❤❤❤❤ انكتب حبنا على الأكفان ❤❤❤❤

[عبير البنفسج]

أصعب شعور يحس فيه الانسان
لما يفترق عن شخص يحبه و يغليه

تشوف السعادة راحت منه و سيطرت عليه الاحزان
و ما يتمنى من هالدنيا غير انه في كل خطوة يحفظه باريه

لكن ...
شلي يصير اذا الدمع و الدم صارو اخوان
تتوقع الحب يظل في القلب و ينحفظ فيه ؟؟!!

لو انه بضيع و ما يلقى له مكان
يضمه , و تصير شغلته ليل نهار انه يذكر مآسيه !!

حكاية لملمت بقاياها من زوايا الاركان
علمتني كيف يكون الوفا للحبيب و كيف انك ترضيه

علمتني كيف القدر اذا تدّخل في شيٍ في هالزمان
يكسره .. و ما يظل منه غير ذكرى تحميه

حكاية راح احكيها لكم بكل ما فيها من ألوان
و حب نابع من قلب يحتمل الجرح و يداويه

عبير البنفسج​

 

[BEST ONE]

أصعب شعور يحس فيه الانسان
لما يفترق عن شخص يحبه و يغليه

تشوف السعادة راحت منه و سيطرت عليه الاحزان
و ما يتمنى من هالدنيا غير انه في كل خطوة يحفظه باريه

صح لسـآنش

رآئع ​

 

[درازية]

شعرج حـــــــــــــــلــو

 

[عبير البنفسج]

تسلمون

يعني اكمل

 

[عبير البنفسج]

حكايتنا فيها شخصيات كثيرة ....
لكن اساسها احلى بطلين ....

قدرو يتغلبون على ضغوط الحياة المريرة ....
و يرسمون البسمة على الشفتين ....

الحكاية بحبهم و روعتهم كبيرة ....
تراها بين ملاك و حسين ....

ملاك اصل الحنان و من جمالها يقولون اميرة ....
و حسين رمز الرجولة الي ما نلاقيها هاليومين ....

تابعوها و شوفو شلون تكون البنت للحب أسيرة ....
و الرجال رغم هيبته في لحظة يضعف من دمعة العين ....

عبير البنفسج​

 

[jαғғαя]

يعني اكمل

من المتابعين

 

[عبير البنفسج]

من المتابعين

 

[:: Ali M ::]

ما شاء الله عليش خيو عبير

في انتظـار بقية القصة ان كان للقصة بقية =)

 

[يَـآقـوتَ]

جميل
ننتظر التكمله ..........

 

[عبير البنفسج]

ما شاء الله عليش خيو عبير

في انتظـار بقية القصة ان كان للقصة بقية =)

ردودكم تشجعني اني اكمل

جميل
ننتظر التكمله ..........

ان شاء الله

 

[عبير البنفسج]

اول موقف .... تصادم السيارتين



مدري شلي جرى لي يوم اني ناظرته
ما قدرت انطق و اقول ما عندي من كلام

حسيت الزمن توقف لحظة الي لمحته
كأني ابتعدت عن الحقيقة و عشت في منام

رغم الظروف الي فيها لاقيته
الا اني شفته يحمل كل معاني الود و الاحترام

من كلامه صادق و ندمان حسيته
لهالسبب ما وجهت له أي ملام

اعتذر و قال لي : هذا رقمي لج مديته
لا تفهميني غلط , هذا عشان ابين لج بس الاهتمام

مو معقولة أعتذر و امشي بعد الي سويته
هذا المستوى انا ما وصلت له حتى في الاحلام

خذيت الرقم و في شنطتي حطيته
هذي اول مرة اكسر فيها النظام

عبير البنفسج​

 

[عبير البنفسج]

