مشكلة غلاء المهور و تكاليف الزواج

[sanabsy 15]

صحيح ، ناس واجد جذي ..
بس ما ينطبق ع الكل

مافيه فكرة يتبناها الجميع، لكل حالة شواذ ​

 

[قمَر]

هههههه صدق أنا سمعت جذي في مرمريز فيه عربة سندرلا، بس يكون السعر أغلى بواجد يعني ويه حجز الصالة، مادري عاد يقطينه جحايه بابايه بستفسر وبقوليكم ​

​

 

[التماس دعا]

مأتمنا شكله بلاش

 

[أوراد]

على سالفة العربة
ترى اني سمعت
ان يدخلون العروس على كرسي محمول ( مثل زليخة في مسلسل يوسف الصديق)
عاد الا يحملونها اخوانها وعمومها
صراحة ما اتخيل نفسي ادش جدي ههه
والله يساعد الا يحملونها بس
الصراحة احسهم متخلفين

 

[قمَر]

على سالفة العربة
ترى اني سمعت
ان يدخلون العروس على كرسي محمول ( مثل زليخة في مسلسل يوسف الصديق)
عاد الا يحملونها اخوانها وعمومها
صراحة ما اتخيل نفسي ادش جدي ههه
والله يساعد الا يحملونها بس
الصراحة احسهم متخلفين

الجنووون فنووون
وقلّة العقل مصييبة ​

 

[تنآهيد]

على سالفة العربة
ترى اني سمعت
ان يدخلون العروس على كرسي محمول ( مثل زليخة في مسلسل يوسف الصديق)
عاد الا يحملونها اخوانها وعمومها
صراحة ما اتخيل نفسي ادش جدي ههه
والله يساعد الا يحملونها بس
الصراحة احسهم متخلفين

وش شعورهآ يعني ؟ يازعم نيو فاشن ؟

أول مآقريت الموضوع مادري حقويه جآ في بالي إن العروس متينة ، جآن يصير حآدث مو عرس أستغفر الله :mellow:

 

[я є ι α x є]

كلمتينَ فقطَ أمتلكهمآ للـآنَ : [ القنآعة كنزٌ لآ يفنى ]
وفي مرحلة المقآبلة ، كل شخصَ يعرفَ شخصية الثآني ويتفقون مع بعضَ ويدرسُون الحآلة .
بسَ اللي يقهرَ ، لمآ البنتَ متعودة على الدلعَ وترفضَ الملكة لأن الرجآلَ على قدَ حآلهَ ، فيه نآسَ على قد حآلهم بسَ مآ يبخلون على زوجآتهمَ ، وفيه نآسَ عندهم خيرَ وبخلآء على زوجآتهمَ ، وكل بنتَ تعرفَ كم يكلفهآ التجهيزَ ونآسَ تتطمعَ في أكثرَ ، المهرَ المتعآرف عند البحآرنة 1500 إلى 2000 !
وبإمكآننآ نقول إنه زمآننآ اللي طآف يكتفُون بِ أقل من هذآ المهرَ لكن نعترفَ إنه الوضع اللحين وغلآء المعيشة تلزم الشخصَ يرفعَ المهرَ بس بحدَود وعدم المبآلغة وعليهم يقدرُون وضعَ الرجل بعدَ ، وأيضاً ، لمآ يحسَ الرجآل إنه قدَ مسؤولية بيتَ وزوجة وتكآليفَ يتقدم للبنتَ ومآ يقصرَ عليهآ بشيَ .
أهمَ شيَ تقديرَ حآلة الشخصَ والمرآعآة .

سلمتَ لمآ انتقيتّ

 

[أشواق الروح]

1- أ: كفتاة , كم تريدين مهرك ؟ و كم تتوقعين مجمل تكاليف الزواج ؟
ماكنت أدري جم التكاليف ولا أفتح الموضوع .. بس من جم يوم بنية تتكلم, كلفتهم الحفلة بكل شيء 7000 دينار
ماكنت أظن يكلف .. حسيت المبلغ عود وخصوصا اذا كان الشاب في بداية عمره لأن مو بس هو يتأذى حتى هي بتعيش وياه وعليه قروض وديون وتوهم ىبداية عمرهم.

2- ما هي ردت فعلك كفتاة لو أن أهلك ألزموا الشاب المتقدم لك بمهر فوق طاقته ؟
في تقاليد والمبلغ المتداول على ماأعتقد ألف والطايح ماادري ضيفه ماادري وش أسمه من 500-1000 دينار .. معظمهم ياخدون 800 أو 700 واذا نقص البنية بيتهم يساعدونها مراعاة للشاب, وسمعت عن هالشيء يطلبون المتداول ويساعدونها كهدية لبنتهم وخصوصا الحياة غالية مو نفس قبل.

