البرزنتيشن (الشرح أمام الصف ) ||::|| لماذا لا يحبونه ؟

[[ .. UoB StuDenT ..]]

من قرات عنوان الموضوع جذبني ..

حقيقتن قبل الجامعة ما صادني ان اسوي برزنتيشن
قدام احد ما عدا كنت في دورة سبيكنج الانج كان في النهاية
كل واحد يعطونه توبيك و يتحجى عنه ..
و كان بالنسبة لي امر صعب و ارتجف و نبرة الصوت ترتجف مع
العلم من عدم وجود صعوبة اللغة عندي ..


اما في الوضع الحالي و كطالبة سنة ثالثة في تخصص منيجمنت
اعتدت ع الموضوع .. و سالفة الارتباك و هالسوالف
عديتها لدرجة لو شنو كان عدد الطلاب اللي قدامي ما يربكني
يعني هالكورس بس عندي ثلاث مواد برزنتيشن
و يصيرون على اكثر من محاضرة ..

ف الحين اصلا استانس لو قالوا فيه برزنتيشن في المقرر
و هالشي يمكن نستصعبه في البداية بعدين لما نعتاد عليه
نكتشف ان إحنا عدينا مرحلة الخوف و هالشي يساعد
حتى في المقابلات للتوظيف و التعامل في المجتمع

ف نصيحتي للي للحين عنده خوف من البرزنتيشن :
البرزنتيشن يساعد على بناء الثقة للشخص اكثر و اكثر
و راح تطلعون بنتيجة ترضيكم ....
ف اعتبروه شي عادي و كانك تشرح ل روحك الى ان روحك تستسهل الموضوع

وبس

تسلمين كود ع الموضوع النقاشششي الجميل ..
و عذرا ع الإطالة

 

[sadeq91]

قبل اسبوع قدمت برزنتيشن ، وهذي أول مرة أقدم في الجامعة ،،

بالعكس شعور طيب ،، وفرصة علشان الواحد يطلع ابداعاته ..

 

[..أتومآ..]

أكره لبرزنتيشن كره مو طبيعي ،
من أول مادخلت الجامعه وأني متجنبه هالسالفه ،
بس هالكورس عندي ماده شكلي بضطر أقدم فيها برزنتيشن ،،
أني أستحي أتكلم أو أشارك في السكشن بعد مو أوقف قدام الأوادم وأقعد أتكلم والناس ساكته و تطالع ،
مع إن كل إللي تناقشت وياهم عن هالسالفه قالوا إن ما يناسب عليي أستحي أو أخاف من هالشغله
جايفيني إجتماعيه يحسبون عادي أسولف قدام الأوادم :tears:..

إذا ربعي يقدمون برزنتيشن ، أني أستحي وأرتبك بعد مو أكون مكانهم ​

من إسبوع قدمت أول برزنتيشن ليي ، أول شي مارضيت أقدمه بس إضطريت أقدمه عن صديقتي "رقبتها عورتها حزة الحزه"

قبل بليله من البرزنتيشن دريت إني بقدمه :tears: ، رحت youtube وقعدت أطالع فيديوات ونصائح عن البرزنتيشن وإستفدت واجد ،
بعدها قعدت أتدرب على الكلام إللي بقوله ولبست كعب وقعدت أمثل بروحي في الحجره BD:

أول ما بدأت كنت شوي وبموت من الخوف والتوتر :surrender: ، بس الشي إللي ساعدني إني رحت السكشن قبل بمده وضبطنا كل شي
وتميت واقفه على ما الطلبه كلهم دخلوا السكشن ، حسيت هالشي سهّل عليي من إني أقعد وأقوم ومرّه وحده أجوف السكشن ممتلي ،

+ الشي الأهم إللي خلاني أقدمه بثقه ، إني ماحب الناس تجوفني متوتره و يحسبون ماعندي ثقه
هالشغله كانت أصعب عليي من سالفة العرض نفسها ، من جدي نجحت في المهمه
بالتوفيق جميعاً ​

 

[أحلى البنات]

الفصل الجاي نزلت مادة خاصة بالهندسة انج242

هالمادة عبارة عن ريبورتات + بريزنيشن ... الله يستر ههه

من عندة فكرة عن الريبورتات ّ ؟

 

[a.almdwb]

المشكلة مو في الطالب // المشكله في طريقة اعداد الطالب ،، السكاشن يتغلب عليها النعاس واللعب في التلفون وكل واحد في وادي ،، والسبب الـ theory زياده عن اللزوم ، من يدخل الطالب لين ما يطلع والدكتور مايسكت

حتى تلاقي ناس ما يعرفون بعض في السكشن لان يحرضون المحاضره يسجلون حضور فقط

الحل \
1- لازم يسون خطه توازن بين الثيوري و العملي ،، يخلون الدراسه على طريقه قروبب ،، محاضره يشرح فيها الدكتور ومحاضره ثانيه يعطي الطلبه حالة او مشكله تتعلق بالدرس ويتناقشون فيها ويوجدون حلول ،، بالاحرى يصير نقاش وحيويه في السكشن ، يشجع الطالب على الحضور .

