موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

مشكلة استيعاب ...!! << مقرر الإلتزامات - دكتور صبري

وينك يا حنون

Well-Known Member
تاريخ التسجيل
31 ديسمبر 2010
المشاركات
928
المجموعة
أنثى
الدفعة الدراسية
2010
الكلية
كلية الحقوق
السلام عليكم

عندي مشكلة و يا مقرر الالتزامات يدرسني دكتور صبري تدريسة لا غبار عليه بس المشكلة ما احس اني استوعب ساعات اضيع و المشكلة الامثلة اللي يشرحهم على السلايدات مو موجودة في الكتاب

شنو الحل افيدوني رحم الله والديكم :RpS_crying:
​
 
حبيبتي تقدرين تطلبين منه
انج تسوين كوبي بفلاش ميموري للسلايدات
لان هم اكيد مسيفين عنده بفلاش ميموري
او كمبيوتر السكشن نفسه ..

:smile2: ورجعي لهم ودرسي منهم
عادي يعني ماعتقد يقول شي :RpS_wink:
 
السلام عليكم
خيو عندي نفس المشكله لي عندش
لان اهو مغير طريقه الشرح لي كان يشرح فيها من قبل
بس اني في اول المحاضرات كنت ما استوعب لي يقوله
بس بعدين قمت اقرا ادرس وافهمه قبل مادخل المحاضره وانتبه له واكتب الامثله والجواب لي يقوله
وامشي وياه ولي مافهمه اسأله او اسأل البنات
واذا ماتعرفين تكتبن وتسمعين اكتبي الجواب مال المسائل وبعدين اخذي من عنده السلايدات
 
طريقة نقـاء الورد صح ...

الاعتماد على شرح الدكتور وحده غير كافي ... اممم طبعي السلايدات واقري من الكتـاب واي شي مو فاهمته سأليه عنه .. ترى دكتور صبري صدره وسيع ويحب الطالب المهتم والي يسأل وايد
 
خيوتي سلايدات دكتور صبري انا حاطتنهم بمكتبة القسم اهني روحي طبعيهم
و اقرأيهم جيدا قبل المحاظرة و لما ترجعين بعد المحاظرة عيدي عليهم و كتبي وياه الكلام اللي يقولة في الحصة

و ترى شرح الدكتور ممتاز بس لازم تبدليين عناية في الموضوع درسي اول باول و ترى لكتاب ما ينفهم عدل وواجد متعمق في الموضوع درسي من لسلايدات و اهم متوفرين لك و بتمشين عدل و اذا حسيتي روحش بعد مو فاهمة شي كتبي الشي اللي مو فاهمتنه و بشرحة لج اذا الله اراد اوكي:smile2:
و هذي الوصلة
https://www.uob-bh.com/forum/downloads.php?do=file&id=1523
 
اي صح :(
عندي نفس المشكله
 
اناعندي نفس المشكله الماده كريهه :(
ادرس عند د جميل


CENTER][/CENTER]
 
سؤاااااااااال حق نجيم
هالملزمه تبع الدكتور
اهي نفسها اللي وزعها على الطلبه السنوات الماضيه ليعتمد عليها الطالب في دراسته لكل الامتحانات ؟؟؟
هل هي كافيه الاعتماد عليها حاليا !!! لا اقصد للمنتصف
اقصد نعتمد الدراسه اليوميه منها عشان نكون على علم فيما يشرح ولنكن مستعدين للكوزات وغيره !!!!
ل تجوفينها شامله مو ناقصه !!!
 
اي يارزين .... انا ما اعتمدت الا على المذكرة ويبت في هالمادة A .... ما يالنا شي في الاختبارات خارج من هالمذكرة
 
اي يا رزين هذي اللي عطانا اياها الدكتور و ما اعتمدنا الا عليها و لكتاب ترى معقد
بس انتي اول درس بالنسبة للملزمة للجانبين و جذي اول صفحة مو واضحة عدل كتبي معاها اللي قالة الدكتور في السكشن و بس
و الباقي عليها
انتوا افهموا لا تحفظون
لما تجون بتدرسون كله خلوا مثال قدامكم انتي بائع و احد مشترى و طبقي الموضوع عليكم و بس
:smile2:
 
طيب كتاب مدني واحد
النسخه القديمه الي لونه ابيض ينفع ادرس منها ولا شوي مختلف ؟*
 
ما ادري
انا اذكر على ايامي اخذنا الكتاب صغيير و في الوان يعني لونها زيتي
ما عمري شفت للمدني ملزمة بيضه
سالي الدكتور

و لا تنسون ان د خالد جمال يدرس كتابه فلا تخلطون بالكتب

و اصلا احنا عند صبري اخذنا الكتاب و لا فتحناه لان صعب ما درسنا الا من المحاظرات و جبنا واجد زين
 
شعب عند برزينتيشن عن موضوع الأدب العامة

و عجزت ادور كتب حصلت كتاب واحد و الدكتور يبي اقل شي 3 مراجع ممكن تعطوني فكرة شنو اكتب في محرك لابحث قوقل او وين ممكن احصل كتب و شكرآ جزيلآ لكم
​
 
