❤❤❤❤ انكتب حبنا على الأكفان ❤❤❤❤

[عبير البنفسج]

في هاليوم خلاص اتخذت القرار
بكل مشاعري المدفونه راح أصارحه


كفاية عذاب,راح تنكشف الأسرار
و تشرق على حياتنا شمس الصراحه


محتارة,أي بداية و اسلوب اختار
لكلامي,عشان في النهاية اكون مرتاحه


الي اعرفه ان حبه والله جبّار
و الذوق و طيبة القلب سلاحه


الموضوع ماهو صعب لكن يحتاج اصرار
عشان القلب يرتاح و يضمن نجاحه


لكن ياخوفي من بعد هالكلام يكون محتار
و ما يكون لي في قلبه أي مساحة ..!!

عبير البنفسج​

 

[عبير البنفسج]

أبحكي لك حكاية قلب من يوم الي شافك وهو فيك ولهان

أول نظرة شاف فيها هدوء نابع من قلب أحلى انسان

و الثانية لقى فيها ابتسامة شاعلة فيه لهاليوم النيران

ليت الناس كلها شافته ذيك اللحظة الي كان فيها فيك سرحان

مرة يقول لقيت الي حبيته و لقيت فيه الطيب و الدفا و الحنان

و مرة احس فيه يتألم لأنك مو داري بحبه الي مثل البركان

لهذي اللحظة مو عارفة شسوي له عشان يكون مرتاح و فرحان

يوم الي شفتك ، قلبي لك قام من محله و فزع

وقت الي ناظر بسمتك الحلوة صدقني لقيته اخترع

و من لحظتها عن كل قلوب الدنيا امتنع

حلف ما يقترب الا من الي شافه صاحب الذوق و السنع​

عبير البنفسج ​

 

[سيد دندون]

وااو وااو وااو ... ما شاء الله

عندنا شعراء العصر في المنتدى ولا ندري

يسلموووووو ع الطرح الأكثر من ابداعي

لا حرمنا من ابداعات اناملكمـ .. ودمتم بكل خير

 

[عبير البنفسج]

وااو وااو وااو ... ما شاء الله

عندنا شعراء العصر في المنتدى ولا ندري

يسلموووووو ع الطرح الأكثر من ابداعي

لا حرمنا من ابداعات اناملكمـ .. ودمتم بكل خير

ربي يسلمك و يخليك ...

تسلم على مرورك و ردك المشجّع

 

[موتو]

مادري شلون بعلق
"تعليق العدل : ابيات جميلة وبسيطة وفنية ومنسقة وحس فني صريح وجميل , لكن يخلو من التشبيهات المادري ويش يسمونها , كأنه يسمونها تشبيه بليغ الخ ."
تعليق المزح

يبين من الصورة

نهايتها كأيبة

خذيت الرقم و في شنطتي حطيته
هذي اول مرة اكسر فيها النظام

ماهقيتها


نسيت ويش الخاتمة لتعليبقي:mellow:

 

[عبير البنفسج]

مادري شلون بعلق
"تعليق العدل : ابيات جميلة وبسيطة وفنية ومنسقة وحس فني صريح وجميل , لكن يخلو من التشبيهات المادري ويش يسمونها , كأنه يسمونها تشبيه بليغ الخ ."
تعليق المزح

يبين من الصورة

نهايتها كأيبة



ماهقيتها


نسيت ويش الخاتمة لتعليبقي:mellow:

في البداية اشكرك على تعقيبك ...

