موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفساراتكم عن دكاترة كلية الحقوق ~ شامل ^_^

الحالة
مغلق و غير مفتوح للمزيد من الردود.
انــا بعد ENG 191
SEC:3
ومو حاطين اسم الدكتور

اصلن كل دكاترة هاي المقرر مو حاطين اساميهم
الله يستر شكلنه بننصدم في اول محاضرة لنة
 
لو يحصل لج عند د / محمد عاشور اخذي عنده:rolleyes2: ,, بس دكتورتنا اللي درستنا لمى ما انصحج فيها :RpS_glare:
 
انا ابي دكتوره ايمان الدوسري حق هل مادره الانج 191 لانه حده يمدحونها

وربعي ادرسو عندها بعد اورنتيشن وادرسوو عندها حقووق اوكي يعني
 
انا بعد في سكشن 03:RpS_tongue:
وماعرف اسم دكتورنا او دكتورتنا :RpS_unsure:
الله يستر جان مايطلع لنا واحد سخيف او سخيفة يدرسونا ونبتلش فيهم :RpS_huh:
 
ياجماعه انا صرت في eng 191 عند دكتور لوما
بليز الي يعرفها خبروني
عن طريقة تعاملها مع الطلبة ؟
وشلون تحط الدرجات ؟
وشلوون طريقتها ؟
تبي مشاركة !! يعني اتقوم اي احد ولة شلون !!
لان اسبوع كامل ماحضرت لنة ويوم الخميس يات
وتبي تحضير وحسيتها شوي مادري شلوون !! :S
 
هههههه حصلتي لوما عيل:RpS_tongue:

لوما درستني الكورس الي طاف , وايد جادة في السكشن وهذي احسن شي فيها , لكن لازم اتدشين محاضرتها وانتي محضره اليونت الي تبيه :rolleyes2:

والي مايحضر ياويله خخخ اتذكر ذاك الكورس مرة ماحضرنا قعدت تسأل فينا واحد واحد والي مومحضر تنقصه درجتين وانه من الي نقصتهم :nosweat:

اممم بس احسها تساعد شوي بالدرجات , المنتصف الاول يبيت درجة كلش مو شي فقالت لي اييب المنتصف الثاني درجة زينه وباحسبهم لك على الدرجة الاحسن

لكن بعد يبت درجة مو لي ذاك الزود , ودشيت النهائي وماتوقعت ان انجح كلش لكن يبت D :RpS_tongue: الدي احسن من الاف :whistling:

وساعات لوما تبرز اختبارات عندها اذا السكشن مو محضر تعطيكم , وساعات اذا السكشن مو محضرين ماتشرح تطلع من السكشن يعني عبالها بنتأثر اذا مشت

بس صراحة انصحج فيها
 
هاذا د. عمر باخشب
شسالفته؟؟
في احد يفهم شي منه!!
وربي احسه يتساسر مع حاله!!!

بليز الي يعرف عنه عن درجاته يخبرني
حدي خايفه من هالماده


وسؤال ثاني
شلون د. فاروق في الدرجات ؟؟؟؟
من ناحية الشرح الحمدلله بس الدرجات طمنوني عليه!!
و د. خليل مصطفى!!!!
بليييييييز الي يعرف عنهم شي يخبرني
 
حابه اخذ رأيكم بخصوص الدكتور (Dr. Bader Mohammed Adel, ) &
( Dr.Mohammed Chenah ) &

بخصووص الدرجات والتعامل والشرح ؟؟
 
السلام ...

اللي عندي اي معلومات عند دكتور على المصراتي يخبرنة انا حضرت عندة احس شرحة اوكي و المقرر سهل ينفهم " حقوق الانسان" بس

ابي اعرف شيقصد بالدروس المكتبية اللي عندة فكرة يخبرنة لان ضايعين اول مرة يمر عليي هالمصطلح !



و شكرآ​
 
رزين

باخشب صج يتساسر معا روحه في الشرح لكن حق الدرجات ماله حل صج بتستانسون على درجاته

دكتور فاروق خماس دقيق في التصحيح لكن عقب كل اختبار الكل يروح له المكتب ويزيد كل واحد درجة او درجتين :RpS_tongue:

خليل مصطفى دقيق واايد في التصحيح يبي كل المعلومات الي في الكتاب داخل ورقة الاختبار:rolleyes2:
 
بااال الله يستر منها هلدكتورة لوما
انا اليوم محضرة وهم خايفة اتقومني على شي ماعرفه
لان الي مايعرف يسجل اسمة :s
الله يعين بس ..

وبخصوص الي يسأل عن دكتور بدر محمد
ياربي هلدكتتور صج ذهب ايدرسني القانون الدستووري
شرحة صج صج عجيب استانس عليه اقعد لة جداام :P
وماشاء الله يدخل المعلومة عدل وبخصوص الدرجات تونة اول الكورس
للحين ماخذينه كوزات وماظن يظلم كلمن راح ياخذ درجته الي يستاهلها وخصوصا المقرر سهل

وبخصوص دكتور على المصراتي هم يدرسني حقوق الانسان
هاذا الدكتور اول كورس يدرس بلجامعه اووو يعني شرحة اوك يعني زين
اكثر يتكلم بس حليووو وطيبووب ..
 
حموووود
شكرااااااااااااا
بس بليز
شنو تنصحني بحكم انك تعرفهم
اظل عليهم!!!
ولا اغيرهم

وذا باخشب شنسوي ندرس من الملخصات ولا الكتاب<<<بحكم ان مايشرح ع\دل فندرس ذاتي
 
رزين انصحج فيهم

وترا مقرر باخشب الي اهو حقوق الانسان يعتمد على الدراسة الذاتية , باخشب في الامتحان الاول كل السكشن تقريبن محصل 22 من 25 , اقولج مخربط تخربط كلشي من عندي واخر شي حصلت هالعلامة هههه :RpS_tongue:

وفاروق خماس بعد واااااايد زين , اما خليل محتكر هالمادة يعني ماتقدرين تبدلينه :rolleyes2:


العنيدة

عيل سوتها فيكم من اول اسبوع :RpS_tongue: بس اهي زينة :rolleyes2: وتراعي مستويات الطلبة في الانجليزي
 
++ رزين

باخشب اذا تبون ملخصات يعطيكم بس خطه ماينفهم له :99:
 
اييييي حمووود
عطانا ملخصات
عيل اذا جييي
تم تثبيتهم كاااااااااك
باخشبباخشب وامرنا لله ذاتي
شكرااااااااااااااااااا للمساعده
 
أيي اخوي محمد اهي زينه واليوم حبيت شرحها
بس مادري شلون خخخ :P
 
:RpS_tongue:ههههه الحمدلله
 
اني ابغى اسال عن دكتارة
دكتور جميل محمد حسين
دكتور خليل مصطفى
دكتور عبدالمهدي
دكتور ليبي علي المهراتي كانه
ودكتورة ايمان دوسري
 
احد يقولنا عن الدكاتره الي ف الكورس الاول كيف ؟؟
انا لان اول يوم معاهم بكرة بداوم ف ابي لوسمحتو نبذه عنهم D:
 
الحالة
مغلق و غير مفتوح للمزيد من الردود.
عودة
أعلى أسفل