{يـــــــــ التهيئة ــــــــوم}

[SaLmAnEeZ]

مرحبا...

بصراحة يوم التهيئة اعطيه نسبة 50%
لان المحاضرة في قاعه الشيخ عبدالعزيز مب مهمة لدرجة كبيرة بس بعد اوكي نتعرف على العميد ورئيس مجلس الطلبة
لكن في بنات ثنتين ورايي بالكراسي وقاعدين سوالف بالاضافة الى البلاك بيري وعلى المسن وكلثانية يرن البلاك بيري
يعني مع الاسف مب محترمين المحاضرة على الاقل يحطونة سايلنت....

بس بعدين اللفة الي خذونا اياها بكلياتنا وايد تمام بس مرشدتنا ما يت معانا بس يو معانا الطلبة المتطوعين
ولفونا على طابق وودنا على ساحة المطاعم .....

بس لحد الحين ما عرف شلون القى كلاسي ...

يا ريت تشرحون لي وهذا واحد من كلاساتي s40-1010

بالاضافة الى عندي ماده العربي مب في كليتي ما اعرف في وين صاير

هذا رقم الكلاس
arab 110 0-110A

والمشكلة عندي اياه من اول يوم والفرق بين المحاضرات 10 دقيق بس ؟؟؟ افيدوني بليز

راح يكون موجود باصات داخلية لتوصيل الطلبة الى المباني والكليـات
وسألي أكثـر عن أماكن الباصات ومواعيدها لان أظن ان كل 10 دقائق راح يكون موجود باص
لكن في 10 دقايق ما أظن تقدرين تلحقين توصلين من مبنى الـI.T الى مبنى الأداب مشي
الله يعينج أختــي

 

[al3neda]

انا رحت وسمعت المحاضرة وطلعــت

بس كان خاطري اقعد لين مايفرونة ع كليتنـا
بس للأسف رجعت مع رفيجتي لان ماعندي احد يرجعني هع

 

[warm snow]

يا الله يعني شنو

في وين الباصات ذلين ؟؟ وشلون اوصل وما اتاخر على المحاضرة؟؟

 

[qassoomy]

يا الله يعني شنو

في وين الباصات ذلين ؟؟ وشلون اوصل وما اتاخر على المحاضرة؟؟

ورا مبني الايتي يوقفون الباصات
وفي البزنس قدام مبني البزنس يوقف​

 

[warm snow]

يا ر بييييييييي

انزين وين الباصات واي وقت اروح؟

 

[math lover]

^^
بعد ما تخلص محاضرتش في الاي تي روحي خلف الكلية وانتظري ساعات اتشوفين الباص واقف وساعات عليش تنتظرين جم دقيقة وساعات يتأخر يعني عذاااب بس وش انسوي هذي حالتنا

 

[qassoomy]

يا ر بييييييييي

انزين وين الباصات واي وقت اروح؟

اصلا لو شفتي بنات واقفين اوقفي وياهم
و راح يجي الباص و ركبي في

 

[منور]

السلام عليكم ..
انا رحت يوم التهيئة ووايد عجبني كان كل شي مرتب و منظم و خصوصا يوم دخلنا مبنى كلية الحقوق و استقبال الطلبة و الدكاترة لنا و كان اسلوبهم وااايد حلو و راقي ..
ما راح انسى هاليوم

 

[warm snow]

يؤ يعني كل محاضرة عرب بتاخر عليها

ما يصير جدي

 

[qassoomy]

لا ما في تاخير ولا شي انا اروح مشي و ما اتاخر

 

[math lover]

^^
ساعات يتأخر الباص او يصير فل ولازم تحارس باص ثاني فيصير تأخير مو واجد لكن بعض الدكاترة ما يرضون نتأخر حتى 5 او 7 دقايق ويتحججون