2- بعد كل كورسين المفروض يكون فيه تريننغ او ورش عمل للطلاب واكيد يكون على مستويات كل ما يزيد الlevel يزيد مستوى التريننغ،، مو شرط يكون بره الجامعه ،، تقدر الجامعه تسوي مراكز داخل الجامعه تفيد الطلبه

حبيت الموضوع ،، هالمواضيع اللي تفيد الطالب
عندي مقترحات واجد،، تحتاج طلاب يبون يطورون روحهم ويطورون الجامعه ،، لان لو اعتمدنا على الجامعه ما راح نتطور

 

[zahra h]

استتتتتتحي


وبعدين استحي اشرح بالانج قدام بنات وصبيان مدرسه ما سويتها مو جامعه بعد
اخاف يعلقون
واوردي استحي
عندي برزنتيشن كل يوم ااجله لان حدي متفشله

 

[احمدو]

موضوع رائع جدا
البرزنتيشن شي مهم ومفيد جدا في وجهة نظري برزنتيشن واحد تستفيد منه اكثر من الكويز والامتحانات
بس في ناس وايد واناا منهم يحاولون يتجنبون البرزنتيشن بسبب الخوف والتردد والتعرض للإنتقاد
الي اول مرة يقدم برزنتيشن اكيد بيخاف ويرتبك لانه مو مجرب هالشي فيحاول يتجنبه قد مايقدر
انا عن نفسي للحين ماخذيت مواد فيها برزنتيشن لكن غصبا علي بقدم برزنتيشن
أنااجوف احسن حل حق مشكلة البرزنتيشن ان الواحد يتدرب وايد في البيت جدام اخوانه واهله ويتعلم طريقة الالقاء وترتيب السلايدات وما الى ذلك احس جذي بيروح الارتباك من الطالب
و اذا عن مشكلة اللغة ترى نص الأوادم مايعرفون يتكلمون انجليزي بطلاقة يعني هاي مو مشكلة عودة لكن مع الوقت الواحديتعود ولهجته تصير احسن
أنااجوف ان لو الطلبة يقعدون ويا بعض قبل البرزنتيشن بفترة يرتبون السلايدات ويحددون طريقة العرض ويجربون يقدمون البرزنتيشن بينهم وبين روحهم بيروح الخوف والارتباك منهم واكيد طبعا الطالب الي يقدم برزنتيشن اول مرة بيتردد لكن كل ماقدم برزنتيشنات اكثر بيتعود

بالتوفيق حق الي عندهم برزنتيشن وشكرا على الموضوع الحلو

 

[c o d e]

2- بعد كل كورسين المفروض يكون فيه تريننغ او ورش عمل للطلاب واكيد يكون على مستويات كل ما يزيد الlevel يزيد مستوى التريننغ،، مو شرط يكون بره الجامعه ،، تقدر الجامعه تسوي مراكز داخل الجامعه تفيد الطلبه

حبيت الموضوع ،، هالمواضيع اللي تفيد الطالب
عندي مقترحات واجد،، تحتاج طلاب يبون يطورون روحهم ويطورون الجامعه ،، لان لو اعتمدنا على الجامعه ما راح نتطور

اقتراح رائع , جدا جميل وفي الصميم !
يحك الطالب ويطور من مهاراته وقدرته على التواصل والتعامل مع الآخر

 

[Ali Hassan]

ما أعرف هذي المادة بس ما بحبها لأنها قد تحرجني كثيرًا و خصوصًأ مع طلاب مثلي ههههههههههههههه
​

 

[أوراد]

أنااجوف احسن حل حق مشكلة البرزنتيشن ان الواحد يتدرب وايد في البيت جدام اخوانه واهله ويتعلم طريقة الالقاء وترتيب السلايدات وما الى ذلك احس جذي بيروح الارتباك من الطالب

جربت هالطريقة ما فادت
في البيت قدام اخوانك واخواتك عادي متعودين عليهم فما تستحي منهم
غير في السكشن أول ما تقعد وتشوف لوجوه وكلهم جدد ترتبك وتنسى اللي حفظته وتتأتأ
اني في مادة كان بس طالبين وجوهم جدد عليي من شفتهم تخسبقت وقريته قرايه
مشكل اللي يستحون و ماعندهم ثقة بنفسهم

 

[d.e]

