يا ريت أقدر أضل فيه .. تجري الرياح بما لا تشتهي السفن
ان شاء الله خير
السي اس تخصص برمجة يعني اسوون برامج بمختلف لغات الكمبيوتر
أول لغة تستخدمونها ++C اذا أخذتين في المدرسة فيجوال بيسك
أتوقع بكون سهل عليش
أحس هالتخصص متنوع المواد
يعني يتاخذين مواد تقنية المعلومات CS-BIS-CE
و الآداب.. عرب - هستوري - مادة علم نفس - دين - انج
و العلوم .. فيز - ريض - كيم - ستات
يعني من كل بستان زهرة
فلذلك
أعتقد لو كنتين علمي بكون أسهل عليش
بس لو كنتي تجاري ما بضر
كل شي اصير سهل بالاجتهاد
أتوقع هالتخصص فيه ضغط في الجدول و الساعات لأن واجد لابات
لابات تقنية و لابات علوم في بعض الفصول
بس لما تستمتعين في التخصص ما بتحسين لهالضغط
و تقدرين تاخذين بس 4 مواد أو تاخذين صيفي عشان اخف الضغط
بس تنتبهين للمواد المتطلبة السابقة في الخطة
أحس دائما يحتاج التخصص للتجريب و التطبيق العملي على الكمبيوتر و البرامج عشان تفهمين النظري أسرع
و اتكون عندش خبرة عملية الي
في نظري هي الاهم خصوصا للمستقبل المهني
الدكاترة .. طبعا كل تخصص و فيه الزين و الشين
و اني صار عندي خبرة بسيطة للدكاترة من خلال اطلاعي في المنتدى و النت
و من خلال المنتدى و مواضيع التسجيل و التسجيل المبدئي أكيد يتكتسبين هالخبرة بسرعة
بس بعد لا اتخلين سمعة دكتور اتأثر فيش و في رغبتش لدراسة المادة
اذا عندش أي استفسار تقدرين تسألين
و اذا عندي الجواب ما بقصر ان شاء الله
و اذا ما اعرف الجواب ما بقصرون أصحاب التخصص
و منها الكل يستفيد
أخيرا الله ايوفقش في التخصص و انشوفش خريجة سي اس
بالنسبة ليي احس انه يبي له مخ يشتغل و اذا شغلتين مخش بصير عليش سهل 