اكا الشرح
شروط اثر الاكراه : اول عرفي معناها يعني على اي اساس اقول ان هالفعل اللي صار اكراه
مثال : احمد يهدد بالسكين ليقتل سلمى على ان تهب له المنزل
شوفي هذا الفعل اكراه لو لا ينطبق ع التعريف الا اهو اجبار شخص من غير حق حتى يقوم بعمل لا يرضى به مو له
انزين تعالي انشوف في هالمثال وش لازم يتوافر عشان يصير اكراه
اول لازم يا الخطر يصيد اللي يباه يتعاقد مثالنا هني سلمى او احد اقرباء سلمى او في مالهم (( في مالهم يعني يهدده ان يحرق حديقتها و هيك شي ))
1- ان يكون الاكراه حالا (( يعني متزامنا )) في مثالنا هذا ان احمد اللحين اللحين قاعد يهدده بالسجين سلمى عشان توقع عقد الهبة يعني تعاصر الاكراه مع الفعل المكره للقيام به فهمتيين . على هالاساس ما يصير تجينا سلمى تقول ان هذا اكرهني و خلاني اوقع العقد لان قال لي باجر بجيب ليش سجين بخليش توقعين ((جدي فهمتين)) او مو جدي مثال اوضح ان سلمى اصلا وهبت بيتها لاحمد عقب جم يوم احمد قام يهدد سلمى ان يقتل بنتها اهني ما يصير اتقول ان هي وهبته البيت لان يهددها بقتل بنتها لا لان اصلا التهديد صار عقب القيام بالفعل .. اوكي اذا ما فهمتين بعد ردي قول ليي
2-ان الاكراه اللي يسويه احمد كما في مثالنا لازم يكون جسيم خطيير يعني يهددها بسجين و بيقتل و شي خطير لازم مو يهددها اذا ما وقعتين بعطيش كف هذا ما يعتبر اكراه

و يقولون ليش هالموضوع يختلف باختلاف جنس الشخص يعني اللي يخوف المرأة و يسلب ارادتها مو شرط ان يخوف الرجال و بعد بالنسبة للمكانه الاجتماعية مثلا اذا جيتين لواحد فقير عدل و تقولين ليه باخذ معاشك اللي يسوي 150 دينار يا اما اللحين تكتب البيت باسمي هذا يعتبر اكراه لفقير ممكن لكن لو واحد معاشه 1000 دينار و تقولين يا تاخذين 150 و يكتب بيته باسمه هذا لو كتب البيت ما يعتبر مكرة لان المبلغ بالنسبة لي ولا شي بالنسبة لمكانته الاجتماعية ... اوكي
3- لازم يكون غير مشروع يعني واضحة يعني موان يجيش حرامي ان تنازل عن شغله لشرطي بالنسبة لشي متفقين عليه لاننفس الشرطي يلاحقة لكن بحكم من القسم هذا فعل مشروع الملاحقة فما راح يدخل في الاكراه
4-لازم هذا فعل الكراه دافعا للتعاقد
يعني لو لا احمد لم يهدد سلمى لما وهبت سلمى بيتها لاحمد
واضحة بعد لا
و يقولون ليش بعد مو شرط ان يصدر الاكراه (( يعني الفعل ،التهديد )) من الشخص اللي بيتعاقد معاه المكره عادي لو كان من شخص غير
يعني في مثالنا مو شرط احمد اهو اللي اكره سلمى
يصير ان زوجه احمد (( سنفورة )) اهي قامت بتهديد سلمى حالا بالقتل لو لم تهب زوحها المنزل
لكن لازم في هالحالة ان احمد يدري ان وجه سنفورة اكرهت سلمى عشان توهب البيت ، او كان بامكانه ان يعلم شلون يعني يعني ان يتوقع ان مرته بتهدد سلمى مثلا شافهه تبرز عدتها من الليل او سمعهم يتشاجرون حول هالموضوع من قبل
و هذي هي شروط الاكراه
و اذا في اي شي مو مفهوم عادي نوضحة ليش اكثر
