بالعكس المجتمع جدا نظرته تختلف في الفترة الحالية و الوعي اكثر و حتى الاطفال في المدارس مو مثل قبل بالعكس انا اعرف طفل عايش حياته عادي اهو يصير صديق ولد اختي و ولد اختي يحبه عدل و كله يتحجى عنه و كلش ما اتوقعت ان يستعمل كرسي متحرك ... فهذا تغيير ايجابي في المجتمع
بالنسبة للمدرسين و اه من المدرسين و اسمح لي للاسف الكثير منهم ليس عندهم لا تعليم و لا تربية و يؤسسون عقد عند الافراد بس شوف عددهم قليل جدا بالنسبة للي عندهم نظرة ثاقبة و متتطورة ... المفروض ما تخليه يحطمك و تواصل طموحك بغض النظر اهو واحد و نظرته مو مهمة
^
^
^
بتقول اللي ما عاش حياتي مستحيل يقدر يشوف الناس شلون تشوفني و الخ الخ الخ و اكييد بتقول كلام و الكلام كثيير
بس بقول ليك
انا عشت حالة عجز جسماني مدة اسبوعين (( بسبب حادث الله يكفينا و يكفيكم الشر))
صادتني رضوض في يدي و رجولي اليسار رضوض قوية اقوى من الكسور نفسها ما كنت اقدر احركهم و لا شي بس ممدودين و فقدت قدرات طبيعية بسبتهم في ذيك الفترة طبعا .. و كان علاجهم بس ان كريمات بس انا كنت اصر ان اصلي و انا واقفة عشان احركهم و هذا توصيات الدكتور قال عشان ما احتاج علاج طبيعي و لا غيرة و بسرعة ارجع نورمل
المهم انا كنت ادري ان بس مال حرارة الضربة و جذي هذا وضعي و بالكثير شهر و برجع نورمل مثل ما كنت
رحت المدرسة عشت حياة كرهت روحي فيها صراحة
يمكن المعلمة حتى لو بالغلط تقول كلمة ما تعجبك اصلا
كانوا يخلوني بروحي في السكشن على اساس اني ((
حالة خاصة )) و محد يقعد وياي كنت يوميا ارجع البيت اصيح ان ما يقعدون احدد وياي و كانت هالكلمة تجرحني بشكل مو طبيعي شقصدهم حالة خاصة
و كانت فترة امتحانات عملية .. في الاحياء طلع لي تشريح العيون و كنت مستانسة احب هالسوالف اني صراحة المعلمة ما رضت قالت لي انتي حالة خاصة ما تقدرين مع اني اقدر استعمل يدي اليمين و خلوني بس ااشر
و من الطالبات اللي استغلت وضعي ما كانت تحبني جت و ضربة رجولي و راحت لربعها فرحانه ان عورتني شدعوة (( لين طاح الجمل كثرت سجاجينة ))
و كل هالاشياء كوم و اللي صار كوم ثاني ... هذي ممكن اعتبرها حساسية زايدة
وصلنا امتحان رياضة عملي
كانت مدرسة كلية و المفروض يقيمونها على التربية مو بس الرياضة
المهم
شقالت لي قدمي امتحان قلت لها ما اقدر وضعي ما يسمح عقب اسبوعين بقدمة عادي
الا تقولي و الله انتي تتكسرين و اني ابتلش و ويش اللي يضمني ما تضلين جذي مكسرة طول عمرش و ما بتقدمين انزل ليش صفر و لا افتكر ... اهني حسيت روحي صغييرة وحدة و لاشي حسستني ان ما برجع مثل قبل ابدا و انا واثقة من وضعي
عاد اهني ما حارست اوصل البيت فقعتها صياح من المدرسة ما سكت لين ما رحت البيت و ارتفعت حرارتي و اللي يقولي مو على كيفها و اللي يقولي شعليش منها و الخ الخ الخ .
لكن انا ما سكت هدأت شوي فكرت في الموضوع ... مستحيل هذي تكسرني او تخيبني او تنتقص مني
يوم ثاني رحت اشتكيت عند مدرستي الاصلية عليها و كيفها و ووصلوا الكلام للدكتور مالها و اكييد نقصوها في الدرجات
و حصلت 100 في الرياضة من دون امتحان
و لا افتكرت فيها
اني وحدة اعرف روحي و حتى لو تميت جذي ما بتهمني وحدة ما راحت و لا جت و لا عندها اخلاق
شهر تميت عقبها فيني ثقلة في يدي
و بعدين رجعت طبيعية ....
الحمدلله رب العالمين على حال
^
^
^
قصة طويلة عريضة
بس بغيت اثبت ليك ان المفروض ما تهتم لكلام اي مدرس او شخص و تفرض ذاتك عليه و تراويه شغل الله
حتى لو كنت منكسر من داخل
و بس هذا اللي حبيت اوصله
