موضوع مخصص لمواد لفل 3 لمواد CS

[poldi]

السلام عليكم انا اشوف المنتدى قليل الكلام عن مواد لفل 3 تبع الكمبيوتر سينس
والصراحة نحتاج نعرف طبيعة المواد ومدى السهولة والصعوبة عشان نختار
لذلك ارجو ياسيد حسين ان لا تنقل الموضوع الى الموضوع المثبت وهو السؤال عن المواد والدكاترة رحم الله والديك
سؤالنا الى كل من درس مواد لفل 3 يدخل ويشارك وشرايكم في المواد التالية وشنو المواد الي ناخذها قبل الثانية بحسب تجربتكم
cs385
cs351
cs373
cs311
cs312
cs341
cs345
cs322

 

[poldi]

بحثت في النت وطلعت بالنتيجة التالية
يجب اولا اخذ مادة cs385 لانها مهمة جدا لبقية المواد
مادة cs312 و cs345 مواد منطق مثل طخة الديسكريت لكن على اصعب شوي
مادة cs322 حلوة لكن متعبة في الدراسة الاغلب فيها حفظ والفهم بسيط
ولي عنده معلومات زيادة لايبخل

 

[متمردة]

poldi موضوع مهم .. الله يعطيك العافية
يمكن الكلام قليل عن لفل 3 لأن الاعضاء في المنتدى اغلبهم على 2008 و 2009
\
/
\
افتتحت لفل 3 ببداية كريهة CS 351 و CS 322 و انصميت في الاثنين
CS351 قبل كانت عند دكتور روعة اسمه بلال .. فـ كانت المادة ممتعة و حلوة و سهلة و بسيطة
على حظي اول ما سجلتها دكتور بلال طلع من الجامعة و صارت عند ميادة
ميادة الكل يمدحها في 101 و 102 بس في 351 مادري شنو يصير فيها!
المقرر تحول لدليل تلفون من كمية الحفظ في السلايدات .. مقرر حفظ حتى النخاع
اشياء عن الملتيميديا بس كله كلام و حشو في حشو
و اللاب نتعلم اشياء بسيطة في الفلاش و بعدين يتطلب البروجكت اشياء يعرفها خبير فلاش!
مادري اذا تغير الوضع الحين او لا هالكلام قبل سنة!
نصيحة اذا الوضع ما تغير لا تنزلون هالمقرر خلوه للأخير

أما CS322 مع د. أمجد الدكتور كله مطنقر و ما يبتسم و جدي لكن شرحه ماعليه غبار يفهم الطالب عدل و يتركز في المخ
كان الوضع تمام في المحاضرة لكن العلة في اللاب .. مالت اللاب قمة في عدم التعاون و النحاسة!
في النهاية انسحبت بسبة اللاب الوضع كان لا يطاق معاها
لحقت على اول 4 جباتر كان الوضع اوكي سلايدات تتوزع بين الحفظ و الفهم و الكوزات كانت مقالية بس الطالب يقدر يجاوبها اذا فاهم
المادة يبي لها شغل خصوصاً الاسايمنتات صعبة و ثقيلة و نفس ما قلت مالت اللاب قمة في النحاسة

و أخيراً CS 385 هالمقرر عسل لو يصير ارد آخذه خذيته
اول جبترين بس كريهين (حفظ و عقب الميدتيرم تفتكون منهم ينحذفون في الفاينل) اما الباقي فسهلين و بسيطين وتقريباً 80% فهم
نتعلم في المقرر شلون نسوي database بسيطة و شلون ندخل بيانات فيها و نطبق بعض العمليات عليها مثل add drop edit insert search طبعاً بالكودات create student .. insert “mohammed” into student
مقرر حلو و بسيط و ممتع حتى الاسايمنتات 70% سهلة
\
/
\
هاي اللي خذيتهم من لفل 3 و هاي وصف للمقررات من منتدى ثاني
فكرة عامة عن مقررات برنامج بكالوريوس السي اس




​

 

[poldi]

poldi موضوع مهم .. الله يعطيك العافية
يمكن الكلام قليل عن لفل 3 لأن الاعضاء في المنتدى اغلبهم على 2008 و 2009
\
/
\
افتتحت لفل 3 ببداية كريهة CS 351 و CS 322 و انصميت في الاثنين
CS351 قبل كانت عند دكتور روعة اسمه بلال .. فـ كانت المادة ممتعة و حلوة و سهلة و بسيطة
على حظي اول ما سجلتها دكتور بلال طلع من الجامعة و صارت عند ميادة
ميادة الكل يمدحها في 101 و 102 بس في 351 مادري شنو يصير فيها!
المقرر تحول لدليل تلفون من كمية الحفظ في السلايدات .. مقرر حفظ حتى النخاع
اشياء عن الملتيميديا بس كله كلام و حشو في حشو
و اللاب نتعلم اشياء بسيطة في الفلاش و بعدين يتطلب البروجكت اشياء يعرفها خبير فلاش!
مادري اذا تغير الوضع الحين او لا هالكلام قبل سنة!
نصيحة اذا الوضع ما تغير لا تنزلون هالمقرر خلوه للأخير

