ورشة الصيانة تصليح شاشات الاب توب

[مهضومه]

هلا شباب

بغيت احد يدلينى ع محل او اي احد يعرف يصلح الشاشة المكسورة حق الاب توب

ياليت تفيدونى عاد ناس موثوق فيهم يعرفون عدل وشكرا

 

[sadiq6210]

تعطيني اسم اللاب توب ورقم الموديل ما عليج أمر أختي

 

[مهضومه]

هلا اخي صادق

هذا اسمة AMIL Pro v2060 FUJitsu siemens

موديل : ms2175

هذا اهوو واذا تحتاجون اي معلومة ثانية خبروني تحياتي

 

[مهضومه]

هلا شباب شنهو صار عن الابتوب خلاااص ماله حل يعنى ؟

اتمنى تلاقون حلول سريعه وتردون عليي

 

[sadiq6210]

أعتذر للتأخير .. انشغلت هالكم يوم بمشروع التخرج
ان شاء الله راح أستفسر عن السعر يوم السبت (لأن اليوم جمعة ومعظم الورشات ما تفتح )
ما يصير خاطرج الا طيب

 

[مهضومه]

اوك اخوي صادق مشكور وشكرا وع مجهودك اقدر وضعكم وياليت احصل سعر مناسب وزين وشكرا جزيلا وبالانتظار

 

[مهضومه]

هلا شخباركم شنهو صار عن الابتوب كل يوم اشوفة وتجينى الصيحة عليه ياليت تحصلون حل بأقرب وقت ممكن وشكرا جزيلا

 

[بو قتادة]

السلام عليكم ورحمة الله وبركاته

الحل الوحيد هو تبديل الشاشه بكاملها لأن الشاشه LCD أو CRT في الشاشات القديمة اللي مو مسطحه
أنصج إذا موجود الضمان توجهي مباشر إلي الوكيل ولا تروحين المحلات لأن أهمه أصلا بيروحون حق الوكيل وبياخذون الشاشه من عنده وبيركبونه فابيطلع عليج السعر أغلى من الوكيل أتوقع السعر المتوسط 40إلى 50 دينار

 

[مهضومه]

اضمان ع ما اعتقد من زمان انتهي واذا كان عند الوكيل اصلحة يطلع لى مثل ما قلت 40 او 50 دينار بدون الضمان ؟ وآنا ما ادري وين الوكيل !!! اوك شكرا ع الرد بو قتادة وراح اخبر اخوي وبخلية يتصرف اشوف الحل الباقي