3- برأيك , ما الذي يجب على المصادر التوعوية ( شيوخ , مؤسسات ثقافية) أن تفعله للحد من هذه المشكلة ؟
ماآحس مقصرين من هالناحية, بس لازم على الطرفين يتفهمون الحياة عدل!

خلفيتي كلش قليلة في هالموضوع
بالاخير الله يقدم اللي فيه الخير للجميع



​

 

[A.H]

أسئلة النقاش :
1- أ: كفتاة , كم تريدين مهرك ؟ و كم تتوقعين مجمل تكاليف الزواج ؟
عن الرسول صلى الله عليه و آله و سلم : (خير نساء أمتي: أصبحهن وجهاً، و أقلهن مهراً)
2- ما هي ردت فعلك كفتاة لو أن أهلك ألزموا الشاب المتقدم لك بمهر فوق طاقته ؟
اهلي ما يوقفون بطريقي !
3- برأيك , ما الذي يجب على المصادر التوعوية ( شيوخ , مؤسسات ثقافية) أن تفعله للحد من هذه المشكلة ؟
تقديم الندوات و غيرها ..

 

[3looy2jz]

السلام عليكم ,,
احنه في مجتمع مايكترث للمهر واجد
ولكن من وجهة نظر الشارع المقدس لازم يكون فيه مهر للمرأة بغض النظر عن المبلغ المطلوب فالمهر.
وانه من خلال تجارب واقعية شفت ناس مهورهم بعشرات الآلاف تنتهي بالطلاق والمشاكل العائلية المستمرة
وشفت ناس مهورهم قرآن وكم دينار (الوالد والوالدة) و جيراننا و عوائل اصدقائي و واجد ناس ومانشوف بينهم آي مشاكل على الإطلاق
وهاده ما يعني الي مهرهم قليل ماتكون بينهم مشاكل ولا معناته الي مهرهم كثير دائما يكونون في مشاكل تنتهي بالطلاق
ولكن هذا يعني انه المهر مو اهو الشي المهم فالحياة الزوجية .

 

[نبض الحرية]

ف اعتقادي ان المهر المتعارف عليه 1500 وناس تطلب اكثر !
بس مجمل تكاليف الزواج توصل لـ 4000 وساعات تزيد
باعتبار ان احين غلاء والعروس الجديدة لازم تحتاج شغلات
بس بعد هالشي ما يخليها تكسر ظهر الرجال
يعني المفروض الطرفين يتفقون على شي مقدور عليه
لأن ف النهااية أهم اثنينهم واحد ..
او بيعيشون وية بعض او بيتحملون كل شي وية بعض ..

موضوع رآئع وتعليقات أروع ...

 

[AliJalal93]

اي واله البنات وايد متفلسفين في سالفة المهر .. مايخلون الواحد يتزوج .. اللي يقول الحين متقدمين حق انجلينا جولي

 

[sanabsy 15]

اللي يقول الحين متقدمين حق انجلينا جولي

يا خوك تشبه بناتنا بهالنقط نقط ؟​

 

[rayoom]

يا خوك تشبه بناتنا بهالنقط نقط ؟​

+1
الحمدلله على نعمه العقل

 

[ولد عمران]

هالقضية صراحة مافيها شي ثابت, لانه تلاقي الصبي يقول انا بسوي كلشي, و البنية تقول اني بس امبي اتزوج.
باجر لما يوصلون ليوم الزواج, ذاك يقول ما عندي شي و ما يسوى, و ديك تقول يوم واحد في الحياة و امبي اسوي كلشي.

إلا ابا اوصل ليه, انه الواحد يغير كلامه في يوم و ليلة, الصبي إلا ما يبة يدفع او ما عنده, و البنية إلا تشوف غيرها عرست وسوت و ما سوت و و و تجي ليلة ثانية و تبى كلشي.

صراحة يا بختهم إلا يتفقون على البساطة

 

[التماس دعا]

صراحة ..

بعض البنات يبون ينتقمون من الشباب <لأنهم يسمعون ان الاولاد يسون جذي بعد الزواج ويضربون زوجاتهم وووووالخ..
فيبي ينتقمون بملاين..

او بعضهم يقولون مهورهم فوووق عشان يكنسلون (لأن مايصير يعطون في الوجه ويقولون للصبي لا مانعطيك الحب مالتك ههه) فيقولون واااااااااااااااااجد فووووق عشان يكنسلون <وبعضهم يقبلون مع ان المهر فوق واهل البيت ينصمون << مقتبس من الحلقات



اللهم ارزقني صم بكم عمي عاجزة صلعاء ....

