مُخربش .,

[Massat]

مُخربش ;

,

مسآئكم حُرية , من كل شيء ,


::


تتعمد الكلمات و - تشرد - كلما حاولت أن أكتب .. وكأن بينها وبيني عداوة وحقد دفين ..
إلا أنني أدركت مؤخراً أني لا أحتاج لأي كلمات مسروقة من هنا وهناك ..
لا أريد هذا النوع من الكتابات .. أحتاج فقط للـ 28 حرفاً .. لأنتقي منها و أكتب ..


::


لَن ألتزم بالقواعد الإملآئية أو اللغوية أو النحوية , ولن ألتزم بتسلسل الأحداث
ولن ألتزم بوقت محدد لأكتب فيه , ولآ عن شيء محدد لأكتب عنه ,
ولن ألتزم بأي شيء , عدا إلتزامي بمآ أريد أن أكتب عنه ,


::



ذكرت إنّي لآ احب الكلمآت من هنآ وهنآك
ولكنّي سأقتبس هذه الكلمآت
من كآتبة روآية - كُل المنى أنتِ -

{ سرآب المنى }
فهي تُعبّر عمآ أريد أن أختم به هنآ ​

......................*
أعذروني إن أفرطتُ في الحُزن ، الفـرح ، أو الجـرأة اللامتناهية
كل ذلك ليس بيدي .. إنمـا من بنـات أفكـاري ! ومن واقعي الذي يفرض
هيمنه علي ..
ومن خيـالي الجامح الذي لا يبرح عن معاندتي ..
أعذروني على كلّ شيء !
لن أطيـل الثرثرة أكثر .. لأنني أكرهها
مع خالص حُبي وتحياتي ..
*......................

​

 

[Massat]

[ ذِكرى بلا إحساس ]

[ ذِكرى بلا إحساس ]​

.
.
.

.
.
.

قعَد يطَالع الساعة ..
12:15 في الليل ..
توها وكت ..

قعد يفكّر ويّ نفسه

"يمكن زعلانة !
بس أنا ما سوّيت شي غلط .. ولا أبغي أتصل"

جوّد تلفونه , فتح المسجات وقعد يقرأ آخر المسجات

" أنته بروحك ؟ عادي أتصل ؟ "
" اليوووم كأنّي جفتك "
" سوّيت زين في الإمتحان اليوم ؟ "
" متى إن شاء الله بتخلص هالمباراة ؟ "
" لا تكتب مسجات وأنته تسوق يالكريييه "
" أحبـك .... "

كل مسج يقرأه كان يذكره بسالفة وقت إستلامه للمسج ويخليه يبتسم

راح إلى " إرسال رسالة جديدة "

:متحيّر وش يكتب:
: يكتب كلمتين ويمسح:

كتب:
" سلاام .. وش هست ما اتصلتين .. ابغى اقول لش سالفة عن وحدة ضايفتني "

قعد يطالع الفلم .. وباله ويّ الساعة
12:34
12:37
12:41

( الدقيقة كأنها خمس دقايق )

ورن تلفونه ..
:ظل يطالع إسم المتصل وهو مبتسم:

ضغط زر الرد , وظل ساكت
( ولازم هو ما يتكلّم إلا لما الطرف الثاني يتكلم )

أخذ مفتاح السيّارة والمايك , وهو طالع من الصالة
حط المايك , وضرب سلف ومشى
( وللحين محد يتكلم )

هو : أهلان
ـ- هلا
هو : شخبار ؟
ـ- بخير

( لحظة صمت .. )

ـ- وانت ؟
هو : انا الحمدلله بخير .. مفرفش
ـ- دوم
هو : وش فييش ؟
ـ- ما فيني شي
هو : ايييييه .. واضح ..
ـ- جايف فيني شي يعني ؟
هو : لا .. بس أسأل يعني .
ـ- من دي اللي ضايفتنك ؟

( ظل ساكت )

ـ- تعرفها ؟ تعرفك ؟ ومن وين ليها إيميلك ؟
هو : محد
ـ- محد !!!؟
هو : ايي محد
ـ- اوكِ
هو : اوكي

( لحظة صمت )

::

وقف عند البحر .. تحت جسر الحد .. المكان المفضّل
"هالمكان سحرني من أول نظرة" > على قولته
بنّد السيارة وقعد يطالع البحر .. يحب يطالع البحر , بس إدا ويّاها

::