أما CS322 مع د. أمجد الدكتور كله مطنقر و ما يبتسم و جدي لكن شرحه ماعليه غبار يفهم الطالب عدل و يتركز في المخ
كان الوضع تمام في المحاضرة لكن العلة في اللاب .. مالت اللاب قمة في عدم التعاون و النحاسة!
في النهاية انسحبت بسبة اللاب الوضع كان لا يطاق معاها
لحقت على اول 4 جباتر كان الوضع اوكي سلايدات تتوزع بين الحفظ و الفهم و الكوزات كانت مقالية بس الطالب يقدر يجاوبها اذا فاهم
المادة يبي لها شغل خصوصاً الاسايمنتات صعبة و ثقيلة و نفس ما قلت مالت اللاب قمة في النحاسة

و أخيراً CS 385 هالمقرر عسل لو يصير ارد آخذه خذيته
اول جبترين بس كريهين (حفظ و عقب الميدتيرم تفتكون منهم ينحذفون في الفاينل) اما الباقي فسهلين و بسيطين وتقريباً 80% فهم
نتعلم في المقرر شلون نسوي database بسيطة و شلون ندخل بيانات فيها و نطبق بعض العمليات عليها مثل add drop edit insert search طبعاً بالكودات create student .. insert “mohammed” into student
مقرر حلو و بسيط و ممتع حتى الاسايمنتات 70% سهلة
\
/
\
هاي اللي خذيتهم من لفل 3 و هاي وصف للمقررات من منتدى ثاني
فكرة عامة عن مقررات برنامج بكالوريوس السي اس




​

مشكورة اختي متمردة الله يعطيش العافية

 

[Sayed Hussain]

poldi
شكراً ع الموضوع ... و ان شاء الله ما رح ادمجه مع الموضوع المثبت

متمردة ...
351 .. للحين على هالحال,
كنت المفروض اخذه الكورس الجاي, لكن بكل الطرق الممكنة حاولت اشيله من الجدول, و انشال
بخليه, ما باخذه إلا اذا درس المادة واحد ثاني,, ان شاء الله واحد ثاني يدرسه,
و اذا ما حد ثاني اخذه, أمرنا لله,


385 , ان شاء الله الكورس الجاي
جذي المادة يعني؟
خوش خوووش
​

 

[متمردة]

poldi
الله يعافيك ^_^

Sayed Hussain
بس خل 351 الى أجل غير مسمى!
المقرر المفروض يكون ممتع من اسمه ملتيميديا بس الله يهديها ميادة!
شنو نستفيد من الخرابيط التاريخية اللي نحفظها عن الملتيميديا أي واحد يقدر يقرا و يتثقف
اهم شي الجزء العملي بس شنقول غير إن شاء الله يتعدل الوضع ^_^
​

 

[poldi]

انا سجلت CS385 و CS351 وبعد كلامكم هذا بحذف CS 351
متحير احين لازم اخذ شنو مع الديتا بيس خصوصا ان CS341 يتعارض مع المواد الي عندي يصير اخذ CS373 مع CS385

 

[متمردة]

373 حسب اللي سمعته ان مقرر ممتع + متعب
تدرسون في المقرر كذا لغة و البروجكت يكون تصميم موقع
يبي له شغل المقرر يعني بس اتوقع يكون اخف من 351 من ناحية الحفظ
​

 

[poldi]

جزاك الله خير اختي متمردة

 

[متمردة]

^_^​

 

[mody]

اضيف على الي قالوه الاخوان والاخوات
312 : مادة حلوة وايد حلوة صراحة والدكتور حلو بعد عيار

بس المادة تحتاج الى ذكاء يعني تريكييييييي حدها تحتاج الي تركيز والمادة خفيفة كللش يدرسها هشام العمال . .


الالقورثم . . احتكال علي خان
عبارة عن الديسكريت مطور . . يعني معمق اكثر تحل الاسايمنتات يكون سهل عبارة عن بروف واثباتات بشكل عام حلوة المادة

الباقي قالوه الاخوان

 

[poldi]

اضيف على الي قالوه الاخوان والاخوات
312 : مادة حلوة وايد حلوة صراحة والدكتور حلو بعد عيار

بس المادة تحتاج الى ذكاء يعني تريكييييييي حدها تحتاج الي تركيز والمادة خفيفة كللش يدرسها هشام العمال . .