و بالنسبة للتشبيهات تقدر تحصلهم بسهولة بس ركز شوي

ممكن تتوقع ان النهاية بتكون كئيبة لكن من العنوان ... توقيعي ماله دخل بالقصة

و ترى اني لحد الحين ما كتبت النهاية

 

[عبير البنفسج]

لاموني يوم اني قلت: صعب هالحب انساه

...................................... ما يدرون ان القلب حب من اول نظرة


قلبج يا ملاك انا كل يوم اترجاه

...................................... لا يتركني و يخليني أجر من بعده الحسرة


عشقته و على طول بقربي اتمناه

...................................... كفاية انه يحمل حنان العالم بأسره


لا تحسبيني تايه و ماني دريان بحلاه

...................................... انا من يوم الي عرفته و انا حاير بأمره


كيف قدر يخليني بهالسرعة اهواه

...................................... و يوم الي يغيب عن عيني تخنقني العبرة


بالطيبة و رقة الاحساس ربي ملاه

...................................... عساه دوم يكون في افراح و مسرّة


احبه و دوم اتمنى رضاه

...................................... وأبيه يبقى بقربي لو يطلب أجرة

عبير البنفسج
​

 

[عبير البنفسج]

ليتك من زمن بهالمشاعر صارحتني
تعذبت و انا مو متأكدة من حبك


لو في يوم الجرأة ما عرفتني
كنت ممكن تبدأ الكلام بنفسك؟؟!!


اشوف الناس كلها عليك حاسدتني
و كل بنت تتمنى زوج مثلك


ما يعرفون ان حبك بناره كاويني
و اني يالغالي تايهة في امرك


الاحساس بحبك كان ماليني
و الدليل انك على طول مخليني بجنبك


و من كل المشاكل و الهموم حاميني
و دايم قلبي يكون على قلبك


لكن ليه ما قلت لي انك شاريني
و الكلام لهذي الدرجة سهل عندك ؟!!​

عبير البنفسج ​

 

[عبير البنفسج]

الحب لكل البشر مسموح

لكن اوقات عنه نمتنع

{ ممكن القلب يكون مذبوح

و ممكن منّه القلب ينفجع }

لحظات طريقه يكون مفتوح

ونسمع أصوات الالم منه ترتفع

نبتعد و يكون حكمه علينا مكروه

و مستحيل فيه بيوم نقتنع

لكن حالتي الناس لها تنوح

لان اشكال الحزن فيها تجتمع

ليتني اقدر عنها أبوح

لكن يا خوفي بكاج بعدها ينسمع

عبير البنفسج​

 

[عبير البنفسج]

قلبي من الخوف زادت نبضاته

تمنى يوقف الزمن ولا تكتمل كلماته

بـ"لا تجرح القلب" علت هتافاته

بـ"الدموع" اندمجت كل نسماته

تمنى الحزن ما يرجع يملي لحظاته

تمنى من كلامه ما تختنق عبراته

تراه الحب مشتعلة كل شمعاته

و أبد ما تنطفي الا ساعة مماته

تقرب لي و همس : قلبج ما ودي اشوف دمعاته

ولا احس بالحزن يملي نهاية حكايـــاته

[

الحب لاول مرة معاه حسيته

و يبقى بقربي طول العمر تمنيته

لكن قلبي في يوم لانسانة هديته

من قبل لا يجيني قلبج الي حبيته

يملاني الحزن من كل الي قاسيته

و من الحب و الحنان الي معاج لقيته

مو من عادتي ارجع في وعد عطيته

ولا اني اقضي على حب بالمشاعر رويته

محتار بين الوعد و قلبي الي بحبج مليته​

]

عبير البنفسج​

 

[قمَر]

خطييييييييييييييرة!!
من المتآابعييين ​

 

[عبير البنفسج]

تسلمين حبيبتي

والله يعينا على تكملتها

 

[عبير البنفسج]