فتح الـ"سنكرز" ـ

هو : تبّين سنكرز ؟
ـ- لا
هو : أصلن ما كنت بعطيش
( سمعها تضحك على خفيف )
هو : يازعم تسوّين روحش زعلانة إلا ما بتضحكين عدل ؟
ـ- ايي
هو : قلت لش محّد .. ولو وشسمه جان ما قلت لش عنها بالأساس
ـ- انزين صدقتك
هو : أحسّب بعد

ـ- أممممم انزين قول ليّي سالفة
هو : سالفة وييه ؟
ـ- مدري , أي سالفة
هو : اممممم , الله يسلمش هذا فيه بنيّة ضافت واحد , وحبّته لكن .......لحظة .....
لا لا صارت غلط تقول لش السالفة , إن هذا فيه واحد حب بنيّة , وللحين يحبها , ولباجر بعد بيحبها
ـ- من ده هالواحد
هو : واحد ما تعرفينه
ـ- انزين أي قد يحبها ؟
هو : وااااااجد عدل عدل , يقول إنه يعجز عن وصف حبه إليها , ولو فيه وِحدة لقياس الحب جان حبه بيصير إنفنتي
ـ- هههههه انزين والبنيّة تحبه ؟
هو : مادري الصراحة , بس تقول إنها تحبه والله أعلم
ـ- إمبلا تحبه
هو : وانتين وش دراش ؟
ـ- أني أدري وبس
هو : انزين لكن هو يحبها أكثر من ما هي تحبه
ـ- لا , مستحييل
هو : على كيفش مستحييل , صدقيني هو يحبها أزيَد , محد شحن قلبه نفس ما هي شحنت قلبه ,
هي أول وحدة دخلت داخل هالقلب , هي أول شخص تخليه يحس بهالشعور الغريب , أبصم لش بالعشر أصابع إن هو يحبها أزيَد
ـ- محمد !
هو : ها
ـ- أحبك



.
.
.

[ همسه ]

::

الحُب ;
أمر متناقض غير منطقي

::



​

 

[G h a i d a]

روعة ! من المتآبعين . . ​

 

[Massat]

*
​

​

*
​

 

[قمَر]

بلآاوييز
عجبتني السآالفة
من المتآابعين، بس حارس نخلص الامتحانات

>> تستآاهل التقييم ​

 

[لؤلؤة الخليج]

راائـــع

أسلوب جديد في الطرح ..

يمكن يكون مشوق أكثر من الخواطر و النثر الي يلتزم بوزن وقافية تحد من التعبير بكل ما يجول بالقلب ..

اسمح لي ان اكون بالقرب من الكلمات المتناثرة على ورق مشاعرك ..

 

[Massat]

فَترة إمتحانات .. والنشاط ما يجي إلا في هالفترة ..


//



هلا بييكم .. ​

 

[Massat]

.. ..​

​

إذا جرحك صديقك بكلمة ,
روح تهاوش وياه لأن الهوشة بتنقذ هالصداقة وبتقويها ,
لكن إذا سكتت وما تكلمت , بتتفكك هالصداقة شيئاً فشيء

: شويه فصحى وشوي عامّي , سوّو روحكم ما تدرون :



​

*همسَه
:: الصداقة أمرٌ عظييم ::​

 

[Massat]

[ غياب ]

[غياب]

.
.
.

​

*قبلَ إسبوع من بداية الإمتحانات ..


​

:.:
.
:.:


​

يُلملِم الأوراق الدراسيّة الملقيّة على السَرير
والتي كانَ من المُفترَض أن يتصفّحها على الأقَل إن لَم يكُن سيدرُسها ,
يضعها بأيّ مكان - ليس على السرير -

يُلقي بجَسدِه عَلى الفِرَاش ,
ويُمسك بهاتفه ,

: رسالة جديدة :
: خلفيّة بيضاء بلا أيّه ألوان إضافيّة :
: الساعة تشير للـ 7:46 صباحاً :

: الرسالة تقول :
"الله يسامحك"
رسالَة تحمل ألفُ معنَى , ومعنَى ..

يضع السمّاعات بأذنيه ,
- اللهّم يا مَن دلَع لسانِ الصبَاح بِنُطقِ تبلُّجه -
[دعاء الصباح | بصوت ميثم التمّار]

ويُغمض عينيه ,
يحاول تجاهل الواقع ,
بأحلامه التي لَم تعُد تزوره منذُ إسبوع , وشهر , وغيابها ..​

 

[Massat]

[ لا أكثر ولا أقل ]

[ لا أكثر ولا أقل ]

.
.
.


كنت فرحان .. مزاج معتدل .. إسبانيا غالبة .. شعور بالتفاؤل مادري وش سببه ..