الالقورثم . . احتكال علي خان
عبارة عن الديسكريت مطور . . يعني معمق اكثر تحل الاسايمنتات يكون سهل عبارة عن بروف واثباتات بشكل عام حلوة المادة

الباقي قالوه الاخوان

شكرا مودي

 

[NGuy]

هلا شباب
شلونكم
ان شاء الله زينين
انا طالب دفعة 2008
خلصت كل المواد العامة
مثل رياضيات "كلكولاس 1 و 2 ستات و لينير" انجليزي ثلاثتهم
هيستوري دين عربي
باقي عندي بس فيزيا وكيميا
فقررت ان اخد مواد سي اس
فسجلت
cs385
cs311
cs351
و cs241

الملتي ميديا درستها تقدرون اتقولون صيفي
يعني قرات النوتات وسويت كل شي وشفت امتحانات سابقة واخذت فكرة عن المقرر واعرف ويش فيه ويش ما فيه

فويش رايكم في الجدول
مع العلم انا مواد السي اس الي اختهم كلهم جبت فيهم A
وهم
ITCS101
ITCS102
ITCS251
ITCS215

وجبت B في ITCE202

فويش رايكم في جدولي

 

[متمردة]

cs385
cs311
cs351
و cs241

يمكن الجدول يكون شوي متعب
و اكثر مادتين يبي لهم شغل 351 عن تجربة و 311 حسب اللي سمعته
و ثلاثتهم فيهم بروجكت طبعاً

241 اوكي مقرر خفيف مقارنة فيهم يعتمد على الفهم يمكن في البداية الواحد شوي يضيع
لأن بتدرسون لغة الاسمبلي Low-level programming language
و تعودنا على الـC++ اللي هي High-level programming language
بالاسمبلي ما يصير كلشي دايركت مثلا x+y لازم كل خطوة تتبسط لخطوات ثانية
المقرر ممتع و حلو بس يبي له فهم

المواد يبي لها شغل عدل و متابعة اول بأول و خصوصا 351 لأنها تعتمد على الحفظ
و اهم شي ما تتراكم الاسايمنتات
بالتوفيق ^_^
​

 

[c o d e]

ما عندي اضافات واجد , شيخة متمردة كفت ووفت

بس مقرر cs311 , هذا بطبيعته بروجكت ممتد من بداية الفصل لنهايته
يبي له شغل وكرف من الزين

 

[poldi]

حبيت اضيف هذي المشاركة احسها مفيدة

ITCS241 : الاسمبلي مادة حلوة وسهلة بس محتكرة عند دكتور اسمه عبدالفتاح ، دكتور جيد بس الطلاب يتعبون وياه في الدراسة ، مادة برمجة عادية تعتمد على الممارسة ، مافيها شي صعب. بس اهم شي الممارسة وحل الاسايمنتات.

ITCE202 : مادة جميلة جداً بس تعتمد بشكل كلش كبير على حل المسائل بصورة دورية لانها مادة مثل الرياضيات.. فيها افكار كثيرة بس اغلب الاوقات محدودة في حدود الامثلة اللي يعطونكم اياها مثل (COUNTER , GATES , ADDER MUX… ETC ) …. اهم شي فيها حل المسائل بصورة دورية خصوصا امثلة الكتاب ، احيانا تكون كوبي بالضبط في الامتحانات. (يدرسها دكتور مؤيد وفي الصيفي هشام الراوي).

ITCS385 : مادة مثل ما قال البعض مهمة جدا خصوصا الى طلاب السي اس ، لانها تحتوي على شي اساسي في تخزين المعلومات DATABASES . ينصح بدراستها قبل المقررات التالية :
ITCS311
ITCS373
لان الاثنين فيهم تعامل مع قواعد البيانات ، في ال311 يهتمون اكثر بالجانب النظري مثل ERM . ERD ، وتستفيدون منها في التطبيق Implementation هو مو مطلوب بس عليه بونس (5 درجات من 100 ). في 373 تستخدمونه حق تكونون الديتابيس الخاصة بالموقع مالكم وشلون تتعاملون مع الديتابيس الخاصة بالموقع مثل عمليات العرض والاضافة والحذف والتغيير.
بالنسبة لدكتور منصور ، اكثر وقته يسولف بس يشرح اشياء بسيطة ويعطي اسايمنتات طويلة جداً ومتعبة (انا اخذتها مع ال 311 في فصل ، كانت متعبة عن جد).

