موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

مهم حق طلبة الاحصاء !

تاريخ التسجيل
12 أبريل 2008
المشاركات
17
المجموعة
ذكر
الدفعة الدراسية
2007
الكلية
كلية العلوم
التخصص
احصاء
السلام عليكم والرحمه ... احر تحياتي الطيبه لكم وبعد


بدخل بالموضوع من غير مقدمااات:RpS_tongue:

شباب / بنات : في أمر مهم قاعدين نتحرك عليه داخل التخصص الاحصاء وهو يعود بالمنفعه لكل طالب بعد التخرج

في تخصصنه شي اسمونه تخصص فرعي حيث ناخذ 10 مقررات من تخصص ثاني مكان مقرراتنه الي ندرسه كختياري او تكمملة عدد .. >> والي اتكون اغلبها متكرره

الشي الي جاين عشانه احنا سوينه رساله الى رئيس الجامعه ورئيس القسم ونائب الرئس والتسجيل وجذي

فنحتاج وقفتكم ومساندتكم الفعاله بحيث توجد اوراق موزعه عند الطلبه والطالبات من تخصص الاحصاء لجمع تواقيعكم وموافقتكم على اقتراح
:msn-wink:

" تغير التخصصات الفرعيه الموجوده من كيمياء واحياء وفيزياء وووو ...إلخ الى مقررات داخل البزنز مثل : الاكاونت الفايننس الماركتنق .... والخ من تخصصات سنعه حيث
تساند تخصصنه في الارتماس ومواكبة
الحركة الاقتصاديه وكسر شي اسمه ( تخصصنا ماله مستقبل ) على الاقل لما نقدم السي في انه نحس في امل نشتغل "

واتمنى منكم المداخلات بردودكم وتوقيعاتكم تكون زاهبه هلسبوع والي بعده بكم يوم عشان نروح مع ممثل الكليه ونبوح ما هو بداخلنا .

تحياتي لكم :bye1:
أخوكم الوداعي
 

إن شاء الله خير ^_^
و يستفيدون اللي عقبنا
لأن احنا طفنا بها :RpS_tongue:

و إذا ما صار مجال على الأقل يطورون في المقررات و يدخلون اشياء عملية اكثر
استخفينا من هالحسابات و طخطخة الكلكوليتر :RpS_huh:
و اهم شي يشيلون النرد لوع جبدنا 4 سنين :RpS_glare::RpS_tongue:

بالتوفيق و الله يعطيكم العافية ^_^

​
 
نتمنى يسوون لينا شيى حق المستقبل مو دراسة كتب مانستفيد ما يجي منها الا وجع الراس. يلى احنى بالجامعة وياكم وحاطين يدنا بيدكم بس انتون خبرونا متى تبونا نوقف على الواقع معاكم.
شكرا على هالموضوع.
​
 
انا بس باخذ هالسيارة الي في الصورة لكن
القرار هاي ما ابيه
ماني
ماحب مقررات البزنز
 
خخخخخخخخخخ

اني بعد ما ابي مقررات البزنز

مو حليوين

اني باخذ CS احسن لي هع
 
الاخت متمرده : شكرا على الرد الجميل ورايك مهم لانه انا شخصيا ما بستفيد من هلخطوه لنه خلاص تقريبا صعب اخذ ماينر اخر الوقت فاتنه القطار تقريبا بس نسوي شي ينفع التخصص للمستقبل.


الفراوله: وقفتك معانه بردك تنبعث منه روح الامل والتواصل واللحين احنا من داك السبوع نجمع التواقيع بس خمول من جهة الطلبه بشكل غير طبيعي ما توقعت انهم جذي حسيت انهم يبون يطورون بس ...........؟؟؟
على العموم اذا اكتمل النصاب ووقعتون بنخبركم بالمستجدات :)

خواتي قوت و قمر فديتني: كلامكم ورايكم على عينه وراسنه بس من كلامكم يبين انه انتون جدد على التخصص امممم او يمكن حابين الوضع جذي تخلصون وتنطرون الرجل في البيت وتكدسين الشهاده في الكبت .....!!
على العموم ربي يوفقكم