خلّصت المباراة .. إحترت شسوي .. قعدت ع الكمبيوتر ..

أفكر .. شسويت اليوم ..! ليش هالفراغ ..! وش هالتفكير ..!

كان تفكيري يدور حول أمور كانت تشغل بالي في الفترة الأخيرة ..

كان الجو هادئ وما فيه إزعاج لأن الكهرباء بندت علينا .. كالعادة يعني ..

وهذا اللي خلاني أتماشى مع أفكاري .. وقطع تفكيري رنّة التلفون ..

وكان إتصال .. من شخص .. إستغربت منه يتصل ليي ..

وفي هالحزة بالذات ..

والتلفون ما كان فيه جارج و قريب يبنّد ..

ردّيت ..



​

أنا : هلا .. قبل لا تتكلم .. التلفون ما فيه جارج .. يمكن يبّند ..

…. : مو مهم .. وينك ؟

أنا : في البيت وش صاير ..؟

…. : تعرف السالفة اللي صارت أمس له ..

أنا : ايي .. وش صاير ..؟

…. : تـ … ​

وبنّد التلفون .. خلّص الجارج ..


إنتقل تفكيري إلي منحنى آخر ..

سالفة مو سهلة .. وشخص ما عمره اتصل ليي إلا هاليوم ..!

وبخصوص هالسالفة بالذات ..!

ما عطيت السالفة أهمّية أكبر .. ورجعت لتفكيري ..

سمعت صوت جرس البيت ..

طلّيت من الدريشة - من الطابق الثاني - جفت نفس الشخص اللي كان متصّل ليّي , هو اللي ضارب الجرس ..

رحت فتحت الباب ..

ويا ليتني ما فتحته ..

قابلني بوجه شاحب , دموعه على خده , يبي يتكلم بس مو قادر ..

قال ليّي بصوت خفيف ..

…. : الـ ـ البقى براسك ـ ـ ـ ـ ـ ـ ـ ـ ـ ـ


.
.
.


إنصدمت من الخبر .. معقول اللي صار ..! توفى ..!

صديقي ..! توأم روحي ..! رفيق دربي .. توفى ..!

لا لا لا .. أكيد السالفة فيها غلط .. قبل جم ساعة كنت وياه ..

كان مستانس , يضحك , يسولف .. شلون توفى ..!

كان يتكلم عن مستقبله , عن طموحه .. عن باجر وش بيسوّي ..

شلون توفى ..!

شلون يروح من هالدنيا بكل سهولة ..!

من بيعيش مستقبله اللي ياما حلم إبه ..!

من ومن ومن ..!

.
.
.


حسيت بجبل من الهموم نزل على صدري من الخبر ..

حسيت قلبي يتقطع بمجرد تخيلي لفكرة وفاته ..

حتى صرت مادري شسوي من الصدمة ..

ما أدري وش بيصير فيني من هالخبر ..

,,



رحت المقبرة ..

كان قلبي ما يبيني أجوف دفانه .. لكن عاندته ..

كانوا مجتمعين على القبر .. أهله , ربعه , قرايبه ..

تقرّبت أكثر .. وأنا كل خطوة أخطوها أحس جسمي يثقل و يثقل ..

لمحت جسد ممدود على القبر ملفوف بكفن ..


جسمي ما قدر يتقدّم أكثر .. وقفت مكاني .. أبي أستوعب اللي صار ..


أكيد هالشي ما صار .. هذا مو هو ..!! مو هو .. أنا متأكد مو هو ..!

لكن كل أهله , كل ربعه هناك .. شلون مو هو !!


واصلت المشي .. وصرت أتقرّب أكثر وأكثر ..

ومع كل خطوة أتقرب منه بها ..

أنفاسي ونبضات قلبي تتسارع أكثر و أكثر ..

لين ما وقفت وما قدرت أتنفس .. جفت وجهه ..

لونه أصفر .. عليه إبتسامه باهته ..

ما قدرت أتحمّل ثقل جسمي .. طحت على الأرض ..



أحس الدنيا ظلام .. الناس متجمعين حواليني ..

وش صار ..! أبي أقوم ما أقدر .. أبي أهّل عليه التراب بيدي ..

ابي أتحرك .. ما اقدر ..

أبي أصارخ .. لكن فيه شي يمنعني ..

رجعت أنفاسي ليي ورفعت جسمي وقمت ..



وأدركت إنه ..



مجرد حلم ..
لا أكثر ولا أقل ..