 

[sanabsy 15]

إنّ الكريمة في الزواج لحرةٌ .. والحرّ يأبى أن يعيش مذبذبا
قلبُ الفتاةِ أجلّ من أن يُشترى .. بالمال لكن بالمحبةِ يُجتبى
أتُباعُ أفئدةُ النساءِ كأنها .. بعض المتاعِ وهنّ في عهْدِ الصبا!
هذا لعمرُ الله يأبى مثله .. من عاش ذا شَرَفٍ وكانَ مُهذّبا

الشاعر معروف الرصافي،

إهداء للقانعات الزاهدات اللآتي يُقدمنَ القلبَ على المال، ولا عزاءَ لغيرهن، وكذلك الكلام موجه لأهاليهن​

 

[sanabsy 15]

إهداء آخر، بيتان رائعان لنفس الشاعر في القصيدة نفسها،

لا مهرَ للحسناءِ إلا حبّها .. فبحبّها كان القِرانُ مُحبّبا
خيرُ النساءِ أقلّها لخطيبها .. مهرًا، وأكثرها إليه تحبّبا

وعقبال جميع العزابية
​

 

[نور المنامة]

مهر 1200 والطايح 800 هذا اللي متعودين عليه في العايلة ان المجموع الفين ، تكاليف الصالون لحفلة الخطوبة 120 اقل شي ،، مصاريف الملجة لين بدون المكان 700 ،، فساتين العروس 200 لفستان الخطوبة و 100 فستان ملجة،، ملاية الملجة 200 !! حنة 35 ،، الصالة 1000 مع كل شي يلا اجمعو

واني مقررة ان سوالف الملجة ماسويها عن نفسي لان ماليها داعي ،، يعني فقط مصاريف حفلة الخطوبة

 

[ahmed9ea]

و الله و انا اطالع ردود بعض البنات و الصبيان .......... صرت جدي الي تبي مهر 5000 و الي يبي مهر 500 !!! خخخخ محد بيقدر يوافق على الاثنين

المهم ببدي و بضرب يمين و يسار يعني في الصبيان و البنات

اولا البنات la:5
يعني صراحة لمن قال الاخ
وانتشر بشكل كبير الزواج من الأجنبيه وهاللشي ملاحظ بكثرة وكالعادة تنقال عبرة (رخيص وقوي) وبنت ديرتي (خلها تعنس).
و الي متفاجئة ان وحد يفكر ياخد اجنبية و الردود على التقليد و انواع البنات .....؟؟؟!؟!؟!

احيانا قد يكون حل الرجال الوحيد !!! فليش تقولون كلام ثاني يعني بس شوفو طلباتكم الي جمعتها من بعض الردود كوبي بيست
مهر تبون 1500 --في ناس قالو 5000 و ناس قالو 4000 بعد
ذهب بتدفه 1000
فندق 2000
فستان 500
حنة و اغراض زواج 1000
سفرة عجم 500 دينار
ديجي و ما ديجي 150 دينار
التصوير 200 للاستيديو
التصوير 200 للصالة او الماتم
التسريحة 150
باقة الورد 50
سفرة العجم 200
الجلوة في حدود 500
المسرح في حدود 200
ما شاء الله حسبتون كل شئ المهم الرجال بيدفع
طبعا و الرجال يبي ليه شئ البسيط الي حتى ما ذكرتونه و الله هاملين الرجال على هذي ال700 دينار للماتم و 300 دينار قول بياخد بدلة راقية او ثوب رزة هذا اذا ما لبس فياب العيد الي طاف لان الزوجة ما خلت شئ ليه !!!

طبعا الليله خاصة للبنت بس يعني محد قال ليله خاصة للرجال بكمل نص دينه و بتدخل المرأه حياته و بصير ليه شريك و الله الزواج من طرف واحد بس ؟؟ ولا ليه اعتبار في السالفه و لا في حسبة البيزات

بس هذي مصاريف الليله لالالالالالالا يالنسيب توك امبدي مطولين وياك اليوم
تعال شهر عسل او سفرة و شوف جم بتدع سيارة و تبي اثاث للبيت --وقف وقف وقف اي بيت الي تتكلم عنه ؟؟؟؟؟ اهااااا تقصد الشقة طبعا محد يدري ان الشقه بيندفع فيها 10000 فقط عشان تحط جمن ايسي و تلفزيون --
حسبتون بس الي صوبكم و صوب الرجال الطوفه الهبيطة بس الى تاريح 26 تاكلون معاشة و تقولون عنه لرفيقاتهم بخيل !!!!!!!

المهم انواصل
سيارة 5000 اذا كانت متساهلة و اذا مثقلة اعرف ان دربك طويل يالنسيب
اثاث جديد طبعا شقة بنيتها بعد الامرين و هي متر في متر بتحط فيها 3000 دينار اثاث !!!!
سفرة هني البنات يقولون بنتساهل و يمقن يطوفونها لك و ما يسافرون بعد ما عرفو ان المخبة انشق و الرجال باع شحمه و ما صار عندة شئ يبدي التساهل ......

