موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفساراتكم عن دكاترة كلية الحقوق ~ شامل ^_^

الحالة
مغلق و غير مفتوح للمزيد من الردود.
السلام عليكم :blushing:
شرايكم في دكتور Dr.Fadhel Saleh حق الكوميرشل
والدكتور Dr.Salah Mohamed حق قانون العمل
والدكتور للقانون المدني Dr.Khalid Jamal
 
السلام عليكم :blushing:
شرايكم في دكتور Dr.Fadhel Saleh حق الكوميرشل
والدكتور Dr.Salah Mohamed حق قانون العمل
والدكتور للقانون المدني Dr.Khalid Jamal

و عليكم السلام و الرحمة
دكتور فاضل انا ما عندي خبرة فيه بس واجد اشوفه في اكلية و تعاملة جدا لطييف و في طلبة يمدحونه بس ما اقدر اعطيش اجابة مفصله وياه
دكتور صلاح (( للعمل )) طبعا احتكار للمادة علما اعتقد بس اهو ترى كلش زين و شرحة لوكي بس في البحث ما يعطي درجة منصفة ..يعني درجات المشاركة مو ذاك الزود بس ينجاب عنده a
دكتور خالد جمال ..طبعا اهو في المدني الثاني يتغيير عن المدخل ان يجيب النومة في كل الوقت و شرحه مثل القراءة يعني في المدني ما تنامين او تسهين ذاك الزود يمكن لان جربناه و شرحة بس الجديد فيه ان يعطي امثلة و كله قاعد على الكرسي ما يقوم ابد و ما يرضى احد يحط ايده على خدة بتاتا و لا تفتحين الكتاب و اهو محسب نفسه انه جدا متميز و ان هو فقيه في الدين و العلم و انتي ولا شي ...في ناس تقول انه حقاني في الدرجات و اني وقفت في صفهم في المدخل لكن لما درسني مدني تصححييحة اهو اهو و حقاني نوعا ما بس لا تناقشينة حتى لو وياش حق لان اهو يفسر المناقشة شي ثاني ما يستوعب كلام الطرف الثاني بسرعة لان بيرمي كلام يا زعم يقصد الكل بس اهو يقصدش عشان ما يحرجش يعني و بيقصفش في المعدل فاصبري على مجنونش عشان تاخذين حقش... و طبعا اهو محتكر المادة و اذا تبيين رايي كل دكتور انتي تقيمينة بنظرتش في دكاترة نشوفهم سيئيين و بعدين يتغيرون للجيل الجديد و دكاترة درسونا من احسن ما يكون بعدين الكل يذمهم فلا توقفين على معيار واحد خوضي تجربة و استنتجي بس ما في مانع من السؤال عشان تتلافين الاخطار:smile2:

موفقة
 
دكتور فاضل ماعرفه ... لكن انصحج بدكتور ارباب .... اختباراته ماااي وتحصلين درجات محترمة عنده ,, لكنه مايتكلم عربي كلش .. اصلا حتى لو ياج دكتور عربي بعد بتجوفينه يناحس وماراح يتكلم عربي

طال عمرج دكتور صلاح محتكر قانون العمل .. وانه اجوفه زين وطيب ... ومادته سهلـة

خالد جمال من افضل الدكاترة الي شفتهم صج ان شوي شديد :rolleyes2: لكن يدرس بذمة ويعامل الطلبة مثل عياله ... درجة الاعمال تحصلين عنده 10 .... وشرحه ممتاز ... ماتطلعين من المحاضرة الا وهو مفهمج كلشي .. بس نصيحة لاتاخذينها عنده mw تراج بترقدين في المحاضرة
 
شنو رايكم في د.محمد سعيد + مادة قانون العمل والتامينات

السلام عليكم بقيت اسال لكم عن دكتور محمد سعيد اللي يدرس تاريخ القانون ويش رايكم فيه واهم شي الدرجات يعطي علامات لو لا و الامتحانات جيفه يجيبهم صعبه لو سهله

بعد بقيت اسالكم عن مادة قانون العمل والتامينات هادي الماده صعبه لو سهله ؟

ومشكورين ورحم الله والديكم
 
أتمنى يفيدونش اللي درسوا عنده .. للأسف ما اعرف عنه ولا شي كان بودي أساعدش
 
مادة قانون العمل والتأمينات الاجتماعية مادة طويلة لكنها وايد سهلة
 
دكتور محمد سعيد ..
من ناحية الشرح يشرح شوية و البقية على الطلبه لانه واجد يبغي مشاركة في السكشن يعني يسال اساله و الطلبة يجاوبون .. ومن افضل انش تحضرين قبل محاظرته علشان تمشين معاه ..
و ما يطلب بحث يحسب بس درجة المشاركة ..
من ناحية اسئلته عجية مباشرة و يعطيش سؤال اختاري ... و درجاته بعد زينه على قد ما تكتبين يعطيش
 
نجمة الليل وM7r8y

تسلمون , ومشكورين الصراحه ماقصرتوا

وبالتوفيق ان شاء الله للجميع:blushing:
 
اشرايكم بالدكتور ارباب محمد عبدالرب لمادة مبادئ القانون

من حيث الشرح الدرجات والتعامل مع الطلبة ؟؟؟
 
ماروكو ... دكتور اربــاب من افضل الدكاترة من حيث التعامل مع الطلبة ومن حيث الدرجات .... اختباراته سهــــلة وكلها ترو وفولس وملتبل جويز ... انه الي كلش داق في الانقليزي حصلت عنده في هالمادة b :nosweat:
 
مشكووور M7R8Y

:shiny:
 
اشرايكم فى الدكتور جميل محمد

وخالد جمال

وصبري خاطر

للمدني 110

من الاحسن من ناحية الدرجات والتعامل مع الطلبة والشررح ؟؟
 
جميل و صبري نفس المستوى و هم الافضل من حيث الشرح و الدرجات
خلي خالد جمال للمدني الثاني احتكار و لا تغربلين روحش فيه
 
شكرا نجمة الليل ^^
 
احد يقدر يصور لي الخطة الدراسية
اذا ماعليكم امر :blushing:
 
دكتور عطية الموسوي اهوالوحيد اللي يناسب جدولي بكل الحالات ....يعني مو اوكي هالدكتور!!!!!!! ابدا ابدا 1!!!!!:RpS_crying:


انا بعد اهوه الوحيد اللي يناسب جدولي

كلش مو زين ؟؟؟ ما ينفع ناخذ عنده ؟؟
 
احد يعرف دكتور خالد السعد مال الميراث؟؟
 

السلآم عليكم

ابي اعرف عن دكاترة :
احكام الاسرة ( احمد محمد بخيت ) ؟
المدني الثاني ( خالد جمال )
الجنائي ( محمود طه )
الاداري ( بدر و فاروق )
العمل ( الهيثم و صلاح محمد )
التجاري ( فضل صالح و ارباب ) ؟
و الدولي العام ؟؟

و مشكووورين ..
 
الهيثم درست عنده المخل وايد زين

من ناحية الشرح ومن ناحية الدرجات والتعامل مع الطلبة وبعد بدرس عنده قانون العمل


فاروق درست عنده الدستوري 106 بعد خوش دكتور من ناحية الشرح والتعامل مع الطلبة
 
الحالة
مغلق و غير مفتوح للمزيد من الردود.
عودة
أعلى أسفل