بسم الله ابتدينا
اني قصتي قصة مع الليسن
فبكتب قصتي كامل لان كله تعسيير
في البداية قلت ما ابي الا مدربة بعد مدام المرأة موجودة ما في مبرر ان اروح لرجال
انزين مني مناك صديقتي قالت ليي عن مدربتها
اتصلت لهالمرة الله يستر عليها و قالت ما عندها مجال فقلت ليها اني اوردي ما قصيت الكجة اول احجز بعديين اقصها و اتفقنا على هالسالفة
في يوم من الايام و بعد شهور اتصلت فيني هالحجية و قالت ليي ياللله برزي روحش خلال هالاسبوعين بدربش و قصي كجة
و اني ما وسعتني الارض من الوناسة و رحت يوم ثاني قصيت الكجة و حظي ذاك اليوم قوي ذخلت في نفس اليوم محاظرة شوف السرعة
و اتصلت ليها في نفس اليوم اني خالصة الا تقول يومين و بدربش
صار وجهي جذي
و مر يومين و لا اتصلت فيني ما عبرتني
اتصلت فيها قالت ليي هالاسبوع الجاي بدربش
صرت جذي
جك جاك كملنا 3 اسابيع و لا صوت و لا حس
قمت اتصل طرشت ليه مسجين
اذا عليش ضغط خبريني بحارس ابدا عمك اصمخ
و لا ترد و حاقرة
طفنا ايام و ليالي
اوهوو
اطرش ليها مسج اذا ما بتدربيني خبريني بدور واحد غير
يوم من الايام خلاص وصلت لفوق عندي
جان اطرش ليها ان انتين بما معنى منافقة وعدتيني و خلفتين
جان تتصل و تسبني سب ما عمري سمعته و تقول عني سليطة لسان و اني صرت مثل الروتية :tears: اني سليطة لسان اصلا متى شفتيني عشان تسبيني
يوم ثاني ابتدي اتصل من مدربة لثانية قصيت الكجة لا تخلص سنتي و اني قاعدة و مسوية روحي فهيمه ما قصيتها الا اذا بتدرب
جان اصير مثل حالتهم
من مدربة لثانية و الا تقول سوري ما ادرب جامعية دوامي يخلص وحدة(( متى سووا ليش دوام بعد
))
و الا تقول لا ادرب كل المناطق الا دواركم ((عشتوا
)) و اذا قلنا ليهم بنجيكم المدرسة يتلككون و يهرهرون
و الا مغيرة فونها و كله مغلق
و اخيرا الدنيا صارت سودة في وجهي و حسيت اني ما راح اتدرب
عاد يوم صرت جذي
جان الوالد الله يحفظة يقول ليي قايل ليش من البداية ما ليش الا فلان درب خوانش و خواتش و انتين مسوية روحش كلش
فقلت ليه خلاص شوفة (( طبعا فلان يصير صديق ابويي ))
كلمه ابوي يوم يوم ثالث اني متدربة (( شوف الواسطة
))
المهم هذا الرجال يحسبنا بحسبة بناته و اولادة يعني يدربنا على ما يكون هو فاضي لان عنده ان احنا اهل
و كل اسبوعين اتدرب مرة كل 15 يوم كل 10 ايام
و ما يدربني الا ساعة
بس ترى تدريبه ممتاز ما ينعاب
و اول ايام التدريب كان يقول لابويي لا تروح كلها ساعة اركب السيارة
و ضرب هدرة و سوالف و اني قاطه ادوني و لا اتعلم عدل انسى لان انتبه لسوالفهم هههههه
فابوي قام يقول ليه الايام اللي عقب انه بيروح يشتري اغراض و بيرجع عشان اتعلم
و مرة كان يدربني برة ووصلنا عند مكان مزحوم عدل يعني و هو دوار جان يقولي تعلمي تخففين بالبريك احسن
جان اضرب بريك قوي و اوقف في نص الشارع و المدرب تطفر عيونه برة و ووجها يصير احمر من الخوف و ما ضلت سورة ما قراها
اشوة ما ورانا احد مسرع و الا دعمت وتشلخنا هههه
لكن بديين قالا لابوي ان ما نام ذاك اليوم من الخوف هههه
و اني كان و لا على بالي ما خفت ما كنت ادري ان برة عادي نندعم احسب نفس المدرسة عادي نخربط
المهم اني تدربت 15 ساعة(( لا تعلمون سر اصلا كان المدرب يقول ليي مو تقولين اذا سالوش في لتراي جم تقولين 15 يسوون ليي سالفة بس اللحين ما تعرفون اسمه فقلت)) بس تاخرت وقت التدريب عدل لان من بين الساعة و الساعه دهر
المهم و اخيرا اخذت الليسن و استانست كان ثاني محرم السنة اللي طافت و اللحين صار ليي سنه و شي من اخذت الليسن و احارس يشترون ليي سيارة خاصة حقي
ادعوا لي
و هذي قصتي(( طويلة ))
موضوع جميل رجع ذكرياتي
يسلمو
من التدريب ها ركزو اشوي 
قلت له لا تودي ولا شي ع الغربال اللي غربلني اياه ؟
مافي سيارات جايه
انتين!! ماتعرفين شيء اقول احسن شيء انسحبي
