ذكرتيني بوحدة الله يهديها كان تخصصها لغة عربية وأني كنت في إعدادي وكانت كله تكتب التنوين على الألف
عاد اسألها ما يعطونكم في تخصصكم إن التنوين ينكتب على الحرف
حزتها قومت القيامة وقالت انتين جاهلة لا تسوين روحش تعرفين أكثر مني وأني هذا تخصصي
مثلا "صبراً " ..لو اني غلطانة
الحين مو التنوين بالفتحة ينكتب بالالف
#مجرد_استفسار #داشة_عرض
>> كنت شاطرة وأفهم في العربي بس الحين مو كلش لأن 
ههههه رَحمَة الله على اللي عطونا هالمعلومة
لاا.. على الحرف، تصير " صَبْرًا "
^ ترا مو مَيْتِين، بَس ندعي ليهم بالرّحمَة..
اها...اوكي ..
اييه معلومات من ايام المدارس
بس هالمعلومة توي ادريي بها صراحةً >هههه الحين عاد بتاثر وبقعد احط تنوين على الكلمات
يعني المزيد من التدقيق>@مارد المصباح
الحين مو التنوين بالفتحة ينكتب بالالف
#مجرد_استفسار #داشة_عرض
"أكيد إجابة رحيل بتكون مفيدة أكثر من إجابتي.. ولكن نحاول نجاوب
الألف حرف ساكن ما يقبل التنوين، وحرف زائد هو أساسا
المهم ما أبي أقعد أفسر ويمكن أغلط وأقول شي شسمه وأتفشل
بس وجهة نظري في الموضوع اللي تخليه أبسط ما يمكن: مو التنوين حركة الحرف ؟ ليش نخليها على الألف ؟
أعتقد في أراء تشوف وضع التنوين على الألف صحيح.. بس ما أأيدها عموما
الخطأ في الموضوع هو لما تعطي أحد معلومة بدون ما تشرح السبب والعلة فيها
الألف من الحروف الساكنة، ومثله الواو والياء "حروف العلة"
فهي ما تقبل الحركات تكون عليها..
ومثل ما يكون التنوين بالضم والكسر على الحرف نفسه
يكون التنوين بالفتح على الحرف نفسه
هذا السبب اللي فهمته من دراسة مقرر العروض ومن دكتور محمد عاشور..
ومادري بصراحة شنو السبب من زيادة الألف بعد التنوين
>> وبصراحة بديت أفكر في الموضوع "ليش يعني؟؟
12 سنة ندرس في المدرسة ما في ولا معلمة وضحت لينا هالفكرة
وبالعكس علمونا نكتبها على الألف وبإصرار
كلامش صحيح
وتحليلش جميل بعد
ما ليه داعي تتفشلين
----------
أدري تعليقي متأخر بس حبيت أدش عرض ع الموضوع
ترى ما أقصدش أنتين خطأ لأنش ما وضحتين المعلومة
بس كنت أقول إن أني في البداية طبقتها بدون ما أعرف العلّة فيها
وبعدين يوم أخذت العروض بما إن المقرر يركز ع الحركات عرفت إن الألف حرف ساكن
وما يقبل الحركات إلا إذا كان مهموز
ومع الوقت ذكر لينا محمد عاشور هذي المعلومة بعد
السؤال:
ليش انتشر هالشي؟؟ "إن التنوين ينحط ع الألف مو الحرف"
وليش تنحط الألف الزائدة بعد التنوين بالألف وما تنحط بعد التنوين بالكسر أو التنوين بالضم؟؟
>> يبا لينا ننقل الرد إلى موضوع تجمع طلبة العربي
الكتابة العروضيَّة بنخليها للين ما ناخذ 216 ويّه السّيد.. بتفصيلاتها وأهميتها ووو..
ليها قواعد معينة لاحقين عليها..
وهو فعلًا كلا الكتابتين ليهم فايدَة مهما يكون.. وأكيد يساعدونا في أشياءات معينة مثل ماقلتين تساعد على معرفة الساكن والمتحرك
لكن قصدي من باب "الاحتجاج بالرسم" مالهم ما أعتقد الشي صحيح
مثَلًا ما أقدَر أكتب التنوين نون في امتحان وما يعلّم عليها الدكتور بالأحمر
أو أكتب (الشَّمس) بهالطريقة (اشْشَمس)
والله جان يطنّزون عليي الدكاترة في خاطرهم ههههههه
ذكرتيني بغازي مرة جاب هالطاري
في بيت:
ألا هبّي بصحنكِ فاصبحينا
يقول فاصبحينا تنكتب بالألف
في طلّاب الله يهديهم يكتبونها لي عروضيًا
>> يعني يكتبونها جدي: "فصبحينا"
