نقاش مقترح: منع تداول الـ Test Bank في الموقع (شاركنا الرأي)

[UOB-BH]

منذ فترة وأنا أستلم رسائل على البريد وعلى الرسائل الخاصة تتطرق لموضوع منع الـ Test Bank في المنتدى والمكتبة، كذلك يدور حوار في قسم المشرفين منذ فترة عن هذا الموضوع. عن نفسي لست قريبا من البيئة الجامعية ولا نتعامل في كلية الهندسة مع ما يسمى بالـ Test Bank لذلك قد لا أقدّر مدى تأثير وجوده هنا على الطلبة، من جهتي ومن باب المسؤولية أعدكم أن يتم الاخذ بنتائج هذا الموضوع، لو اخترتم أن يتم منعه نهائيا سيتم تطبيق ذلك.

سنطرح الموضوع للنقاش والتصويت مدة 10 أيام ثم سيتم تطبيق رأي الأغلبية، فأنتم من تختارون كيف تريدون لهذا الموقع أن يكون.

 

[hlwlw]

بالنسبة ليي عادي يعني ولا مرة استفدت منه وأغلب الاوقات ما ينفتح عندي
اصلا خلني اكمل دراسة عشان اتفرغ اشوف اسئلة التست بانك يضيع الوقت اصلا وآخر شئ ما يجيبون منه
بس يعني ويش السبب ؟ ​

 

[أكاونتية]

يمكن لو كان الموضوع قبل فترة جاان قلت ايي منعوو
لكن الحين بقول لا ما يحتاج
لأن الدكاترة خلاص اخذو فكرة ان التست بنك منتشر
وماا يجيبون منه
ولا بيتغير هالشي
فمآآ له دااعي المنع .. ​

 

[UOB-BH]

بالنسبة ليي عادي يعني ولا مرة استفدت منه وأغلب الاوقات ما ينفتح عندي
اصلا خلني اكمل دراسة عشان اتفرغ اشوف اسئلة التست بانك يضيع الوقت اصلا وآخر شئ ما يجيبون منه
بس يعني ويش السبب ؟ ​

السبب هو استلامي بين فترة وأخرى رسائل وايميلات تتحدث عن تضرر الطلبة من ذلك ..
كمثال، هذه إحدى الرسائل

السلام عليكم ورحمة الله ..

اخوي لاحظت في الايام الاخيرة ...
انا الطلاب بشكل عامم .. او بالائحرى الاعضاء
يطرحون مواضيع عن التي بي
وهذا شي جدا خطير ..
ع الاقل يسمونة مسمى ثاني ..
لانه الدكاترة يقروون المنتديات

والكورس الي فات اكتشفوا التي بي اتسرب بين الطلبة
والامتحانات ما يابوا منه ابد ..
واحنا الظلاب توهقنا ..
يعني ع الاقل .. يخلون ليه مسمى ثاني
كـ اختبارات سابقة ..
كـ امتحانات الاكتاب

للفائدة فقظ اخوي
انا الكورس لي فات كتبت لهم تحذير
وما سمعوا وتوهقنا في الامتحانات


والسموحة ادري مو شغلتي
بس هالشغلة تضر الكل

الموقع تم تأسيسه لخدمة الطالب ولا أود أن يكون سببا في تضرركم .. لذا أردت أن يكون القرار قراركم.

 

[qassoomy]

انا بعد برايي عادي

اصلا حتي لو اهنا منعنا الموضوع البنات ياخذون التست بنك للجامعة قدام الدكتور<< يعني ما قلنا شي:mellow:

و بعدين كل الدكاترة عرفوا بالسالفة يعني خلاص

و في الاخير برايي زين ان انفضحت السالفة لانة كان في ظلم كبير << ادري راح تعارضوني

بس عندي اسباب انا اخذت مادة في كلية ادارة اعمال و ما كنت ادري في شي اسمة تست بنك

اخذنة درجات المنتصف الكل فل مارك << يعني انا انجمدت في محلي

معقولة الكل جايب فل مارك بس انا ناقص درجات و الباقي و لا درجة ناقص مو معقولة دائما في السكشن في تفاوت درجات

طالب درجة ناقص الثاني خمس درجات و الثالث عشر و هكذة

في التست بنك اصلا مجرد راجعة و انجح و تخرج بدون ما تعرف و لا كلمة من اللي درستة

و راح ينظلمون اللي صدق شاطرين و معدلاتهم فوق

في واحد معدلة 3.8 كلة من التست بنك و واحد نفس المعدل بمجهودة << هذة مو ظلم << اكيد ظلم