بشدة ذوقه و احترامه بهرني
هذا غير جماله و اناقته و احساسه

بكلامه و طيبة قلبه احرجني
لكني ماني عارفة اتصل لو انسى الموضوع من اساسه

من تصرفاته بالأمان و الصدق حسسني
خلاني احس بالفرحة و الوناسة

اخاف لي اتصلت غلط يفهمني
لكني متأكدة انه بحطني على راسه

مب مصدقة ان تفكيري فيه سهرني
و خلاني انسى الدنيا كلها و الدراسة

مدري شلي سواه هالصبي فيني
من نظرة و ابتسامه شال من على قلبي الحراسة

عبير البنفسج ​

 

[bent alahmed]

من المتابعين
تسلم اناملك​

 

[عبير البنفسج]

من المتابعين
تسلم اناملك​

^.^ يسلمج ربي

 

[UOB-BH]

وددت أن اتشرف بالسكون هنا للحظة ..

 

[عبير البنفسج]

وددت أن اتشرف بالسكون هنا للحظة ..

 

[عبير البنفسج]

آلو ... مساء الخير

مساء النور و السرور ... آمري يالغاليه ؟


انا ملاك ... انت اليوم الصبح داعمني
ايه .. آسف بس كنت عن الدوام متأخر
وموضوع شخصي بعد كان شاغلني
فاعذريني من الضغط شوي كنت متهور

لا عادي .. انا بعد كنت سرحانة سامحني
ما صحيت الا لما سمعت صوت شيٍ متكسر
فحبيت اتصل و اقولك ثمن التصليح واصلني
انا كنت بعد غلطانة فلا تكون من الموضوع متأثر

انا مصمم اني اصلح السيارة و الكل عارفني
اذا اصريت على شي اسويه حتى ما اكون متحسر
و انا حاضر انتي بس آمريني
اهم شي تكونين راضية و ما تقولين عني مستهتر

خلاص ولا تزعل بكرة تقدر عند الكراج تلاقيني
لكن ما قلت لي اسمك .. لو اقول عنك متكبر
لا ابد .. اسمي حسين و بأي اسم تحبين ناديني
من الربكة شوي حال ذاكرتي مدهور

عاشت الاسامي و على الازعاج لا تواخذني
يمكن كنت تبي تنام .. لو انك مستقمر ؟؟
من عادتي السهر و انتي تتصلين بدون ما تحاتيني
حتى لو كل يوم بشكل متكرر ^_^

عبير البنفسج​

 

[عبير البنفسج]

هذي كانت اول مكالمة بينا
............................ و جت بعدها مكالمات و رسايل


معاها جانا الفرح و للحزن محينا
............................ و فيها كل يوم تشرق شمس القوايل


من دون ما ندري في طريق الغرام مشينا

............................ قلنا احلى الكلام و عملنا الهوايل


لحبنا المدفون كل يوم روينا
............................ لكني متى يتضّح هالحب نفسي اسايل


حبيت و هالشي اتضّح لاثنينا
............................ صاحب الذوق و الطيبة و الشمايل


يا قدر ترانا لربنا شكينا
............................ تراه القلب لكل مشاعر الحب شايل

عبير البنفسج​

 

[رَحِيـــقْ !]

عجيب =)

الجزئية ماقبل الأخيرة موزونة بدقة .. حتى في الأسطر تلاحظين الطول متقارب وقراءتها سلسة
واصلي على هالمنوال .. ونحنُ سنواصل ..

​

 

[عبير البنفسج]

عجيب =)

الجزئية ماقبل الأخيرة موزونة بدقة .. حتى في الأسطر تلاحظين الطول متقارب وقراءتها سلسة
واصلي على هالمنوال .. ونحنُ سنواصل ..

​

مرورش العجيب يالحلوة ^.^

بصراحة .. اني كاتبة من زمان هذي القصة لكن يوم قررت احطها لقيت اني لازم احط شوي مواقف تبين الي ابي اوصله

فقمت اكتب بسرعة عشان الحق احط الباقي من جذي يمكن تلاقين بعضهم مكتوبين بس عشان يوصلون فكرة

ردودكم تشجيع لي