طبعا انا انقهرت حدي و لمن انا انقهر انا اتفاجئ اني اقهر لان صعب صعب صعب اني يتم اثارتي عصبينا دائما هادئ
لمن قالت احدى الاخوات شوفو الدول الخليجية كم مهورها
اييييي اكيد اختي جوفو كم مهورها !؟!؟؟!!؟!؟!؟!!؟!؟!؟
ما اقول ليكم تطالعون الي صوبكم بس و الرجال الطوفه الهبيطة الي مو حاطين ليه شئ في المقسوم .........
الدول الخليجية الثانية البيت تاخدة بسهر شقة في البحرين لا و فلة بعد و الحكومات تعطي اعانات للمتزوجين مو تاخد قروض و اذا كنت مقبل على الزواج الداوين الحكومية تساعدك

وين الكلام هذا هني ؟؟؟؟؟؟؟؟؟؟؟؟؟؟؟؟؟
ما ابي اطول في الكلام عشان ما اغلط
ما اقول الا الله كريم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المهم
نجي للصبيان مع ان البعض يعني شوي قام يجيب اشياء خيالية
طبعا في ناس قالو اسعار
يعني الي يبي يتزوج باقل من 4000 --طبعا 4000 رقم من عندي انا خليته كلlimit -- طبعا لكل الصبيان الي راحو بعيد و بعدهم يتفلسفون بعد و زيادة عن الزوم و وصلو الى دينار و اربع ربيات و نزل الى خمس ربيات احس كلام اسفزازي فقط
بس ابي افهم انته تتطنز له !؟!؟.... مو صدق له ؟@@؟

بس صراحة ظلم كبير للمسكينة بهذا السعر
ويش تبي تسوي ليها و الله لو كل الحفلة في ماتم بعد بتطوف ال 4000

و الي قامو يتكلمون بشكل ديني لو يشوف كلامك هذا رسول او امام جان كان الرد قوي
يعني قلنا الرسل و الائمه كانو زاهدين بس زمانهم غير زمانا و متطلبات العيش الان غير متطلبت العيش في ذاك الزمن
و اذا بتتكلم عن الجانب الايماني فكلامك غير عادل ابدا بحق هذه المسكينة وين العدل ....؟؟
و عن الاسراف اخويي هدي اعصابك
انته بتشتري اكل ب 400 دينار ؟؟؟ بتجيب ناس لو بتعشيهم بتدفع 800 يعني لا تقول اسراف ........
و مهما كانت البنت ملتزمة دينيا تبي تكون ليله عرسها راهية و شئ تذكرة

و ما انكر في من جانب الذكور ناس طلعو بخل مو طبيعي طبعا شموخ البنات بيكسرونة-- شموخ البنات خخخ --طبعا البنت لزم تكسر هذا البخل من البداية و اذا سكتت هذا غلطش او لا تقبلين ابه اخرته بيعتدل لان ما في بنية بتقبل على زواج ما بتقبل فيه اي بنت ثانية لا مؤمنه و لا حتى لو كانت اية الله في الايمان و حتى لو كانت اكبر فاطمية ..... في النهاية المرأة مجموعه احاسيس لين ما بتعاملها صح بتجرحها و اي شئ راح تاخدة كتقليل من مقامها و ما اعتقد اي بنت في هذا الزمن بتقبل بشروط تهين فيها المرأة امامى باقي البنات و ان مقامها اقل من مقام باقي البنات ؟؟ يعني ما اقول سوو ليها عرس ب 15000 دينار بس اقول سوو شئ جميل تخلي المرأة تستانس

المهم
في كثير من الذكور ما زال يريد معاملة المرأة كما في الجاهلية ....... يالنسيب احنا في 2012
الموهم نواصل
قد ما كان لردود الذكور استفزاز كبير و انا كرجل لا اقبل تطبيقه على نفسي
كان بعض الذكور هم اكثر اصحاب الردود الي عجبتني و يمكن تطبيقها
الحييييين وصلنا
الي متفلسف على كل الردود وش يمبي ؟؟؟؟؟؟ اهااا طبعا الي متفلسف هو انا .........

انا بخليها تسوي الي تبيه بس في حدود 4000 دينار--بدون حسبة المهر الي بكون 1000 الى 1500--- يعني كامل 5500 ........
و باقي البيزات ؟؟؟؟ اول جم يوم من الزواج في البحرين و سييدة......... ابي اخذ زوجتي و اهرب ابها بسافر وياها مكان حليو و جوه تمام بس انا وياها 20 الى 30 يوم
في النهاية انا الي بتزوج مو رفيقاتها و لا ربعي البيزات الي بتضيع في حفلة على عفسة اصرفها على زوجتي افضل

في النهاية
ما ابي احد يزعل من كلامي يس بعض الردود لا ينسكت عنها و بعضها مرحة