و جذي راح نمحي طبقة الشطار و في النهاية ضرر للمجتمع لانة راح يشوفون نفسهم كالباقي


ادري طولت عليكم بس حبيت اوضح الفكرة

 

[hlwlw]

اممم احس واجد عاطين الموضوع أهمية
يعني خله يفترضون انه مافي شئ اسمه تست بنك
وبما انه انتشر فيعني خلااص مابيجبون منه ومثل قالوا الاعضاء فيه طلاب عباقرة يسألون الدكتور هل بتجيبون من التست بنك !
يعني انسوا التست بنك خلااص وعن نفسي ما أضيع وقتي كلش
​

 

[جمان]

اممممم برايي اتخلونه ..

لاني اعتمد عليه .. بس مو مثل ما قال قسومي ..

اعتمد عليه عقب ما اكمل مراجعتي بالتمام للمقرر واعتبره كتست لي ..

وما اعتمد عليه كمرجع مباشر واساسي للمراجعة ​

 

[UOB-BH]

اممممم برايي اتخلونه ..

لاني اعتمد عليه .. بس مو مثل ما قال قسومي ..

اعتمد عليه عقب ما اكمل مراجعتي بالتمام للمقرر واعتبره كتست لي ..

وما اعتمد عليه كمرجع مباشر واساسي للمراجعة ​

انا ماكنت أدري إن هالشي يتم تداوله بالسر وكأنه مخدرات
لما كنت بالثانوي كنت أطبع كل فصل فايل يحتوي أكثر من 1000 صفحة لإمتحانات سابقة لكل مواد الفصل حتى أن بعضها كان يعود تاريخه لـ 1990 (نحصل عليهم من وزارة التربية والتعليم)، كنت اسوي مثلج، أكمل دراسة الكتاب وأعيد عليه ويوم الثاني الفجر أبدأ أحل امتحانات سابقة واتوكل على الله وأروح أقدم الامتحان.

أنا كنت أظن التسك يانك مثل الامتحانات السابقة، كانت تجي أسئلة منه ومع هذا كان متاح للجميع وبعلم من الجميع. لكن بعد عدد من الرسائل فضّلت الاستفتاء لتختاروا بأنفسكم ما تجدونه مناسبا لكم.

 

[qassoomy]

انا بعد خلاصة كلامي كان ان يكون متاح للجميع

مو شخص يعرف و يستخدمة

و شخص ثاني ما يدري عنة

خل يكون عدالة و الكل يعرف في

 

[♑•.мзŗмăįԀ]

من وَجهه نَظري الخاصه : كل واحد عَقله في راسه يَعرف خلاصه ..
يعني الطالب الي عنده قدره يدرس 500 صفحة وفوق
يدرس نوت من جم صَفحة احسن ليه
عن نفَسي اقول ماله دَاعي .. ينِشالون من المنتدَى

لأن هو عَبارة عن مراجعة لا غير بالنسَبه لعدد كبير من الطَلبه
والي يَدرس منه واتضَرر .. يسَمح لي هذا غَباء ..
لان انت طول الكورس تدَرس وتتعب عمَرك وتحَضر محاضرات ليش ؟
علشَان تدرسَ شي تخليه كَوبي بيستَ في راسك .. ليوم الامتحان بس ؟

::
::
دَام السالفه انكَشفت / نقول خلوه للمراجعه بعد مانخلص دراسهَ كامل
::
::

مِسامحة ( طولت عليكم )
شَكرا صادق

 

[يَـآقـوتَ]

الامتحانات سابقة او مسمى تست بنك صار شيء عادي ومتداول بين الطلبة ووحتى الدكاتره يعطونا امتحانات سابقة
والغرض من الامتحانات السابقة تعرف عل طريقة اسئلة الامتحان وعمري ماقدمت امتحان شفته كوبي بست من امتحانات سابقه
صح ممكن نفس السؤال بس يجيبون فييه افكار غير تفر الراس , اني اتكلم عن كلية الايتي وماادري عن باقي الكليات

 

[قموووورة]

اممممم برايي اتخلونه ..

لاني اعتمد عليه .. بس مو مثل ما قال قسومي ..

اعتمد عليه عقب ما اكمل مراجعتي بالتمام للمقرر واعتبره كتست لي ..