{

العين من شدة الحزن تدمع

القلب من الالم والله يوجع

الاذن من كلامك صارت ما تسمع

و روحي من مكانها قربت تطلع

تترجاك روح ولا تفكر ترجع

}​

{

ادري بكل المشاعر الي في قلبك

وانّي صرت اكبر سبب في حزنك

لكن صدقني ما حبيت انسان كثرك

والي راح اسويه بزيل كل همك

برّجع الراحة و بنوّر لك دربك

}​

{

عشاني لا تكون من هالقرار حزين

ولا تسمح انها تنزل دمعة العين

تراك اغلى انسان عرفته طول السنين

عارفة ان القرار قاسي علينا احنا الاثنين

لكن البعد راح يكون حتى لو بعد حين

}​

عبير البنفسج​

 

[عبير البنفسج]

فراقج يا ملاك يوم ما احتملته

كيف قررتي البعد لسنين ؟؟

صدقيني حبج ما مرة بعته

و اخذي مني الخبر اليقين

قلبج في قلبي حفظته

ما افرط فيه لو موتي يحين

العرس من بعدج انا عفته

لكن ارجوج عني لا تبعدين

الشوق في عينج كل لحظة لمحته

و بلهفتي لايامنا ما ظنّي تجهلين

اهل البنت ردهم لهاللحظة ما سمعته

يمكن القدر قرر بعد كل الحزن انج تفرحين

خلّينا ننسى البعد و كل الكلام الي قلته

و خلاج مني في يوم تزعلين

" أحبج " و الحب ما عمري كتمته

كيف لو كان لج يا نور العين ؟؟

عبير البنفسج ​

 

[عبير البنفسج]

جاني يلملم خاطري المجروح

يزيل الحزن و يمسح الدمعة

قال لي:هذا القلب لج ممنوح

بس سمحي لي اشوف الفرحة

لجل هالعين اهديج حتى الروح

يا من ملكتي القلب بنظرة


جاوبته:طريق القلب لك مفتوح

مزّين بكل اشكال الورود الحمرة

طرد كل الحزن و النوح

أبقى على الفرح و اشعل الشمعة

الحب لنا في هاليوم صار مسموح

خبّر الكل و قول للعالم بأسره

عبير البنفسج​

 

[WHITE QUARTZ]

تسلم الايادي ,,


​

 

[صاحبة الظل]

متشوقة اشوف النهاية

 

[عبير البنفسج]

تسلم الايادي ,,


​

يسلمش ربي

متشوقة اشوف النهاية

ان شاء الله تكون نهاية تتوقعونها

 

[عبير البنفسج]

هاليوم بالنسبة لنا من احلى الايام

لانها ابتدت فيه قصة "عشق مجنون"

ما شفنا مثلها حتى في الاحلام

تميزت عن كل حكايات حب الكون​

بدايتها كانت احلى و اجمل كلام

لكن ما ندري راح تنتهي شلون

عطيناها كل ما عدنا من مشاعر و اهتمام

بكل ما يعرفه الناس من شكل و لون​

حفظناها و ابعدنا عنها الحزن و الآلام

فما عرفت مكان للحيرة و الظنون

عشناها رغم كل ما حصلناه من ملام

لانها كانت شي نادر في هالدنيا يكون​

حب انبنى على المودة و الاحترام

قضيناه في مكان دافي و حضن حنون

حتى لو في يوم الزمن وجّه لنا اتهام

لجل حبيبي الجرح و فوقه الموت يهون​

مو انا الي يجبرني القدر على الاستسلام

و يعطيني الحزن و تراكم الشجون

مهما يكون طعم و وقت الختام

يظل الحب في قلوبنا مكنون​

عبير البنفسج​

 

[عبير البنفسج]

تدري اني احبك حب ما حمله لك احد من البشر .....

تدري ان هالحب بعد كل التعذيب الي شافه منك كبر ......

قلبي انت صرت مجنونه و عمره بهالمشاعر ما نكر .....

بدت قصته من ذيك الليلة و بالاخص وقت السهر .....

{

في روعتك انبهر ....

من صوتك سكر ....

بعشقك استمر ....

كلمة "أحبك" قالها دهر ....

}

و منك في يوم ما أبيه يقول انطبر .....
​

عبير البنفسج​