​

مُحّـمد ..
لا تاريخ أو وقت يُذكر ..
*كتبتها منذ زمن مضى ..​

 

[لؤلؤة الخليج]

اندمجت بالسالفة ..
حتى دموعي في عيني
وتالي تسويها فينا مجرد حلم لا اكثر ولا اقل
وانه الي قلبي انكسر واقول الله يساعد من له رفيق درب و رحل عنه للابد
مرة ثانية بقرا النهاية قبل

روعة ما كتبته ..
نقلتنا بوصفك الى جو الموقف تماما
واصل ابداعك

 

[Elegant Girl]

من المُتابعين ..

 

[Massat]

أسعدني مروركم حقيقتن ..

//

أهلاً بكم ..
​

 

[Massat]

[ بلا عنوان ]

.
.
.


شاردُ الذهن .. يعودُ لماضيه ,

كلِماتٌ مكتوبة بإسمه المُستعَار بأحد المنتديات ..
"لَو لا الظَلام , لَما كُنا نرَى النجوم"

يفكّر مع نفسه ,
ـ "حقويه كنت كاتب جدي؟"

يتذكّر تلقّيه إتصال مِنها و خروجه من المنزل بعد كتابة العِبارة ,
والحديث الذي دارَ بينَهما , بأن لا يفترقا مهمَا كلّف الأمر

:::

​

ـ تجوف القمر؟

ـــ أييه , أكو صوب بيتنا

ـ لا لا , أكو صوب بيتنا

ـــ أكو أنا أجوفه هني عند بيتنا , قمركم مو صدقي

ـ أوهو .. إنزين

ـــ هههه , إنزين وش رايش في هالعزايَة

ـ ألّاي .. حليوة

ـــ لا تقعدين تجامليني , أصلاً مو حليوة

ـ أدري مو حليوَة .. بس ما بغيت أضايقك

ـــ طالع , قايل لش لا تجامليني , هي أصلاً حليوة

ـ أووهوو محمّاااد

ـــ هههه إنزين خلاص خلاص ..,

,

,
ــ سمعي .. بقول لش شي تدرين إبّه من زمان .. ترَه أحبش ها ​

:::


:الباب يُطرِق:
:يعود للواقع:

أخته الصغيرة تفتح الباب , تشاغبه "تبحلس عليه" وتخرج ..

الهاتف ملقًى على السَرير ,
لَم يتصل به أحد طوالَ اليوم ,

إهتماماته/مشاعره/دراسته/طموحه/نبض قلبه القاسي/حياته ..
كُل شيء لَم يعد كالسابق ..

إلا تلك الذكريات .. ذكرياتـ [ـه/ـها]


؛؛؛؛؛؛؛؛؛؛؛؛؛؛؛؛؛؛؛؛

[همسة]

إعذروني إن أفرَطت في الحزن/الحب/الجنون

×

فعلاً ..
"لَو لا الظَلام , لَما كُنا نرَى النجوم"​

 

[قمَر]

"أووهوو محمّاااد"
>> ذكرتني بـ شخض

رائع رائع بـ كل ما للكلمة للمعنى
تقبل "لصقتي" هنا ​

 

[Massat]

​

"أووهوو محمّاااد"
>> ذكرتني بـ شخض

رائع رائع بـ كل ما للكلمة للمعنى
تقبل "لصقتي" هنا ​

​

//

ما عندي إشكال ويّ اللصقة ..
بس إنتون تقبّلوا هدرتي هني ..
​

 

[موج هادي]

اندممممجت وااااجد ..

من المتاااابعييين ..



SUPER LIKE


ومو تحط شوي ..

نزل واااجد ..

​

 

[Massat]

اندممممجت وااااجد ..

من المتاااابعييين ..



SUPER LIKE


ومو تحط شوي ..

نزل واااجد ..

​

المشكلة إن الكتابة مو على كيفي , تعتمد على الظروف ..

بس إن شاء الله , ما أطوّل واجد ..

//

أهلاً بكِ أخيّة ..​

 

[Massat]

- إنتظار -

.
.
.

يتفحّص وجهَهُ في المِرآة ,

شفاهٌ جافّة ,
سوادٌ أسفل عيناه ,
ملامِح - لا تُشبهُه - مختبئَة خلفَ إبتسامة ,

.
.
.​

 

[Massat]

إعتياد

::


إعتدتُ الغيَابَ عنكِ ;
وعن الحيَاة , وعن ما لا أُحِب ,


.
.
.

​

*وإخترت عَدم الكتابة بلونٍ واحد ,
لتعلمي ما كنتِ تعنين لي ,
إن كنتِ تعلمين ما أعني !
​