وما اعتمد عليه كمرجع مباشر واساسي للمراجعة ​

+1
أني استخدمه بس للمقررآت اليي يدخل فيها حسآبات ومسآئل ... عشآن اتعرف على نوعية المسآئل بس ,, وأفتحه عقب ما اخلص من المرآجعه
أما مواد الحفظ مآ استخدمه لآن النوتآت والكتآب كفآية يعني التي بي مآ بيجيب شي زيآده

ومدآم أنه الدكآترة عرفوا بسآلفته من رأيي بس خلوه عشآن الطآلب يتعرف على نوعية الأسئلة اليي بتجيه ​

 

[jαғғαя]

عن نفسي مؤيد لمنع تداوله ولكن ليس بشكل كامل

فقط اختلف مع طريقة العرض الموجودة في المنتدى




​

 

[hlwlw]

صراحة توي ادري انه فيه اسئلة حسابات كنت احسب بس t f لانه كل مرة اقرا اول جملتين تلوع جبدي واصكه ​

 

[jαғғαя]

الطلبة اللي قالوا ان الدكاترة عرفوا بسالفة التست بنك وان اذا تم منعه ما راح يفيد

انا اختلف معاكم واخالفكم الرأي

صح ان بعض الدكاترة كانوا يعرفون ان الطلبة عندهم التست بنك بس ما كانوا يعرفون اي ادشن اللي عند الطلبة

لان التست بنك يتغير مع تغير الكتاب ويختلف من ادشن ل ادشن ثاني

لهسبب كانوا مطمنين نوعاً ما لانهم يجهلون الطلبة يدرسون من اي ادشن

بس لما تكون طريقة العرض مثل الموجودة الحين وعلى عينك يا تاجر .. اكيد بيعرفون اي ادشن اللي عند الطلبة !

 

[roger]

كنت ناوي أنزل موضوع بخصوص التست بنك لكن الأخ صادق سبقني ..

عن نفسي غير مؤيد لتداوله لا في المنتدى ولا في المكتبة , أول مادخلنه الجامعة كان الطلاب يتداولونهم في مابينهم عن طريق الإيميل و غيره ولكن بشكل سري بعيد عن السطح العام ..
لكن هالسنة الاحظ الدفعات الجديدة (البعض) يداولونه وكأنه نوتات أو ملخصات , حتى وصل لبعض الطالبات أنه تطبعه و تراجع فيه في قاعة الإمتحان أمام الدكاتره مما أدى الى الغاء التست بنك في بعض التخصصات وقيام الدكتور بإعداد الإمتحان بنفسه ووصلت هذه الإمتحانات الى درجة الصعوبة .

لو ترجعون الى أقسام الكليات بتلقون مواضيع واجد بخصوص التست بنك وطلبه من الأعضاء !!

للعلم : بعض الدكاتره في بعض الأقسام يدخلون منتديات الجامعة وهذا ما تأكدت به بنفسي وأعرف أكثر من دكتور ودكتورة يدخلون ..

 

[Saheb Al Qrar]

عن نفسي مؤيد لمنع تداوله ولكن ليس بشكل كامل

فقط اختلف مع طريقة العرض الموجودة في المنتدى

​

+1

 

[أشواق الروح]

آحسه في انتشاره ضرر آزيد من نفع
ومن ضمنه الكيرف دون اللي اندبحنا منه في البزنز


الحين كلش مااحتاجه ​

 

[UM SAYED 7AYDER]

مع انه منتشر بشكل كبير والدكاتره يدرون ان الطلبه عندهم اياه ..
الا ان للحين عدد كبير منهم يجيبون منه امتحانات ..

طول ما السكشن فيه تفاوت في الدرجات وفيه الناجح والراسب ..
الدكتور ما بيهتم اذا ناس عندهم التست بنك وناس لا ..
لان في الاخير الي يهمه ان تكون الدرجات ماشيه حسب الكيرف المطلوب من الادارة


فانه مع قرار منع تداوله فالمنتدى ^^

 

[the life]

يعطيك العافيه مديرنا
وتسلم لفتح المجال حق المناقشه
اني من وجهة نظري انه يكون في المكتبه
اول شي مواد الفهم مثل الاكاونت تبون الشي يجي كوبي بيست يعني؟
ثاني شي لو ما جابوه نفسه بيكون بس الأرقام غير
شاللي بيضركم في هالحاله؟
طريقه السؤال وعندكم والحل نفس ألطريقه بالأرقام غير
اما مواد الحفظ مستحيل يجيبون شي من بره الكتاب
هاه في شنو بعد تتضررون الحين؟
ناس واجد اشوفهم مقومين الدنيا والسالفه مو مستاهله ان يجي واحد و يتكلم بأسلوب مو شي عشان تست بنك!
أتمني وكلي ثقة ان الاداره راح تتخذالأجراء المناسب

والله يوفق الجميع​