الإعلام أم اللغة العربية وآدابها

[امووونة]

السلام عليكم ورحمة الله

انا طالبة جديدة ان شاء الله راح ادخل الجامعة لكني محتارة
وابي احد يحسم لي قراري اللي باتخذه
انا احب اكتب تعبير وقصص و روايات وكل شي يعني بشكل مختصر احب اللغة العربي
لكني محتارة شنو ادخل اي تخصص اللغة العربية وادابها او الاعلام

ابي اسألكم بعض الاسألة :

1- شنو تنصحنوني اتخصص عربي او اعلام
2- هل الاعلام يعتمد على اللغة الانغليزية اوم العربية بشكل اساسي
3- اي واحد فيهم تحسون دراسته اسهل
4- اذا دخلنا اعلام تخصص صحافة هل بيكون لنا مستقبل كصحفيات
5- اللغة العربية مستقبله بس مدرسه او يصير كاتبه

لاني والله محتارة وابي اعرف لاني الحين الحمد لله قبلوني لغة عربية بس اخاف انه يكون صعب ويملل مع اني احبه وابي الاعلام لانه احسه اريح وحلو

انتوا شراايكم :tears:

 

[americano]

امووون ياررفيجه درررربي
اييه علييج
انه من وجهه نظري انه العربي ممل وماله حل ومثل مايقولون بحر غزيييييييير والاعلام شيء حلوو واكشن بس الله العالم شنو مستقبله
ولو راده علي جان اقووول لج حياج حقوووق يبه ويااي بس اعررفج
ولاتنسين انه انتي الحين مقبوووله بالجامعه بس هم القرار back to you

 

[امووونة]

حياااااااااتي والللللللله صدييييييييييقتيييييييي <3

ايي والله من جذي محتاااارة انااا يعني اتوكل على الله ادش اعلام بس
ماااعررررررررف .. ومثل ما نقول انا وانتي الله كرييم بس ههههههههههه

 

[Ms.noor]

وعليكم السلام والرحمة ^^

والله انتي حالتج نفسي احب العربي وتخصصي عربي بس ابي احول اعلام وان شاء الله يقبلوني

1- شنو تنصحنوني اتخصص عربي او اعلام
والله شاقولج .. تره العربي مب بس تحبين الروايات او القصص او تكتبين ..
العربي اصعب من جي مثل مايقولون بحر كل ما اتعمقين فيه غزييير ( فيه الاعراب والنثر والصوتيات والقواعد والنحو ووووو )
لان هاي كان تفكيري قبل ، احب الادب قلت ادش عربي بس طلع غير عن اللي توقعته او بالاحرى انه ماقدر استمر فيه
مافي شي بالدنيا صعب دام انتي تبينه .. بس العربي يبيله كرااف يمكن اكثر من غيره .. يعني اذا تحبين تدرسين وايد
مارايح يأثر عليج الشي .. و العربي تخصص دقيق جداً حته بالكلمة لازم اتعمقين فيها وااايد ومن كل ناحيه
مثلا : كلمة - ذالك - << الـ ذا > اشارة .. ل > حرف .. ك > حرف

2- هل الاعلام يعتمد على اللغة الانغليزية اوم العربية بشكل اساسي
على حسب التخصص .. اذاعه وتلفزيون او علاقات عامه او صحافه او ملتميديا .....
بس اغلبه عربي و اتوقع كل تخصص فيه تقريبا 7 مقررات انج .. 3 اساسي متطلبات التخصص و 4 متطلبات الكليه
بس حلو اذا كنتي حابته .. لان تقريبا 70% عملي

3- اي واحد فيهم تحسون دراسته اسهل
مافي شي سهل بدون تعب !! او بالاحرى في جامعه البحرين لو في تخصص رسم وتلوين بيكون صعب
اذا حددتي التخصص اللي تبينه بتقدرين تعطين فيه لانج مقتنعه باختيارج


4- اذا دخلنا اعلام تخصص صحافة هل بيكون لنا مستقبل كصحفيات
ان شاء الله ^^

5- اللغة العربية مستقبله بس مدرسه او يصير كاتبه
مدرسه او تقدرين تشتغلين في الجريدة او في وزارة


وانه ماخرعج من التخصصات وله شي .. بالعكس .. حاولت قدر ماقدر اوضح لج عشان مادشين وتنصدمين
وتره كل تخصص له شي يميزه .. فيه شي حلوو تبدعين فيه
اهم شي انتي مقتنعه فيه
و اي سؤال حاضرين الشيخه ^_^
موفقه ان شاء الله = )

​

 

[أبـله لغه عربيه]

مررررحبـأأأأأ .. !

مشكلتكم مثلللي تماماً ... !!


انـأأأ أحب العرربي أحب أعبر احب مادة العررربي بس مو كل نواحيييهاا .. يعني ماأحب البلاااغه.. !
وكنت متحيييره بين التخصصييين !
العربي & الاعلاام .. !
وعطووني اعلاام .. بس من خلال السنوات اللي طافت .. كذا وحدة قالت حقي انه التخصص حلو وممتع الى حد مـأ .. بس الوظييفه مو مضموونة !
ومأكو الـأ وزاارة الاعلاام وحدددة !!! والجراايد معضمهم عندهم اكتفاء من الصحفيين .. !!

لـذا أنأأأأ حوّلت الى عررربي .. !

