موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

خبر الى طلبة حقوق دفعة 2010

عاشقة الاحساس

Well-Known Member
تاريخ التسجيل
26 يناير 2009
المشاركات
112
المجموعة
أنثى
الدفعة الدراسية
2010
الكلية
كلية الحقوق
بسم الله الرحمن الرحيم
السلام عليكم ورحمة الله وبركاته.....

اللهم صلي على محمد وآل محمد وعجل فرجهم والعن عدوهم


أولا حبيت أسال في أحد من طلبة حقووووق يدرس مقرر اسلاميات 101 من دفعة 2010

بصراااحة يوووم اكتشفت شي واااجد ضايقني بان اللي ماخذين مقرر اسلاميات 101 قد سحبوهم من المقرر لان هذا المقرر مو ضمن الخطة الدراسية لطلبة الحقوق



صار لي أسبوعين أداوم حق هذه المادة ولا خبروني بان مادة مو ضمن الخطة , معنه الخطة الدراسية مالت تخصص حقوق عندي بس قلت يمكن المواد المشتركة ما ينزلونها في الخطة




بعدين رحت كلية الحقووق مع صديقتي لانها نفس حالتي وسالت عن مقرر اسلاميات 101 هل من ضمن الخطة الدراسية أو لا

ردت علي وقالت لا مو وياكم وقالت روحوا التسجيل خلهم ينزلون ليكم مادة بدلها ,بعدين رحت التسجيل عشان أنزل مادة غير مقرر اسلاميات بس ما رضوا


القهر في سالفة انهم ما خبرونه من قبل , حتى دكتور اللي يدرسني مقرر اسلاميات ما خبروه انهم سحبوني من مقرر

بصررراااحة يوم كان متعب وايضا ممل بالنسبة لي , ما اتخيل روحي ما درس ولا مادة و ضيع علي كوووورس:tears:


كرهت كرهت كرهت جامعة



الحين مادري شنو أسوي اذا ما نزلت لي مااادة عشان أدرسها بتعود على دوارة في جامعة وبعدين ماقدر اتقبل ادرس شي

بصرراحة اني استانست يوم قالوا ان أنزل مواد مع التمهيدي , قلت زين على أقل نزل مادة أحسن من لا شي



اعذروني ......... كتابة ليكم قصة حياتي مع جامعة
 
هع انه سحبتها من زمان اصلن من قبل لا ايييون ويصدموني ويسحبونها ..


الغلط منهم اهم ..


لازم يخبرونا قبل
 
المادة مشتركه و لازم ف كل تخصصات الجامعه !
شلون مو ف الخطه !
 
المادة مشتركه و لازم ف كل تخصصات الجامعه !
شلون مو ف الخطه !

الاسلامك 101 من المواد المشتركه لجميع الكليات ما عدا كلية الحقوق

ياخذون مقرر اسلامك يختلف عن اللي احنا ناخذه​
 
انا بعد نفس حالتــج

بعد اسبوعين خبروني !!

بعد ما اكتشفت ان اسمي مو عند الدكتـور

رحت وحذفت الماده قالو لي تبين تنزلين مواد

قلت لهم مابي

الحين بس تمهيدي ماعندي مواد

بس كنت حدي مستانسة

دكتورنا وايد حليوو :smile:

بس معليه

رب ضرة نافعـة

لا تضايقين روحج

الحياة حلوهـ :)
 
السلام عليكمــ ..

ايه صح هذا الا يصير صديقتي مثل الحال
والكريه ان مايقولون عشان بس الفلوس
رفيقتي اتصلوا فيها وقالوا ليها ان سحبو المادة عنها
ولكن مارضى يرجعون الا نص الفلوس .. !
لا وبعد مو اكيد والحين ماحصلت ولا فلس
حالات والله >.>

سلآلآميــ ..
 