اللي يرتبك وقت البرزنتيشن ، وما يقدر يشرح باسترسال فيلجأ للقراءة من السلايدات ،
ترة في حل مجرب، درسوا البرزنتيشن كأنكم دارسين حق امتحان حفظوه حفظـــ
وبتجوفون الفرق لما توقفون وانتوا حافظين المعلومات اللي بتشرحونها /
لا تصبون اهتمامكم على نفسكم وعلى شلون يجوفونكم الطلبة
حاولوا تخلون هدفكم انكم توصلون المعلومة للطلبة والدكتور،
و ( رب اشرح لي صدري ويسر لي أمري واحلل عقدة من لساني يفقهوا قولي ) قبل البرزنتيشن واااايد تنفع خصوصا لما بنشرح بالانجليزي

 

[manooo]

لانه فيه احراج هههههههههههه جي جدام الطلبة وطلبات :mellow: ويمكن اقول كلمة غلط ويضحكون وجي :tears: وانحرج

 

[yagmur]

اللي يخليني ارتبك ...
إأخإأف ينتقدؤوني او يضحكون علي
او ما يعجبهم طريقة شررحـي

 

[sanabsy 15]

مجرد الوقفة أمام جمهور لا أستسيغها، نتغلب على الخجل بإذن الله

​

 

[3looy2jz]

ههه انه قصتي مع البرزنتيشن قصة

على ايام المدرسة كنت ماحب اقوم حق البرزنتيشن
لكن كان يدرسنا استاذ مال اجتماعيات , اهو يدري اني انه زين فالمادة
لانه اعتمد على الفهم مو الحفظ, كان يخليني اراجع فقرة معينة في دقيقة ويخليني اقوم اشرحها
وكان يقول ليي انه واجد زين وهالشي بفيدني فالجامعة وبعدها قام الصف كله يبي يسوي برزنتيشن >> متخرعين

 

[я є ι α x є]

في جآمعة البحرينَ ، يغلبَ طآبع الخجل في البدآية ، بس لمآ تجربَ أول برزنتشينَ رحَ تتعود بعدهآ
والجآمعة والدرآسآت تحوي كثيرَ منّ الموآد الِي تتطلب عروضَ فَ نتخطى الخجلَ ونوآصلَ

طبتمَ بخيرَ

 

[اللؤلؤة]

للحين مآجربنآ برزنتيشنات الجآمعة
بس جربت برزنتيشن حق معهد وكآن اول مرة صرآحه ماكنت مهيئة روحي مجرد أني سويت بوربوينت "انج"
وقمت اعود روحي ع بعض الكلمآت الكبيرة الصعبه لين ما أتقنتهآ حق ما أتوهق هنآك وصفنآ كأن فيه صبيآن وبنآت
ومن حظي الجمييييل اني صرت اول وحده اعرض
أول ماقمت قلبي كآن يدقدق طبووول وتوترت في البدآية
بس بعدين صآر كلش عادي واسترسلو ويايي
معني كنت كله أقرا
​

 

[rayoom]

الصراحه انا اتوتر حتى لو السكشن كل بنات يعني سواء بنات ولا صبيان هذا اهو التوتر ...
اتوتر باللغه شوي ادري اني اخربط بالانجلينزي وثاني شي ايدي كل احركها واعص على رجولي يعني توتر كاملي
يعني اذكر يوم مشروع التخرج حفظت الفقره وقمت اقولها ولا ادري شقول اصلا هع يعني عن نفسي واجد اتوتر ...
بس حاليا قاعده اشجع نفسي لان عندي ماده هالكورس يبي لها برزنتيشن وان شاء لله خير

 

[rayoom]

اللي يرتبك وقت البرزنتيشن ، وما يقدر يشرح باسترسال فيلجأ للقراءة من السلايدات ،
ترة في حل مجرب، درسوا البرزنتيشن كأنكم دارسين حق امتحان حفظوه حفظـــ
وبتجوفون الفرق لما توقفون وانتوا حافظين المعلومات اللي بتشرحونها /
لا تصبون اهتمامكم على نفسكم وعلى شلون يجوفونكم الطلبة
حاولوا تخلون هدفكم انكم توصلون المعلومة للطلبة والدكتور،
و ( رب اشرح لي صدري ويسر لي أمري واحلل عقدة من لساني يفقهوا قولي ) قبل البرزنتيشن واااايد تنفع خصوصا لما بنشرح بالانجليزي

لاذكريني مره قريت وحصلت زف من الدكتوره مو طبيعي :tears:
يعني بعد اطالعهم وافتر شوي واقرأ اتقول ماتبينا نقرا بس نطالع الجمهور الله على الجمهور عااد هم الي يخسبقون الواحد
ايااااام والله

 

[rayoom]

الفصل الجاي نزلت مادة خاصة بالهندسة انج242

هالمادة عبارة عن ريبورتات + بريزنيشن ... الله يستر ههه

من عندة فكرة عن الريبورتات ّ ؟

اني مابي انزلها بهالسبه
عباره عن مشروووع تسوينه ويتابعه الدكتور وخلااص بالاخير تسوين له برزنتيشن يعني حاله حال مشروووع التخرج