ITCS311 : مقرر من اعمدة تخصص السي اسي ، ومقدمة جميلة لل Software Engineering ITCS420 مادة تعتمد بشكل اساسي على شلون نكون برنامج حق شركة او مؤسسة ، البرنامج في هالمقرر يتغير اسمه الى System اي برنامج يحل محل نظام ، مثلا شلون اسوي برنامج او نظام يحل محل نظام الاستعارة اليدوي في المكتبة ، شلون احول نظام الاعارة من يدوي الى نظام كامل يتم بالكمبوتر.
مراحل تكوين البرنامج ، تعريف المشكلة اللي نبغي نخليها تنحل بالكمبيوتر ، شلون نحصل متطلبات الشركة اللي تبغيها في البرنامج … الخ ..
من قبل كان الدكتور يخلي كل قروب يسون شي بروحهم ، يقترحون برنامج من عندهم الى شركة ويطبقونه ، الحين لا قام دكتور طاهر يعطي نظام ثابت الى الكل ،اخر مرة Support System او helpdesk .

مادة تعتمد على الحفظ وتطبيق البروجكت ، اذا في جزء في البروجكت ما سويتونه ، اسألو شلون استوى لانكم بتنسألون عنه في الامتحان وفي ال Presntation اللي يصير بعد اكمل كل جزء من البروجكت. مو ثقيلة وايد بالنسبة ليي .. مثل الاسايمنت الكبير اللي مقسم الى اجزاء ، حل الاسايمنت يكون جماعي ( تحملو تنصادون بناس ما تشتغل ، بتتعبون وياهم)…

ITCS211 : مادة جداً سهلة ، بس للاسف ما عرفت ليها الا في النهائي ، ببساطة المادة تعتمد على الدروس اللي يعطيها الدكتور ، مثلا درس ال Forms , list , graphics , animations,string, menu ، لازم تعرفون شلون تسوون كل شي فيهم ، لان الجزيري ما يعطي في امتحاناته اشياء ما شرحها ، بس تكون فيها فكرة ، تحتاج بس ممارسة متواصلة ، فهم كل شي في النماذج اللي يسويها .. كل مرة يخلص من درس ، تسون كوبي الى الجزء اللي سواه ، وتبدون تتدربون شلون سواه وبس ..
امتحان الفاينل كان جزئين ، الاول جزء هو شارحنه بالضبط ، كوبي وبيست من المحاضرة ، والجزء الثاني مضحك ، ارنب ينغير مكانه Randomly هو مع جزرة ، ينرسم خط بين الارنب والجزرة ، الارنب يمشي على الخط ، لحد ما يوصل الى الجزرة ، الجزرة تصغر الى حد ما تختفي والارنب يكبر كل ما اكل من الجزرة باستخدام timer :wub:

ان شاء الله اكون ما طولت .. ولا فريت راسكم .. قلت كل اللي في خاطري :wavetowel2

 

[فدك الزهراااء]

شلون مادة CS341و CS311 صعبين او لا

 

[poldi]

حبيت اضيف بعد هذي المشاركة

مقرر ITCS 311 : شغله ممتع هالمقرر، وفيه حفظ، بس سهل
فيه بروجيكت طويل، بتشتغلون عليه من بداية الكورس اول بأول، فماراح يكون صعب
ودكتور المقرر الوحيد اهو دكتور طاهر

مقرر ITCS 345 : اللي اعرفه ان هالمقرر يبي ليه شوي، كله حل مسائل
ودكتور المقرر على ما أظن اهو علي خان

مقرر ITCE 321 : هذا المقرر ماخذ شوي من الأسمبلي، في البداية يمشي، بس بعدين يصعب شوي، ويحتاج تركيز، وفيه حفظ
الكورس اللي فات كان بس سكشن واحد يعطيه دكتور علاء الدين

مقرر ITBIS 251 : يقولون سهل هالمقرر، مافيه الا بس حفظ

 

[متمردة]

شلون مادة CS341و CS311 صعبين او لا

311 مو صعب كـ مقرر .. فيه نسبة من الحفظ بس مو وايد
اكثر شي معقد هالمقرر هو البروجكت مو لأن صعب بس لأن الشغل يكون في قروب و على طول الفصل فلازم الواحد يختار قروب عدل عن لا يتورط

البروجكت مقسم على 3 اجزاء + الفاينل
في ريبورت و برزنتيشن على كل جزء + الفاينل
البرزنتيشن على كل جزء مع استاذة اللاب (حدها حبوبة و طيبة أ.منى)
الفاينل برزنتيشن مع الدكتور طاهر (يتفلسف بس عادي تفلسفوا عليه)

ممممم المقرر حلو اذا كان القروب حلو

​

 

[tahera]

تنصحوني اخذ cs211 مع cs341
وشنو طبيعة هالمقررين