتح التخصص و غيرهم موافقين

و هاي شي طبيعي كل واحد و رايه:rolleyes2:

و ما ينقص شي من التخصص :msn-wink:
 
التخصص مو فاشل بالعكس
التخصص مطلوب وجداً بعد
لكن في الدول الخليجية للحين ماعليه اقبال ولا عندهم خلفية عنه
وفي البحرين ماعندنا مستشفياااااات هالكثر يعني عشان نوظف كل طلبة التخصص
اذا فرضنا ان كل مستشفى يحتاج إلى 2 فيزيائيين طبيين وكل مركز يحتاج واحد !
من الممكن نغطي كل العدد
بس اذا كان العدد المطلوب اقل فـ مستحيل
خصوصاً ان اللي يبي يتوظف بشهادة هالتخصص لازم يكون عنده على الاقل ماستر
لان البكالوريوس مايوظفه
وثاني شغلة مو بس المستشفيات حتى في شركات بيع الاجهزة
يكون الشغل ممتع هناك

اما كـ نصيحة مجرب
فـ في تخصصات احلى ولها مستقبل اكبر
يعني لا تغامرون وتدخلونه
:)

ودّ
​
 
في دكاترة في القسم مو موافقين مع فتح التخصص و غيرهم موافقين

و هاي شي طبيعي كل واحد و رايه:rolleyes2:

و ما ينقص شي من التخصص :msn-wink:


أكيد ما ينقص شيء من التخصص ، لا من حيث كلام الدكاترة عنه سواء بالسلب أو بالإيجاب

هذا ما يغير شيء من مكانة التخصص

أنا كان قصدي لازال الهدف من فتح هذا التخصص مو واضحة في المستقبل في هذا البلد لأن ما في شيء يستدعي

وهل فعلا راح يتم توظيف فيزيائيين طبيين على الأجهزة في المستشفيات

البلد ما كو تطور كبير

مثلا الرياضيات مثل ما أشرت سابقا في أمريكا وبريطانيا عادي يشتغلون في عدة أمور

في صناعة الطائرات ممكن تشوفين واحد تخصصه رياضيات ، وفي صناعة السيارات تحصلين أيضا فيزيائيين ورياضيات بعد

وفي البنوك وكل مكان يشتغلون كتدقيق مالي مثلا ، وإحصائات واحتمالات يحتاجونها في دراسات واجد ، وهذا من صوب الرياضيات والإحصاء

بس احنا في بلد تعال تعلم حق تدرس وبس

وكل كلام وينعاد مستقبلا على أجيال وأجيال متلاحقة

ما كان قصدي إني انتقص من التخصص كتخصص

وكل شيء في يد رب العالمين في النهاية

بالتوفيق
​
 
=)


متمردة .. كلامج يريح .. ^_^ شكرا ..

ومثل ما قلتوا .. شلون الواحد يقدر يبدع ويكون روحه راح يقدر يواصل في اي شي ويحصل مكان يحتضنه ^_^
 
عودة
أعلى أسفل