قوقل ما بتحصليين

روحي مكتبة الجامعة اللي في كليتنا
و كتبي الاداب العامة بتطلع ليش الف كتب تتكلم عن هالموضوع و اخذي
 
رحت ما في ​
 
كتبي مصادر الالتزام
بيطلع ليش كتب غير كتابنا و لازم بتحصليين مقتطفات عن الاداب العامة

و الدكتور اهو عاطيش هالبحث لو انتي تبين تسوينة اذا انتي المفروض اول تجمعين المراجع بعدين تبتدين:smile2:
 
اي لون الكتاب زيتي واجد صعب
 
لو سمحتون ممكن احد يشرح شروط اثر الإكراه ؟​
 
اكا الشرح
شروط اثر الاكراه : اول عرفي معناها يعني على اي اساس اقول ان هالفعل اللي صار اكراه

مثال : احمد يهدد بالسكين ليقتل سلمى على ان تهب له المنزل
شوفي هذا الفعل اكراه لو لا ينطبق ع التعريف الا اهو اجبار شخص من غير حق حتى يقوم بعمل لا يرضى به مو له

انزين تعالي انشوف في هالمثال وش لازم يتوافر عشان يصير اكراه

اول لازم يا الخطر يصيد اللي يباه يتعاقد مثالنا هني سلمى او احد اقرباء سلمى او في مالهم (( في مالهم يعني يهدده ان يحرق حديقتها و هيك شي ))
1- ان يكون الاكراه حالا (( يعني متزامنا )) في مثالنا هذا ان احمد اللحين اللحين قاعد يهدده بالسجين سلمى عشان توقع عقد الهبة يعني تعاصر الاكراه مع الفعل المكره للقيام به فهمتيين . على هالاساس ما يصير تجينا سلمى تقول ان هذا اكرهني و خلاني اوقع العقد لان قال لي باجر بجيب ليش سجين بخليش توقعين ((جدي فهمتين)) او مو جدي مثال اوضح ان سلمى اصلا وهبت بيتها لاحمد عقب جم يوم احمد قام يهدد سلمى ان يقتل بنتها اهني ما يصير اتقول ان هي وهبته البيت لان يهددها بقتل بنتها لا لان اصلا التهديد صار عقب القيام بالفعل .. اوكي اذا ما فهمتين بعد ردي قول ليي:rolleyes2:

2-ان الاكراه اللي يسويه احمد كما في مثالنا لازم يكون جسيم خطيير يعني يهددها بسجين و بيقتل و شي خطير لازم مو يهددها اذا ما وقعتين بعطيش كف هذا ما يعتبر اكراه:RpS_tongue: و يقولون ليش هالموضوع يختلف باختلاف جنس الشخص يعني اللي يخوف المرأة و يسلب ارادتها مو شرط ان يخوف الرجال و بعد بالنسبة للمكانه الاجتماعية مثلا اذا جيتين لواحد فقير عدل و تقولين ليه باخذ معاشك اللي يسوي 150 دينار يا اما اللحين تكتب البيت باسمي هذا يعتبر اكراه لفقير ممكن لكن لو واحد معاشه 1000 دينار و تقولين يا تاخذين 150 و يكتب بيته باسمه هذا لو كتب البيت ما يعتبر مكرة لان المبلغ بالنسبة لي ولا شي بالنسبة لمكانته الاجتماعية ... اوكي

3- لازم يكون غير مشروع يعني واضحة يعني موان يجيش حرامي ان تنازل عن شغله لشرطي بالنسبة لشي متفقين عليه لاننفس الشرطي يلاحقة لكن بحكم من القسم هذا فعل مشروع الملاحقة فما راح يدخل في الاكراه

4-لازم هذا فعل الكراه دافعا للتعاقد
يعني لو لا احمد لم يهدد سلمى لما وهبت سلمى بيتها لاحمد
واضحة بعد لا

و يقولون ليش بعد مو شرط ان يصدر الاكراه (( يعني الفعل ،التهديد )) من الشخص اللي بيتعاقد معاه المكره عادي لو كان من شخص غير
يعني في مثالنا مو شرط احمد اهو اللي اكره سلمى
يصير ان زوجه احمد (( سنفورة )) اهي قامت بتهديد سلمى حالا بالقتل لو لم تهب زوحها المنزل
لكن لازم في هالحالة ان احمد يدري ان وجه سنفورة اكرهت سلمى عشان توهب البيت ، او كان بامكانه ان يعلم شلون يعني يعني ان يتوقع ان مرته بتهدد سلمى مثلا شافهه تبرز عدتها من الليل او سمعهم يتشاجرون حول هالموضوع من قبل

و هذي هي شروط الاكراه

و اذا في اي شي مو مفهوم عادي نوضحة ليش اكثر:smile2:
 
الغبن لازم يكون مقترن باستغلال او تدليس
الا في استثناءات انه عادي الغبن مايكون مقترن
الي هو اذا كانت الدوله مغبونه او او او
٥ استثناءات عدل؟
 
عودة
أعلى أسفل