السلام عليكم انه طلعت اشوية اذكه منكوم هههههه اول شي جيكت هل هو نفس اسلاميات الي علينه او لا لين شفت ان غير ما اخذته اختي ماروكو شنو اسم دكتور الاسلاميات الي كنتي ادرسين عندة ؟
 
اسمه عمر العاني

اممم على موضوع الفلوس قالو عقب اسبوعين

بيردون علي
 
وه الله يساعدكم .. احس تحطيــــــم جي ​
 
هع انه سحبتها من زمان اصلن من قبل لا ايييون ويصدموني ويسحبونها ..


الغلط منهم اهم ..


لازم يخبرونا قبل



مرورج بصراااحة اسعدني واضاء صفحتي


نفس ما قلتين غلط منهم

بصراااحة الحين أني كارهة أروح جامعة بسبت هذا شي

اروح كل يووم عشان اورنتيشن

مشكلة ما عندي ولا مادة بس كنت ماخذه مقرر اسلاميات 101

ياريت احصل لي لو مادة وحدة والله ما بشرط باي وقت


شكرا لكل من مر صفحتي
 
عاشقه ،،
الله يساعدج خيووو
​
 
مشكورة حبيبتي رحيلوه على احساسج بمعاناتي

الموضوع نور بوجودج
 
وعليييه عليييكم

ترره عآآدي

جفنـآآ الي اخس و الله

احنـآآ انززل مـوآآد و عقب يصكووووون السكششن بكبرره تخيلي .. و نصييرر احنـآآآ بدووون سكشن و نفتر من دكتوور لي دكتوور عشآن يقبلنـآآ :(


عدييهـآآ و تعلمي منهـآآ ^^​
 
السلام عليكم
جفت ردودكم كلكم وبحد ردي حق الكل
اول شي هذا الي الله كاتبه وبالعكس اصلا استمتعو بهالكورس واستانسو
ولا تتحبطون ولا شي
اكو احنا خذينا بس اورينتيشن لان اوردي ماكان عندنا هالقرار الجديد
بس كانت ترى احلى ايام ايام التمهيدي استانسو وافترو في كل الجامعه نصيحتي لان بعدين ما بتجوفون شي بيصير عندكم ضغط ولا بتطلعين من الكليه لان كل المواد تقريبا في الكليه
وترى مقرر الشريعه الي في خطه الحقوق وايد احلى من اسلاميات 101 المشترك
حبايبي اخذو الامر ايزي ولا تتحبطون ولا شي ولا تفكرون ان الاورينتيشن تضيعه وقت لانه بيفيدكم بعدين
مسامحه طولت عليكم
واذا تامروني باي شي لا يردكم الا كيبوردكم
تحيااااتي
بنت القاروني
 
اييي ,, الحمد لله مانزلت لي مواد بس تميت على التمهيدي

معظم البنات نزلو لهم الاسلاميات وبعدين انصدموا بعد فتره من الدراسة انها مو في الخطة على قولتهم

يالله الله كريم .,

بس حبيت استفسر , ,,

يحاسبون للغياب والحضور في الاورنتيشن ؟
 
الا ماده وحده
الحين انتي عندج بس الاورنتيشن استغلي هالكورس عشان تصيرين اووكي بالانجلنيزي
 
الاورنتيشن يعتمد على الدكتور احنا كانو يحاسبون وفي ناس يطرشون انذارات لهم
بس ترى بتستفيدون منه
يعني ما اقولكم لا تطنشون جم محاضره بس مو تمصخونها :bleh:
عن خاطركم مره او مرتين بسسسسس

بس لا تتعودون ترى بعدين مافي تدخلون عقب الدكتور مو بعد تطنشون
ان دخلتو عقب الدكتور سيحصل احد الامرين
#اول تحقيق بعدين تتهزءون
يا ياشر لكم تدخلون
او يقولكم بره
خخخخخخخخخخخخخخ:nosweat: ان شاء الله تاكلونها
 
صادني نفسج

وبعد القهر داومت 3 محاظرات ...:RpS_crying:

واشوف الدكتور مسكين يقول انتي حقوق شلون عندي

بس الحمدلله وعيت بس ماتذكر شلون عرفت انها مو عندي لوووول ...
 
عودة
أعلى أسفل