وربمـأ تكونووون اصدقـأأئي ... ! =)

ان شاء الله قدرت اعطيج باللي عندددي !​

 

[امووونة]

مشكوووورين والله خواتي وما تقصرووون
كفيتووا ووفيتوووا واللله
ونفس ما قالت اختي الثانية انه الاعلام الكل يقول ماله مستقبل
واختي الاولى كفيتي ووفيتي في ردج ما تقصرين والله

بس خلاص باتوكل على الله وبادخل عربي
وعسى ربي يوفقني ان شااء الله ويوفقكم ياارب

 

[أبـله لغه عربيه]

أهلـن بصدييقتيي بالدراسه الجامعييه الجديدة .. !!

هلاا والله بالعربي ..
=)

 

[Ms.noor]

مشكوووورين والله خواتي وما تقصرووون
كفيتووا ووفيتوووا واللله
ونفس ما قالت اختي الثانية انه الاعلام الكل يقول ماله مستقبل
واختي الاولى كفيتي ووفيتي في ردج ما تقصرين والله

بس خلاص باتوكل على الله وبادخل عربي
وعسى ربي يوفقني ان شااء الله ويوفقكم ياارب

حياج الله يبه .. بس مين اللي قال ان الاعلام ماله مستقبل ؟! :mellow:
له مستقبل ومطلوب .. ومايقبلون اي احد < هاذي كلام السكرتيرة وبعض الخريجين لاني سألت عنه واايد قبل مافكر بالتحويل
واذا ع الوظايف .. وايد جامعيين قاعدين في البيت .. اللي تخصصه محاسبه واللي هندسه و اللي حقوق و اللي رياضيات ووو غيرهم
يعني عقب الدراسه يعتمد عليج انتي .. تودين اوراقج كل مكان ويالله يردون عليج !
هاذي الحال في البحرين .. اذا لقيتي شغل طلع مايناسبج .. ازمة وظائف
ع العموم اختي .. العربي فعلا تخصص حلوو
و صج اهوه بالعربي بس من اصعب التخصصات يعني مب اي احد يقدر يدشه ويستمر فيه ^_*
بس دامج حابته موفقه ان شاء الله
و ولكم في الـ UOB ​

 

[mint]

امممممم
موضوع محير
بس حوالو ان تحصري سلبيات وايجابيات كل تخصص بالنسبة ليش
راح تقدرين تاخدين القرار سليم
انه انصحش تخصصين في تخصص قادرة على تغلب عليه واالأبداع فيه بحلوه ومره
موفقة اختي

 

[امووونة]

مشكوريين خواتي وما تقصرووون
والله قررت اواصل على اللغة العربية بس اليوم يات مدرسة بيتنا اهي صديقة خالتي لانها مدرسة
وقالت لي العربي وايد تعب بيصير عليج وبتتعبين قالت لي اعلام وايد مريح وحلووو
يعني يمكن انقل اعلام والله هالموقف اصعب موقف امر عليه في حياتي واهو اختيار التخصص
والمشكلة اني كل يوم لي رااي الله يعيين بس

 

[MBJ]

عربـي // أعلأم <= لكل تخصص ايجابياته وسلبياته !!

ولكن نقف عند نقطة ونقول :" أنتي في شنو تبدعين !! وشنو اقرب لميولج وقلبج !!

وطبعا كل انسان يدخل تخصص اكيد ما بكون لام بكل نواحي تخصص وكل شي تتعلمينه من a b c d !!

وشوفي شنو الي يناسبج مو غيرج يقول لانه كل انسانه لها وجهه نظر

يعني لو انا بقول : العربي <= فلم رعب :| .. وطبعا بالنسبه لي ..
ولمستواي فيه وليس بشكل العام ^^

وشكرا

 

[أمينة آل عيد]

قرار صعب يا أمونة ..
أتمنى أنج تحسمين قرارج على حسب سلم الأولويات عندج
دامج تكتبين قصص وروايات وتحبين الأدب أنصحش باللغة العربية
ولاتقولين بأن دراسة اللغة العربية صعبة
لأنج واقعاً تطبقين اللغة العربية وانتين تكتبين أو وأنتي تخربشين في الأدب
من دون أن يكون لكِ اطلاعاً وافراً في البحر الفني للكتابة
أي أنتي أتقنتي الجانب الممارساتي وبقي عليكِ الجانب الأكاديمي
أعتبري نفسج كاتبة ... وجاية تدرسين الكتابة أكاديمياً
ومهما صعبت بتتلذذين فيها لأنج تحبينها ومارستينها


أمونة وآبلة لغة عربية
جتكم وحده ثالثة بتصير صديقتكم بعد هههههههههههه

 

[امووونة]

مشكووورين على الكلاام الحلوو والله
وان شااء الله الله يكتب اللي فيه الخيير يااارب <3 <3

 

[آفـاق]

حتى أنا لغة عربية إن شاء الله
وبصراحة زين ما اخترتي
التخصص روعة بنظري ويا رب كلنا نحبه

 

[أمينة آل عيد]

أهلين آنسة آفاق
أي والله زين ما اأخترتي لغة عربية
فن
وبجمعتكم حبايبي بيكون أحلى وأحلى

 

[الاعلامية]

الله يكتب لج الي فيه الخير اختي امونه ويسر لج امورج..
وفي الاخير شوفي التخصص الي يريحج وتقدرين تعطين فيه وعليج بدعاء وصلاة الاستخارة

 

[امووونة]

مشكورين يالغاليين والله يوفقنا كلنا ياارب