اذا ما عليكم أمر .. مو عارفة طريقة تسجيل المواد عن طريق الانترنت

[Ruba Obidat]

مرحبـــااااا للجميـــع

انا طالبة تمهيدي و بصراحة مو عارفة طريقة تسجيل المواد عن طريق الانترنت

ياليت احد يعلمني الطريقة بالتفصيل يعني شلون اشوف اسامي الدكاترة و ارقام السكاشن .. الــخ ...

انا بس عرفت كيفية الدخول للموقع و التسجيل مو عارفته ..

و بكـون شـاكرة لكـم من الأعماق

تحيـااااتـــي​

 

[شمس الوداع]

هلا ..


لتسجيل المواد عن طريق الانترنت لازم يكون عندج الرقم السري الخاص فيج من عمادة القبول و التسجيل .

خطوات التسجيل :

* ادخلي على موقع جامعة البحرين http://www.uob.edu.bh/

* اختاري وصلة "عمادات مسانده" من الشريط الموجود في الاعلى ومن ثم الضغط على "عمادة القبول و التسجيل " و بعدين "التسجيل الالكتروني ".

* اختاري الموقع الاول "site one".

*اضغطي على زر "student login" وبعدها ادخلي رقمك الجامعي في "uesr name" و الرقم السري "password" .

* وبعدها اختاري وصلة تسجيل المقررات "Register Courses" التي سوف تظهر لج اثناء فترة الحذف و الاضافة (17-18/9/2010) وبعد الضغط عليها تظهر مباشرة المقررات التي سجلتها لهذا الفصل بالاضافة لمعلمومات أكاديمية أخرى خاصة فيج ( الرقم ،الاسم ، التخصص،... الخ ).

وهذي الوصلة اسرع لج
(http://www.online.uob.edu.bh/)

 

[رَحِيـــقْ !]

طَالبَة بسَنَه أولَى خبْري ما يصير تسَجلين من الموقع .. ! ​

عُمومًا اذا يصير بتدخلين لموقع .. بعدها register coursee​

اذا فتح فيه آد ودوب وربليس .. تروحين أد وتكتبين رمز المادة ​

والخانة الثانية رقم السكشن .. ​

وهذي وصلة المواد بالأوقات واسماء الدكاترة ​

http://www.online.uob.edu.bh/cgi/enr/schedule2.class_schedule?progtype=1&cyer=2010&csms=1​

وهذي اذا حددتين السكشن جوفي اذا في مقعد شاغر او لا ​

http://www.online.uob.edu.bh/cgi/enr/all_enroll​

 

[Ruba Obidat]

((شمس الوداع))

((رحيق))

مشكورين ما قصرتو والله

يعطيكم العافية​

 

[Ruba Obidat]

بس عندي بعد استفسار اذا ما عليكم امر

مواد الاورينتيشن عندي يوم mw و UTH
هل يعني انه انا باخذهم بكل الاوقات هذي ولا اختار واحد منهم؟؟

هاي طبعا عطوني اياهم يوم رحت اثبت التسجيل​

 

[سيما]

كلهم تاخذينهم

يعني طوول الاسبوع عندج​

 

[Ruba Obidat]

شكـــرا سيمـا
ما قصرتي​

 

[Ruba Obidat]

الدكتور منذر العياشي
و الدكتور باسم أمير

شلـون شرحـهـم ؟؟​

 

[سيما]

لي تبين اسرع طريقه تحصلين معلومات عنهم

روحي كتبي في قوقل اساميهم و اقرأي عنهم ​

 

[شمس الوداع]

العفو اختي حاضرين

 

[جبرني الوقت]

ثنككس ع التوضييح
لاني حدددي كنت متوهقه
احنا دفعتنا تاريخ 17 و18 يكوون يوم الجمعه والسبت من الموقع
والدفع بيكون اول يوم دوام صح؟؟!!

 

[إنتظار]

الله يستر على تنزيل المواد .. حدي متعقده من الطلبه

ماحصلت ولا دكتور من الدكاتره الي في بالي :S

 

[abdulla.92]

السلام عليكم
بغيت اسالكم يا جماعة الخير
اذا مليت الاستماره مالت التسجيل ف الموقع
شنسوي عقب؟ .. يعني اسيفها ؟ او اطلع منها دايركت ؟

 

[الغالية]

السلام عليكم
بغيت اسالكم يا جماعة الخير
اذا مليت الاستماره مالت التسجيل ف الموقع
شنسوي عقب؟ .. يعني اسيفها ؟ او اطلع منها دايركت ؟

اذا سويت add للمواد بس خلاص .. تطلع ..

ما فيه شي تسيفهـ ..

 

[abdulla.92]

مشكورة اختي على التوضيح
عندي سؤال ثاني بعد اذا ماعليج امر
مادة الاسلامك وين اروح لها ؟
حق اعرف الاوقات والدكاترة والسكشن وجذي

 

[همس المشاعر]

هذي وصلة المقاعد المتوافرة .. http://www.online.uob.edu.bh/cgi/enr/all_enroll
روح حق Art
بعدين Araic and islamic
وهني الاوقات ..
http://www.online.uob.edu.bh/cgi/enr/schedule2.class_schedule?progtype=1&cyer=2010&csms=1

 

[abdulla.92]

=) تسلمين همس المشاعر ماقصرتي

 

[*M.D.H#BIS*]

انا هالـشي " Register Courses " ما يطلع لي @___@"

 

[D. AlNoory]

اني بعد ما يطلع عندي !​

 

[qassoomy]

ما ادري والله يمكن انتو ماعدكم تسجيل
​