تحياتي ومشكورين على الردود الحلوه
 
لا اخوي مو مستعجلين عالزواج
تو الناس
وبعدين انا ناوية اشتغل ما اكدس الشهادة

لكن قصدت ان انا اح المواد العلمية كلها وافضل انها تكون ماينر
اما المواد التجارية ما احبها ولا احب اشتغل في مجالها

انا من ايام الثانوية كنت ادخل هالمنتدى وابحث عن راي الطلبة في تخصص الاحصاء
لاني كنت ناوية ادشه وكنت اشوف رايك انت وتقول انه مو رغبتك وقطورك فيه

يمكن انت كنت تميل للمواد التجارية وترغب فيها كتخصص لكن انا ما احب الاكاونت ولا المنيجمنت ولا بانكينق او ايكون
وانت ماراح تستفيد الحين عقب ما درست وفي المستقبل كفكرة اذا حابين تطروحنها على رئيس القسم اطروحها

بس عاد اتمنى انها ماتكون بديلة للمواد العليمية (بيولوجي وفيزكز وكيمستري وسي اس) وانما المواد التجارية مضافة البهاكتخصص فرعي بديل

بس على العموم ماعتقد ان الي يدش التخصص هاي برغبته او يدش اي تخصص علمي وهو حابنه يبي يكون الماينر مواد تجارية ماعتقد انهم يرغبون في هالشي .

لكن الي رغبته من الاساس تخصص تجاري راح يأيد الفكرة .

وتخصص احصاء فيه شغلات وايد ومافيه تخصص ماله مستقبل
صحيح ان سوق العمل في تغير مستمر مرة التخصص مفتوح ومرة مغلق
مرة في مجال شغل ومرة ماكو على حسب بس بالنهاية الي يبي الشي يحصله
مو معقولة لو دور تخصص احصاء في شركة مابيلاقي وفي مستشفى مابيلاقي وفي مدرسة
مابيلاقي وفي مركز مابيلاقي ما اظن اكيد بعض الاماكن يبوون التخصص ومطلوب عندهم وانا شايفة
اعلان مرة مطلوب موظف خريج احصاء

اكيد انت اخر سنة ودرست التخصص وعارف شنو المجالات الي ممكن نشتغل فيها وتعرف ان امور وايد
ممكن نسويها حتى الي في الشركات من احصاء العناصر الميثانول والنيتروجين والغازات الي نسويها
في الاحصائيات تبع الشركات او التمثيل الدائري وهاي تبع الكيم والعلوم وممكن عدد الوفيات والولادات
وعدد السكان الاجمالي وهاي تبع الجغرافيا ووزارة الصحة وممكن في بنك بعد يصير وشغلات وايد

انا بالنسبة لي التخصص ممتع وحلو
بالتوفيق اخوي وان شاء الله هالكورس نشوفك متخرج
 

الله يعطيكم العافية على كلشي تسوونه :RpS_tongue:
بس عندي اقتراح \ عتاب >> ماخلوني اوقع :schmoll: :RpS_sleep:

اذا بنكون واقعين اللي قاعد يصير حق الدفعات الياية و حتى لو تطبق من السنة الياية بعد راح يتطبق على الدفعات اليديدة :msn-wink:
بيقولون دفعة #### و ما بعدها .. ما اتوقع حتى 2010 بيطبقون عليهم
فـ ليش اللي عنده ماينر مثلاً ما يخلونه يوقع! و اللي كورس تخرج بدون ماينر يوقع! في النهاية اثنينهم ما بيستفيدون :RpS_huh:
التفكير في هالشي يوصلنا لـ ما بنستفيد شي .. بس احنا مو قاعدين نسوي هالشي حقنا
كل اللي يصير للدفعات اليديدة سواءاً تغيير الماينر أو تطوير المقررات :rolleyes2:

الزبدة كل طلبة الستات المفروض يساهمون بهالشي سواءاً بماينر او بدونه .. تخرجه او عدمه .. بيستفيدون او لا :bleh:
و ان شاء الله عقب جم من سنة تتحسن سمعة التخصص :RpS_sleep:
مع ان يمكن 30% الخلل من الطلبة .. لا راضيين ياخذون بروجكت و لا ترينغ :RpS_unsure:

بالتوفيق ^_^
​
 
عودة
أعلى أسفل